04 sen 23:31gundem

Mxitaryan dilemması davam edir

Mxitaryan dilemması davam edir
XİN də məsələyə qarışdı
“Qarabağ”ın Avroliqanın qrupuna vəsiqə əldə etməsi ötən həftənin hadisəsinə çevrildi. Ardınca finalı gələn ilin mayında Bakıda keçiriləcək bu turnirin püşkü atıldı, təmsilçimizin rəqibləri də müəyyənləşdi. Ancaq elə cümə günündən etibarən bir həssas sual səslənməkdədi: “Arsenal”ın erməni hücumçusu Henrix Mxitaryan Azərbaycana gələcəkmi?
Azərbaycan dəfələrlə idman yarışlarına evşahibliyi edib. Dünya ictimaiyyəti yarışların təşkilinə yüksək qiymət verib. Ölkəmizdə keçirilən idman yarışlarında başqa xalqların təmsilçiləri ilə yanaşı, ərazimizin 20 faizini işğal edən Ermənistanın və eyni zamanda digər dövlətlərin milliyyətcə erməni olan idmançıları iştirak edib. Azərbaycan beynəlxalq idman prinsiplərini əldə rəhbər tutaraq, üzərinə düşən öhdəliyi yerinə yetirib, onların bura gəlməsinə şərait yaradıb, təhlükəsizliyini təmin edib. Ancaq Azərbaycanın ərazi bütövlüyünə, bayrağına hörmət etməyən hər hansı şəxs dövlətimiz tərəfindən “arzuolunmaz şəxs” elan edilir, adı “qara siyahı”ya salınır.
Mxitaryan belə şəxslərdəndi. 2011-ci ildə Azərbaycanın Ermənistan tərəfindən işğal olunmuş torpaqlarına qanunsuz səfər etdiyinə görə ölkəmizə girişinə qadağa qoyulub. Təkzibedilməz faktlara görə, daha doğrusu, Henrix özü həm erməni, həm də beynəlxalq idman mətbuatına verdiyi müsahibələrdə dəfələrlə Dağlıq Qarabağda olduğunu, separatçılara maddi və mənəvi dəstək verdiyini və erməni olaraq bundan qürur duyduğunu açıqlayıb. Belədə diplomatik vasitə işə düşməli deyilmi? Düşməlidi! Ancaq maraqlıdı ki, 2015-ci ildə də Dortmund “Borussiya”sının heyətində “Qəbələ”yə rəqib olan və Bakıya gəlişi müzakirəyə çevrilən hücumçuya rəsmi qadağa qoyulmamışdı. Sadəcə, almanlara üstüörtülü şəkildə çatdırılmışdı ki, təhlükəsizlik baxımından bu məsləhət deyil. Sonradan Mxitaryan özü bu barədə belə demişdi: "Mən Bakıya gəlmək istəyirdim. Amma təhlükəsizliklə bağlı suallar var idi. Buna görə də yekun qərar belə oldu ki, Bakıya getməyim”.
Məsələ burasındadı ki, "Qarabağ"a iki erməni futbolçu rəqib olub. Ukrayna "Vorskla"sının heyətində də Geqam Kadimyan var. Mxtitaryanla millidə komanda yoldaşı olan 26 yaşlı Kadimyanın “Qarabağ qadağası” olmasa da, onun da Bakıdakı oyuna gətiriləcəyi gözlənilmir. Çünki əcnəbi klublar avrokuboklarda Azərbaycan təmsilçiləriylə rəqib olanda heyətindəki erməni futbolçuları bura gətirməyi məqsədəuyğun saymırlar. Necə ki, elə bu yay “Qəbələ”nin rəqibi olan “Proqres”də çıxış edən Aleksandr Karapetyan oxşar durumla üzləşmiş, lüksemburqlular Gürcüstan doğumlu, Almaniya, Ermənistan və Gürcüstan vətəndaşlığı daşıyan futbolçunu Bakıya gətirməkdən ehtiyatlanmışdı.
“Arsenal”ın baş məşqçisi Unay Emeri Mxitaryanın Bakıya gətirilib-gətirilməyəcəyi ilə bağlı məsələyə münasibət bildirib. İspan mütəxəssis yetirməsini “Qarabağ”la oktyabrın 4-də baş tutacaq oyuna gətirmək istədiklərini söyləyib: “Əlbəttə, Mxitaryanın bizimlə Bakıya getməsini istərdim. Amma bu, bir az problemli məsələdi. Həllini tapsa, daha yaxşı olardı. Hələ ki bu haqda Henrixin özü ilə danışmamışam”.
London klubunun mətbuat xidməti də bu barədə qısa açıqlama verib: “Bu barədə hələ ki heç bir müzakirə olmayıb. Qərar verilməyib. Gedə də bilər, getməyə də”.
Bu nə deməkdi? Sözsüz ki, “gedə də bilər, getməyə də” sözünün arxasında “idman siyasətə qarışmır” yanaşması durur. Doğrudu, Azərbaycan AL-in finalına evsahibliyinə iddia edəndə müəyyən öhdəlik götürüb. Deyək ki, Mxitaryan “Qarabağ”a görə Bakıya gəlmir, “Arsenal” finala çıxıb və bu səbəbdən London klubu viza tələb edir. O halda da bizimkilər ona “stop” tətbiq edəcək? Tam əminliklə fikir bildirmək olmur, çünki atəşkəs dövründə Azərbaycana onlarla, yüzlərlə erməni (aralarında siyasətçi, hərbçi, musiqiçi, idmançı da olub) ayaq basıb. Hətta bunlardan bir çoxu ilə bağlı cəmiyyətdə açıq qıcıq əks-səda verib. Ancaq burda söhbət dövlətin açıq mövqeyindən gedir: arzuolunmaz şəxs elan olunubsa, gələ bilməz! Azərbaycan hətta bu yaxınlarda ölkəmizə səfər edən Almaniya kansleri Angela Merkelin nümayəndə heyətinə salınan, ancaq məhz Qarabağa səfər etdiyinə görə qarşısında qırmızı işıq yandırılan alman deputatın adını siyahıdan çıxarmağa müvəffəq oldu. Kadimyana yaşıl işıq yandırılsa, Mxitaryan isə Azərbaycana buraxılmasa, bu, “arzuolunmaz şəxs” qadağası ilə əsaslandırılacaq. Yox, hər ikisinin ölkəyə girişinə əngəl yaradılsa, deməli, bizimkilər başqa idman növləri ilə müqayisədə futbola fərq qoyur, geniş audutoriyada təhlükəsizliyə zəmanət verməkdən çəkinir. Yaşayıb görəcəyik!
Artıq Azərbaycan Xarici İşlər Nazirliyi (XİN) yenidən məsələyə münasibət bildirməli olub. Nazirliyin mətbuat xidmətinin rəhbəri Hikmət Hacıyev verdiyi açıqlamada belə deyib: “Biz futbol proseslərini qabaqlamaq istəməzdik. Sözügedən komandaların tərkibi ilə bağlı məlumat daxil olduqdan sonra məsələyə baxılıb, konkret münasibət bildirilə bilər”.
XİN sözçüsü deyib ki, Azərbaycan idman ölkəsidi və ölkəmizdə keçirilən beynəlxalq səviyyəli idman yarışlarında Ermənistan vətəndaşlarının, o cümlədən digər ölkələrin erməni əsilli vətəndaşlarının iştirakı dəfələrlə baş tutub: “Azərbaycanın işğal olunmuş ərazilərinə qanunsuz səfərlər isə sırf hüquqi məsələdi”.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” 21-05-2019, 14:23 Şengen vizasının yoxluğu Kamal Bayramovu yığmadan edib 21-05-2019, 14:21 Emil qayıtdı, “Tobol” darmadağınla qazandı 21-05-2019, 14:18 “Bu ailənin bir üzvü olduğum üçün qürur hissi keçirirəm” 21-05-2019, 14:10 UEFA bilet qiymətlərini açıqladı 21-05-2019, 14:03 Delarj da getdi... 21-05-2019, 14:02 “Azneft” dairəsində “yanan top” quraşdırılıb 21-05-2019, 14:00 Tapmaca kimi bilet satışı 19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı 19-05-2019, 14:03 “Məktəblərdə futbol dərsi” bitdi 19-05-2019, 13:56 Kaprara Azərbaycan yığmasında? 19-05-2019, 13:54 Ay sizin başınız haqqı... 19-05-2019, 13:50 “Finalçılar hərəyə 10 min bilet də ala bilər” 19-05-2019, 13:49 “Keşlə” 13 futbolçuya “qapını göstərdi” 19-05-2019, 13:47 “Qəbələ” Gürcüstandan qayıtdı 19-05-2019, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi Bütün xəbərlər
Ən çox oxunanlar