10 avq 13:40gundem

“Qarabağ” - BATE oyunundan doğan suallar

“Qarabağ” - BATE oyunundan doğan suallar
Rəqibdən bu qədər ehtiyatlanmağın səbəbini anlamaq çətin idi
“Qarabağ”ın ötənilki uğuru təkrarlayacağı çətin görünür. Söhbət ardıcıl ikinci il Çempionlar Liqasının qrupunda çıxış etməkdən gedir. Bunu təmsilçimiz 3-cü mərhələni uğurla adlayacağı halda pley-offda PSV ilə üz-üzə gələcəyinə görə demirik. Sadəcə, BATE ilə ilk görüşdə qeydə alınan nəticədən sonra Ağdam təmsilçisinin şansı elə də yüksək deyil. Bakıdan 1:0 hesablı qələbə ilə dönən borisovlularun evdə bu üstünlüyü əldən verəcəyi inandırıcı görünmür. Səfərdə qol buraxmadan qalib gələn tərəf cütün taleyini böyük ölçüdə həll etmiş sayılır. Ancaq indidən “ağ bayraq qaldırmaq” da düzgün olmaz. Belarus təmsilçisi Bakıda qələbə qazanırsa, “Qarabağ” niyə səfərdə bunu bacarmasın?! Özü də həm futbolçuların, həm də baş məşqçi Qurban Qurbanovun inamlı açıqlamaları cavab görüşü ilə bağlı azarkeşlərdə ümid yaradıb. Sadəcə, BATE-nin yetərincə təşkilatlanmış komanda olması, gücünə görə əvvəlki rəqiblərdən fərqlənməsi problem yarada bilər. Əslində “sarı-göylər”lə Bakıdakı görüşdən daha sərfəli nəticə ilə ayrılmaq olardı. Start heyətindən tutmuş, oyunun axarı zamanı da bəzi suallar ortaya çıxdı. Bütün bunlar isə üst-üstə gələrək məğlubiyyətə səbəb oldu. Həmin məqamları bir daha yada salaq.
“Çərçivə”dəki dəyişiklik
Həm “Olimpiya”, həm də “Kukesi” ilə görüşlərdə “Qarabağ” qapısını toxunulmaz saxlamağı bacarmışdı. Ümumilikdə 360 dəqiqə qol buraxmayan Vaqner da Silva ölkə futbolu üçün yeni rekord müəyyənləşdirmişdi. Ancaq BATE ilə oyunun start “11-liy”ində braziliyalının yox, Hannes Halldorssonun adını gördük. Təbii, 4 matçda qapısını toxunulmaz saxlayan qolkiperin birdən-birə ehtiyatda qalması təəccübləndirməyə bilməzdi. Qurbanovun “çərçivə” ilə bağlı dəyişikliyə əl atması sual doğururdu. Düzdü, island qapıçının məğlubiyyətdə səhvi olmadı. Heç onu vurulan qola görə də suçlamaq doğru olmaz. Sadəcə, arxa xətt oyunçuları Vaqnerə daha çox alışmışdılar. “Sambaçı” inamlı oyunu ilə müdafiənin də rahat nəfəs almasına şərait yaradırdı. Bundan başqa, “quru” seriya həm qapıçıda, həm də arxa xətt oyunçularında özünəinam formalaşdırmışdı. Görünür, baş məşqçi “1 nömrə” kimi transfer edilən Halldorssonun müntəzəm ehtiyatda qalmasını doğru hesab etmədiyi üçün Vaqneri ehtiyatda saxlamağı lazım bilmişdi. Hər halda, Hannes də nə vaxtsa şans qazanmalıydı. Bundan başqa, rəqibin ucaboy oyunçularının qarşısını island qapıçının kəsmək ehtimalı daha yüksək idi. Çünki Halldorsson Vaqnerdən daha ucaboydu. Təəssüf ki, onun debütü üzücü məğlubiyyətin qeydə alındığı matçda gerçəkləşdi.
