02 may 12:46gundem

“Xəzər” premyer-liqadan kənarda qala bilər

“Xəzər” premyer-liqadan kənarda qala bilər
Çempionatı “payız-yaz” sistemi ilə keçirilən ölkələrdə mövsüm sona yaxınlaşdıqca mükafatçıların, avrokuboklara vəsiqə qazanan klubların adı tədricən bəlli olur. Bununla yanaşı, elitanı tərk edənlərin və onların əvəzinə aşağı dəstədən yuxarı çıxan komandaların da kimliyi aydınlaşır. Ancaq təəssüf ki, sivil Avropanın getdiyi yol Azərbaycanda məqbul sayılmır. Artıq neçə ildi bizim məmləkətdə nə elitanı tərk edən var, nə də birinci diviziondan ora yüksələn. Uzağı hansısa klub maliyyə problemləri üzündən dağılarsa, onu başqası əvəzləyə bilər (AZAL-ı “Səbail” əvəzlədiyi kimi). Bu üzdən azərbaycanlı azarkeşlər artıq 2 mövsümdü ki, eyni aktyorların ifasında 9 ay çəkən serial izləməyə məcburdu. Baş rollarda “Qarabağ” və “Qəbələ” çəkilir, “premyer-liqa” adlı serialda ikinci dərəcəli rollar isə 6 komanda arasında bölüşdürülüb.
Futbol ictimaiyyəti, azarkeşlər, idman mediası elə zənn edirdi ki, nəhayət, 2017/18 mövsümünün sonunda belə xoşagəlməz tendensiyaya son qoyulacaq. AFFA rəhbərliyi növbəti “futbol ili”ndə elita təmsilçilərinin sayını artırmaq üçün aşağı dəstədə çıxış edənlərdən ikisinin premyer-liqaya yolunu açacaq. Hətta bu yöndə müəyyən mülahizələr də irəli sürülürdü. Söylənilənlərin isə 50 faizi özünü doğrultdu desək, yanılmarıq. Ötən tur səfərdə “Qaradağ Lökbatan”ı yenərək sona 2 tur qalmış liderliyə yüksələn “Xəzər”in rəhbərliyi 2018/19 mövsümündə premyer-liqada çıxış etmək niyyətində olduğunu açıq-aşkar ortaya qoydu. Rəsmilər hətta bunun üçün klubun qeydiyyat ünvanını, daha dəqiq desək, Bakını Qubaya dəyişmək istədiyini də bildirdi. Bir sözlə, “Xəzər” rəhbərliyi hər şey etməyə hazırdı ki, təki komanda növbəti mövsüm elitada olsun.
Ancaq “Xəzər”dən fərqli, premyer-liqaya digər real namizəd kimi göstərilən “Sabah”dan səs-soraq yoxdu. Vergilər naziri Mikayıl Cabbarovun komandası sayılan “tələbələr”in də bir ay öncəyə qədər bir ayağı premyer-liqada idi. Ancaq son günlər durum dəyişib. Söylənilənlərə inansaq, “Sabah”ın başbilənləri komandanın daha bir mövsüm aşağı dəstədə mübarizə aparmasına qərar verib. Halbuki divizion təmsilçiləri arasında cari mövsümdə ən çox pul xərcləyən klub məhz “Sabah” olub. Onların bu addımı isə “Xəzər”i çətin vəziyyətə salıb. Hamıya bəllidi ki, AFFA rəhbərliyi elitada 9 komandanın çıxış etməsinə heç vaxt razılıq verməz. Odu ki, indi hamını bir sual düşündürür: “Xəzər”ə kim yoldaşlıq edəcək? Belə biri tapılmasa, “Xəzər”in aqibəti necə olacaq?
