29 mar 18:43idman

Azərbaycan Avstraliyanın taleyini yaşamaq istəmədi


Keri hələ də mövsümün baş tutacağına ümid edir
Uzunmüddətli Novruz tətillərində planlaşdırılan vaxtda keçirilməyəcəyi dəqiqləşən yarışlardan biri də “Formula-1” üzrə dünya çempionatının Bakı mərhələsi oldu. Azərbaycan “Qran-pri”sinin təşkilatçıları bu haqda martın 23-də bəyanat yaydı. Yarışın daha gec vaxta təxirə salınmasının səbəbi dünyaya nəfəs almağa imkan verməyən koronavirus pandemiyasıdı. Beləliklə, Avstraliya, Bəhreyn, Vyetnam, Çin, Niderland, İspaniya və Monakonun ardından Bakı da avtoidman həvəskarlarının gözünü yolda qoydu. Halbuki yeni mövsümə məhz ölkəmizin paytaxtında start veriləcəyinə ümidlər böyük idi. Amma virusun yayılma tempi buna imkan vermədi. “Bakı Şəhər Halqası”nın (BŞH) bəyanatında deyilir: “Bu qərar “Formula-1” rəhbərliyi, Beynəlxalq Avtoidman Federasiyası (FIA) və Azərbaycan hökuməti arasında aparılan birgə müzakirələr nəticəsində qəbul olunub. Həmçinin davam edən qlobal COVID-19 pandemiyası və bu xəstəliklə bağlı səlahiyyətli tərəflərin təqdim etdiyi mütəxəssis rəyləri sözügedən qərarın alınmasını zəruri edib. Yarışın təxirə salınmasında əsas məqsəd Azərbaycan xalqı ilə yanaşı, ölkəyə gələn “Formula-1” azarkeşləri, komanda heyətləri və çempionatın digər iştirakçılarının sağlamlığını və rifahını qorumaqdı”.
Bəyanatda daha sonra BŞH-nin bu qərara görə təəssüfləndiyi və yarışın yeni tarixini müəyyənləşdirmək yolunda səyləri davam etdirəcəyi bildirilir. Yeri gəlmişkən, indiyə qədər alınan bütün biletlər də keçərli olacaq.
Niyə məhz indi qərar verildi?
Pandemiyanın artım tempi öz yerində, təbii ki, yarışa iki aydan artıq qaldığı məqamda belə qərarın verilməsi hər kəsdə sual doğura bilər. İş ondadı ki, Bakı mərhələsi şəhərin küçələrində keçirilir və bu üzdən asfalt örtüyü ilə bağlı işlərə indidən başlamaq lazım idi. BŞH-nin icraçı direktoru Arif Rəhimovun açıqlamasında bu sualın cavabı var: “Avstraliya yarışının təşkilatçılarının timsalında vəziyyətin onlar üçün nə qədər çətin olduğunu başa düşdük. Heç bir “Qran-pri”i promouteri onların yerində olmaq istəməz – Endryu Vestakotta və komandasına görə çox təəssüflənirəm. Onların yaşadıqları hal çox faciəvidi. “Qran-pri”nin son anda ləğvi promouter üçün fəlakətdi. Mərhələnin təşkili ciddi səylər tələb edir, bundan əlavə, Avstraliyada yarış müvəqqəti trasda keçirilir. Onun qurulmasına çox vaxt, pul və səy sərf etdilər və son anda yarış ləğv olundu – bu əsl fəlakətdi. İndi digər təşkilatçılar belə halın qarşısını almağa çalışırlar. Trassımızda işə başlamazdan əvvəl bu qərarı verməli olduq. Çünki zaman bizim üçün vacib idi. Biz əmin olmaq istədik ki, çəkdiyimiz xərclər əbəs olmayacaq. Bütün pulu trassın qurulmasına xərcləsəydik və sonra yarışı keçirə bilməsəydik, onda tam bir fəlakət yaşayardıq. Bizim üçün trassın qurulmasına başlamaq baxımından son tarix martın ortaları idi – yarışla bağlı qərar vermək üçün bir həftə də artıq gözlədik və sonda məlum qərarı qəbul etdik”.
