05 sen 22:40gundem

Vidadi Rzayev özünü 18 yaşlı gənc kimi hiss edir

Vidadi Rzayev özünü 18 yaşlı gənc kimi hiss edir
“Qocalmağı xüsusi qeyd etməyin nə mənası var?”
Dünən veteran futbolçu Vidadi Rzayevin doğum günü idi. 51 yaşını tamamlayan “Vidoş” karyerası ərzində milli ilə yanaşı, “Kəpəz”, “Neftçi”, “Turan”, “Şəmkir” və “Olimpik”in şərəfini qoruyub. 1996-cı ildə ölkənin ən yaxşı futbolçusu seçilən yarımmüdafiəçi qısa müddət də olsa, legioner həyatı yaşayıb. 1993-cü ildə Qroznı “Terek”ində 14 matçda iş başında olan “Vidoş” 2000- də Türkiyəyə yollanaraq Ruslan Abdullayevin baş məşqçisi olduğu “Ərzurumspor”da 2 oyuna çıxıb. Doğum günündə veteran futbolçu ilə əlaqə saxlayıb, həm təbrik etdik, həm də ötən günləri yada saldıq.
- Öncə doğum günü münasibəti ilə sizi təbrik edirik.
- Diqqətinizə görə minnətdaram. Sizdən təbrik eşitmək mənə xüsusi zövq verir.
- Bu gün sizi ilk təbrik edən kim oldu?
- Ailə üzvlərimi nəzərə almasaq, ilk təbriki birvaxtlar “Turan”da bir yerdə oynadığımız Eldar Bədəlovdan aldım. O hazırda Kazbek Tuayevin rəhbərlik etdiyi idman məktəbində çalışır. Gün ərzində isə mesaj yazanlar, zəng vuranlar çox olub. Fürsətdən istifadə edib məni yada salanların hamısına təşəkkür etmək istəyirəm.
- Bu günə kimi ən yaddaqalan ad gününüz hansı olub?
- Açığı, heç vaxt doğum günümü təmtəraqlı qeyd etməmişəm. Nədənsə belə tədbirlərdən xoşum gəlməyib.
- Sizdən əvvəl ölkənin tanınmış futbol veteranlarından biri ilə söhbət edirdim. Ona doğum gününüz olduğunu bildirəndə, bilirsiz, nə dedi?
- Dəqiq bilməsəm də, nə dedyini təxmin edirəm (gülür). Özüm ad günü keçirməyi xoşlamadığımdan, həmişə mənə deyəndə ki, kiminsə ad günüdü, həmin şəxsin ünvanına bir-iki “xoşagələn” söz işlədirəm. Bilirəm ki, dediklərimi mənə qaytarıb.
- Bir çoxları ad günlərini, xüsusilə də yubileylərini təmtəraqlı şəkildə qeyd etməyi xoşlayır. Ancaq siz bir qədər fərqlisiz... Yubileylərinizi də qeyd etməmisiz?
- Rəşad, hər kəs kimi, mən də xoş məqamlara çox sevinirəm. Ailədə, nəsildə, dost-qardaş arasında xoş hadisə baş verəndə, onu qeyd etməyi sevirəm. Məsələn, kiminsə övladı ali məktəbə qəbul olunub və yaxud kiminsə evində xeyir işdi. Bunlara sevinmək, qeyd etmək, həmin məclisdə fəal iştirak etmək hamımızın borcudu. Ancaq bir də var doğum günü. İnsanın yaşının üstünə yaş gəlməsi o deməkdi ki, qocalır. Qocalmağı xüsusi qeyd etməyin nə mənası var? Bu günə kimi heç vaxt ad günü keçirməmişəm. Yalnız ötən il - 50 illiyimdə ailə üzvlərimlə birgə Türkiyəyə yollanıb, istirahət etmişik.
- Bu gün (dünən) 51 yaşınız tamam olur. Sizinlə danışan zaman hardasız və nə işlə məşğulsuz? Və bu günü necə yola verəcəksiz?
- Vallah, heç bir xüsusi plan yoxdu. Səninlə danışan zaman kənddə, öz həyətimdəyəm. Bağda işləyirəm. Bir az pomidor, xiyar və başqa tərəvəzlər əkmişəm. Onları sulayıram. Özün də bilirsən ki, mənim üçün həmişə, təbii ki, ailəmdən sonra ilk pillədə futbol, ikinci yerdə isə təbiətlə təmas olub. Torpağı sevən adamam.
- Çox vaxt deyirlər ki, kişinin yaşını yox, halını soruşmaq lazımdı. Vidadi bəy 51 yaşında özünü necə hiss edir?
- Maşallah, özümü 18 yaşı olan gənc kimi hiss edirəm (gülür). Buna görə isə ilk növbədə futbola, sonra isə təbiətə borcluyam. Sağlam həyat keçirmək insana cox vacibdi, bütün gənclərə də arzu edərdim ki, pis vərdişlərdən uzaq olub, idmanla məşğul olsunlar. Fərqi yoxdu, peşəkar və ya həvəskar şəkildə. Bir də insanın daxili təmiz olmalıdı. Paxıl olmamalı, dünya malının dalınca qaçmamalıdı. Bunun üçün isə təbiətlə təmas vacibdi. Hər dəfə təkbaşına dağa və yaxud meşəyə yollananda insanın canlı aləmin bir hissəi olduğunu dərk edir, özümə qapılır, çox şey haqda fikiləşirəm. Deyəsən, lap filosoflar kimi danışdım ( gülür). Ancaq həqiqətən də belə olur.
- “Vidoş” futbol aləmində mahir ovçu kimi də tanınır...
- Adətən, ovçular bir qədər dildən pərgər olurlar, birinin üstünə beşini qoymağı xoşlayırlar. Sən indi mənə mahir ovçu dedin. Ancaq mən özümü həvəskar hesab edirəm. Mənimki həvəsdən irəli gələn bir şeydi. Uşaqlıqdan kənddə, dağların ətəyində, meşəlik ərazidə böyüdüyümdən ova marağım olub. Bu indi də də davam edir. Peşəkar ovçu tam başqa olur. Ov mənim üçün daha çox hobbidi desək, düz çıxar.
- Sizinlə bir yerdə futbol oynayanların çoxu hazırda Bakıda yaşasa da, siz nədənsə kənd həyatına üstünlük verdiz. Bu nədən qaynaqlanır?
- Bu sual mənə çox verilib. Hamıya da eyni cavabı verirəm: şəhərdə özümü qəfəsdəki kimi hiss edirəm. Qutuya oxşar daş-beton binalarda yaşamaq mənlik deyil. Heyf deyil kənd həyatı. Ürəyim sıxılanda bir dəfə həyətimi gəzib, torpaqla başımı qatanda bütün problemləri unuduram. Bəlkə də övladlarım paytaxtda yaşamaq istəsəydilər, onlara görə birtəhər özümə güc gəlib, Bakıda məskunlaşardım. Ancaq onlar da mənə oxşadılar. Bakıda qalmaq istəmədilər. Kənd onlar üçün daha doğma oldu. Hər iki qızım ali təhsili də Gəncədə aldılar, universiteti bitirəndən sonra da burda işləmək istədilər. Deməli, bu gendən gələn bir şeydi.
- Futbol oynadığınız dönəmdə ad gününüz oyun gününə təsadüf edəndə komanda yoldaşlarınız sizi necə təbrik edirdilər?
- Şərəfini qoruduğum bütün komandalarda yazılmamış qanun var idi. Kiminsə ad günü oyun gününə təsadüf edirdisə, heç vaxt matçdan öncə həmin futbolçunu təbrik etmirdilər. Bunun düşər-düşməzi ola bilərdi. Allah eləməsin, həmin gün komanda uduzsaydı, hamı birağızdan “ad günün bizə düşmədi” deyərdi. Həmişə təbriklər qarşılaşmdan sonra olub. SSRİ vaxtı isə bir başqa idi. Gənc yaşlarımda ölkənin ən köklü klubunun şərəfini qorumaq qismətim olub. Həmin illərdə komanda şəklində bir araya gəlib yüngülvari formada doğum gününü qeyd edərdik.
- Elə olub ki, doğum gününüzü yolda qeyd edəsiz?
- Mənim yaddaşım o qədər də güclü deyil. Bəlkə olub, ancaq indi xatırlaya bilmirəm. Məncə, olub. Ancaq hansı ildə və kiminlə oyuna yollandığımız dəqiq yadımda deyil. Səhv etmirəmsə, Moskva klublarının biri ilə görüşə yollanırdıq. Uşaqlar dedilər ki, səfərdə qələbə qazansaq, sənə Moskvadan bahalı hədiyyə alıb verəcəyik.
- Hədiyyədən söz düşmüşkən, müsahibənizdə bildirmisiz ki, ən yaddaqalan hədiyyəni bu yaşa qədər sizə Şəmkirin sabiq icra başçısı Aslan Aslanov verib. Sirr deyilsə, nə idi həmin hədiyyə?
- Adını deməyəcəyəm, ancaq bu günə qədər o mənim evimdədi və dəyərli hədiyyədi. Ümumiyyətlə, Aslan müəllim çox diqqətli adam idi. Futbolçulara hədiyyə verməyi xoşlayırdı.
- Ov həvəskarı olduğunuzdan hədiyyə tüfəng deyil ki?
- Xeyr, tüfəng deyil. Ancaq hazırda da evimdədi və mənim üçün çox qiymətlidi.
- Şablon sual. 51 yaşını qeyd edən “Vidoş” həyatını futbola həsr etdiyinə görə peşman deyil?
- Heç vaxt peşman olmamışam. Özümü başa düşəndən, 8-9 yaşından top dalınca qaçmışam. Həyatda nəyə nail olmuşamsa, buna görə futbola borcluyam. Məni xalqa tanıtdıran, hörmət qazandıran futbol olub. Bəzən görürsən kimsə deyir ki, indiki ağlım olsaydı, heç vaxt futbola üz tutmazdım, özümü başqa sahədə sınayardım. Bu düşüncədə olanlarla heç vaxt razılaşmamışam. Bəlkə də həmin şəxslər futbolda sözlərini deyə bilıməyiblər, buna görə küskündülər. Mən isə çox şey əldə etmişəm. Görün neçə ildi karyeramı başa vurmuşam. Bu gün idman mediası, “Neftçi”nin mətbuat xidməti məni yada salırsa, deməli, az da olsa, özümdən sonra iz qoymağı bacarmışam.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 22:14 Stuxlik qovulanları başına topladı Dünən, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Dünən, 22:12 Əliyar Ağayev “Latsio” – “Apollon” oyununda Dünən, 22:10 “Sportinq” kubok mübarizəsinə qələbə ilə başladı Dünən, 22:08 UEFA “Sportinq”i cəzalandırdı Dünən, 22:07 Leteksiye “Qarabağ”ın oyununda qrupda debüt edəcək Dünən, 22:07 “Qarabağ” bu gün yola düşür: 7 saatlıq uçuş Dünən, 22:05 “Traktorsazi” dayandı, “Maşınsazi” davam edir Dünən, 21:48 Samir Abasovun əziyyəti hədər getdi Dünən, 21:45 Rüfət Dadaşov Almaniyada növbəti qolunu vurdu Dünən, 21:44 Qriqorçuk “Astana”ya qayıdacaq Dünən, 21:43 Volkan Üst infarkt keçirib Dünən, 21:42 “Keşlə” Bosançiçi göndərdi Dünən, 21:40 Rahid formada olmadığını etiraf etdi Dünən, 21:37 Bayılda qarşılıqlı qollar Dünən, 21:16 Deviç vurur, “Sabah” udur Dünən, 21:13 “Zirə”yə texniki məğlubiyyət veriləcək Dünən, 21:12 “Neftçi” “yuva”ya qayıdışını qələbəylə qeyd etdi Dünən, 21:10 Startda “sülh” olmadı Dünən, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır 14-09-2018, 22:18 AFFA lisenziyaları yeniləyir 13-09-2018, 23:25 Baş məşqçi samboçumuzun ölümündən danışdı 13-09-2018, 23:24 AFFA 11000 bileti pulsuz paylayıb 13-09-2018, 23:23 “Uğur”un futbolçuları 10 min manatın həsrətindədi 13-09-2018, 23:22 PFL bölgələrə səfər üçün “Topaz”dan cavab gözləyir 13-09-2018, 23:21 “Keşlə” müdafiəçi və menecer ilə anlaşdı 13-09-2018, 23:19 Kim deyir ki, hücumçu yoxdu? 13-09-2018, 23:16 Slavçevin arzusu ürəyində qaldı 13-09-2018, 23:14 “Onu deyim ki, Qurban Qurbanov çox sərt danışdı, çox sərt” 13-09-2018, 23:12 Nurlan Novruzov Türkiyə kubokunda fərqləndi 13-09-2018, 23:05 Jurnalistlər Malta təəssüratını bölüşdü 13-09-2018, 23:04 Şans qazanmayanlar ümidini itirmir 13-09-2018, 23:02 Fasilə bitdi: “birincilər” başlayır 13-09-2018, 23:00 “Araz” mövsümə xal itkisi ilə başladı 13-09-2018, 22:59 UEFA 40 nəfəri Bakıya göndərdi 13-09-2018, 22:57 Kamran İbrahimovun məşqçiləri təcrübəsizliyi qabartdı Bütün xəbərlər
Ən çox oxunanlar