12 sen 23:41gundem

Mütəxəssislər şansın itirilmədiyini düşünür

Mütəxəssislər şansın itirilmədiyini düşünür
Mircavadov: “İndiki milli bir qədər monoton oyun sərgiləyir”
Hüseynov: “Ümid edirəm ki, heç olmasa, həmin qarşılaşmalarda bizləri sevindirəcəklər”
Əsədov: “Elə bir sistem yaratmaq lazımdı ki, yerli futbolçular daha çox oynasınlar”

UEFA-nın Millətlər Liqası adlı turnir keçiriləcəyi və öz divizionunda qalib olan yığmanın AÇ-2020-nin final mərhələsinə yollanacağı məlum olanda çox sevinmişdik. Düşünürdük ki, nəhayət, bizim də üzümüzə gün doğacaq, uzun illər arzuladığımız məqam reallaşacaq, Azərbaycan millisini qitə çempionatının final mərhələsində görə biləcəyik. Bu yöndə püşk də üzümüzə gülmüşdü. Qrupda demək olar ki, bizimlə eyni səviyyədə olan Kosovo və “çırtdan” gözündə gördüyümüz Malta və Farer adaları ilə mübarizədən qalib ayrılıb qrup birincisi kimi yarımfinala adlamalıydıq. Yeni turnirin təqvimi də əlverişli idi. “Doğma divarlar” arasında əsas rəqib olan Kosovonu yenib, səfərdə Maltanı məyus etməklə işin çox hissəsini görmək mümkün idi. Ancaq təəssüf, çox təəssüf... Qurban Qurbanovun baş məşqçisi olduğu milli nə qitə arenasında yeni-yeni addımlamağa başlayan Kosovonu, nə də ada dövlətinin təmsilçisini məğlub edə bildi.
Robert Prosineçkinin rəhbərlik etdiyi yığma geridə qalan dünya çempionatının seçmə mərhələsində 3 oyuna 7 xal toplamağı bacarmışdısa, Millətlər Liqasının ilk iki turunda daha zəif komandalarla oyunlarda bu göstərici 2-yə bərabərdi. Belə çıxır ki, Qurban Qurbanovun gəlişindən sonra vəziyyət yaxşılığa doğru dəyişmək əvəzinə daha da pisləşib. Ən pisi isə odu ki, iki oyunda meydanda gördüklərimiz gələcəyə ümid vermir. Turnirin startı ərəfəsində favorit göstərilən komanda ilk iki qarşılaşmada qorxaq, məzmunsuz, keyfiyyətsiz oyunu ilə hamını pərişan etdi.
Bəs görəsən, mütəxəssislər yığmanın oyunları barədə hansı fikirdədilər? Kosovo və Malta ilə qarşılaşmalardan sonra yığmanın qrupdakı şanslarını necə dəyərləndirirlər? Bu suallara cavab tapmaq üçün öncə Ağasəlim Mircavadovla danışmağı lazım bildik: “Heç bilmirəm, nədən başlayıb, nədən qutarım. Hər iki qarşılaşmanı izlədim. Və belə qənaətə gəldim ki, millidə hələ çox iş görülməlidi. Qurban Qurbanovu qınamağa dəyməz. Futbolçu yığmaya klubdan gəlir. Millidə isə baş məşqçinin işi taktikasına uyğun heyət formalaşdırmaqdı. Qurban müəllim oyunçunun fiziki-funksional hazırlığına cavabdehlik daşımır ki. Qısa vaxtda çatışmazlıqları aradan qaldırmaq da qeyri-mümkündü. SSRİ vaxtında “Neftçi”nin Ukrayna klublarına qarşı həftəlik məşq prosesi başqa cür tutulurdu, hazırlaşırdı, “Spartak”a qarşı başqa. Bilirdik ki, Moskva təmsilçisi oyunu daha çox “divar paslaşması” üzərində qurur. Biz də elə oyun modeli qururduq ki, onların bu gedişlərinin qarşısını ala bilək. Kiyev “Dinamo”sunun cinah müdafiəçiləri həmişə hücumlara qoşulurdular. Maşallaha tapşırırdım ki, Bessonov irəli gedəndə onun boş qoyduğu zonada hazır olsun və topu ələ keçirən kimi həmin zonaya ötürmə edilirdi. İndiki milli isə bir qədər monoton oyun sərgiləyir. Bütün rəqiblərə qarşı eyni oyunu sərgiləmək düzgün deyil. Hücuma keçiddə də vaxt itkisi olur. Topla çox oynadığımızdan, hücumlar ləngiyir. Müasir futbol isə sürət tələb edir. İndi əksər klublarda baş məşqçilər cavanlardı. Onların isə səhv etmək ehtimalı yüksəkdi. Həvəsləri və istəkləri var, ancaq müəyyən qədər təcrübə baxımından axsayırlar. İndi deyəcəklər ki, Ağasəlim bu sözlərlə özünü irəli çəkmək istəyir. Ancaq mən real durumu demək istəyirəm. Başqa ölkələrdə yaşlı mütəxəssislər daim diqqət mərkəzində olur, onların savadından və təcrübəsindən istər millidə, istərsə də klublarda yararlanırlar. Ancaq bizdə nədənsə, bəlkə də bilərəkdən yaşlıları kənarda saxlmağa üstünlük verirlər. Hər halda, mən də bu illər ərzində nəsə öyrənmişəm, müəyyən işlər görmüşəm, futbolun sirlərinə az-çox bələdəm. Şanslara gəlincə, məncə, hələ hər şey itirilməyib. Ola bilsin, bir qədər çətin vəziyyətə düşdük. Ancaq Kosovonun da, Farer adalarının da növbəti oyunlarda xal itirəcəyini ehtimal edirəm. Yığma qalan 4 görüşü qələbə ilə başa vursa, qrup lideri ola bilər. Qurban Qurbanova da güvənməkdə davam etməliyik. O məşqçi kimi özünü sübut edib və inanıram ki, yığmanı da uğura daşıya biləcək”.
Yunis Hüseynov isə çox danışmaq istəmədiyini bildirdi: “Bu iki oyunda nə gözlədiyim və nə gördüyüm barədə çox danışmaq istəmirəm. Ola bilsin, ilk oyunlar olduğu üçün futbolçularda bir qədər həyəcan və tələskənlik var idi. Qarşıdakı 4 matçda yığmamıza uğurlar arzulayıram və ümid edirəm ki, heç olmasa, həmin qarşılaşmalarda bizləri sevindirəcəklər”.
Arif Əsədov yığma üzvlərinin tam formada olmadığını və millinin iki oyunda qələbə qazana bilməməklə şanslarını bir qədər çətinləşdirdiyini vurğuladı: “İki oyunda itirilən 4 xal qarşıya qoyulan məqsədi çətinləşdirdi. Bir daha göründü ki, milli tam formalaşmayıb. Çatışmazlıqlar var. Amma şanslar bitməyib. Son 4 oyunda maksimum nəticə qazanmaqla qrup liderliyini təmin etmək olar. Heç şübhəsiz, bunun üçün komanda oyun planında “artırmalıdı”. Daxili çempionatımızın səviyyəsi, futbolçuların oyun təcrübəsinin azlığı sonda bu cür rəqiblərlə qarşılaşmalarda xal itkisinə gətirib çıxarır. Növbəti oyuna hələ 1 ay var. Bu müddətdən maksimum yararlanıb futbolçuların durumuna fikir vermək lazımdı. İlk dəqiqələrdən göründü ki, Malta Farer adalarına məğlubiyyətdən sonra daha istəklidi. İstədikləri qolu da erkən vurdular. Baxmayaraq ki, bizə də qələbə lazım idi. Ancaq matçın əvvəlində yığmanın oyununda bu hiss olunmurdu. Ona görə də oyunun gedişində dönüş yarada bilmədilər. Xal itkisində yorğunluğu səbəb kimi göstərməzdim. Çünki artıq bütün Avropa bu sistemlə oynayır. Sadəcə, futbolçuların hazır olmamaları qələbə qazana bilməməyimizə səbəb oldu. Hazır olsaydılar, bu rejimə də davam gətirə bilərdilər. Bir neçə futbolçu klubunda oynamaq şansı qazanmır. Ona görə də ardıcıl 2 oyun keçirəndə özlərinə gələ bilmirlər. Futbolçular hamısı klublardan gəlir. Millinin uğur qazanmasını, mötəbər turnirlərdə iştirakını düşünürüksə, elə bir sistem yaratmaq lazımdı ki, yerli futbolçular daha çox oynasınlar. Bu gün Avropa Liqasında mübarizə aparan komandalarımız nəticəni düşünüb daha çox legionerlərə üstünlük verir. Ona görə də milliyə gələn yerli futbolçular oyun təcrübəsi baxımından əziyyət çəkirlər. Bunu düşünmək lazımdı. Millətlər Liqası yığmamız üçün yaxşı şansdı. Elə etməliyik ki, bundan maksimum yararlana bilək”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 13:43 Tarixi uğurun memarı hədəfini açıqladı Dünən, 13:40 “Neftçi”lilər “Səbail” azarkeşlərinə “erməni” deyib Dünən, 13:38 Nizami “Çərkəzköy 1911”dən ayrıldı Dünən, 13:36 Xanım referi bu dəfə Heydər Əliyev Fonduna müracət edib Dünən, 13:28 “Qarabağ”ın işçisi klubdan ayrıldı Dünən, 13:24 Tahir Süleymanov İK-nın qərarını gülünc sayır Dünən, 13:23 “Qəbələ”nin meneceri inzibatçını günahsız saydı Dünən, 13:21 Obradoviç təklifini bəzi klublar dəstəkləmədi Dünən, 13:20 “Arsenal” finala çıxsa, UEFA Mxitaryana görə ingilislərə dəstək verəcək Dünən, 12:58 Baş katib qayıtdı, “Kəpəz”in rəisi klubdan ayrıldı Dünən, 12:56 MOİK darmadağın oldu, "Sumqayıt-2" fərqi azaltdı Dünən, 12:50 Tahir Süleymanov “Ayaks”dan və “Futbol+”dən yazdı Dünən, 12:49 Alesio toplanışı dəyərləndirdi Dünən, 12:47 İkinci oyunda uduzdular Dünən, 12:43 İntizam Komitəsi Jozef-Monrozu bağışladı, Rıbkaya güzəşt etdi Dünən, 12:39 Essyen yenidən “Stemford Bric”də görünəcək Dünən, 12:36 “Qəbələ” üçün yarımfinal ərəfəsində üçüncülük şansı Dünən, 12:34 “Tobol”un səhifəsi Emili maraqlı paylaşımla təbrik etdi Dünən, 12:33 “Hələlik Aynur Sofiyeva 2-ci yerdədi” Dünən, 12:30 Mirabdulla Abbasov hərəkətinə aydınlıq gətirdi Dünən, 12:21 Yığma Ukraynaya uduzdu Dünən, 12:18 Projektor olmasa da, final istənilən halda Naxçıvanda keçiriləcək 17-04-2019, 16:52 Turun statistikası 17-04-2019, 16:50 Turun məşqçisi 17-04-2019, 16:49 Turdan məqamlar 17-04-2019, 16:46 “Neftçi”nin çempionluq şansını itirmədiyini düşünürlər... 17-04-2019, 16:44 “Səbail”in vaxtla bağlı etirazı gülməlidi 17-04-2019, 16:42 Turun oyunçusu 17-04-2019, 16:41 Turun sitatı 17-04-2019, 16:40 "Keşlə”yə baxışa fransız oyunçu gəlib 17-04-2019, 16:36 “Neftçi” üstünlüyü bu cür əldən verdi… 17-04-2019, 16:33 Fariz Nəcəfov Tale Heydərovla görüşmək üçün ölkəni tərk etdi 17-04-2019, 16:32 Fariz Nəcəfov “Zirə”ylə oyundan sonranı nişan verdi 17-04-2019, 16:28 Jozef-Monroz Azərbaycan xalqından üzr istədi 17-04-2019, 16:27 Erkin İbrahimov “Neftçi”nin maraqlandığı argentinalını bəyənməyib 17-04-2019, 16:25 Ötən həftə premyer-liqaya vəsiqə qazandı, sabah çempion ola bilər 17-04-2019, 16:24 Yığma bu gün Ukrayna ilə qarşılaşacaq 17-04-2019, 16:22 Hakimlərin mühakiməsi 17-04-2019, 16:21 İlham Allahverdiyev Türkiyəni Qusara dəyişdi 17-04-2019, 16:19 Eddidən məhsuldar ötürmə və "sarı" 17-04-2019, 16:17 Yığma serblərə qalib gəldi 17-04-2019, 16:14 Azər Bağırov AFFA-nın tələblərini yerinə yetirməkdə problem görmür 17-04-2019, 16:14 “Kəpəz”in icraçı direktoru postuna namizəd ittihamlara cavab verdi 17-04-2019, 16:12 “Neftçi”nin gələn mövsüm 1-5-ci yerlərdən birini tutacağına inanıram” 16-04-2019, 16:16 Kubok proqramı açıqlandı 16-04-2019, 16:15 “Qəbələ” bacıoğlunun, SOCAR-ın, yoxsa ərəblərin olacaq? 16-04-2019, 16:13 Niyazi Bayramovla görüşə bilməyən Elxan Məmmədov Tovuza baş çəkdi 16-04-2019, 16:11 Emil oynayır, “Tobol” qələbələri sıralayır 16-04-2019, 16:06 “Qarabağ”dan Qurbanova 3 xallı, 3 qollu təbrik 16-04-2019, 16:02 Vitali Borisov 2 metrin söhbətini edir... 16-04-2019, 16:00 Autsayder ADBTİA-nın önünə çıxmadı 16-04-2019, 15:59 Samir Abasov həmşəhərlilərini əliboş yola saldı 16-04-2019, 15:56 “Qəbələ” qələbəni Tale Heydərova həsr etdi 16-04-2019, 15:52 “Keşlə”dən ardıcıl 4-cü məğlubiyyət 16-04-2019, 15:49 Aftandil Hacıyev hakimliyə üsyan etdi 16-04-2019, 15:46 “Səbail” flaqmanı “taxtdan saldı” 16-04-2019, 15:43 Həftənin idman proqramı Bütün xəbərlər
Ən çox oxunanlar