Keri nikbin, Ekklstoun isə bədbindi
Bir həftə ərzində dörd mərhələnin təxirə salınması istər-istəməz “Formula-1” yarışlarında yeni mövsümün, ümumiyyətlə, baş tutmayacağı ilə bağlı şübhələr yaradıb. İş ondadı ki, yarışların teleyayını ilə bağlı müqavilədə il ərzində minimum 15 mərhələnin keçirilməsi nəzərdə tutulur. “Liberty Media” şirkəti ən azı 15 yarış keçirilməyəcəyi halda maliyyə problemləri və məhkəmə iddiaları ilə üzləşəcəyindən çəkinir. “Formula-1” rəhbərliyini sakitləşdirən yeganə məqam odu ki, yay fasiləsində təxirə salınan və ya ləğv olunan mərhələlərdən bəzilərini keçirmək mümkün olacaq. İcraçı direktor Çeyz Keri Bakı mərhələsinin də vaxtında baş tutmayacağı bəlli olandan dərhal sonra açıq məktubla çıxış edib: “Bu həftə 10 komanda, “Formula-1” və FIA koronavirus pandemiyası ilə mübarizə tədbirləri çərçivəsində səylərini birləşdirərək, sürətli və qəti qərarlar verdi. Hazırda heç kimin vəziyyəti nə vaxt düzələcəyinə dair təsəvvürləri olmasa da, hamımız azarkeşlərə 2020 mövsümünü tam şəkiltə hədiyyə etməyə çalışırıq. Anlayırıq ki, hələ planlaşdırılan bir çox yarış da təxirə salına bilər. Ancaq biz və tərəfdaşlarımız mövsümün yayda başlayacağına, 15-18 mərhələnin keçiriləcəyinə ümid edirik. Elan olunduğu kimi, yürüşləri keçirmək üçün ənənəvi yay tətilindən yararlanacağıq. Mövsümün əvvəlcədən təqvimdə nəzərdə tutulan vaxtdan – noyabrın 29-dan gec bitəcəyi gözlənilir. Mərhələlərin faktiki ardıcıllığı və vaxtı ilkin təqvimdə göstəriləndən ciddi fərqlənəcək”.
Maraqlıdı ki, “Formula-1”in sabiq rəhbəri Berni Ekklstoun Kerinin nikbinliyini bölüşmür. Uzun illər yarışa başçılıq edən, hazırda isə koronavirus qorxusundan özünü Braziliyadakı qəhvə fermasına qapayan 89 yaşlı britaniyalının fikirləri: “Belə bir durumda bütün mövsümü bağlayar, bu il yarış keçirməzdim. İndiki durumda insanların təhlükəsizliyi üçün mümkün olan yeganə variant budu. Bu addım atılsa, heç kim axmaq-axmaq ehtimallar irəli sürməz. Təəssüf ki, Olimpiada ilə bağlı da belə qərar verildi. Məyusedicidi. Amma nə varsa, odu. Təşkilatçılar bəzi mərhələləri ləğv edilən, bəziləri təxirə salınan yarışı 15-18 yürüşlə başa vurmaq niyyətindədi. Bunu bacarsalar, çox-çox təəccüblənərəm. Amma həqiqətən ümid edirəm ki, onlarda alınacaq. Gələn ilin əvvəlində 3-4 mərhələ keçirmək, onları 2020-ci ilin bir parçası saymaq olar. Problem ondadı ki, indi uyğun trass tapmaq mümkün deyil. Bu boşluq “Liberty Media” üçün də yaxşı şans olar ki, hər şeyi nəzarətə götürsün, promouterlərlə məşğul olsun. Həm də komandalara ödənişləri azaltsın ki, onlar 700 yox, 70 əməkdaşla işləsin”.