Hazırkı çətin iqtisadi durumda 10-cu komadanın tapılacağına ümid azdı. Heç bir iş adamı əlini cibinə salıb futbola sərmayə qoymaq istəmir. Ölkə futbolunu maliyyələşdirən SOCAR-in isə himayəsində artıq yetərincə klub var və rəhbərlik əlavə xərcə düşmək istəmir. Bəlkə də buna görə AFFA-nın baş katibinin müavini Sərxan Hacıyev sözügedən məsələyə ehtiyatla yanaşır. Bunu onun mətbuata açıqlamalarından da hiss etmək mümkündü: “Hər il olduğu kimi, premyer-liqanın başa çatmasına yaxın lisenziya alan klublar açıqlanacaq. Mövcud reqlamentə əsasən, elitanı 1 klub tərk edəcək və onu birinci divizion təmsilçisi əvəzləyəcək. Premyer-liqa klublarının sayının 8-dən 10-a artırılmasına gəlincə, buna AFFA-nın İcraiyyə Komitəsi qərar verir. Bu yöndə qərar verilərsə, 10 klub da elitada çıxış edə bilər”.
Bu yerdə aşağı dəstədə çıxış edən klublar arasında elitada çıxış etmək iqtidarında olanları incələmək istərdik. Görəsən, beləsi varmı?
MOİK. “Hərbçilər”in arxasında milyardlıq büdcəyə malik Müdafiə Nazirliyi dursa da, kluba o qədər də vəsait ayrılmır. MOİK-in birinci dəstədə büdcəsi heç 300 min manata çatmır. Klubun öz stadionunun olmaması da “hərbçilər”in elitaya çıxmaq şansını minimuma endirir.
“Şüvəlan”. AZAL-ın bazasında yaradılan qəsəbə təmsilçisində qeyri-müəyyənlikdi. Kluba pulu “Silk Way” ayırsa da, söylənilənlərə inansaq, idarəçilik “Zirə” rəhbərliyindədi. Bütün qərarlar onlar tərəfindən verilir. Zaur Axundov formal olaraq klub prezidentliyində saxlanılıb. Etibarlı mənbədən əldə etdiyimiz bilgiə görə, Zaur bəyin şirkətdəki işləri son vaxtlar yaxşı getmir. Hətta şayiələr gəzirdi ki, daha yaxşı vəzifəyə təyinat alacaq. Bu gün isə, ümumiyyətlə, işini itirəcəyi haqda məlumatlar yayılır. Şirkətdə audit yoxlaması aparılır, əməkdaşlar aylardı əməkhaqqı almır. Odu ki, “Şüvəlan”ın da premyer-liqada görünmək ehtimalı yoxdu.
“Binə”. Birinci divizionda cari mövsümdə debüt edən qəsəbə təmsilçisinin də geniş büdcəyə sahib olduğunu söyləmək olmaz. “Binə”nin prezidenti Teymur Həsənli bir müddət əvvəl mətbuata açıqlamasında açıq-aydın etiraf etmişdi ki, ən yaxşı halda il ərzində kluba 500 min manat xərcləyə bilər. Bu isə o deməkdi ki, kənardan kömək olmasa (AFFA nəzərdə tutulur), “Binə”nin elitada görünməsi qeyri-mümkündü.
Turan Tovuz. Ötən il divizionda çempion olmasına baxmayaraq, maliyyə çətinlikləri səbəbindən premyer-liqaya buraxılmayan tovuzluların düşərgəsində bu yöndə heç bir irəliləyiş yoxdu. Qərb təmsilçisi əvvəlkitək AFFA-nın ayırdığı vəsait hesabına ayaqüstədi. Əsgər Abdullayevin çalışdırdığı komandanın yuxarıda adını çəkdiyimiz klublardan yeganə üstünlüyü bölgəni təmsil etməsi və pis-yaxşı müəyyən infrastruktura malik olmasıdı. Tovuzlular yeni sponsor tapsalar, premyer-liqaya yüksəlmək yolunda “Xəzər”ə yoldaşlıq edə bilərlər.
Qaradağ Lökbatan. Paytaxtın Qaradağ rayonunun klubu artıq uzun illərdi elitaya yüksəlmək üçün cənfəşanlıq edir. Daim iddialılar arasında olan “qırmızı-qaralar”ın stadionu və bazası olsa da, həmişə qarşıda “qırmızı işıq” görürlər. Onu da qeyd edək ki, bu klub da SOCAR-dan ayrılan pulun hesabına fəaliyyət göstərir. Ola bilsin, məhz bu səbəbdən lökbatanlıların premyer-liqaya yolu bağlanıb. “Qırmızı-qaralar”ın bu il də elitaya yüksələcəyi inandırıcı görünmür.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar