10 avq 16:28gundem

Belaruslu jurnalistlər BATE-ni dağın başına qoyub

Belaruslu jurnalistlər BATE-ni dağın başına qoyub
“Qarabağ”lıların buna hazır olmadığı açıq-aşkar görünürdü”
Oyun başa çatandan sonra BATE-nin futbolçularının miks-zonaya toplaşan jurnalistlərin önündən Çempionlar Liqasının qalibi olmuş görkəmdə keçməsi sözün hər mənasında ağır idi. Üzləri gülən, yaxınları ilə telefonda xoş əhval-ruhiyyədə danışan qonaqlardan fərqli, “Qarabağ”ın üzvlərinin məyus görünməsini başa düşmək olardı. Xüsusilə buraxılan qolda kobud səhvə yol verən Rəşad Sadıqovun təəssüf hissini anlamaq çətin deyildi. Bizdən fərqli, belaruslu həmkarlarımız deyib-gülür, zarafatlaşırdılar. Başadüşüləndi, onların yerində olsaydıq, biz də o cür davranardıq.
Elə Belarus mətbuatında dərc olunan yazılardan da BATE-nin qazandığı səfər qələbəsinin media mənsublarının ürəyincə olduğunu hiss etmək mümkündü. Ünlü “Pressbol” nəşri oyuna xüsusi diqqət ayırıb ki, bu, özünü müxtəlif səpkili yazı və materiallarda göstərir.
Nikolay Kraskovski ad-soyadlı həmkarımız ərinməyərək “Qarabağ” azarkeşlərinin “feysbuk”dakı şərhlərini seçib və oxuculara təqdim edib. Azərbaycancadan rus dilinə mükəmməl tərcümə nəticəsində bizimkilərin hansı fikirdə olduğu belaruslu futbolsevərlərə çatdırılıb. “Çirkin (Aleksandr Qlebə xitabən – H.), orda hansı “pijonluqdan” söhbət gedə bilərdi? Bu sözünə görə bir həftədən sonra cavab verəcəksən, inşallah” - Elnur Əliyev adlı “feysbuk” istifadəçisinin məhz bu şərhi yazının başlığı seçilib. Yazıda həmçinin Rəşad Sadıqovla Hannes Tur Halldorssonun müsahibələrinə yer verilib, “Qarabağ”ın bəzi azarkeşlərinin BATE-nin gücünü qabartması xüsusi vurğulanıb.
“Pressbol”un Bakıya ezam olunmuş Artyom Fando adlı əməkdaşı isə oyundan hazırladığı reportajda bir çox maraqlı mövzulara toxunub. Yazıya “Karabax” Karabas deyil. BATE pley-off yolunda ciddi addım atdı” sərlövhəsini seçən Fando Belarus çempionuna qələbə qazandıran məqamlardan bəhs edib: “Hələ HİK-lə oyunlarda görünürdü ki, Staseviçsiz hücum qurmaq çox çətindi. Düzdü, “Qarabağ”la görüşdə “sarı-göylər” bir qədər fərqli oyun üslubundan istifadə etdilər. Təkcə kapitanın görəcəyi iş dəyişməmişdi. Pis-yaxşı bütün təhlükəli hücumlar məhz Staseviçin ifasında qurulurdu. Ya özü hücuma çıxır, ya rəqibin oyununa müdaxilə edir, ya da komandasının xeyrinə cərimə zərbəsi qazanırdı. Elə vurulan qolda da onun əməyi oldu. Staseviç topu Siqneviçə ötürdü, onun havalandırdığı topu isə Draqun başla qapıdan keçirdi. Maraqlısı, bilirsiz, nədi? Volodko ilə Riosu cinahlardan hücumlara durmadan dəstək verən futbolçular kimi tanıyırıq. Lakin bu dəfə onların əsas işi müdafiəyə diqqət yetirmək idi. Çox yaxşı bacardılar.
Pressinq bu oyunda BATE-nin əsas “silahı” idi. “Sarı-göylər”artıq ilk dəqiqələrdən təkcə meydanın özlərinə yox, həm də rəqibə aid hissəsində pressinq etməyə başladı. “Qarabağ”lıların buna hazır olmadığı açıq-aşkar görünürdü. Düz danışaq: istənilən halda, rəqib qapısı qarşısında təhlükəli vəziyyətləri sıralamaq hələ ki borisovlular üçün çətin görünür. Xüsusən də zona hücumları zamanı. Belədə nə etmək lazım gəlir? Köməyə standart vəziyyətlər gəlir – künc, ya da cərimə zərbələri. Hə, bir də hava ötürmələri ilə ucaboy Siqneviçi tapmaqla yaxşı mənada nəyəsə ümid etmək. HİK-lə oyunda bu tapşırıq effekt vermədi. Siqneviç hava toplarından qalib ayrılsa da, cinahdakılar onu lazımınca dəstəkləmirdi. Belədə ümid qalırdı üçüncü varianta. Pressinq etməklə rəqibin buraxacağı səhvi gözləmək. BATE Bakıda məhz bu cür oynadı və qolu da təzyiq altına düşən rəqibin səhvindən sonra vurdu. Siqneviç “Qarabağ”ın kapitanını qorxudunca, o, topu səhvən Staseviçə atdı. Sonrası məlumdu.
Bazar ertəsi Çempionlar Liqasının pley-offunun püşkü atıldı. Və məlum oldu ki, BATE – “Qarabağ” cütünün qalibi PSV ilə üz-üzə gələcək. “BATE üçün maraqlı olan püşkatma az sonra başlayacaq” – bunu yazan azarkeş Avroliqaya işarə vururdu. Çünki “Qarabağ”dan gözləntilər böyük idi, hətta belaruslu azarkeşlər BATE-nin bu rəqibi keçə bilməyib, mübarizəni Avroliqada davam etdirəcəyini düşünürdü. Amma indiki durum fərqlidi. Nə Azərbaycanda çempionatın başlamaması, nə də Dani Kintananın meydanda olmaması bəhanə sayıla bilər.
“Kukesi” ilə oyunda “Qarabağ” rahat hücumlar qururdu və əsas qol silahları olan Emeqara rahatlıqla cərimə meydançasına daxil olub istədiyini edirdi. Amma BATE “Kukesi” deyil. Borisovlular müdafiə xəttində sanki divar qurmuşdu və belədə “Qarabağ”lılar səddi yara bilmirdi. İlk hissədə BATE meydanın rəqibə aid hissəsində pressinq edəndə Azərbaycan çempionu heç nə edə bilmirdi. 75-ci dəqiqəyə qədər Şerbitsikinin qapısı qarşısında ciddi mənada heç nə edə bilmədilər. Yalnız qonaqların müdafiəyə çəkilib hesabı qorumaq istəyinə düşməsindən sonra meydan sahibləri bir neçə təhlükəli hücumla yadda qaldılar. Statistik göstəricidəki “qapıya zərbələr” sayındakı üstünlüyü yalnız son 15-20 dəqiqədə xeyirlərinə dəyişə bildilər.
İstənilən halda, BATE səfərdə sərgilədiyi məzmunlu oyunla lazım olan qələbəni qazandı. Cavab oyunu ərəfəsində etibarlı müdafiə xətti ilə öyünə bilərlər. Maraqlıdı, bu, PSV ilə oyunlarda kifayət edəcəkmi?Amma bu haqda danışmaq hələ tezdi. “Qarabağ” göstərdi ki, itiriləcək heç nə qalmayanda “artırmağı” bacarırlar”.
Sputnik.by saytında da məlum qarşılaşmaya yer ayrılıb. Reportajın həcmi “Pressbol”dakı qədər olmasa da, hər halda, azərbaycanlı oxucular üçün maraqlı ola biləcək nələrsə var: “BATE səfərdə “Qarabağ”ı məğlub etdi. Təsadüf, yoxsa məntiqəuyğunluq? Oyundan öncə elə bir ab-hava müşahidə olunurdu ki, borisovluların Bakıdan heç-heçə ilə qayıtması belə mümkünsüz görünürdü. Hər halda, yazılanlar, aparılan müzakirələr belə düşünməyə əsas verirdi. Ölkəsində son 5 ilin çempionu, son illər Avroliqada və ötən mövsüm Çempionlar Liqasının qrupunda çıxış etmiş “Qarabağ”ın məzmunlu oyunu və heyətindəki legionerlərin adları təhlükəli görünürdü. Zarafat deyil, dünya çempionatında İslandiyanın bir nömrəli əlcək sahibi kimi tanınan Hannes Tur Halldorssonu almışdılar. Üstəgəl, Filip Ozobiç, Simeon Slavçev, Vaqner da Silva, Abdulla Zubir və ən sonda İnnosent Emeqara ilə Con Delarj. Heyətlərini kifayət qədər gücləndirmişdilər. Baş məşqçiləri Qurban Qurbanov isə 2008-dən komandanın başındadı. Düz 10 ildi. Bütün bunları düşünəndə, üstəlik, oyunun səfərdə baş tutacağını göz önünə gətirəndə BATE-nin işinin asan olmayacağı dəqiq idi.
Aleksey Baqanın seçdiyi taktika özünü artıqlamasıyla doğrultdu. “Qarabağ”a hücum qurmağa imkan versəydilər, sonradan qarşısını almaq mümkün olmayacaqdı. Baş məşqçi bunun üçün yaxşı üsul seçmişdi. İlk dəqiqələrdən pressinq etmək, meydan sahiblərinə hücum qurmağa imkan verməmək. Oyunun əvvəlində istədiyini edə bilməyən “Qarabağ”ın futbolçuları güclü azarkeş dəstəyi altında istər-istəməz təzyiq altına düşürdü. Və elə buraxdıqları qol da həmin təzyiqin nəticəsi oldu. Hər tərəfdə BATE-nin futbolçularını görən kapitanları topu səhvən Staseviçə verdi ki, hər şey bundan sonra başladı. İkinci hissədə rəqibin üstün təsir bağışlaması da Baqanın seçdiyi taktikaya görəydi. Rəqibi üzərinə gəlməyə məcbur edən “sarı-göylər” sanki qol buraxmayacaqlarına əmin idilər. Onsuz da “Qarabağ”ın son zərbəni vurmaq baxımından çətinlik çəkdiyi açıq-aşkar görünürdü. Əvəzində əks-hücumların birində rəqibi cəzalandırmaq olardı.
Gözlənilməz, amma olduqca vacib qələbə oldu. Tam məntiqəuyğunluq idi. Belə təsadüf olmur. Təsadüf “Qarabağ”ın Belarusda BATE-ni udması ola bilər. Eyni zamanda gecənin sensasiyalı nəticəsi. Buna inanmaq isə çətindi”.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:50 “Sabah”ın avrokuboklara qatılmaması Adıgözəlov üçün fiasko olmayacaq Bu gün, 11:49 Ramil Şeydayev “Sabah”ı seçdi Bu gün, 11:48 Obradoviçin toplanışı nəyə xidmət edir? Bu gün, 11:45 “Köhlən atlar” “qartallar”ın “yuvasını dağıtdı” Bu gün, 11:42 “Sabah” “Sumqayıt”ı evində döydü Bu gün, 11:40 “Səbail”dən ardıcıl ikinci qələbə Bu gün, 11:34 Mövsümün ən məhsuldar həftəsi Bu gün, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” 4-02-2020, 12:25 “Ən azı həmin epizodda Beyli qabaqlamaqda çətinlik çəkmədim” 31-01-2020, 12:22 “Ağsu” divizionda çıxışını dayandırdı 31-01-2020, 12:20 Ölkə basketbolunda yeni səhifə - MBA Azərbaycana gəlir! 31-01-2020, 12:08 Şok: basketbol yığmamızın üzvü də danışılmış oyunlara görə tutulub! 31-01-2020, 10:56 “Sabah” Koçukla Rodrigesi transfer etdi 31-01-2020, 10:54 Bunun harası vacib oyundu ki? 31-01-2020, 10:51 Azad Rəhimov yeni federasiyaya xeyir-dua verdi 29-01-2020, 19:03 Tofiq Mikayılov Alesionun təklifini qəbul etməyib Bütün xəbərlər
Ən çox oxunanlar