06 iy 01:06gundem

“Qarabağ”dan transfer “bomba”sı

“Qarabağ”dan transfer “bomba”sı
Messinin qənimi “köhlən atlar”la anlaşdı
İbrahim Şehiçin ardından Anton Kanibolotski də “Qarabağ”la yolları ayırdı. “Olimpiya” ilə qarşılaşmaya qısa müddət qaldığı bir vaxtda “çərçivə” ilə bağlı prioblem “köhlən atlar”ın azarkeşlərini əməlli-başlı narahat etmişdi. Ancaq Ağdam klubunun da həmin məsələdə boş dayanmadığı məlum idi. Elə bir sıra qapıçıların adının “Qarabağ”la yanaşı hallanması da buna işarə idi. Nəhayət, srağagün bütün suallara aydınlıq gəldi. “Köhlən atlar” hazırkı transfer dönəmində ən səs-küylü keçidi rəsmiləşdirdi. Ağdamlılar İslandiya yığmasının qolkiperini heyətinə qatdı.
Maraqlıdı ki, “Qarabağ”ın “feysbuk” səhifəsi üstüörtülü şəkildə bu transferin anonsunu vermişdi. Belə ki, 4 şəkildən ibarət anons “yeni transferimizi videoyla təqdim etməyə ehtiyacımız yoxdu, çünki siz hər gün dünya çempionatını izləyirsiz” sözləri yazılmışdı. Həmin dörd şəkildə isə məyus Messi, dünya çempionatını əks etdirən top, kino studiyasını əks etdirən əşyalar və İslandiyaya məxsus ərazi var idi. Bu həm də “Neftçi”nin son vaxtlar yeni gələnlərlə bağlı videoanonsuna cavab kimi başa düşüldü. Həmin şəkilləri birləşdirəndə isə ağla gələn ad Hannes Tur Halldorsson idi.
“Qarabağ” İslandiya yığmasının üzvü ilə ikiillik müqavilə bağlayıb. Komandanın Avstriyadakı toplanışına yollanan qolkiper tibbi müayinədən keçdikdən sonra rəsmi anlaşmaya qol çəkib. “Çərçivə qoruyucusu” karyerasına 2009-cu ildə ölkəsində, “Fram”da başlayıb. Halldorsson daha sonra KR (İslandiya), "Brann" (Norveç), "Sandnes" (Norveç), NEK (Hollandiya), "Budo/Qlimt" (Norveç) kimi klublarda forma geyib. Qolkiper son olaraq Danimarka “Randers”ində çıxış edib və bu komandada 69 matçda meydana çıxıb. Hannes 2012-ci ildən milliyə dəvət alır və ölkəsinin əsas komandasının heyətində 52 oyunda şans qazanıb. AÇ-2016-nın final mərhələsində çıxış edib. Sözügedən yarışda İslandiyanın keçirdiyi 5 oyunun hamısında “çərçivə”ni qoruyub. Halldorsson DÇ-2018-in seçmə mərhələsi çərçivəsində 9 oyunda meydana çıxıb və komandası mundialın final mərhələsinə vəsiqə qazanıb. Dünya çempionatının qrup mərhələsində hər 3 oyunda meydanda olub və bu matçlar zamanı 1 penalti qurtarmaqla diqqət mərkəzinə düşüb. Hə, əsas məsələ də məhz həmin 11 metrlik cərimə zərbəsi ilə bağlıdı. Belə ki, D qrupunun ilk oyununda İslandiya Argentina ilə üz-üzə gəldi. Hesab 1:1 olarkən, 64-cü dəqiqədə Halldorsson hazırda dünyanın ən güclü iki futbolçusundan biri olan Lionel Messinin penaltisini dəf etdi. Bununla da o komandasının güclü rəqiblə oyundan 1 xalla ayrılmasında böyük pay sahibi oldu. Təbii, Hannesi təkcə penaltini, özü də Messinin zərbəsini zərərsizləşdirdiyinə görə “dağın başına qoymaq” düzgün olmaz. Doğrudu, bu da xüsusi bacarıq tələb edir. Lakin Halldorsson digər oyunlardakı performasnı ilə tərifi haqq edir. Ümid edək ki, “Qarabağ”da da yığmadakı uğurunu təkrarlaya biləcək. Yeri gəlmişkən, məsələnin maliyyə tərəfi də böyük maraq doğurur.
Hannes “Randers”dən ayrılması ilə bağlı Danimarka klubunun rəsmi saytına açıqlama verib. O, bunları deyib: “Randers”də gözəl vaxtlarım keçdi, xoşbəxt oldum. Komandada və şəhərdə özümü çox yaxşı hiss etdim. Randers möhtəşəm şəhərdi, buranı tərk etmək qərarı asan olmadı. Ancaq indi 34 yaşım var. Bu üzdən də yeni bir şey sınamaq, fərqli macəra yaşamaq istədim. Burda keçirdiyim iki ildə klubda mənə dəstək olan hər kəsə və azarkeşlərə minnətdarlığımı bildirirəm. Gələcəkdə kluba uğurlar arzulayıram”.
“Randers”in idman direktoru Soren Pedersenin isə qapıçının gedişi ilə bağlı fikirləri belə olub: “Hannesin dünya çempionatındakı çıxışı diqqətdən kənarda qalmadı. Onunla maraqlanan çox idi. Ancaq konkret təklif “Qarabağ”dan gəldi və onlarla razılaşdıq. Hannes bizim samballı oyunçularımızdan biri idi. Komandamız üçün həm meydanda, həm də ondan kənarda böyük əhəmiyyət kəsb edirdi. Biz Hannesə “Randers”dəki xidmətlərinə görə təşəkkür edirik. Gələcək karyerasında uğurlar arzulayırıq”.
Maraqlıdı ki, “Qarabağ”ın polşalı müdafiəçisi Yakub Jezniçakın da qolkiperin “köhlən atlar”ı seçməsində rolu olub. Bu haqda Jezniçak özü ölkəsinin mətbuatına açıqlamasında deyib. O telefonla Halldorssonu razı salmağa çalışdığını bildirib. Ancaq deyəsən, islandiyalı qapıçı “Olimpiya” ilə ilk matçda meydana çıxa bilməyəcək. Onun DÇ-də Xorvatiya ilə oyundan öncə zədələndiyi, matçın gedişində problemin ciddiləşdiyi deyilir. Bu üzdən sloveniyalılarla ilk dueldə oynaması real görünmür.
Halldorssondan başqa daha bir futbolçunun adı “Qarabağ”la yanaşı hallanır. Belə ki, Bolqarıstan millisinin yarımmüdafiəçisi Simeon Slavçev karyerasını Ağdam klubunda davam etdirməyə yaxındı. Bu haqda Portuqaliya mətbuatı məlumat yayıb. Xəbərdə qeyd olunur ki, “Sportinq”in futbolçusu artıq klubun düşərgəsini tərk edib. 25 yaşlı oyunçu Lissabon təmsilçisində mövsümöncəsi tibbi müayinədən keçməsinə baxmayaraq, ondan bəri məşqlərdə görünmür. Slavçevin “Qarabağ”la anlaşdığı və Azərbaycan çempionu ilə müqavilə bağlayacağı vurğulanıb. 2014-cü ildən “Sportinq”ə məxsus olan “Liteks”in yetirməsi 2015-16-cı illərdə müvafiq olaraq “Bolton”, “Apollon” və “Lexiya” klublarında icarə əsasında çıxış edib. Lissabonlularla gələn ilin yayına qədər müqaviləsi olmasına baxmayaraq, onun bu dəfə klubu birdəfəlik tərk edəcəyi gözlənilir.
Bu arada “Olimpiya” – “Qarabağ” matçının hakimləri müəyyənləşib. Qarşılaşmanı Belçikadan olan referilər idarə edəcək. İyulun 11-də baş tutacaq görüşdə Lourens Visser fit çalacaq. Oyunun yan xətt hakimləri Karel de Roker və Co de Veyrdt olacaq. Matçın dördüncü hakimi funksiyasını Bram van Drieşe yerinə yetirəcək. Lyublyanada baş tutacaq qarşılaşmanın hakim-inspektoru litvalı Paulius Maljinskas olacaq.
“Olimpiya” isə təlim-məşq toplanışını davam etdirir. Sloveniya çempionu ağdamlılarla duel ərəfəsində iki yoxlama görüşündə qüvvəsini sınayacaq. Bu komanda öncə “Ferentsvaroş”la üz-üzə gələcək. Bu məqsədlə lyublyanalılar Macarıstanın Zalaeqerseq şəhərinə yola düşüblər. Matçdan dərhal sonra Lyublyanaya dönəcək “Olimpiya” doğma arenada son sınaq matçına çıxacaq. İliya Stolitsanın yetirmələrinin budəfəki rəqibi Misir “Əl-Əhli”si olacaq.
“Olimpiya”nın yeni transferi Matiç Çrniç komandasının avrokubok şansını dəyərləndirib: “Olimpiya”ya keçdiyimə görə şadam. Bu klubla Çempionlar Liqasında oynamaq imkanı qazanacam. Bilirəm ki, burda futbolçudan çox şey gözləyirlər. Qısa müddətdə kollektivə uyğunlaşmağa çalışacam. Bir neçə gündən sonra ÇL-də mübarizəyə start verəcəyik. İlk matçda uğurlu nəticəyə ümid edirik. “Qarabağ”ı məğlub edəcəyimizə inanırıq. Qarşıdakı oyunlarda “Olimpiya”nın əsl üzünü göstərəcəyik”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar