21 avq 21:48gundem

“Qarabağ”lılar “Şerif”dən ehtiyatlanır

“Qarabağ”lılar “Şerif”dən ehtiyatlanır
Miçel: “Avroliqa da Azərbaycan üçün ciddi yarış sayılmalıdı”
BATE-yə iki oyunun nəticəsinə görə uduzan (0:1, 1:1) “Qarabağ” ölkə çempionatına uğurlu start verdi. İlk turdakı oyunu təxirə salınan “köhlən atlar” 2-ci turda “Səbail”lə qarşılaşdı və iki cavabsız qolla qalib gəldi. Oyundan sonra Miçel və Maksim Medvedev jurnalistlərin suallarını cavabladı. Yeri gəlmişkən, ispan yarımmüdafiəçi “Səbail”lə matçın gedişində zədə aldı, lakin həkimlərin müdaxiləsindən sonra oyunu davam etdirdi. Hər iki futbolçu təkcə premyer-liqa görüşü haqda yox, beynəlxalq mübarizə ilə bağlı fikirlərini də dilə gətirdi.
Miçel: “Səfər oyunları hər zaman çətin olur. Rəqib güclü komanda olanda işiniz bir az da çətinləşir. “Səbail”lə görüş də istisna olmadı. İlk dəqiqələrdə oyunumuz istədiyimiz kimi alınmasa da, sonradan nəzarəti ələ ala bildik və qol vəziyyətləri yaratmağa başladıq. Yeni mövsümdə ilk 3 xalımızı qazandıq. Bu cür davam etməliyik. Zədəm ciddi deyil. Rəqiblə toqquşmadan sonra diz nahiyyəmdən yüngül xəsarət aldım. Yeriyəndə bir az ağrı hiss edirəm. Buz qoyulandan sonra keçib gedər... Yıxılırsansa, qalxmağı bacarmalısan. Bu, futbolun qanunudu. Özünüz də bilirsiz ki, bu il Çempionlar Liqasında qrupa düşmək daha çətindi. Son mərhələlərdəki rəqiblərin səviyyəsi daha yüksəkdi. Amma istənilən halda irəli baxmaq lazımdı. Qarşıda başqa yarışlar var. Mübarizəni davam etdiririk. Avropa Liqasında yenidən qrupa vəsiqə qazanmaq şansımız var. Sadəcə, çalışmaq lazımdı. “Şerif”lə duellərin ötənilki kimi çətin olacağını gözləyirəm. Çox istəkliyik, arzumuz böyükdü. Amma qarşımızda çətin rəqib var. Üstəlik, ilk oyunu səfərdə keçirəcəyik. Görək baş məşqçimiz bizə nə deyəcək. İlk oyundan sonra rəqib komandada nə kimi dəyişikliklər baş verdiyini görəcəyik. Qurban Qurbanov hansı tapşırıqları versə, onları meydanda yerinə yetirməyə çalışacağıq. Ötən il “Şerif”lə oyunda fərqlənməyim? Göylərdə uçmamalı, ayaqlarımızı yerə basmalıyıq. Qolu kimin vuracağı önəmli deyil. Əsas mərhələ adlamaqdı. Avroliqanın qrupuna düşmək “Qarabağ” üçün elə də böyük hadisə sayılmamalıdı? Bunu kim deyir? Elə deyirsiz, sanki neçə illərdi ÇL-in qrupunda oynayırıq və artıq Avroliqada qrupa düşməyi uğur saymırsız. Cəmi 1 il ÇL-də oynamışıq. Bu il alınmadı. Mən belə düşünmürəm. Avroliqa da Azərbaycan üçün ciddi yarış sayılmalıdı. Orda da möhtəşəm komandalar var. O ki qaldı qrupdakı rəqiblərə və bizim hansı səbətdən qatılacağımıza, ümumiyyətlə, səbət məsələsindən anlayışım yoxdu. Öncə “Şerif”ə qarşı oynamaq lazımdı. Ondan sonra bu barədə fikirləşmək olar”.
Maksim Medvedev: “Çempionata qələbə ilə başlamağımız yaxşı oldu. Rəqibi yaxşı təhlil etmişdik. Oyunçular baş məşqçinin tapşırıqlarını yerinə yetirə bildilər. Ona görə 2 qol vura bildik. Müdafiədə də etibarlı oynadıq. Çalışacağıq ki, çempionatda belə də davam edək və oyunumuzu daha da yaxşılaşdıraq. Lazımi xalları qazanaq. Gördüyünüz kimi, bu gün meydanda BATE-yə qarşı oynayan futbolçuların çoxu yox idi. Baş məşqçi bizə istirahət vermişdi. Ağır oyundan sonra komandada bir az stress var idi. Yolumuza davam edirik. Bu gün digər uşaqlar komandaya yeni nəfəs gətirdi və qələbə qazandırdı. Qarşıda “Şerif”lə oyunumuz var. Bu rəqibi ötən il çox çətinliklə keçmişdik. Doğrudan da yaxşı komandadı. Fərdi ustalığı ilə seçilən oyunçuları var. Həm müdafiədə, həm də hücumda inamlı təsir bağışlayırlar. Bəlkə də əvəz çıxmaq istəyəcəklər. Amma biz də öz oyunumuzu oynamalıyıq. Daha diqqətli olmalı və ələ düşən imkanlardan istifadə etməliyik. Çempionlar Liqasında buraxdığımız səhvləri burda təkrarlamamalıyıq ki, sonradan oturub fikirləşməyək. Rəşad Sadıqovla bağlı müzakirələr? Futbolda hər şey olur. Hamı səhv edə bilər. Keçən oyunlara baxanda görürük ki, mənim də, digər futbolçuların da səhvləri olub. Elə vaxt olub ki, biz səhv edəndə kapitanımız “sığortalayıb”. Amma son iki oyunda biz Rəşadı “sığortalaya” bilmədik. Ona görə deyirlər ki, kapitan səhv edib. Hər kəs yanlışlığa yol verə bilər. Əsas onu düzəltməkdi. Ancaq komanda şəklində həmin səhvi düzəldə bilmədik. Ona görə də günah bütün komandadadı”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar