27 dek 20:40gundem

Rauf Əliyev Zaur Axundova mesaj göndərib

Rauf Əliyev Zaur Axundova mesaj göndərib
“Onu axtarmıram, belə bir fikrim də yoxdu”
İki aydı haqqında danışılan Yuri Maksimovun təyinatı, nəhayət, dünən rəsmiləşdi. Bundan sonra “Keşlə”nin nəticələrinə Ramiz Məmmədov yox, məhz ukraynalı mütəxəssis cavabdehlik daşıyacaq. Yeni baş məşqçi gəlibsə, transfer çalışmaları bir az da sürətlənməlidi. Çempionatın ilk yarısı başa çatandan sonra altı futbolçu ilə yollar ayrılıb ki, onların yerinə yenilərin cəlb olunması qaçılmazdı. Üstəlik, mövsümün sonuna qədər anlaşılan Maksimovun qarşısına hədəf də qoyulub. Dünən klubdaxili toplantıdan sonra “qırmızılar”ın Müşahidə Şurasının sədri Zaur Axundovla əlaqə saxlayıb, gündəmlə bağlı aktual suallara cavab tapmağa çalışdıq.
- Yeni baş məşqçinin təyinatı münasibətiylə təbrik edir, gələcək oyunlarda uğurlar arzulayırıq.
- Çox sağ olun, Allah razı olsun. Diqqətinizə görə minnətdaram.
- Sizi daha çox futzaldakı fəaliyyətinizə görə tanıyırıq. Həmin idman növündə güvəndiyiniz məşqçilər braziliyalı və ispaniyalılar olub. Bu dəfə fərqli məkana – Ukraynaya müraciət etməli olduz. Nə ilə bağlıydı?
- Yuri Vilyeviç təcrübəli mütəxəssisdi. Üstəlik, 49 yaşı var, enerjili, həvəslidi. İndiyə qədər çalışdırdığı klublarda az-çox nəticə qazanmağı bacarıb. Düzdü, İspaniyadan, Belarusdan, Avropanın digər ölkələrindən başqa namizədlər də var idi. Lakin götür-qoy edəndən, klubdaxili müzakirələr aparandan sonra Maksimov variantına üstünlük verdik. Nə dərəcədə doğru addım atmışıq, bunu zaman göstərəcək.
- Şəxsən tanıdığınız biridi?
- Xeyr-xeyr, tanışlığımız yox idi. Agentlərin vasitəçiliyi ilə tanıyandan sonra araşdırma apardıq. Son bir-iki aya qədər onu şəxsən tanımırdım. Televizorda görmüşdüm (gülür).
- Bildiyimə görə, Maksimovun təyinatı AFFA-da çalışanların məsləhəti əsasında gerçəkləşib.
- Boş söhbətdi. AFFA-nın bu məsələyə aidiyyatı yoxdu. Sırf şəxsi kanallarım vasitəsi ilə tapmışam.
- Qarşısına hansı hədəf qoyuldu?
- Bilirəm, ağır olacaq. Baş məşqçi yeni gəlib, futbolçuların çoxu ilə yollar ayrılıb və onların əvəzinə yenilər gələcək. Lakin yenə də əvvəlki hədəfimizdən əl çəkmirik. Məqsəd avrokuboklara vəsiqə qazanmaqdı. Ya çempionatda 4-cü yeri tutmalıyıq, ya da kuboku əldə etməliyik. Yarımfinaldakı rəqibimiz “Sumqayıt” son vaxtlar baxımlı futbolla nəticə qazanmağı bacarır. Digər cütdə isə “Qəbələ” ilə “Neftçi”di. Çətin dönəmə qədəm qoyuruq. Futbolda mümkünsüz heç nə yoxdu.
- Avrokuboklara vəsiqə ukraynalı mütəxəssisin qarşısında tələbdi, yoxsa tövsiyə?
- Mən hədəfsiz iş görməyi sevmirəm. Konkret məqsədimiz avrokuboklara vəsiqə qazanmaqdı. Ən pis halda kubokun finalına yüksəlməliyik.
- Maddi qazancı nə qədər olacaq?
- Zaur Svanadze nə qədər alırdısa, o da o qədər qazanacaq. Nə aşağıdı, nə də yuxarı.
- Köməkçiləri kimlər olacaq?
- Fiziki hazırlıq üzrə məşqçi Aleksandr Karakliç yenə öz işindədi. Həmçinin qapıçılarla məşğul olan Camaləddin Əliyev. Zaur İsmayılov həm köməkçi-məşqçi kimi çalışacaq, həm də seleksiyaçı-məşqçi funksiyasını yerinə yetirəcək.
- Vəssalam?
- Bəli.
- Adətən, işə başlayan məşqçi özü ilə azı bir həmyerlisini, əvvəldən tanıdığını gətirir. Maksimovun belə istəyi yoxdu?
- Açığı, ortaya belə bir məsələ qoyub. Bu haqda fikirləşirik. Bu gün üçün aktual deyil. Ola bilsin, yanvarın ortalarında hansısa addım atdıq.
- Neçə futbolçunun cəlb olunması gündəmdədi?
- Planda 4-5 legionerin adı var. Argentinalı Pablo Podio adlı yarımmüdafiəçi ilə müqavilə imzalanıb. Digər 3-4 nəfərlə isə danışıqlar davam etdirilir.
- Kimlərdi?
- Adlarını deməyim düzgün olmaz, özünüz başa düşürsüz. Biri sloveniyalıdı, biri seneqallı. Həmçinin Rusiya və Ukraynadan olanlar da nəzərdən keçirilir. Yanvarın 2-3-nə qədər məsələyə nöqtə qoyulacaq.
- Yerli futbolçularla bağlı planlar necədi?
- Məqsəd İsayevlə Kamran Ağayevi “Keşlə”nin yeni futbolçuları saya bilərsiz. Bu dəqiqə Vaqif Cavadovla danışıq aparırıq. Yaxın günlərdə bu məsələyə də aydınlıq gələcək. Üstəlik, əvəzedici heyətin 3-4 perspektivli futbolçusu əsas komandanın Antalyadakı hazırlıqlarında iştirak edəcək. Belə baxanda, onları da əsas komanda üçün yeni futbolçu hesab etmək olar.
- Yenilər arasında ukraynalılar olacaq? Belə deyim, baş məşqçi əvvəldən tanıdığı futbolçuların cəlb olunmasında maraqlıdı?
- Özünün istədiyi bir-iki nəfər var. Amma yenə də Zaur İsmayılovla axtarışları davam edir. Dünən (srağagün) Bakıya gəlib, dayanmadan işləyirlər. İclasa girib-çıxdılar, işləri yenə davam edir. Son qərar məşqçilər korpusunun olacaq. Çünki gətirilən oyunçulara görə sonda hər kəs cavab verməli olacaq.
- İlkin Qırtımov, Samir Zərgərov, Elnur Abdullayev, Mirsahib Abbasov... Bu futbolçuların müqavilə müddəti bitmişdi?
- Onlarla müqaviləyə xitam verildi.
- Niyə?
- Belə qərara gəldik ki, komandaya yeni nəfəs gəlsin. Məşqçini dəyişdik, eyni addımı futbolçularla bağlı da atmaq istədik. Bu vəziyyətdən çıxmaq üçün komanda daxilində yeni ab-havaya ehtiyac var idi.
- Rauf Əliyev gəlir?
- Rauf 1-2 yaxın yoldaşla mənə ismarıc göndərib. Ancaq rəsmi müraciət etməyib.
- Rəsmi müraciət necə olur? Özü sizə zəng etməlidi?
- Təbii ki. Mesajı çox adamla göndərmək olar. Qısa deyim, Rauf bu gün üçün “Keşlə”nin planlarına daxil deyil. Özü zəng etməyib, heç mən özüm də onu axtarmıram. Belə bir fikrim də yoxdu.
- Zəng etsə, nə deyəcəksiz?
- Hələ bir zəng eləsin, gəlsin görüşək. Görüm fikri, məqsədi, sözü nədi. Ondan sonra nəsə danışmaq, düşünmək olar. Ortada rəsmi heç nə yoxdu.
- Yayda Raufun ünvanına işlətdiyiniz sərt fikirlər hələ də yadımızdadı.
- Mənim də yadımdadı. Dediyiniz kimi, o fikirləri yayda səsləndirmişdim. Rauf komandadan etik cəhətdən düzgün olmayan şəkildə ayrılmışdı. Gedəndə heç mənimlə sağollaşmamışdı da. Baxırsan ki, öz qanımızdı, azərbaycanlımızdı, yığmaya namizəd oyunçudu. Futboldan kənarda qalmasına heç kim razı olmaz, o cümlədən mən. İnsani keyfiyyətlərini kənara qoyaq, idmançıdı, ölkə futboluna fayda verməlidi. Qurban Qurbanov da mətbuat konfransında bildirmişdi ki, Raufun futbolsuz qalmasını istəmirik.
- “Keşlə”nin rəsmi saytında az öncə başa çatan iclasdan video yerləşdirilib. Asim Xudiyevi gördüm. Onun klubunuza hansı bağlılığı var?
- Asim Xudiyev həm veteran futbolçu, həm də beynəlxalq dərəcəli hakim kimi “Keşlə”də Müşahidə Şurasının üzvüdü.
- Ramiz Məmmədov idman direktoru vəzifəsinə təyin olundu. Onun işi nədən ibarət olacaq?
- Ramiz Məmmədova məsul vəzifəni həvalə etmişik. Bütün yaş qruplarının idman sahəsinə birbaşa o cavabdehlik daşıyacaq.
- Görülən işlərə, yoxsa nəticələrə?
- Hər ikisinə.
- Bəs uşaq futbolu ilə bağlı əlaqələndirici postu?
- O yer hələ ki vakantdı. Bu dəqiqə həmin posta təyinata ehtiyac duyulmur. Fikrimcə, Ramiz müəllim peşəkar və üzgüzar adam kimi işlərin öhdəsindən gələcək.
- Mirhüseyn Seyidovla Nizami Hacıyevin taleyi məlumdu. Bu yaxınlarda AFFA-nın baş katibi Elxan Məmmədov məlum məsələ ilə bağlı Baş Prokurorluğa məlumatların verildiyini və işin davam etdiyini açıqladı. Yenə şübhələndikləriniz var?
- Klub daxilində bu işlər tamamlanıb. Müəyyən addımlar atdıq və nəticəsini gördüz. Amma AFFA və hüquq-mühafizə orqanları araşdırmalarını davam etdirir. Klubda isə sakitlikdi, heç bir problem yoxdu, rahatıq.
- Mirhüseyn qəzetimizə müsahibəsində sizinlə görüşmək istədiyini demiş, lakin sizin buna razı olmadığınızı bildirmişdi.
- Bunun üçün müəyyən zamana ehtiyac var. Bu dəqiqə bütün diqqətimizi qış hazırlıq planlarına ayırmışıq. İşlərimiz həddən artıq çoxdu, vaxt isə yoxdu. Mirhüseyni hələ “Neftçi”dən, Sadıq Sadıqov kluba rəhbərlik etdiyi dönəmdən tanıyırdım. Bacarıqlı, qanacaqlı futbolçu kimi yadımda qalıb. Heç kim istəməzdi belə olsun. Amma oldu. Başqa nəsə danışmaq istəmirəm.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi 12-10-2018, 21:48 “Rüfəti əsas heyətdə buraxmaqla bir qədər risk etdim” 12-10-2018, 21:47 Üç azarkeş üçün üç qol 12-10-2018, 21:44 İnamlı və önəmli qələbə 12-10-2018, 21:43 Yerli mütəxəssislər Adil Mahmudovun cavabını verdi 12-10-2018, 21:41 Roberto Bordin yeni imicdə 12-10-2018, 21:40 Arif Əsədov yeni komitədə təmsil olunacaq 12-10-2018, 21:38 Qadın voleybolçularımız antirekordu təkrarladı 12-10-2018, 21:35 Faiq Qarayev məşqçi karyerasını başa vurdu 11-10-2018, 19:02 Yenə məğlubiyyət və qrupu sonuncu yerdə bitirmək ehtimalı 11-10-2018, 18:59 Reynaldo Qazaxıstanda Almeyda ilə görüşə bilmir 11-10-2018, 18:57 Sənan Qurbanov “Qəbələ”ni “tərlətdi” Bütün xəbərlər
Ən çox oxunanlar