Hemilton testdən keçməyə ehtiyac duymur
“Formula-1” dünyası ilə bağlı başqa maraqlı xəbərlər də var. Məsələn, “Pirelli” yeni mövsümlə bağlı suallara aydınlıq gəlmədiyindən təkər istehsalını dayandırıb. Avstraliya “Qran-pri”sinin ləğvi şirkətə 2000-ə yaxın təkəri utilizasiyaya vermək bahasına başa gəlib. Belə ki, təkərləri diskə vurub, sonradan ayırmaq pilotlar üçün müəyyən təhlükə yaradır.
Cari mövsümün təşkili ilə bağlı problemlər üzündən “Formula-1” komandalarının 2021-də yenilənmiş reqlamentlə yarışması da mümkün olmayacaq. “Formula-1” rəhbərliyinin komanda təmsilçiləri ilə videokonfransında yeni reqlamentin 2021-də yox, 2022-də tətbiqi razılaşdırılıb.
Bu arada britaniyalı pilot, altıqat dünya çempionu Lüis Hemilton koronavirusla bağlı testdən keçməməsi haqda danışıb: “Koronavirusla bağlı testi müsbət nəticələnən iki adamın olduğu tədbirə qatıldığımdan sağlıq durumumla bağlı müəyyən söz-söhbət gəzirdi. Sağlamam və gündə iki dəfə məşq edirəm. Sofi Tryudo və İdris Elbo ilə görüşümüzdən artıq 17 gün ötsə də, məndə hansısa simptomlar yoxdu. Bu yöndə həkimimlə iki dəfə danışmışam. Məndə simptomlar yoxdu, testlərin sayı məhduddu və ölkədə ona daha çox ehtiyac duyan adamlar var. Tam təcrid vəziyyətindəyəm, əlimi müntəzəm sabunla, 20 saniyə ərzində yuyuram. Özünüzü qoruyun”.
ORXAN
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
27-05-2020, 18:42 “Haralar” rəhbərliyi ad məsələsinə aydınlıq gətirdi 27-05-2020, 18:41 Hakan Sünal 11 azyaşlını müsəlman etdi 27-05-2020, 18:40 Firdovsi Umudov haqqında yazılanlara münasibət bildirdi 27-05-2020, 18:38 Rasim Kara Likioyuya sualla cavab verdi 27-05-2020, 18:37 “Şahdağ”ın 165 min manatı havaya uçdu 27-05-2020, 18:27 “Mövsüm davam edəcəksə, Allah futbolçuların köməyi olsun” 27-05-2020, 18:26 Aminin “Sabah”dakı sabahı necə olacaq? 27-05-2020, 18:23 Çempion məşqçilərin mesajı: “heç kim ağız büzə bilməz” 27-05-2020, 18:20 Nazarovu cəza gözləyir 27-05-2020, 18:18 “Olimpik”i almaq istəyən Piriyevlər kimdi? 27-05-2020, 18:15 Maşalla Əhmədov DTX-ya ərizə yazdı 25-05-2020, 17:50 U-19 liqasının formatında dəyişiklik olmayacaq 25-05-2020, 17:49 İcraiyyə Komitəsi növbəti həftə yığışacaq 25-05-2020, 17:48 Foqts yığmamızın sayəsində liderlər sırasındadı 25-05-2020, 17:36 Futbolumuzun əcnəbiləri bir çatışmazlığı qeyd etdilər 25-05-2020, 17:34 “Təəssüf ki, “Bakı”nın bazası ilə bağlı belə məsələlər oldu” 25-05-2020, 17:26 Aftandil Hacıyev mövsümün bərpasını istəmir 25-05-2020, 13:43 Yaşar Bəşirov lisenziya müəmmasına aydınlıq gətirdi 25-05-2020, 13:31 “Azərbaycan millisini seçdiyimə görə valideynlərimə Bakının mərkəzində mənzil verilməyib” 25-05-2020, 13:29 Aydan ulduZa Türkiyə futbolu 25-05-2020, 13:20 “Nə göz-qaş edirsən, baş məşqçi artıq yatıb, istirahət etmək istəyirəm” 24-05-2020, 11:13 Yayın ilk keçidi Amin Seydiyev oldu 24-05-2020, 10:56 Agentlər Aminin ölkə xaricinə yollanacağını düşünürlər 24-05-2020, 10:47 EFA, “Fireland Football Club”, “Dortmund Bakı”, yox bir qaşqaldaq… 24-05-2020, 10:28 Koronavirus olmasaydı... 24-05-2020, 10:25 “Futbolu qaldırsa, veteranlar qaldıracaq” 23-05-2020, 11:14 Əməkdar məşqçi ölüm-qalım mübarizəsi aparır 23-05-2020, 11:02 “Qəbələ”nin elitada ilk qolunun müəllifi dükan işlədirmiş 23-05-2020, 10:58 AFFA-da qanvermə aksiyası 23-05-2020, 10:57 Bakı UEFA-ya təminat verib 23-05-2020, 10:54 “Ximki”: elita əvəzinə 2-ci dəstəyə 22-05-2020, 16:41 “Stəkan bir yana, əl altında olan hər şey paltardəyişmə otağında uçurdu!” 22-05-2020, 16:32 “Neftçi” bilərəkdən “Bəhramov”a sürgün edildi” 22-05-2020, 11:33 Kurtinaytis 300 nəfər qonaq üçün qəsr icarəyə götürüb 22-05-2020, 11:30 Kamran “Ximki”nin ən məhsuldar futbolçusudu 22-05-2020, 11:29 “Qarabağ”ın həkimi fikir bildirməkdə çətinlik çəkir 22-05-2020, 11:26 Yaşar Vahabzadə “Kəpəz”in futbolçularına kökəlməməyi tapşırıb 22-05-2020, 11:23 Mehman Allahverdiyev cəzalı ola-ola meydana çıxıb 22-05-2020, 11:21 Elxan müəllim, bəs qərar açıqlanacaqdı? 22-05-2020, 11:17 PFL növbəti videkonfransa qatıldı 22-05-2020, 11:16 “Kəpəz”lə “Turan Tovuz” istənilən qərara razı olacaq 22-05-2020, 11:13 “Xaqani Məmmədovun sanki sumqayıtlı hakimlərə qarşı allergiyası var idi” 20-05-2020, 11:30 AFFA divizionda və liqalarda mövsümü erkən bitirir 20-05-2020, 11:27 “Sumqayıt”da 55 nəfər testdən keçdi, “Qəbələ” isə gözləyir 20-05-2020, 11:25 Rövşən Hüseynli birbaşa pley-offa keçməyi təklif etdi 20-05-2020, 11:24 Futzal çempionatında durum futboldakından fərqlidi 20-05-2020, 11:20 Jurnalistlər yerli məşqçinin tərəfdarıdı 20-05-2020, 11:18 Nazarovun qol sevinci yadda qaldı 20-05-2020, 11:17 Millət vəkillləri çempionatın bərpasını istəyir 20-05-2020, 11:14 İsmayıllı Olimpiya İdman Kompleksindən məhkəməyə şikayət olundu 20-05-2020, 11:12 “Futbolla vidalaşandan sonra yəqin ki fermada yaşayacam” 20-05-2020, 11:10 UEFA təxirə saldı, PFL-in rəisi maraqlı şərh yazdı 20-05-2020, 11:09 Brifinqdə yenə futbol unudulmadı 20-05-2020, 11:05 Ploeştidə meydandan qovulan Ramin Nəsibov imiş… 18-05-2020, 14:27 Şahin Diniyev yığmanın baş məşqçisiz qalmasını məqsədəuyğun sayır 18-05-2020, 14:26 Ramin Musayev müalicə aldığına görə videokonfransa qatılmayıb 18-05-2020, 14:13 Yığma üzvlərinin maaşı aprelin sonunda ödənilib Bütün xəbərlər
Ən çox oxunanlar