15 okt 13:44idman

“1/8 finalda Şəhriyarla Teymur qarşılaşanda ürəyim parçalandı”


Xantı-Mansiyskdə keçirilən, önəminə görə yalnız tac uğrunda mübarizədən geri qalan dünya kuboku Azərbaycan şahmatının uğuru ilə yadda qaldı. Teymur Rəcəbovun qələbəsini sensasiya adlandırmaq lazım gəlir. Planetin ən istedadlı qrossmeysterlərindən biri son dövrlər nəticələriylə parlamırdı, burda isə fantastik uğuru gerçəkləşdirdi. Bu hadisə ilə bağlı Rauf Məmmədov “Sport-Ekspress” qəzetinə fikirlərini açıqlayıb. Yığmamızın üzvünün müsahibəsini müəyyən ixtisarla diqqətinizə çatdırırıq.
- Teymurdan belə nəticə gözləyirdiz?
- Mən həmişə bizim şahmatçılara inanmışam. Təəssüf ki, özüm dünya kubokuna qatılmaq hüququ əldə edə bilmədim. Bu çox üzücü idi. İnanılmaz mübarizəyə səhnə olan bu yarışda həmişə məmnuniyyətlə oynayıram. Ötən il əmsalımda maksimuma (2712) çatdım və komandalararası Avropa çempionatında əla çıxış etdim (Rauf yığmanın qələbəsində 9 oyundan 8 xal toplamaqla həlledici rol oynayıb). Amma sonra eniş yaşandı, elə bil kimsə mənə qarğış etdi. Oyun getmirdi, amma mən mütləq qayıdacam, azarkeşlərimə söz verirəm. Əlbəttə, indi söhbət məndən getmir. Mən də azarkeşə çevrilmişdim. Bizim çox mehriban komandamız var və hər birimiz ürəkdən bir-birimizi dəstəkləyirik. 1/8 finalda yaxın dostum Şəhriyar Məmmədyarovla yoldaşım Teymur Rəcəbov qarşılaşanda ürəyim parçalandı. Tima güclü oldu və bundan sonra belə bir hiss yarandı ki, daha artığını reallaşdırmağa qadirdi.
- İnam nə vaxt yarandı?
- Tima finala adlayanda ürəyim sakitləşdi. İstənilən halda, artıq əsas vəzifənin öhdəsindən gəlmişdi – İddiaçıların turnirinə vəsiqə qazanmışdı. Azərbaycan şahmatı üçün bu böyük uğurdu. Azərbaycanda bir şəxs var ki, həyatıboyu bu idman növünün inkişafı üçün əlindən gələni edir. Bu, AŞF və FİDE-nin vitse-prezidenti Mahir Məmmədovdu. Biz onunla tez-tez futbol mövzusunda mübahisə edirik. O, “Liverpul”un fanatıdı, mən isə MY üçün həyatımı verməyə hazıram. Komandam hazırda mənim kimi yaxşı günlərini yaşamır. “Liverpul” isə bütün cəbhələrdə “dağıdır”. Çempionlar Liqasının “Barselona” ilə yarımfinal oyununda 3 topluq fərqi aradan qaldırmaları möcüzə idi. Bu, Sergey Karyakinin Bakıdakı möcüzəsinə bərabər bir şey idi. Onda Sergey Pyotr Svidlerlə oyunun gedişində hesabda 0:2 geriyə düşsə də, fərqi aradan qaldırdı və kuboku qazandı. Mahirin Teymura doğma insan kimi yanaşdığını bildiyimdən fikirləşdim ki, Məmmədov hər şeydə uğurludusa, bəlkə bu Teymura keçəcək.
- Amma finalda məğlubedilməz Dinq Lirenə qarşı oynayırdı...
- Bəli, yəqin ki, Dinq hazırda Maqnus Karlsendən sonra ən güclü şahmatçıdı. Və hamı fikirləşdi ki, Tima oyunu udmaq üçün cəhd belə etməyəcək. Amma belə deyildi. Rəcəbov qəsdən olmasa da, rəqibi arxayınlaşdırdı. Sanki ona dedi ki, ölümcül yorğundu və daha 4 oyuna dözmək onun gücü xaricindədi. Fikrimcə, dostum yalan danışmırdı. Özümdən götürüm, təxminən 1 ay istirahətsiz yüksək konsentrasiyanı qorumaq çox çətindi. Belə alındı ki, öncə hər şey çinlinin planına uyğun getdi. İkinci partiyada “ağlar”la asan qələbə qazandı. Və həmin an hamı Rəcəbovu vaxtından əvvəl “basdırmağa” başladı. Amma Tima və bütün Azərbaycan fərqli düşüncədə idi.
- Üçüncü oyunda Teymur kompüter kimi davrandı...
- Bəli. Mən öncə bu variantda nəyəsə nail olmağın mümkünlüyünə inanmırdım. Lakin Teymur rəqibin səhvlərindən dahicəsinə, addım-addım istifadə etdi. Onu izləmək adama ləzzət edirdi. Rəcəbov kompüter kimi hərəkət edirdi. Və Dinq saatını dayandıranda düşündüm ki, artıq böyük şans yaranıb. SSRİ-də az yaşasam da, sovet tərbiyəsi görmüşəm. Biz həmişə özümüzkülərə azarkeşlik edirik. Məsələn, mən rusların və ukraynalıların təəssübünü çəkirəm. Və bilirəm ki, Rusiyada Teymura güclü azarkeşlik edirdilər. Özü də təkcə azərbaycanlılar yox. Dəqiq deyəcəm, tay-brek günü milyonlarla insan Teymurun kuboku qazanmasını istəyirdi!
- Tay-brek zamanı çox həyəcan keçirdiz?
- Əksinə, həmin gün çox sakit idim. Nəyə görəsə inam yaranmışdı. Bəlkə də bu mənim yoldaşıma keçdi. Rəcəbov kritik vəziyyətlərdə ideal oynadı, Dinq isə sanki qələbəyə inanmırdı. Nəticədə sonluq fantastik alındı.
- Yaxın günlərdə komandalararası Avropa çempionatı başlayacaq. Azərbaycan hazırkı çempiondu. Batumiyə hansı heyət yollanacaqsız?
- Qalib heyətlə, iki il əvvəl olduğu kimi: Məmmədyarov, Rəcəbov, Hüseynov, Məmmədov, Naydiç. Kapitan Səfərli, məşqçi Aleksandr Xalifman olacaq. Onun dönüşü sevincimə səbəb oldu. Axı biz məhz onun rəhbərliyi altında 2014-də Tromsedə keçirilən Olimpiadada ən yüksək nəticəni qazandıq, ikinci pilləni bölüşdük. Ümumiyyətlə, demək istəyirəm ki, mən bizim “dəstə” ilə fəxr edirəm. Bu cür rəqabət mühitində 3 dəfə Avropa çempionu olmaq çox şeydən xəbər verir.
- Ötən çempionatda 9 oyundan 8 xal toplamaqla əsas qəhrəman olduz. Amma bu il oktyabrın 2-də amerikalı Şeklendə faciəvi şəkildə uduzduz. Elə bil sizi həqiqətən tilsimləyiblər...
- Mən əlamətlərə inanan adam deyiləm. Hər kəs layiq olduğuna malikdi. Yəqin ki, hardasa nəyisə düz etməmişəm, özümə qarşı tələbkar olmamışam. Əminəm ki, 2700-ə qayıdacam. Batumidə titulumuzu qorumaq üçün əlimizdən gələni edəcəyik. Azərbaycan bizimlə hələ çox qürur duyacaq. İndi mən sanki MY-yəm, halbuki dərhal “Liverpul” kimi olmaq lazımdı. Sadəcə, rəngi dəyişməməklə və bu klubun nəticələrinə uyğun çıxış etməklə.
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 11:36 Pedro Enrike “Qarabağ”a qayıda bilər Dünən, 11:34 “İmarət” yubileyini Ağdamda qeyd edəcək Dünən, 11:30 Bordin komandasının məğlubiyyətə layiq olduğunu söylədi Dünən, 11:27 “Keşlə” “Neftçi” ilə yerini dəyişdi Dünən, 11:25 “Qarabağ”: son 4 oyunda 3-cü heç-heçə Dünən, 11:22 “Səbail”i Qəbələdə əzdilər Dünən, 11:18 Emil Balayev əla başladı, pis bitirdi Dünən, 11:16 “Qəbələ” jurnalistləri bir araya gətirdi Dünən, 11:13 Sürprizlər turu Dünən, 11:11 Moldovanın qapıçısı yığmamızı iki dəfə məyus etdi Dünən, 11:07 "6 xallıq oyun”da sumqayıtlılar sevindi Dünən, 11:04 Çempionluq Zaur Axundovun ağlından keçmir 12-11-2019, 14:13 Elnur Şıxəliyev AGİN və AMADA-nın dəstəyinə arxalanır 11-11-2019, 13:35 Zirvə iki gün ərzində ikinci dəfə "əl dəyişdirdi" 11-11-2019, 13:34 Təmkinin xanımı “Neftçi”nin azarkeşidi 11-11-2019, 11:06 “Qarabağ”da heç kim yaxasını kənara çəkməsin! 11-11-2019, 11:05 Emil Balayev Qazaxıstanda əlçatmazdı 11-11-2019, 11:04 Şəhriyar Məmmədyarov “Qarabağ” üçün hər şeyin bitdiyini düşünür 11-11-2019, 11:02 APOEL qələbəni öz ad gününə hədiyyə edib 11-11-2019, 10:59 “Qarabağ”dan izah gəldi 11-11-2019, 10:58 Yurçeviçin siyahısı sual doğurdu 11-11-2019, 10:56 Mütəxəssislər Qurbanovun taktikada Dolla uduzduğunu düşünmürlər 11-11-2019, 10:55 Bizimkilər susur, onlar danışır 11-11-2019, 10:52 Siyasət Əsgərov təcrübəsizliyi və səviyyə fərqini qabartdı 11-11-2019, 10:50 “Ən pis halda pley-offda oynamaqla vəsiqəni qazanmalıyıq” 11-11-2019, 10:48 Kiprin ən böyük idman qəzeti də Geyeni “seçdi” 11-11-2019, 10:47 Dadaşlinski hələ də Elxan Məmmədovu axtarır 8-11-2019, 20:07 Şəhriyarın şok açıqlamasına zəruri sözardı 8-11-2019, 20:06 BBBB… 8-11-2019, 12:41 “Keşlə” 13-cü turda “ASK Arena”ya qayıdacaq 8-11-2019, 12:40 Quba “Şahdağ”ı dağılmaq təhlükəsiylə üz-üzədi 8-11-2019, 12:37 Emil Balayev rəmzi komandada 8-11-2019, 12:35 Rəvan Həmzəzadə “Səbail”in qolunu “yedi” 8-11-2019, 12:32 “Maxi.az” “Sabah”ın akademiyasının sponsoru oldu 8-11-2019, 12:29 İntizam Komitəsi sərt üzünü göstərdi 6-11-2019, 12:25 Yığmamız erməniləri üstələyib “bürünc” qazandı 6-11-2019, 12:22 Mahir Şükürov iş üçün Elxan Məmmədova minnətçi düşüb 6-11-2019, 12:20 Güclü külək “Kapital Bank Arena”ya ziyan vurub 6-11-2019, 12:18 “Sumqayıt” itirdi, “Zirə” qazandı 6-11-2019, 12:15 Çempionatımızda yeni bəhanə: hava şəraiti futbol oynamağa qoymur! 6-11-2019, 12:08 “Sabah” əzmkar qələbə ilə uzun seriyaya son qoydu 6-11-2019, 12:05 İddialılar yola itkisiz davam edirlər 6-11-2019, 12:03 Heç-heçələr turu 6-11-2019, 12:01 “Əlincə”nin cəmi bir komandası qalıb… 6-11-2019, 11:58 APOEL heç-heçə, “F91 Düdelanj” darmadağın etdi 6-11-2019, 11:56 APOEL-də gərginlik davam edir 6-11-2019, 11:54 Mahirin zədəsi ciddidi, Nikosiyaya aparılmır 6-11-2019, 11:52 UEFA “Qarabağ”ı Stuxlikin həmyerlisinə tapşırdı 6-11-2019, 11:35 Rəşad Sadıqov “CBC Sport”a baş çəkib 6-11-2019, 11:33 “Neftçi İK” səhvini etiraf etdi və …hakimləri qınadı 5-11-2019, 15:05 Ağamirzənin “El Klasiko”ya aldığı bilet “yanıb” 5-11-2019, 14:59 MOİK-in baş məşqçisi kubokdan imtinanı səviyyə fərqi ilə əsaslandırdı 2-11-2019, 12:39 “Neftçi” TV dekabrda test yayına başlayacaq 2-11-2019, 12:37 Biləcəridəki bazanın taleyi ilin sonunda bilinəcək 2-11-2019, 12:35 Futbolumuzda “Sauthempton” nümunəsi yoxdu 2-11-2019, 12:32 Romero kollektiv məşqlərə qoşulub 2-11-2019, 12:28 Derbi dedik, mütəxəssislərin fikirləri haçalandı Bütün xəbərlər
Ən çox oxunanlar