13 apr 19:01idman

Şəfaqət Həbibova İslamiadada oynaya bilməyəcək

Şəfaqət Həbibova İslamiadada oynaya bilməyəcək
Belarus yığması Bakıya gələcək
Aprelin 11-də qadınlardan ibarət voleybol yığmamızın İslamiadaya hazırlığıyla tanış olmaq üçün Dərnəgül Voleybol Mərkəzinə yollandıq. Mənzil başına çatanda ikinci komanda yenicə gənclər yığmamızın baş məşqçisi təyin olunmuş Adnan Kistakın rəhbərliyi altında məşq edirdi. Onlar hazırlığı başa vurduqdan sonra əsas komanda meydana çıxdı. Əvvəlcə Faiq Qarayev təxminən 20 dəqiqə voleybolçularla söhbət etdi. O həmin gün doğum gününü qeyd edən Ayşən Abduləzimovanı təbrik etməyi də unutmadı. Bu yerdə onu nəzərinizə çatdıraq ki, İslamiadada məhz Qarayevin yığmaya baş məşqçilik edəcəyi dəqiqləşib. Hazırda Faiq bəyin rəhbərliyi altında 13 voleybolçu – Anastasiya Şaş, Kristina Yaqubova, Aynur Kərimova, Ayşən Abduləzimova, Alyona Həsənova, Valeriya Məmmədova, Ceyran Əliyeva, Oksana Kiselyova, Ülkər Kərimova, Yekaterina Jidkova, Anastasiya Qurbanova, Yelizaveta Səmədova və Marqarita Əzizova məşq edir. Mütəxəssisdən müsahibə almaq istəsək də, İslamiada ərəfəsində jurnalistlərin suallarını cavablayacağını bildirdi. Belədə millinin meneceri Oksana Kurtla danışdıq:
- Həm əsas, həm də ehtiyat yığma eyni vaxtda hazırlığa başlayıb. Aprelin 7-dən Dərnəgül Voleybol Mərkəzində təlim-məşq toplanışına start verilib. İlk iki gündə voleybolçular tibbi müayinədən keçdi. Bazar ertəsindən bütün güclə hazırlıq keçirik. Proqram üzrə məşqləri davam etdiririk. Həftə ərzində gündəlik 2 və 1 məşqimiz olur. Bəzi günlərdə fitnesdə fiziki hazırlıq üzərində işləyirik.
- Yığma tam heyətlə nə zaman hazırlıq keçə biləcək?
- Yana Kulan və Kseniya Poznyak Türkiyə çempionatında çıxışını davam etdirir. Onların klubları 5-8-ci yerlər uğrunda mübarizə aparır. Mayın ilk günlərində bizə qoşulacaqlar. İtaliyada çıxış edən Odina Bayramova isə aprelin sonlarında Bakıya gələcək. Yaponiyada kubok oyunları hələ bir müddət davam edəcək. Bu üzdən Polina Rəhimova İslamiadanın startı ərəfəsində yığmanın düşərgəsində olacaq.
- Gənc komandadan kimlərisə əsas heyətdə görə biləcəyik?
- Əlbəttə, ola bilər. Mən bunu gənc yox, ikinci yığma adlandırardım. Hər ölkədə 1-ci, 2-ci komandalar olur. Bəzən gözlənilməz zədələrlə üzləşirsən. Belədə 2-ci komandadan kimlərsə əsas heyətə cəlb oluna bilər. Bu rəqabəti artırmaq üçün atılmış addımdı. İkinci komandada yaxşı potensialı olan voleybolçular var. Niyə də onlar İslamiadada çıxış etməsin?!
- Bəs indi əsas heyətdə zədəlilər var?
- Ciddi zədəsi olanlar yoxdu. Kiçik zədələri olanları isə müalicə etdiririk.
- Şəfaqət Həbibova zədə üzündən mövsümü boşa verdi. İslamiadada oynaya biləcək?
- Təəssüf ki, Bakı-2017-də oynaya bilməyəcək. Yarımay əvvəl əməliyyat olunub. İslamiadaya qədər tam hazır vəziyyətə gəlməyəcək. Onun yoxluğunda 4 toppaylayıcıdan biri əsas heyətdə yer alacaq. Görünən odu ki, bu voleybolçu Kristina Yaqubova olacaq.
- Sloveniya toplanışı haqda nə deyə bilərsiz?
- Aprelin 15-dən mayın 2-dək Mariborda hazırlıq keçəcəyik. Orda həm fiziki hazırlığa fikir veriləcək, həm də oyunlarımız olacaq. Hələ rəqiblər müəyyənləşməyib. Çalışacağıq ki, mümkün qədər güclü komandalarla qarşılaşaq.
- Sloveniya toplanışından sonra plan necədi?
- Mayın 4-də Belarus yığması Bakıya gələcək. Ayın 11-nə kimi burda toplanış keçəcəklər. Həm əsas, həm də 2-ci komandamız onlarla yoxlama oyunu keçirəcək.
- Türkiyə, Kamerun, Qırğızıstan və Tacikistan İslamiadadakı rəqiblərimizdi. İlk baxışdan əsas rəqib Türkiyə sayılır. Onlar bura əsas heyəti gətirəcək?
- Məndə olan məlumata görə, gənclərə üstünlük verəcəklər. Çünki Türkiyə yığması dünya çempionatının seçmə mərhələsinə hazırlığı əsas götürüb. Ancaq indidən heyətlərlə bağlı bir söz deyə bilmərəm. Onu da qeyd edim ki, İslamiadada 5 komanda dairəvi formada oyunlar keçirdikdən sonra ilk “4-lük” yarımfinalda mübarizə aparacaq. Birinci yeri tutan komanda dördüncüylə, 2-ci pillədə qərarlaşan isə ilk “3-lüy”ü qapayan yığmayla finala çıxmaq uğrunda oynayacaq.
- Yeri gəlmişkən, İslamiada və DÇ-2018-in seçmə oyunları arasında interval azdı. Zədə ehtimalını da göz önünə alıb, Bakı-2017-də gənclərə üstünlük vermək mümkündü?
- Faiq Qarayev bu haqda düşünür. Yığmanın 4 əsas oyunçusu hazırda toplanışda iştirak etmir. Yəqin ki, gənclər də heyətdə yer alacaq.
- İslamiadada voleybol yarışı “Kristal Zal”da baş tutacaq. Belarusla yoxlama oyunlarını orda keçirəcəksiz?
- Faiq müəllim bunu arzulayır. Çünki arenaya uyğunlaşmaq yaxşı olardı. Ancaq Əməliyyat Komitəsi orda məşq etmək üçün az vaxt verib. Çünki yarış ərəfəsində arenalara giriş-çıxış məhdudlaşdırılır. DÇ-2018-in seçmə mərhələ oyunları isə Bakı İdman Sarayında baş tutacaq.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar