06 iy 01:12gundem

Sloveniyalılar “Qarabağ”la oyunun başlama saatını dəyişmək istəyir

Sloveniyalılar “Qarabağ”la oyunun başlama saatını dəyişmək istəyir
“Baltsan” – “Keşlə” matçı göstərilməyəcək
Avrokubok həyəcanı get-gedə yaxınlaşır. Təmsilçilərimizin qitəmiqyaslı turnirlərdə mübarizəyə start verməsinə bir həftədən də az qalıb. Məlum olduğu kimi, “Qarabağ” Çempionlar Liqasında, “Qəbələ”, “Neftçi” və “Keşlə” isə Avroliqada mübarizə aparacaq. “Köhlən atlar”la “Keşlə” ilk oyunu səfərdə keçirəcəksə, qalan iki təmsilçimiz Avroliqa yoluna evdə start verəcək. Təbii, doğma meydanda oynayan komandalarımızın dolu tribunalar önündə çıxış etməsini istərdik. Elə səfər matçlarında da təmsilçilərimizin az da olsa, dəstəklənməsi yaxşı olar. Lakin qarşılaşmaları televiziyadan izləmək istəyənlərin də sayı yetərincə çox olacaq. Bu üzdən avrokubok matçlarının yayını ilə bağlı sual doğuran məqamlara aydınlıq gətirmək qərarına gəldik.
Xatırlayırsızsısa, son illərə kimi bu məsələ əsl problem idi. Demək olar, bütün komandaların, daha doğrusu, azarkeşlərin taleyi “İdman Azərbaycan”dan asılı olurdu. Dövlət telekanalı isə özünə o qədər də əziyyət vermədən birini göstərirdi, beşini yox. Özəl telekanallar, ümumiyyətlə, buna maraq göstərmirdi. Əslində həmin kanalların üzərinə çox da getmək olmurdu. Hər halda, “özəl” statusu buna imkan vermirdi. Ancaq “İdman Azərbaycan”ın da biganəliyinə söz tapa bilmirdik. Təkcə bir nümunəni xatırladaq. “Neftçi”nin tarixi ilkə imza atdığı və “ağ-qaralar”ı AL-in qrupuna daşıyan APOEL üzərində qələbəni azərbaycanlı azarkeşlər görmədi. Bu məqam artıq hər şeyi deyir. Nə yaxşı ki, “CBC Sport” fəaliyyətə başladı. Ara-sıra bu telekanalı tənqid etsək də, doğrudan da onun sayəsində əziyyətdən xilas olduq. “CBC Sport” təkcə ölkədaxili yarışlar zamanı yox, avrokuboklarda da əl-qolunu çırmaladı. Beləcə azərbaycanlı futbolsevərlər böyük bir əziyyətdən qurtulmuş oldu. Məlum olduğu kimi, ÇL və AL-in təsnifat mərhələləri, eyni zamanda qitənin ikinci dərəcəli klub turnirinin pley-offu zamanı yayın hüququ klublarda olur. Bu zaman klub istənilən telekanalla razılaşa bilər. Ancaq ÇL-in pley-offu da daxil olmaqla qrup matçları zamanı artıq yayın hüququ UEFA-nın ixtiyarına keçir. Qitə futbol qurumu isə onu bir telekanala satır ki, bizdə həmin hüquq “İdman Azərbaycan”dadı. İndi gələk əsas məsələyə. Qarşıda 4 təmsilçimizin oyunu var. Görəsən, həmin qarşılaşmaları hansı telekanallar göstərəcək? Ümumiyyətlə, oyunlar hamısı göstəriləcək?
Öncə “Qarabağ”ın məsələsinə aydınlıq gətirdik. Məlum olduğu kimi, “köhlən atlar” iyulun 11-də “Olimpiya” (Sloveniya) ilə qarşılaşacaq. Lyublyanadakı “Stoyitse” stadionunda baş tutacaq oyun Bakı vaxtı ilə saat 22.00-da start götürəcək. Maraqlıdı ki, həmin gün DÇ-nin yarımfinal matçı da var. Özü də həmin qarşılaşma “Olimpiya” – “Qarabağ” görüşü ilə eyni saatda başlayır. Əvvəllər Ağdam təmsilçisinin oyunlarını Az.TV və ya “İdman Azərbaycan” yayınlayırdı. Belə düşünmək olar ki, həmin gün bu iki telekanaldan biri DÇ-nin, digəri isə ÇL-in oyununu göstərəcək. Yayın məsələsini dəqiqləşdirmək üçün “Qarabağ”ın mətbuat katibi Nurlan İbrahiumovla əlaqə saxladıq: “Həm “CBC Sport”, həm də “İdman Azərbaycan” maraqlanıb. Əsas şərtimiz budu ki, hər iki oyunumuz canlı yayınlansın. Yəni bizim ev matçımızı göstərən kanal Sloveniyadakı görüşün də yayın hüququnu almalıdı. Deyəsən, “Olimpiya” tərəfi oyunun başlama saatının dəyişdirilməsini istəyir. Bildiyiniz kimi, bizim matç DÇ-nin yarımfinal görüşü ilə üst-üstə düşür. Bu üzdən yayın məsələsində dəqiqləşmə yoxdu”.
İyulun 12-də keçiriləcək Avroliqa matçlarına gəlincə, “Qəbələ” – “Proqres” (Lüksemburq) görüşü saat 20.00-da start götürəcək. “Qırmızı-qaralar”ın mətbuat xidmətinin rəhbəri Anar Hacıyevdən aldığımız bilgiyə görə, oyunu “İdman Azərbaycan” nümayiş etdirəcək. “Neftçi”nin həm ev, həm də səfər matçlarını “CBC Sport” öhdəsinə götürüb. Qeyd edək ki, “Neftçi” – “Uypeşt” (Macarıstan) oyunu saat 21.00-da başlayacaq. Qalır “Keşlə”. Paytaxt təmsilçisinin səfərdə Malta “Baltsan”ı ilə dueli 21.00-da start götürür. “Keşlə”nin mətbuat katibi Səbuhi Məmmədov məsələylə bağlı bunları dedi: “Ev oyunumuzu “CBC Sport” verəcək. Biz də istərdik ki, səfər matçımız da göstərilsin. Ancaq bununla bağlı konkret məlumat yoxdu. Texniki və hüquqi məsələlər həllini tapsa, çox güman, yayınlanacaq”.
Sonda isə “CBC Sport”un şərhçilər qrupunun rəhbəri Rüstəm Əfsərli ilə danışdıq: “Neftçi” və “Keşlə” ilə rəsmi razılığa gəlmişik. Hər iki klubun ev və səfər oyunlarının yayın hüququ bizdədi. Ancaq iyulun 12-də baş tutacaq “Baltsan” – “Keşlə” matçını yayınlamayacağıq. Çünki Maltada oyunu çəkmirlər. “CBC Sport”un edə biləcəyi bir şey yoxdu. “Qəbələ” ilə “Neftçi”nin oyunlarının başlama saatı üst-üstə düşürdü. Əslində biz onlara müraciət etmişdik və müzakirəmiz də olmuşdu. Ancaq saat məsələsinə görə seçim etdik. “Qəbələ” ilə ən azı bu mərhələdə işbirliyimiz olmayacaq. “Qarabağ”a təklifimizi göndərmişik, müraciətimizi ünvanlamışıq. Klubun qərarını gözləyirik”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 12:51 Yığmanın baş məşqçisi Avropa çempionatını şərh etdi Bu gün, 12:51 “Sinerji Qrup” velosiped idmanından da əlini çəkdi Bu gün, 12:49 Kintana Albaniyada oynaya bilməyəcək Bu gün, 12:39 “Məncə, Ramosla bağlı sual klub rəhbərliyinə ünvanlanmalıdı” Bu gün, 12:38 "Kukesi" mərhələləri keçmək təcrübəsi olan bir komandadı” Bu gün, 12:37 "İnter Arena"nın adı dəyişdi Bu gün, 12:35 Üç klubun iflası sosial “feysbuk”a çaxnaşma saldı Bu gün, 12:34 Kamran Quliyev arxayınlığın məğlubiyyətə səbəb olduğunu söylədi Bu gün, 12:27 Fiaskonun səbəbləri Bu gün, 12:23 “Qarabağ” kimi rəqiblə qarşılaşacağımıza hələ də inanmırıq” Bu gün, 12:19 Əcnəbi jurnalistlər komandalarımızı ələ salır Bu gün, 12:14 TRANSFER DOSYESİ Bu gün, 12:12 Türkiyə millisində çalışmış, 26 il vətəndən uzaq qalmış azərbaycanlı... Bu gün, 12:09 Araz karyerasını Avropada davam etdirəcək Bu gün, 12:08 Almeyda “Astana”da debüt etdi Bu gün, 12:06 Anar Salmanov rus hakimə 8,1 verdi Bu gün, 12:03 Zirə” Boluda ərəblərlə “sülh bağladı” Bu gün, 12:02 Hakimlərimiz qonaqları sevindirdi 21-07-2018, 13:42 Yalnız “Futbol+”də! 21-07-2018, 13:39 Voleybolçular Sloveniyaya yollandı 21-07-2018, 13:35 “İmarət”in şüarı “Maribor” azarkeşlərinin ürəyinə yağ kimi yayılıb 21-07-2018, 13:30 Heç kimə lazım olmayan qələbə... 21-07-2018, 13:24 Məcbur “azarkeşlər”, jurnalist biganəliyi, üzgün Vaqif... 21-07-2018, 13:21 Möcüzə baş vermədi 21-07-2018, 13:13 Qısa xəbərlər 21-07-2018, 12:34 “Sabah” AFFA-dan maliyyələşdiyini boynuna aldı 21-07-2018, 12:29 “Qarabağ”ın potensial 11 rəqibi 21-07-2018, 12:27 Başabəla albanlar: “Qarabağ” sindromu qırmalıdı 21-07-2018, 12:20 “Sumqayıt” “sülh”lə başladı 21-07-2018, 12:13 “Zirə”nin hazırlıq planı dəyişdi 21-07-2018, 12:11 "Səbail" "Sivasspor"la bacarmadı 21-07-2018, 12:08 “Reyncers”in futbolçusu “Traktorsazi”də 21-07-2018, 12:02 Fineo vətənə döndü 21-07-2018, 11:59 “Neftçi”ni Budapeştdə basdırdılar 21-07-2018, 11:46 “Uypeşt”in baş məşqçisi “Neftçi”yə təşəkkür etdi 20-07-2018, 13:58 Ramil Şeydayev qol vursa da... 20-07-2018, 13:51 AFFA idman jurnalistlərini çağırır 20-07-2018, 13:49 “Fırtınalar meydanı”nın qazonu yenə sıradan çıxdı 20-07-2018, 13:47 Futvolley turnirində böyük fırıldaq 20-07-2018, 13:44 Qolsuz, amma maraqlı gecə 20-07-2018, 13:36 “Olimpiya” getsin, “Kukesi” gəlsin! 20-07-2018, 13:11 Stolitsa “Qarabağ”a uğur arzualdı, Qurbanov suala “5” verdi 20-07-2018, 13:05 Ukrayna mətbuatı Hüseyndən yazdı 20-07-2018, 13:03 “Zirə” də getdi 20-07-2018, 13:02 “Sabah” Ramosu alıb, Baliçlə yolları ayırdı 20-07-2018, 13:01 “Xan Lənkəran”ın sponsorluğuna iki namizəd var 20-07-2018, 12:59 “Ağsu” yeni mövsümdə gənclərə güvənəcək 18-07-2018, 20:28 Rövşən Hüseynov özünü “təmiz” sayır 18-07-2018, 20:26 Qriqorçuk Almeydanı da Monteneqroya apardı 18-07-2018, 20:25 Şok: “Keşlə” baş məşqçisiz qaldı! 18-07-2018, 20:22 “Xan Lənkəran”ın büdcəsi 50470 manata çatıb 18-07-2018, 20:20 “Sabah”ın Bolu toplanışı başladı 18-07-2018, 20:18 “İmarət” “Qarabağ” üçün yenilik etməyəcək 18-07-2018, 20:15 “İdman Azərbaycan” yayın hüququnu “CBC Sport”dan “oğurladı” 18-07-2018, 20:14 “Qarabağ” Lyublyana uğurunun davamını gətirməlidi 18-07-2018, 20:12 “Forza Neftçi”nin dörd üzvü Budapeştə yollanır 18-07-2018, 20:08 DÇ-2018-ə Azərbaycandan baxış Bütün xəbərlər
Ən çox oxunanlar