Kintananın yoxluğu
“Kukesi” ilə cavab görüşündə Qurbanovun ən optimal heyətə güvəndiyini qeyd etmişdik. Çalışdırıcının “qalib heyəti dəyişməzlər” prinsipinə sadiq qalacağını gözləyirdik. Lakin iki dəyişiklik var idi. Qapıçı seçimini artıq vurğuladıq. İkinci dəyişiklik isə məcburiyyətdən atılan addım idi. Belə ki, Dani Kintana zədəli olduğuna görə BATE ilə görüşü buraxırdı. Belədə Qurbanov sağ cinahı Con Delarja həvalə etmişdi. Əslində Qurbanov məhz “Kukesi” ilə oyundakı performansına görə ona güvənmişdi. Xatırladaq ki, həmin görüşdə sonradan meydana çıxan konqolu vinger debüt matçında fərqlənmişdi. Ancaq Delarj bu dəfə komandanın ən zəiflərindən biri idi. Bu isə o deməkdi ki, “28 nömrə” ilk dəqiqələrdən mübarizəyə hazır deyilmiş. Qurbanov da məhz 67-ci dəqiqədə onu Mahir Mədətovla əvəzlədi. Bəlkə də Mahir start heyətində olsaydı, komandaya daha çox fayda verərdi. Düzdü, əvvəlki oyunlarda Mahiri qol vura bilmədiyinə görə qınamışıq. Ancaq heç kimə sirr deyil ki, Mədətov hücumun sivri ucunda yox, cinahda daha faydalı olur. O, top saxlamaq bacarığı və texnikası hesabına nəsə edə bilərdi. Bəziləri əks dəlil səsləndirə bilər ki, Mahir meydana çıxdı, qeyri-adi heç nə etmədi. Əvvəla, Mədətov qapıya zərbələrlə yadda qaldı, həmçinin Delarjdan daha yaxşı idi. Bundan başqa, ilk “11-lik”də yer almaqla məğlub durumda olan komandanın heyətində sonradan meydana çıxmaq bir deyil. Psixoloji durum, təzyiq kimi məqamları yaddan çıxarmamalıyıq. Qurbanov isə futbolçuların məhz əvvəlki performansına uyğun seçim etmişdi, sadəcə, ötən oyundan fərqli, seçimi bu dəfə özünü doğrultmadı.
Ehtiyatlı start
Hər kəs razılaşar ki, “Qarabağ” oyuna olduqca ehtiyatlı başladı. Bəlkə də baş məşqçi yetirmələrinə tələsməməyi tapşırmışdı. Ancaq “gözləyək, rəqib üstümüzə gəlsin” düşüncəsi o qədər də doğru variant deyildi. Halbuki komandanın ilk dəqiqələrdən topa daha çox nəzarət edəcəyini, zaman-zaman öldürücü hücumlar quracağını gözləyirdik. Ancaq BATE-dən bu qədər ehtiyatlanmağın səbəbini anlamaq çətin idi. Ola bilər, rəqib əvvəlkilərlə müqayisədə daha təhlükəlidi. Lakin “köhlən atlar” zaman-zaman Borisov təmsilçisindən də güclü komandalarla qarşılaşıb və ənənəsinə - topa daha çox nəzarət etmək taktikasına sadiq qalmağa çalışıb. Və məhz həmin taktika Ağdam klubuna uğur gətirib. BATE ilə dueldə isə ilk yarıda rəqibin dominantlıq etməsi ilə razılaşan “köhlən atlar” sonda bunun acısını yaşadı. İkinci yarıda, xüsusən son 20 dəqiqədəki üstünlük məğlubiyyətdən xilas olmağa yetmədi. Təbii, “Qarabağ”ın həmin dəqiqələrdə daha çox əl-qol açmasında BATE-nin sərfəli hesabı qorumaq istəyinin rolu var idi. Çox güman, ilk yarıda hesab açılmasaydı, qonaqların qapısına bu dərəcədə “yüklənmək” mümkün olmayacaqdı. Çünki rəqib ona lazım olan qolu vurana qədər bütün komponentlərdə ağdamlıları üstələyirdi.
Ozobiç oyuna gec qoşuldu
Yenə “Kukesi” ilə oyunu xatırlayacağıq. Həmin qarşılaşmada ən yaxşılardan biri Simeon Slavçev idi. Məhz onun ideal ötürmələrindən sonra İnnosent Emeqara penaltilər qazandı. Ancaq bolqar yarımmüdafiəçi BATE-yə qarşı eyni performansı göstərə bilmədi. Doğrudu, Qurbanov əvvəlcə Mahiri, daha sonra Ozobiçi döyüşə atdı. Lakin xorvat yarımmüdafiəçini mübarizəyə daha erkən qoşmaq olardı. Necə ki, Filip “Qarabağ”ın oyunboyu yaratdığı ən təhlükəli vəziyyətin müəllifi oldu. Amma baş məşqçi onu 80-ci dəqiqədə meydana buraxdı. Halbuki Ozobiç daha elastik futbolçudu, uzaqdan zərbələri var. Onsuz da rəqibin cərimə meydançasına daxil olmaq çətin idi. Belədə uzaqdan vuruşlar komandaya qol gətirə bilərdi. Bunun üçün isə Filip kimi oyunçunun daha erkən döyüşə atılması lazım idi.
Liderlər səhnəyə çıxmadı
“Qarabağ”ın ən üstün cəhəti komanda oyunudu. Qurbanov illərdi eyni sistemə sadiq qalır və sistem “köhlən atlar”ı uğura daşıyır. Ancaq istənilən komandada liderlər oyunun taleyinə birbaşa təsir edir. Təəssüf ki, Belarus təmsilçisi ilə görüşdə bunu görmədik. Miçeldən gözlədiyimiz performansın şahidi olmadıq. Maksim Medvedev haqda da xoş sözlər demək olmaz. Adi ötürmələr zamanı Bədavi Hüsyenovla Maksim arasında yaşanan anlışlmazlıqlar “Qarabağ”ın oyununa qətiyyən uyğun gəlmirdi. Təbii, liderlərdən danışırqsa, Rəşad Sadıqovun da adını çəkməliyik. Kapitanın kobud səhvi komandaya baha başa gəldi. Sadıqov özü də oyundan sonra məsuliyyəti üzərinə götürüb, yanlış ötürməyə görə üzüldüyünü dilə gətirib. Lakin bunlar nəticəni dəyişmir və ortada bir reallıq var ki, BATE ölkəsinə qələbə ilə döndü. Hə, ötən oyunda 3 penalti qazanan Emeqaradan da gözləntilər özünü doğrultmadı. Bu isə hücumçu haqda təriflərin bir qədər tələsik söylənildiyini təsdiq edir.
Qeyri-adi “ev tapşırığı” görmədik
“Köhlən atlar” bu oyunda 7 künc zərbəsi yerinə yetirdi. Lakin bunların heç birində rəqib qapısı qarşısında ciddi təhlükə yarada bilmədik. Kornerdən havalandırılan topu BATE-nin ucaboy müdafiəçiləri asanlıqla uzaqlaşdırırdılar. Ümumiyyətlə, borisovlular “ikinci mərtəbə”də ağdamlılara, demək olar, şans vermədilər. Mahirin başla vuruşundan başqa, rəqib qapısına bu cür zərbəmizin olduğunu xatırlamaq çətindi. Künc zərbələri zamanı Rəşad topa yaxınlaşır, onu qapı önünə ötürür, müdafiəçilər təhlükəni sovuşdurur. Kornerlərdən ikisində isə Qurbanovun yetirmələri oyuna paslaşmaqla başladılar ki, əslində bu da bir işə yaramadı. Qeyri-adi “ev tapşırığı”nın, BATE-nin müdafiəsini yarmaq üçün alternativ variantların şahidi olmadıq. Abdulla Zubir bir neçə dəfə cərimə meydançasına daxil olsa da, yalnız bir dəfə qapıya zərbə endirdi. Hansı ki, vuruşu olduqca təhlükəli alındı. Həmin zərbələrin sayı daha çox olsaydı, qol ehtimalı da bir o qədər artacaqdı. Oyunsonrası mətbuat konfransında Qurban bəyin səsləndirdiyi “bəzi düşündüyümüz kombinasiyalar vardı, amma alınmadı” sözlərini yada salaq. Görünür, fərqli variantların gerçəkləşməməsi ona hazırlaşmamaqdan irəli gəlməyib. Sadəcə, “Qarabağ”ın oyunçularının onu reallaşdırmağı bacarmaması ilə yanaşı, rəqib də buna imkan vermədi. Hər halda, Qurbanov heç nəyin bitmədiyini, qarşıdakı 90 dəqiqənin bütün suallara aydınlıq gətirəcəyini söyləyib. Baş məşqçinin əminliyi ÇL-in pley-offu ilə bağlı ümidlərin bitməməsi üçün yetərlidi.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar