12 fev 16:09gundem

8 yaşlı “Forza Neftçi” “Xəzər Lənkəran”ın qayıtmasını arzulayır

8 yaşlı “Forza Neftçi” “Xəzər Lənkəran”ın qayıtmasını arzulayır
Sübhan Əliyev: “Bu illər ərzində üzvlərimizdən həbsə düşənlər də, işdən qovulanlar da, universitetdən uzaqlaşdırılanlar da oldu”

“Forza Neftçi”! Yəqin ki, bu ad sizə çox yaxşı tanışdı. Ölkənin ən köklü və ən titullu klubunun azad azarkeş qrupudu. “Forza” italyan dilində "güc" mənasını verir. Hər dəfə “ağ-qaralar”ın oyunlarına kəskin şüarları və kreativ pankartları ilə rəng qatan, komandanı heç vaxt tək qoymayan “Forza Neftçi” dünən 8 yaşını qeyd edib. 8 az yaş deyil. Hətta bir igidin ömrüdü deyərdik. Amma “Forza Neftçi” bu illər ərzində həm tribunada, həm də tribunadan kənarda azad olmağı bacarıb. 2009-cu il fevralın 9-da Sübhan və Zamin qardaşlarının yaratdığı azarkeş qrupunun “Neftçi”nin matçlarına azarkeşlərin cəlb edilməsində əməyi danılmazdı. “Forza Neftçi” 2009-cu ildən fəaliyyətdə olsa da, ilk dəfə diqqəti 2013-də cəlb edə bildi. Çempionlar Liqasının 2-ci təsnifat mərhələsində “Bakcell Arena”da keçirilən “Neftçi” - “Şkenderbü” görüşündə azarkeş qrupu milli qəhrəman Mübariz İbrahimovu tərənnüm edən "Mübariz ol" banneri açmışdı. Elə həmin vaxtdan “Forza Neftçi” hamı tərəfindən hörmətlə qəbul olunmağa başladı. “Forza Neftçi” həm də bir oyun ərzində ən çox – 8 banner açan azarkeş qrupudu. “Forza”lılar hər zaman obyektiv olub, haqlarını tələb edib, ölkənin başqa klublarının azarkeşlərinə hörmətlə yanaşıblar. “Qarabağ”ın sabiq yarımmüdafiəçisi Leroy Corcun irqçiliyə məruz qalmasına qarşı banner bunu bir daha sübut edir. Həmin bannerdə "Biz hamımız zənciyik, biz hamımız Leroy Corcuq" yazılmışdı. Azarkeş qrupunun ən çox səsləndirdiyi isə "ilklər alın yazımızdı" şüarıdı.
Dünən əlamətdar gün münasibətiylə “Forza Neftçi”nin rəhbəri Sübhan Əliyevlə əlaqə saxladıq. O, 8 ili belə xatırladı: “Öncə ad günümüz münasibətilə bütün uşaqlarımızı təbrik edirəm. Bu 8 il ildırım sürəti ilə keçdi. 2009 elə bil dünən idi. Biz hər zaman “Neftçi”nin yanında olmuşuq, bundan sonra da olacağıq. Bu illər ərzində üzvlərimizdən həbsə düşənlər də, işdən qovulanlar da, universitetdən uzaqlaşdırılanlar da oldu. Şəxsən mən özüm dəfələrlə həbs olunmuşam. Amma heç vaxt “Neftçi” sevgisi ürəyimizdən çıxmadı. “Forza Neftçi” yaradılanda özümüzə söz vermişdik ki, bizim ideologiyamız yalnız “Neftçi”di, siyasətə və başqa məsələlərə baş qoşmayacağıq. Biz bunu davam etdirdik, get-gedə bir ailə olduq. İndi bizdə bir çörəyi 10 yerə bölən qardaşlar var. Biri əsgər gedəndə əlimizdə, cibimizdə nə var, yığıb onun yanına gedirik”.
Əliyev “8 ildə ağrılı günlər çox oldu, yoxsa sevincli” sualımıza belə cavab verdi: “Biz “Neftçi”nin yaxşı günlərində azarkeş qrupu yaratmışıq. Komanda ardcıl 3 dəfə çempion oldu. Bunlar bizim sevincli günlərimiz idi. Sonra isə klubda rəhbər dəyişikliyi baş verdi. Bizim üçün ağrılı günlər də çox olub. Amma pis gündə də “Neftçi”nin yanında olmuşuq. Heç vaxt komandadan üz döndərməmişik”.
Azarkeş qrupunun rəhbəri arzularını da açıqladı: “Ən böyük arzumuz “Neftçi”nin əvvəlki əzəmətini bərpa etməsidi. Ümid edirik ki, komanda ölkə kubokunu qazanar və Avroliqaya gedər. Ən böyük arzularımızdan biri də üzvlərimizin sayının daim çoxalmasıdı. İstəyirik qapıarxası tribunanı tam dolduraq. Bir də onu deyim ki, təki Azərbaycanda bütün azarkeş qrupları azad olmağı bacarsın. Hazırda ölkədə 3-4 azad azarkeş qrupu var. Təki hamı belə olsun. Çünki bu həm də klublara xeyirdi. Həm də arzulayırıq ki, “Xəzər Lənkəran” yenidən premyer-liqaya qayıtsın. Çünki o klubun “Neftçi” ilə oyunu ölkənin şah görüşüdü. Həm də əla azarkeşləri var. Biz onlarla oyuna tam fərqli motivasiya ilə hazırlaşırdıq”. Sübhan bəy ad gününü qeyd edəcəklərini dedi: “Bu gün (dünən) oyun var. “Neftçi” səfərdə “İnter”lə oynayır. Ümid edək ki, qələbə qazanıb bizə ad günü hədiyyəsi edərlər. Amma biz ad gününu sabah (bu gün) qeyd edəcəyik. Uşaqlarla hardasa toplaşıb, yeyib-içəcəyik”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:47 Həftənin idman proqramı Dünən, 18:46 Rüstəm Orucov çempion oldu Dünən, 18:45 Anar Salmanova təhsil məsələləri tapşırılıb Dünən, 18:43 “Forza Neftçi” bir müddət stadionlara getməyəcək Dünən, 18:41 İlin futbolçusunu birlikdə seçək! Dünən, 18:39 Xanım hakimdən Elçin Məmmədova şok ittihamlar Dünən, 18:36 “Traktorsazi” ağır zərbə aldı Dünən, 18:32 “Neftçi”də baş məşqçi dəyişikliyi Dünən, 18:28 “Sumqayıt”dan “Neftçi”yə növbəti zərbə Dünən, 18:12 “Qəbələ” avtoqolla sevindi Dünən, 18:06 ADBTİA yenidən zirvədədi! Dünən, 18:05 Püşk atıldı, yüksək liqa ilə bağlı qərar verildi Dünən, 18:03 Renat qələbə qolunu vurdu Dünən, 18:00 Emil “dənizçilər”in “Dalğa”da boğulmasına” imkan vermədi Dünən, 17:51 Ceyhun Sultanovun cəzası yarıbayarı azaldıldı Dünən, 16:24 Yığma uduzdu, Rusiyadan oyunçu gəldi Dünən, 16:21 UEFA “Arsenal”ı fevralda cəzalandıracaq Dünən, 16:19 Gerye özünü ilin yaxşı legioneri sayır Dünən, 16:17 “Keşlə” cavab oyunu üçün ümid yeri saxladı 16-12-2018, 14:53 "Keşlə"nin Türkiyə planı təsdiqləndi, amma... 16-12-2018, 14:51 “Bakı yox, bölgə seçiminin olması da təqdirəlayiqdi” 16-12-2018, 14:50 “Qarabağ” təxribatçı erməni ilə bağlı UEFA-ya müraciət edib 16-12-2018, 14:49 “Elxan Məmmədovla görüşmək istəyirəm” 16-12-2018, 14:46 Beşinci dəfə 1/16 finala qədər uzanmayan marafon 16-12-2018, 14:44 “Emireyts”də 21 minə yaxın azarkeş olub 16-12-2018, 14:43 Mövsümü 26-cı yerdə başa vurduq! 16-12-2018, 14:41 Tribunadakı gərginlik Mehini ağladıb 16-12-2018, 14:38 Yarımfinala gedən yol: üçü Bakıda, biri bölgədə 16-12-2018, 14:36 AFFA-nın namizəd siyahısı genişdi 16-12-2018, 14:34 “Liman” - “Neftçi” üçün dərman! 16-12-2018, 14:17 Baş məşqçilər ehtiyatlı danışdı 16-12-2018, 14:16 Lider dəyişdi 16-12-2018, 14:14 Türk mütəxəssis yığmaya təqdim olundu 16-12-2018, 14:09 “Qurban Qurbanov bir il əvvəl, yığmanı çalışdırmaq təklifi alanda seçim etməliydi” 16-12-2018, 14:06 Ümummilli sorğu start götürür! 16-12-2018, 14:05 Kərim Ağayev Şəmkirdə top payladı 13-12-2018, 00:02 “FC Baku” qoldan doymur 12-12-2018, 23:59 Səfirlik “İmarət”in dörd üzvünə viza verməyib 12-12-2018, 23:58 Reynaldo “Qarabağ”a qayıdır 12-12-2018, 23:56 "Keşlə" "Mirakl"a getmir 12-12-2018, 23:54 Ruslan şirniyyat həvəsinə qurban gedib 12-12-2018, 23:49 “Qurbanov azı üç tsikl millinin başında olacaq” 12-12-2018, 23:45 Elman Himayətoğlu da vəzifəsindən ayrıldı 12-12-2018, 23:43 Turun statistikası 12-12-2018, 23:41 Turun məşqçisi 12-12-2018, 23:40 Turun oyunçusu 12-12-2018, 23:39 Turun sitatı 12-12-2018, 23:38 Hakimlərin mühakiməsi 12-12-2018, 23:36 BKFF dünən püşk atdı, həftəsonu başlayır 12-12-2018, 23:34 Turdan məqamlar 12-12-2018, 23:26 Ölkə kubokunun püşkü atılacaq 12-12-2018, 23:19 “Bədr Xocalı”ya texniki məğlubiyyət veriləcək 12-12-2018, 23:17 MOİK uduzdu, "Sumqayıt-2" "qış çempionu" oldu 12-12-2018, 23:15 "Neftçi" Ömər Buludovla müqavilə müddətini uzatdı 12-12-2018, 23:13 Adil Nağıyev etdiyi səhvlərin səbəbini tapa bilmir 11-12-2018, 17:05 Həftənin idman proqramı 11-12-2018, 17:03 Nazarov darmadağını izlədi, Şeydayev cəzalandı Bütün xəbərlər
Ən çox oxunanlar