11 yan 17:10gundem

Elnur Abdullayev dözə bilmir, ürəyi ağrıyır

Elnur Abdullayev dözə bilmir, ürəyi ağrıyır
“Kənardan baxıram, indiki vəziyyətdə futboldan uzaqlaşmaq günahdı”
Premyer-liqada klub sayının azalması, birinci divizionda da eyni halın müşayiət olunması, üstəgəl, limitin tətbiq edilməsi bir çox futbolçuların sevdiyi peşədən uzaq qalması ilə nəticələnib. Vaxtilə bu peşəyə könül verənlər indi Azərbaycan futbolunda yaşananları kənardan ürək ağrısı ilə izləyir. Kimlərsə futbol oynamağa klub tapmır, bəziləri, ümumiyyətlə, bu oyunun “daşını atıb”.
Belələrindən biri də Elnur Abdullayevdi. Vaxtilə ölkənin xoş perspektiv vəd edən gənclərindən sayılan, 16 illik karyerası ərzində “Turan”, “Neftçi”, “Olimpik-Şüvəlan”, “Muğan”, “Xəzər Lənəran”, “Simurq”, “İnter”, “Sumqayıt” kimi komandaların şərəfini qoruyan yarımmüdafiəçi xeyli vaxtdı qeybə çəkilib. Yaydan Elnurla bir neçə dəfə danışmağa cəhd etsək də, zəngləri və mesajları cavabsız qoyurdu. Nəhayət, dünən etdiyimiz zəng zamanı dəstəyi qaldırıb, bizi maraqlandıran suallara cavab verməklə bir növ ürəyini boşaltmış oldu.
- Haralardasan, nə işlə məşğulsan?
- Demək olar ki, heç nə. Formada qalmaq üçün fərdi məşqlər edirəm, bir də bekar qalmamaq üçün Alfa Liqa adlanan yarış var, orda çıxış edirəm.
- Hansı komandanın heyətindəsən?
- “Marafon”da. Həm də liqanın yığması var, orda da məşq edirəm.
- Çörəkpulu çıxır?
- Belə də, şükürlər olsun.
- Maaş nə qədərdi?
- Düşündüyünüz böyük pullar yoxdu. Dediyiniz kimi, çörəkpuludu.
- Mirhüseyn Seyidov da səninlə eyni komandadadı?
- Xeyr, Mirhüseyn “Uğur”dadı. Vaxtilə premyer-liqada oynayıb, bu gün kənarda qalanların, demək olar, hamısı Alfa Liqadadı.
- “Marafon”da səndən başqa kimlər var?
- Gərək sualı “kimlər yoxdu” şəklində qoyaydız (gülür). Tural Nərimanov, Hüseyn Axundov, Ruslan Poladov, Emin Mustafayev, Vitali Borisov. Futzaldan daha üç nəfər var. Sizə deyim ki, maraqlı çempionat gedir. Hazırda birinci pillədəyik, arxadan “Uğur” gəlir, o da yaxşı komandadı. Martdan sonra yarımfinal və final oyunları keçiriləcək. Əsl qırğın onda başlayacaq.
- Nə yaxşı hamı ora üz tutur? Sırf futbolsuz qalmamaq üçün, yoxsa qazanc da var?
- Əlbəttə, futbolsuz qalmamaq üçün. Öz aramızdı, kim premyer-liqanı qoyub, öz kefindən Alfa Liqada oynayar? Məcburiyyətdəndi. Bir müddət evdə oturdum, futbolsuz dəli olmuşdum, ürəyim partlayırdı. Heç kimə arzulamıram, həqiqətən çox ağırdı. Gözünü açandan – 8-10 yaşından yaşıl meydanlarda böyüyürsən və günlərin birində gücün olduğu halda kənarda qalırsan. Hər şeydən əvvəl adam kollektivə öyrəşib.
- Gələcək karyeranla bağlı nə düşünürsən?
- Mənim nəsə düşünməyimlə iş bitmir. Mənim düşünməyimə qalsa, oynamaq istəyirəm. Gərək istəyən ola, təklif gələ. Təklif olmayandan sonra gedib kiməsə “qurban olum, məni komandana götür” deyə bilmərəm. Kənardan baxıram, indiki vəziyyətdə futboldan uzaqlaşmaq günahdı. Bu çempionatda hələ bir neçə il oynamaq olar. 18 ildi peşəkar futboldayam, çıxış etdiyim əksər klublar avrokuboklara vəsiqə uğrunda mübarizə aparıb. Yəni 18 ildi görə-görə gəlirəm. Və sizə açıq deyirəm, bu, tarixin ən zəif çempionatıdı. Hətta 90-cı illərdəki, şəraitsiz, pulsuz dönəmlərdəki birinciliklər indikindən güclü və maraqlı idi. Bir qram ajiotaj yoxdu. Allaha and olsun, kənarda qaldığıma görə demirəm. Oynasaydım da, bu sözü deyərdim.
- Əvvəl iddialı komandaların sayı çox idi, ən vacibi stadionlar azarkeşlərlə dolu olurdu. Əsas səbəb budu.
- Bir şeyi bilirəm, Azərbaycan futboluna marağı “Xəzər Lənkəran” gətirmişdi. “Xəzər Lənkəran” getdi, futbol da, maraq da getdi. Bu klub ölkə futbolunda olduqca vacib fiqur idi. Allah hamının köməyi olsun.
- Bu gün elitada sənə niyə yer yoxdu? “Qarabağ”, “Neftçi” və “Qəbələ”ni kənara qoyaq, bəs qalanları?
- “İnter”in ən pis vaxtlarında, yəni transferlərə qadağa qoyulan dönəmdə bir il iynə gücünə meydana çıxdım, mübarizə apardım. Meydanda canımı qoyurdum. Çünki çıxış yolumuz yox idi, ölümə getmək lazım olsa da, o vəziyyətdən çıxmalıydıq. Bunu hamı görürdü. Yəqin buna görə bu gün kənardayam. Həm də məni geri salan zədəm oldu.
- Bəlkə həmin zədəyə görə yaxın duran yoxdu?
- Hər zədə alan futbolçu karyerasını başa vurmalıdı? Zədəliyəmsə, liqada necə oynayıram? Yox, həqiqətən də zədəmə görə çəkinirlərsə, baxsınlar, 5-10 yerindən əməliyyat olunan neçə futbolçu premyer-liqada oynayır. Məncə, zədə söhbəti deyil.
- Əvvəl əcnəbi mütəxəssisləri əsas gətirib, gəlmələrin bizimkilərə inamsızlığından söz açırdıq. Bu gün, maşallah, demək olar, hamısı özümüzkülərdi. Amma yerli futbolçular yenə kənardadı. Ən azı “Sumqayıt”la “Keşlə”yə kömək edə biləcək gücdəsən.
- Mən kiminsə arxasınca danışan adam deyiləm. Belə şeyləri xoşlamıram. Ona görə də bu suala cavab verməkdə çətinlik çəkəcəm. Kim güvənir, kim güvənmir – Allah hamının canını sağ eləsin.
- Belə başa düşdüm ki, təklif gözləyirsən. Birdən nə indi, nə da yayda təklif oldu. Nə edəcəksən? Yəqin ki, məşqçiliyə başlayarsan...
- Bilirsiz, adamı yandıran nədi? 18 il can qoymuşam, futbol oynamışam, bir adam zəng vurub soruşmur ki, Elnur, hansı işi görə bilərsən, nə etmək istəyirsən, bizə necə kömək edə bilərsən? Şokdayam e, vallah. Sanki olmamışıq, oynamamışıq. Məni kənara qoyaq. Bu gün Alfa Liqadakı uşaqları görürəm, pis oluram, dözə bilmirəm, ürəyim ağrıyır. Yaxşı, deyək ki, mən oynadığımı oynamışam, gördüyümü görmüşəm. Bəs 21-22 yaşlı futbolçuların günahı nədi? 21 yaşlı futbolçu gəlir ki, mən burda oynamaq istəyirəm. Soruşuram, cavansan, nə var burda? Deyir, klub yoxdu, qıraqda qalmışam. Ay kişi, bizim 21 yaşımız olanda dağıdırdıq e. Təkliflərin əlindən günlərlə telefonlarımız bağlı qalırdı. Ötən mövsüm “Səbail”in əsas komandasında çıxış edən 22 yaşlı Pərviz Qaraxanov bu gün Alfa Liqada top dalınca qaçır. Bu necə ola bilər axı? Harda yazılıb, harda görünüb? Hələ mən sizə bir nəfərin adını çəkdim. Belələri, bilirsiz, nə qədərdi?
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar