31 avq 00:48gundem

“Qarabağ”ın avrokubok qəhrəmanlıqları

“Qarabağ”ın avrokubok qəhrəmanlıqları
“Şerif” nə “Rusenborq”du, nə “Visla”, nə də “Tvente”!
Bu gün axşam Respublika stadionunun qazonuna ayaq basacaq “Qarabağ”ın futbolçularından növbəti qəhrəmanlıq gözlənilir. Çünki özləri xalqı buna öyrəşdirib. İndiyə qədər o qədər çətin anlar olub ki, ağdamlılar vəziyyətdən çıxış yolu tapmağı bacarıb. Ya ilk oyunda məğlub olub, cavab görüşündə əvəzini artıqlaması ilə çıxıblar, ya cütün taleyini səfərdəki görüşdə həll ediblər, ya da cütün favoriti rəqib göstərildiyi halda yekunda sevinən tərəf “köhlən atlar” olub. Yəni bu cür nümunələr çoxdu. Ona görə də son 5 ilin ölkə çempionunun “Şerif”i Bakıya gəlməyə peşman edəcəyinə hədsiz inam var. Yekun nəticənin necə olacağı önəmli deyil. Vacib olan “Qarabağ”ın Tiraspol təmsilçisini mübarizədən kənarlaşdırıb, növbəti dəfə qrup mərhələsində yer almasıdı. “Köhlən atlar”ın bunu bacaracaq gücü və təcrübəsi var.
Rusenborq – 0:0, 1:0
2009-un yayı. Mövsümü 3-cü yerdə başa vuran ağdamlıların avrokuboklarda ciddi mənada nəsə edə biləcəyi heç kimin ağlına gəlmirdi. Komandanın durumu da indiki kimi deyildi axı. Nə bahalı legionerlər vardı, nə də hazırkı şərait. Üstəlik, mövsüm başa çatandan sonra heyətlə bağlı ciddi dəyişikliklərə əl atılmışdı. Artim Şakiri, Nidal Ferhatoviç, Zekeriya Ramadani, Sədat Şahin kimi əcnəbiləri yola salan Qurban Qurbanov yalnız Admir Telini saxlamışdı. Əvəzində çox sayda yerli futbolçuyla müqavilə bağlanmışdı: Rəşad Sadıqov, Elvin Məmmədov, Elnur Allahverdiyev, Vüqar Nadirov, Əfran İsmayılov. Komanda yenidən qurulduğundan, üstəgəl, ağdamlılar buna qədər avrokuboklarda ciddi heç nə ilə yadda qalmadığından, Avroliqanın 2-ci təsnifat mərhələsində “Rusenborq”un adını eşidənlər barmağını dişləmişdi. Öz aramızdı, “Rusenborq” hara, “Qarabağ” hara?! 180 dəqiqə ərzində birmənalı üstün təsir bağışlayan, təhlükəli vəziyyətləri boşa verən norveçlilər yekunda məğlub oldu. Qurbanovun yetirmələri səfərdə 0:0 oynadıqdan sonra Bakıda Rəşad Sadıqovun vurduğu yeganə qol sayəsində növbəti mərhələdə “Honka”ya rəqib oldu. Odu ki, “Qarabağ”ın avrokuboklardakı uğurundan danışanda, ağla dərhal “Rusenborq” gəlir.
Visla – 1:0, 3:2
2009-un yayında Avroliqanın pley-offuna qədər irəliləyən “köhlən atlar”dan növbəti yayda daha artığı gözlənilirdi. Artıq hər kəs bu komandaya inanır, insanlar həmin dönəm üçün təcrübəsiz sayılan Qurban Qurbanovun rəhbərlik etdiyi kollektivin xarüqələr yaradacağına ümid edirdilər. 2010-un yayında Avroliqanın 1-ci təsnifat mərhələsində Skopye “Metallurq”unu birnəfəsə keçən ağdamlılar növbəti mərhələdə “Portadaun”u səfər qələbəsi sayəsində mübarizədən kənarlaşdırdı. Bu nəticənin özü də o vaxtkı Azərbaycan futbolu üçün nisbi uğur sayılırdı. Amma “Qarabağ”ın hədəfi daha böyük idi – 3-cü mərhələdə “Visla” sədddini keçmək. Bu oyuna qədər polşalılar həm klub, həm də yığma səviyyəsində azərbaycanlılar üçün uğursuz rəqib kimi dəyərləndirilirdi. Harda tuturdular, 3-5-ni vurub yola salırdılar. Ona görə də “Visla” adı qorxulu səslənirdi. “Qarabağ” Polşa mifini də darmadağın etməyi bacardı. Həm də hər iki oyunda qalib gəlməklə. Səfərdə Vüqar Nadirovun qolu sayəsində qələbə qazanan təmsilçimiz Bakıdakı görüşdə cütün taleyini 8 dəqiqəyə həll etməklə növbəti dəfə Avroliqanın pley-offuna yüksəldi. Halbuki Polşa mətbuatı və futbol mütəxəssisləri “Visla”nın Krakovdakı məğlubiyyətini təsadüf sayır, həmyerlilərinin Bakıda rahat qələbə qazanacaqlarını iddia edirdilər.
Tvente – 0:0, 1:1
2014-cü ildə “Qarabağ”, nəhayət, qrup mərhələsinə vəsiqə qazandı. Lakin bu heç də asan başa gəlmədi. Çempionlar Liqasının 2-ci təsnifat mərhələsində “Valletta”nın daşını daş üstə qoymayan təmsilçimizin növbəti mərhələdəki rəqibi güclü “Zaltsburq” idi. Bakıda hesab “Qarabağ”ın xeyrinə olanda, öncə rəqib futbolçunun, daha sonra Admir Telinin gərəksiz vəziyyətdə “qırmızı” alması komandanı ruhdan salmadı. 88-ci dəqiqədə Reynaldo qələbə topunu vurub kollektivi ruhlandırdı. Cavab görüşündə isə Avstriya təmsilçisi 2:0 hesablı qələbə qazanıb “köhlən atlar”ı Avroliqanın pley-offuna göndərdi. Rəqib 5-il əvvəl “Qarabağ”ı Avroliqanın pley-offundan geri qaytaran “Tvente” idi. Artıq hər iki komandanın heyəti dəyişmiş, ən vacibi “Qarabağ” böyük təcrübə toplamışdı. Bakıdakı ilk oyun qolsuz bərabərliklə bitəndən sonra böyük əksəriyyət əllərini yanına salmış, “Qarabağ” niyə qrupa düşə bilmir” sualı aktuallığını artırmışdı. Səfər matçının 37-ci dəqiqəsində rəqib futbolçu hesabı açandan sonra “Qarabağ”ın ruhuna salavat çevirənlər tələsdilər. Ruhdan düşməyən ağdamlı futbolçular Muarem Muaremin qolu sayəsində bərabərliyi yaxaladılar ki, yekun nəticədə bu hesab təmsilçimizi tarixində ilk dəfə Avroliqanın qrupuna daşıdı.
Göteborq – 0:1, 3:0
2016-nın yayında yenə Çempionlar Liqasında mübarizə aparan “Qarabağ” asan rəqib kimi gördüyümüz “Düdelanj-91” səddini çətinliklə dəf etmişdi. Bakıda 2:0-lıq qələbəyə baxmayaraq, rəqib doğma azarkeşləri önündə hesabı açmış, növbəti qolu vurmaq üçün böyük qüvvə ilə irəli atılmışdı. Hətta fərqi artırmaq imkanları da vardı. Reynaldonun əsas vaxta əlavə olunmuş dəqiqələrdə fərqlənməsi mərhələnin taleyini təmsilçimizin xeyrinə həll etmişdi. 3-cü mərhələdəki rəqib isə “Viktoriya” idi. Səfərdə qolsuz bərabərliyə razılaşan tərəflər Bakıda ölüm-dirim savaşına çıxdı. Lakin 1:1-lik heç-heçə bizimkilərin yox, çexlərin xeyrinə işlədi. “Düdelanj-91”lə səfər oyunu və Bakıda “Viktoriya” ilə qollu heç-heçə “Qarabağ”la bağlı ciddi suallar yaratmışdı. Çoxları komandanın zəiflədiyini düşünür, bu gedişlə Avroliqanın pley-offunda da uğursuzluğa düçar olacağını ehtimal edirdi. “Göteborq”a səfər məğlubiyyəti bədbinliyə qapılanların ehtimalını bir qədər də artırmışdı. “Qarabağ”ın ardıcıl 3-cü dəfə Avroliqanın qrupunda oynayacağını düşünənlərin sayı barmaqla sayıla biləcəkqədər az idi. Lakin onlar mümkünsüzü bacardı. Ruh düşkünlüyünə, səfər məğlubiyyətinə baxmayaraq, “köhlən atlar” əsl xarakter nümayiş etdirib “Göteborq”un qapısından 3 cavabsız top keçirməyə nail oldu.
Kopenhagen – 1:0, 1:2
Və ötən ilin avqustu. Avroliqanın qrup həyəcanını yaşayan çempionun hədəfi böyümüşdü. Məqsəd Çempionlar Liqasının qrupu idi. Təsnifat mərhələsində öncə “Samtredia”nı, daha sonra “Şerif”i mübarizədən kənarlaşdıran ağdamlıların növbəti rəqibi Danimarka nəhəngi, bir neçə dəfə ÇL-in qrupunda oynamış “Kopenhagen” idi. Heyətində Danimarka, İsveç, Paraqvay, Slovakiya, Sloveniya, Çexiya yığmalarının üzvlərinin yer aldığı rəqib olduqca təhlükəli görünürdü. Hətta bukmeker kontorları belə “Qarabağ”ın qrupa düşmək şanslarını gözlə görünməyəcək qədər minimum qiymətləndirirdi. Bakıdakı qarşılaşmada Mahir Mədətovun vurduğu qol yekun nəticəni müəyyənləşdirdiyindən, səfərdə bizimkilərin qollu məğlubiyyəti də sərf edirdi. Belə də oldu. 66-cı dəqiqədə hesabı 2:1 edən danimarkalılar geridə qalan təxminən 30 dəqiqə ərzində “Qarabağ”ın qapısına yol tapa bilmədilər. Qələbə qazanılmasa da, səfərdə rəqibə ciddi azarkeş dəstəyi qarşısında, üstəgəl, oyunda böyük təzyiqə sinə gərən ağdamlılar Azərbaycan xalqına əsl sevinc yaşatdı.
Faktlardan da göründüyü kimi, “Qarabağ” həlledici anlarda əsl xarakter nümayiş etdirməyi bacarıb. İndiyə qədər “Rusenborq”, “Tvente”, “Visla”, “Kopenhagen”, “Göteborq” və daha neçə-neçə komandanın futbolçularını məyus olmağa məcbur edən “köhlən atlar”ın moldavanları dizi üstə oturtması mümkünsüz görünmür. Əksinə, kifayət qədər realdı. Sadəcə, hücum xəttində bir qədər inamlı olmaq lazım gəlir. Və ən əsas məqam: aqressiv oyunla rəqibin rahat nəfəs almasının qarşısını almaq.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:29 Almaniyada Ömər Paşayevin səhhətində ciddi problem aşkarlanmayıb Bu gün, 00:27 Heç bir klub mətbuat katibinə protokol doldurmağı tapşırmır Bu gün, 00:26 Xaqani Məmmədovun düşmənləri sosial şəbəkədə “at oynadır” Bu gün, 00:23 Voleybolçular dünya çempionatına inamlı yollanır Bu gün, 00:21 Alesio yığmanın heyətini bu gün açıqlayacaq Bu gün, 00:19 “Sportinq” qrup mübarizəsinə uğursuz başlayır Bu gün, 00:05 Turun oyunçusu Bu gün, 00:04 TURUN SİTATI Bu gün, 00:02 Məhsuldarlıq rekord vurdu Bu gün, 00:01 Turun statistikası Dünən, 23:59 TURUN MƏŞQÇİSİ Dünən, 23:58 Turdan məqamlar Dünən, 23:56 16 medalın izi ilə... Dünən, 23:54 Xala və qola həsrət “Kəpəz”in baş məşqçisi məmnundu Dünən, 23:53 İntizam Komitəsi “Zirə”yə texniki məğlubiyyət verdi Dünən, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır Bütün xəbərlər
Ən çox oxunanlar