03 noy 23:34gundem

Ən operativ jurnalist 40-ı geridə qoydu

Ən operativ jurnalist 40-ı geridə qoydu
Elşən Məmmədov: “Hansısa özəl xəbəri oxuculara çatdıranda işimdən ləzzət alıram”
İdman Araşdırmalar Mərkəzinin rəhbəri, hazırda report.az saytının İdman Departamentinə rəhbərlik edən, 2016-da AGİN tərəfindən ilin ən yaxşı jurnalisti seçilən dəyərli həmkarımız Elşən Məmmədov dünən 40 yaşını qeyd etdi. Uzun illər idman mətbuatında külüng döyən, hamının operativ jurnalist kimi tanıdığı Məmmədovla yubiley günündə görüşüb-söhbətləşməyi lazım bildik. Səmimiyyəti, sadəliyi və işgüzarlığı ilə çoxlarına örnək ola biləcək Elşən bəylə söhbətə jurnalistikaya gəlişindən başladıq.
- Dövlət İdarəçilik Akademiyasının sonuncu kursunda oxuyanda “Futbol+”də reportyor müsabiqəsi elan olunduğunu eşitdim. Buna qədər qardaşım Vüqar Məmmədov artıq bu qəzetdə çalışırdı. Ümumiyyətlə, bizim ailədə gündəlik dövri mətbuata xüsusi önəm verilirdi. Uşaq yaşlarımdan idmanla maraqlandığımı nəzərə alan evdəkilər sovet dönəmində “Sovetski sport” qəzetini daim alırdılar. Eşidəndə ki, artıq Azərbaycanda da idmanla bağlı yeni qəzet çap olunmağa başlayıb, çox sevindik. Müsabiqəyə qatıldım və sınaqlardan uğurla keçdim. Bir müddət “Futbol+”də çalışdıqdan sonra “Şərq”ə üz tutdum. Qəzetin idman səhifəsini mənə tapşırmışdılar. Ordan sonra apasport.az və lent.az saytlarında da işlədim. Ordan ayrılandan sonra bir müddət yaradıcısı olduğum sportnet.az portalında çalışdıqdan sonra report.az saytından iş təklifi aldım. Hazırda da adını çəkdiyim saytın İdman Departamentinin rəhbəriyəm. Bir sözlə, artıq 20 ilə yaxındı mətbuatdayam.
- Sən həm də İdman Araşdırmalar Mərkəzinin rəhbərisən. Belə bir təşkilat yaratmaq hansı zərurətdən irəli gəldi?
- İdman Araşdırmalar Mərkəzi 2012-ci ildə yaranıb. Bu il artıq 5 yaşını qeyd etdi. Bu təşkilat ölkədə idmana və Olimpiya hərəkatına dəstək vermək üçün yaradılıb. O vaxt hər sahədə qeyri-hökümət təşkilatları fəaliyyət göstərsə də, idmanda federasiyalardan başqa heç bir qurum yox idi. Bu yöndə boşluq var idi. Dostlarla məsləhətləşmələrdən sonra qərara aldıq ki, bu təşkilatı təsis edək. Mərkəzin bu günə kimi ayaqüstə qalmasında idman mətbuatının, həmkarlarımızın da böyük xidmətləri var ki, buna görə onlara təşəkkür edirəm.
- Mərkəz artıq 5 yaşını qeyd etsə də, hələ də dövlət qeydiyyatından keçməyib. Səbəbini bilmək istərdik.
- İlk vaxtlar sənədləri hazırlayıb aidiyyatı orqanlara təqdim etsək də, hər dəfə xırda çatışmazlıqlar ortaya çıxdığından sənədləri geri qaytardılar. Sənədləri yenidən təqdim etmək üçün isə 21 gün vaxt tələb olunur. Hər dəfə sənbədləri qaydasına salmaq xeyli vaxt aparır, mənim isə başqa işlərim də var. Bu səbəbdən bir qədər bu məsələ ləngiyir. Onu da bildirim ki, İdman Araşdırmalar Mərkəzi dövlət qeydiyyatından keçməsə də, müəyyən layihələri reallaşdırmağı bacarmışıq. Yəqin ki, bu ilin sonuna kimi çatışmazlığı aradan qaldırıb, sənədləri qaydasına salacağıq.
- Sən hətta bir müddət Milli Avarçəkmə Federasiyasının mətbuat xidmətinin rəhbəri də olmusan. Ancaq deyəsən, artıq federasiyadan uzaqlaşmısan...
- Əvvəlcə onu bildirim ki, Milli Avarçəkmə Federasiyası 2007-ci ildə yaranmasına baxmayaraq, qısa vaxtda çox böyük işlər görə bildi. Avarçəkənlərimiz dünya və Avropa çempionları oldular, son Olimpiadada iki idmançımız mükafatçılar sırasında yer aldı. Həmin idmançılar karyeralarını başa vurduqdan sonra federasiya daha çox yerli idmançıların yetişməsinə diqqət ayırmağa başladı ki, belə durumda federasiyada çalışmağa ehtiyac görmədim. Buna baxmayaraq, yenə də federasiya rəhbərliyi ilə əlaqə saxlayır, lazım olanda müəyyən məsələlərdə köməyimi əsirgəmirəm.
- İdman mətbuatında çalışanlar Elşən Məmmədovu ən operativ jurnalist kimi tanıyır. Bəzən deyirlər ki, Elşən günün 24 saatını kompüter araxasında keçirir. Bu qədər enerjini hardan alırsan?
- Yaxın həmkarlarımızdan birinin yaxşı bir sözü var: “mən işdə istirahət edirəm”. İndi mən də işləyəndə, hansısa özəl xəbəri oxuculara çatdıranda işimdən ləzzət alıram. İdman elə bir sahədi ki, burda nə gecən var, nə də gündüzün. Şənbə, bazar günləri də çalışmalısan ki, bütün xəbərləri operativ şəkildə işıqlandırasan. İdman mediasında çalışmaq jurnalistdən həm məsuliyyət tələb edir, həm də ayıq olmağı.
- Bu gün 40 yaşın olur. Bəzən deyirlər ki, 40-ı qeyd etməyin düşər-düşməzi olur. Sən necə, bu deyimə inananlardansan? Bir də səni ilk təbrik edən kim oldu?
- Sözün düzü, doğum günümü xüsusi qeyd etmək planlarıma daxil deyil. Ötən il “feysbuk”da yazmışdım ki, 40 mənim doğulub boya-başa çatdığım Qubanın maşın nömrəsi olduğundan dostlardan kim istəsə, Qubaya gedib orda dincələ bilərik. Hələ ki dostlardan bir xəbər yoxdu. Bəlkə də havaların soyuq keçməsi onların gözünü bir qədər qorxudub. Təbrikə gəlincə, təbii ki, ilk təbrik ailə üzvlərmdən gəldi. Onların da çiyninə böyük yük düşür. Hər halda, ailə qayğılarının böyük hissəsini üzərlərinə götürməklə yaradıcı insan kimi çalışmağıma şərait yaradırlar. Fürsətdən istifadə edib məni təbrik edən, belə gündə xoş arzular çatdıran bütün insanlara minnətdaram.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:57 Boykotçular martın sonunda turnir təşkil edəcək Bu gün, 13:54 “Qarabağ”lılar bu dəfə “Yuventus”a ilişdi Bu gün, 13:24 Vüqar Nadirov “FC Baku”dan qovuldu Bu gün, 13:22 “Qızıl oğlan” 40 yaşını tamamladı Bu gün, 13:19 Zaqreb “Dinamo”sunun skautları Musa Qurbanlını izləyib Bu gün, 13:10 Mahir Şükürov Bakıda PSJ-nin məktəbini açmaq istəyir Bu gün, 13:04 “Turan Tovuz” baş məşqçi ilə yolları ayırır Bu gün, 12:57 “Heç kim bizə qara qəpik də verməyib” Bu gün, 12:52 “Keşlə” üçün çıxış yolu Bu gün, 12:49 Dmitri Kramarenko yığmada qaldı Bu gün, 12:46 "Sumqayıt-2" üç xalı 5, MOİK 4 qolla qazandı Bu gün, 12:44 Samir Abasov məşqçi karyerasında bir ilk yaşayacaq Bu gün, 12:19 1/8 finalın oyun günləri müəyyənləşdi Bu gün, 12:16 Türklər yığmamızı darmadağın etdi Bu gün, 12:12 Arzuman Rizvanov Çexiyanın yüksək liqasında Bu gün, 12:09 Susqun bombardirlər: 977 dəqiqəyə cəmi 1 qol Bu gün, 12:05 Dünya ulduzları Bakıya gəlir Bu gün, 12:02 "Səbail" 2400 manat cərimə ilə razı deyil Bu gün, 11:23 Yığma İspaniya ilə eyni qrupda 21-02-2019, 19:33 Liderlər üçün asan gəzinti 21-02-2019, 19:32 “Kəpəz”in yubileyinə aid film təqdim olundu 21-02-2019, 19:30 Mitreski “Neftçi”dəki ən yaddaqalan oyununu xatırladı 21-02-2019, 19:28 Zaqreb sınağı: bir ay əvvəlin düşüncələri 21-02-2019, 19:27 Ramil Şeydayev Yurçeviçi tanımır 21-02-2019, 19:25 “El Klasiko” “İdman Azərbaycan”da 21-02-2019, 19:17 Riad Rəfiyev yeni transferləri yararsız saymır 21-02-2019, 19:15 “Sumqayıt” rəhbərliyi məşqçilərlə görüş keçirəcək 21-02-2019, 19:12 Elvin Məmmədov “qara zolaq”dan çıxmaq üçün bir qələbənin kifayət edəcəyini düşünür 21-02-2019, 19:09 Sərxan Hacıyev Budapeştdədi 21-02-2019, 19:07 “İspan mətbəxinə öyrəşmək asan olmadı və 4-5 futbolçumuz xəstələndi” 21-02-2019, 19:06 Ölkə futbolunda rüsvayçılıq davam edir 21-02-2019, 19:05 “Neftçi” qeyri-adi cəzanı əsaslı sayır 21-02-2019, 19:03 Təmkin Xəlilzadə duyğulan(dır)dı 21-02-2019, 19:02 Lider dəyişəcəkmi? 21-02-2019, 18:59 Zal dəyişdi, canlı yayın olmayacaq 21-02-2019, 18:52 İlk dueli türklər qazandı 21-02-2019, 18:50 Emil oynadı, “Tobol” qələbə qazandı 21-02-2019, 18:47 “Elə cavab verərəm, siz də qəzetə yazarsız, sonra ...” 21-02-2019, 18:44 Delarj durumundan məmnundu 21-02-2019, 18:43 Dördüncü “Media turniri” başlayır 21-02-2019, 18:41 Qurban Qurbanov İnzaqi ilə Donadonidən öndə 20-02-2019, 17:45 “FC Baku” və “Şahdağ” rəqiblərinə “5” verdi 20-02-2019, 17:43 U-19-un üzvləri “qırmızı”nı qabartdı 20-02-2019, 17:41 Nikola Yurçeviç Xorvatiyaya qayıdıb 20-02-2019, 17:40 İntizam Komitəsi “Səbail”i cərimələməlidi 20-02-2019, 17:37 Yığmamız Litvanı sınağa çəkəcək 20-02-2019, 16:40 “Sumqayıt”: 70 illiyə 7-ci yerdə?! 20-02-2019, 16:39 Tural rəsmən “Dauqavpils”də 20-02-2019, 16:36 Bu ruh nə ruhdu belə... 20-02-2019, 16:24 Turun statistikası 20-02-2019, 16:21 Turun məşqçisi 20-02-2019, 16:06 Hakimlərin mühakiməsi 20-02-2019, 16:03 Turun oyunçusu 20-02-2019, 16:02 Turun sitatı 20-02-2019, 15:56 Məhsuldarlıq rekordu 20-02-2019, 15:49 Kubokun son qalibindən açılışda səssizlik, ertəsi darmadağın 20-02-2019, 15:45 Əliyar Ağayev VAR-da sınanacaq Bütün xəbərlər
Ən çox oxunanlar