13 avq 22:10gundem

Ramin Musayev neftin bahalaşmasını arzulayır

Ramin Musayev neftin bahalaşmasını arzulayır
“Ağzımı açan kimi “yuxarı”dan zəng gəlir ki, çox danışma”
Birinci divizionun püşkatmasından sonra PFL prezidenti Ramin Musayevin iştirakı ilə mətbuat konfransı keçirildi. Musayev tədbirə qatılan jurnalistləri maraqlandıran sualları cavabladı.
- Hakimlər bu dəfə yay fasiləsi zamanı ölkə xaricində təlim-məşq toplanışı keçmədilər. Bu, onlar üçün problem olmayacaq? Bundan başqa, Hakimlər Komitəsinin sədri Xaqani Məmmədov ötən mövsüm demişdi ki, gənc, perspektivli referilərimiz var. Onlara gələn mövsüm, yəni 2018/19 “futbol ili”ndə təyinatlar vermək istəyirik. İndi oyunların sayında da azalma müşahidə olunur. Belə çıxır ki, həmin gənclər kənarda qalacaqlar. Bu məsələyə də münasibət bildirmənizi istərdik.
- Ötən yay da hakimlər xaricdə toplanış keçməmişdilər. Əvəzində qışda Antalyaya yollandılar. Və səhv etmirəmsə, orda təxminən 80 oyun idarə etdilər. Hakimlər təlim-məşq toplanışında 5-10 oyun idarə edəcəklərsə, ölkə xaricinə getməyin nə mənası var? Ondan əvvəlki yayda toplanış təşkil olunmuşdu və ədalət təmsilçilərimiz 40 matçda iş başında olmuşdular. Əməkdaşlıq etdiyimiz şirkətlə danışdıq. Onlar bildirdilər ki, qışdakı qədər yoldaşlıq oyunu təşkil edə bilməyəcəklər. Belə vəziyyətdə yalandan o qədər xərc çəkmək bizə nə verəcək? O ki qaldı gənc və perspektivli hakimlərin vəziyyətinə, buna görə narahat olmağa dəyməz. Onları yenə də diqqətdə saxlayıb, inkişafına kömək edəcəyik. Gənc ədalət təmsilçiləri birinci divizionda özlərini göstərə bilsələr, premyer-liqada da onlara şans yarada bilərik.
- Sözarası vurğuladız ki, bizdə vəziyyət hələ yaxşıdı. Başqa ölkələrdə çempionat keçirmək üçün pul tapmırlar. Ancaq bizdən kasıb Gürsüstanda, Baltikyanı ölkələrdə 4, hətta 5 liqa fəaliyyət göstərir. Bəs onlar bu işin öhdəsindən necə gəlirlər?
- Bizdə bəyəm yoxdu? Bizdə də var.
- Mən müxtəlif yaş qrupları arasında AFFA-nın təşkil etdiyi çempionatları nəzərdə tutmuram.
- Onlar da müxtəlif yaş qrupları üzrə çempionat təşkil edib adını liqa qoyurlar. Kasıb itinin adını “gümüş” qoyan kimi. Görün bizdə həvəskarlarda neçə komanda oynayır? Həmin çempionata 2-ci liqa adı qoya bilərik. Region Liqasını 3, U-19 çempionatını da 4-cü liqa kimi təqdim edə də bilərdik. Yalandan liqa sayının çox olduğunu göstərmək üçün bu addımı atmağın nə mənası var? Bu gün maddi durum çox əl-qol açmağa imkan vermirsə, hər şeyi AFFA-nın üstünə atmaq nə dərəcədə düzgündü? Kənardan heç bir dəstək görmürük.
- Yeni limitin tətbiqi yaşı 24-25 olan oyunçuların çoxunu karyerasını başa vurmağa məcbur edəcək. Bu məsələyə münasibətinizi bilmək istərdik.
- Premyer-liqada futbolçu ən azı 1500-2000 min manat maaş alır. 20 yaşlı oyunçu 2000 aldığı vaxtda 26 yaşlı futbolçu divizionda 400-500 manata oynayırsa, onun gələcəyi nə olacaq? Ondansa, vaxtında başqa sahəyə üz tutsun. Bilirsiz, nə qədər adam zəng vurub xahiş edir? Xahiş olunan futbolçu ilə maraqlananda məlum olur ki, heç heyətə düşməyib. Onda da deyirlər ki, bu il də şans versinlər, yaxşı olacaq. 3 ildi bu adam heyətə düşmürsə, deməli, bacarığı yoxdu. Onun futbolumuza nə xeyri olacaq? 26 yaşından sonra o nə “artıracaq”?
- Son illərdə birinci divizionda çempion olan klubların əksəriyyəti maliyyə problemi səbəbindən elitaya yüksələ bilməyib. Sizcə, eyni problem bu il də təkrarlanmayacaq ki? Çünki divizion klublarının, demək olar ki, hamısı yenə də SOCAR-dan maliyyələşir.
- Allahdan arzu edək ki, Neft Şirkətinin işi yaxşı olsun, neft bir qədər də bahalaşsın. Başqa kimə nə deyə bilərik. Gəlin təmiz danışaq, Rövnəq Abdullayevdən başqa futbola pul ayıran var?
- Hər halda, nəsə edə bilərsiz ki, 2004-cü ildəki futbol bumu bir daha yaşansın.
- Bunu siz jurnalistlər yazılarınızla ictimaiyyətə çatdırmalısız. Mən ağzımı açan kimi “yuxarı”dan zəng gəlir ki, çox danışma. Yuxarı deyərkən, AFFA-nı nəzərdə tutmuram. Bu gün bölgələrdə yetərincə imkanlı insanlar var. Həmin bölgələri də sizə sadalaya bilərəm. Ancaq heç kim əlini cibinə atmaq istəmir. Hamı deyir ki, bütün işləri AFFA etsin.
- Futbola diqqət ayıran iş adamlarına hansısa formada güzəştlər olmalıdı ki, onlarda bu sahəyə maraq oyansın.
- Bu sözlərinizdən sonra Neft Şirkəti kimi, iş adamlarımıza da bizneslərində uğurlar arzulamaq istəyirəm ki, futbola yatırım etsinlər.
- Son iki mövsümdə birinci divizionda çıxış edən klublardan 10-u yeni mövsümdə çempionatda olmayacaqlar. Onlardan neçəsi danışılmış oyunlara görə kənarda qalıblar?
- Hansı klub sənədini gətirməyibsə, onu çempionata buraxmamışıq (gülür). Bilirəm, məndən söz almaq istəyirsiz, amma ad çəkməyəcəm.
- Premyer-liqanın püşkamasında “hansı klubları çempionatda görməyəcəksizsə, deməli, həmin komandalar oyun alğı-satqısına görə kənarda qalıblar” demişdiz. Ötən il aşağı dəstədə çıxış edən klublardan üçü bu gün püşakmada iştirak etmir. “Xəzər” və “Binə”nin fəaliyyətini dayandıracağı mövsümün sonunda bəlli idi. Belə çıxır ki, bütün alış-veriş “Mil-Muğan”ın üstündə olub...
- Keçin başqa suala.
- İcra başçıları nəyə görə klublara maddi kömək göstərmirlər?
- Heç vaxt onlardan bu haqda soruşmamışam. İcra başçılarının hamısı başımızın tacıdı, Allah onlara cansağlığı versin.
- Bir çoxları üçün “Qəbələ”nin əvəzedici heyətinin diviziondan imtina etməsi gözlənilməz olsa da, AFFA rəhbərliyi klubun belə addım atacağını əvvəlcədən bilirdi. Bu haqda klub rəsmisi açıqlama verib. Belə olan halda assosiasiyanın baş katibi Elxan Məmmədov niyə İcraiyyə Komitəsinin üzvlərini vaxtında məlumatlandırmayıb? Hər şeydən xəbərsiz olan İK üzvləri də 8 əvəzedici komandanın birinci divizionda iştirak etməli olduğu ilə bağlı qərar çıxarır, ancaq qərar yerinə yetirilmir...
- Orda yazılmayıb ki, məcbur oynamalıdılar.
- Qərarda belə göstərilib axı...
- Konkret 8-i də oynamalıdı qeydi olmayıb. Oynaya bilər yazılıb. Dünən bir klubdan bizə müraciət olundu ki, ola bilsin, biz püşkatmaya gəlmədik. Ad çəkmək istəmirəm. Ancaq onu deyə bilərəm ki, premyer-liqa təmsilçilərindən biridi. Problem büdcə ilə bağlı idi. “Qəbələ” rəhbərliyi uzun illər futbola böyük yatırımlar edib. Bölgə təmsilçisinin iştirak etməməsində bizim də günahımız oldu. Onların büdcəsi təsdiqlənəndən sonra biz kluba dedik ki, divizionu bu formatda təşkil edəcəyik. Yəni əvvəlcədən xəbərdarlıq etməmişdik.
- “Şüvəlan”la bağlı vəziyyət nə yerdədi? Dünən axşam saatlarına qədər komandanın divizionda oynayıb-oynamayacağı məlum deyildi. Məndə olan məlumata görə, komanda çempionata buraxılsa da, sponsoru yoxdu. Sizcə, sponsoru olmayan komanda mövsümü başa vura biləcək?
- Hansısa klubun bir faiz belə çempionatın sonuna qədər qalmaq ehtimalı olmasaydı, onu püşkatmaya buraxmazdıq. “Şüvəlan”a görə narahat olmayın. Elə gözəl bazası olan, stadionu təmir olunan komandanın mövsümü yarımçıq başa vurması mümkün deyil. Onu düz buyurduz ki, dünən (srağagün) 16.30-a qədər onların divizionda mübarizə aparıb-aparmayacağı sual altında idi. Ancaq axşam saatlarında klub rəhbərliyindən zəng gəldi ki, komandanın çıxış etməsində heç bir problem olmayacaq.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 17:24 AGİN yığmalar üçün toplanış təşkil etməyi düşünür Bu gün, 17:14 Obradoviçlə Velebit gedib, Lippert Bakıdadı Bu gün, 16:53 FİFA yaş limitini artırmağı zəruri sayır Bu gün, 16:43 UEFA: milli çempionatlar sona çatdırılmalıdı! Bu gün, 16:40 “Barselona”ya qayıdıb yeni səhifə açmaq istəyirəm” Bu gün, 16:30 Karius FIFA-ya şikayət etdi Bu gün, 16:25 “Heç kim hadisələrin necə inkişaf edəcəyini bilmir” Bu gün, 16:20 Tramp da videokonfrans keçirdi Bu gün, 16:13 Xabib – Toni dueli 5-ci cəhddə də baş tutmadı Bu gün, 16:09 Türkiyəyə futbol nə vaxt “qayıdacaq”? Bu gün, 14:49 "Qəbələ" tarixindəki 78 penaltidən 61-ni qola çevirib Bu gün, 14:46 "Qəbələ": 546 oyun, 41 kapitan Dünən, 11:22 Fonda daha hansı klub pul köçürəcək? Dünən, 11:01 Koronavirusun öyrətdiyi ...onlayn məşqlər 3-04-2020, 21:40 “Ağsu Siti” də kampaniyaya qoşuldu 3-04-2020, 21:36 Bir daha Çingiz İsmayılova ayrılan yardım haqda 3-04-2020, 21:30 Riad Rəfiyev “asan yol” arzulamır 3-04-2020, 21:21 “Sumqayıt” 40 həmvətənimizi himayəyə götürdü 3-04-2020, 20:55 Avanürist ideya: yarımfinal bir oyundan ibarət olsun! 3-04-2020, 20:35 “Old Wolf”u üç futbolçu təbrik edib 3-04-2020, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür Bütün xəbərlər
Ən çox oxunanlar