14 sen 22:52gundem

PFL-i premyer-liqanın imici maraqlandırmır

PFL-i premyer-liqanın imici maraqlandırmır
Bu ölkədə “Qarabağ” üçün güzəşt limiti yoxdu!
Premyer-liqanın 4-cü turuna bu gün start veriləcək. “Qarabağ” “doğma divarlar” arasında “Sumqayıt”ı sınağa çəkəcək. Əslində sözügedən qarşılaşma “kimyaçılar”ın meydanında olmalıydı. Daha doğrusu, “gənclik şəhəri” təmsilçisinin stadionu “Kapital Bank Arena” hazırda təmirdədi. Bu üzdən “Sumqayıt” “Qarabağ”la ev oyununu “ASK Arena”da keçirəcəkdi. Lakin Ağdam klubu PFL-ə müraciət edərək, məkanın dəyişdirilməsini xahiş edib. “Köhlən atlar” bu addımı Avroliqanın qrup mərhələsi çərçivəsində “Sportinq”lə oyuna görə atıb. “Qarabağ” Portuqaliya təmsilçisinə qarşı daha yaxşı hazırlaşmaq və mümkün zədə riskini azaltmaq üçün “Sumqayıt”la matçın təbii örtüklü “Azərsun Arena”da keçirilməsini xahiş edib. PFL isə həmişəki kimi “köhlən atlar”ın arsuzunu gerçəkləşdirib. “Kimyaçılar”dan razılıq məktubunu alan təşkilatçı qurum dəyişikliklə bağlı qərar qəbul edib. Həmin qərara əsasən oyun Suraxanıdakı stadionda keçiriləcək, meydan sahibi “Qarabağ”, bu iki komandanın iştirakı ilə 4-cü dövrədə keçiriləcək matçda isə ev sahibi “Sumqayıt” olacaq.
Doğrudu, “Qarabağ”ın ardıcıl 5-ci mövsüm ölkəmizi qrup mərhələsində təmsil etməsi hamımızı sevindirdi. Futbolumuzdakı bütün neqativ hallara, Avroliqada çıxış edən klublarımızın ilk mərhələdə əli ətəyindən uzun vətənə dönməsinə rəğmən, “köhlən atlar”ın bunu bacarması xüsusi vurğulanmalıdı. Bu o deməkdi ki, ən azı qışa qədər azərbaycanlı futbolsevərlər Avroliqa həyəcanını yaşayacaq. “Arsenal”, “Sportinq” kimi klubların ölkəmizə səfər etməsi isə futbol bayramıdı. Bütün bunları futbolda qələbələri o qədər də çox olmayan ölkənin azarkeşlərinə yaşatdığına görə “Qarabağ”a təşəkkür düşür. Bu öz yerində.
Ancaq hər dəfə belə dəyişikliklərin olması kənardan heç də yaxşı görünmür. Düzdü, Qurbanov komandasını maksimum problemlərdən uzaq tutmağa çalışır. Bununla belə, Ağdam klubu sanki “Avroliqanın qrupuna düşmüşəm, hər arzum gerçəkləşməlidi” ismarıcını göndərir. Təkcə bu mövsümdəki dəyişiklikləri xatırlamaq kifayətdi. İlk turda “Qarabağ” - “Zirə” oyunu təxirə salındı. Daha sonra “Neftçi” ilə qarşılaşmanın vaxtı dəyişdirildi. “Sumqayıt”la matçı da nəzərə alsaq, cari mövsümdə 3-cü belə halın şahidi oluruq. Sonra da çempionatdakı rəqabətsizlikdən şikayətlənirik. Elə Qurbanov da bir neçə dəfə həmin problemə toxunub. Lakin bütün bunlar yaşanarkən, birincilikdə rəqabətsizlikdən danışmaq yersizdi. Ən azı ona görə ki, klubların hamısı nə deyilirsə, ona “baş üstə” cavabını verir. Çətin ki, hansısa başqa ölkədə belə halın, bir komandaya çempionatda bu qədər güzəşt edilməsinin şahidi olaq. Əslində söhbət təkcə “Qarabağ”dan da getmir. Bizdə adət halını alıb, klub PFL-ə müraciət edir, qarşı tərəfin razılığı alınır və məsələ bitir. Sonra da hansısa komanda ardıcıl 4-5 ev oyunu keçirir, premyer-liqadakı rəqabətə, gözəlliyə əməlli-başlı zərbə vurulur.
Bütün bunlarla bağlı PFL-in Mətbuat və İctimaiyyətlə Əlaqələr Departamentinin rəhbəri Aslan Şahgəldiyevin fikirlərini öyrəndik: “Bilirsiz ki, hazırda fors-major durumdu. Klubların bəzilərinin stadionu təmirdədi. Onları da məcbur etmək mümkün deyil. “Sumqayıt” “Dalğa Arena”da oynayırdı, danışıblar, millinin oyunları və digər komandaların çıxışı ilə bağlı ev matçını orda keçirmək istəkləri baş tutmayıb. Qazona baxmaq isə həddən artıq böyük xərc tələb edir. Stadion rəhbərliyi də durumu nəzərə alaraq, kluba “hə” cavabı verə bilmir. Məcbur olub başqa stadion danışıblar. Nə qədər ki, arenalarda təmir bitməyib, bu cür proseslər yaşanacaq. “Neftçi” artıq “Bakcell Arena”ya qayıtdı, başqa stadionlarda da işlər yavaş-yavaş yekunlaşır. Təmirlər bitəndən sonra bu məsələlər həllini tapacaq. Bu dəqiqə elə durumdu ki, nəsə etmək də mümkün deyil. Klubları da nəzərə alırıq. Süni örtükdə futbolçuların zədə almaq ehtimalı da yüksəkdi. Baş məşqçi də bütün bunları nəzərə alır. Əslində biz məcbur edib, “yox” deyə bilərik. Ancaq istəmirik ki, hər hansı narazılıq olsun. O biri klub etiraz etmirsə, başqa sözə ehtiyac qalmır. “Qarabağ”ın oyununun yerinin dəyişdirilməsi ilə idman prinsipi pozulmur. Fərqi nədi, “Sumqayıt”la ev oyununu indi oynadı, yoxsa 4-cü dövrədə. Əslində “Sumqayıt” qəbul edən tərəfdi. Stadionla da o təmin eləməlidi. Bu məsələdə artıq problem yaranır. Öz stadionu təmirdədi, digər arenada “yüklənmə” var. Əsasnaməyə görə, ev komandası stadionu qonaqlara bir gün öncəki məşq üçün verməlidi. Elə olur ki, meydan sahibi özü həmin arenadan istifadə etmir, “yüklənmə” olmasın, ot sıradan çıxmasın. Qarşı tərəfdən də məşq üçün başqa stadiondan yararlanmağı xahiş edir. Halbuki qonaq komanda tələb edə bilər ki, həmin arenada hazırlıq keçəcəm. Bu baxımdan klublar bir-birinə güzəştə gedirlər. Əslində bu “feyr-pley” nümunəsidi. Təbii, hansısa dövrədə bir komandanın ardıcıl ev oyunlarını keçirməsi mübarizənin gözəlliyinə təsir edir. Lakin bunu ilk öncə klub özü düşünməlidi. Komandanın iddiası varsa, 6-7 tur səfərdə oynayanda, xallar əlindən çıxa bilər. Daha sonra ev oyunlarında həmin itkini bərpa etmək çətin olur. Deməyim odu ki, bu məsələdə əsas klubların mövqeyidi, onlar düşünməlidi. Razıdılarsa, bizim üçün problem yoxdu”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar