10 sen 17:59gundem

Rauf Albaniyadakı həyatından danışdı

Rauf Albaniyadakı həyatından danışdı
“Peşəkarlıq baxımından albanlar bizdən geri qalır”
Yayda “İnter”i gözlənilmədən “Kukesi”yə dəyişmək fikrinə düşən Rauf Əliyevin Albaniyaya yollanması asan başa gəlmədi. Hər iki tərəf müqavilə sənədlərini ictimaiyyətə göstərdi, Zaur Axundov futbolçunun ünvanına gözlənilməz ifadələr işlətdi. Bütün bunlara baxmayaraq, Rauf Avropaya yollanmaqla karyerasında ilk dəfə legioner həyatı yaşamaq imkanı qazandı. Ara-sıra yığmaya da cəlb olunan futbolçunu artıq ağızdolusu “Kukesi”nin futbolçusu hesab etmək olar. Bu da səbəbsiz deyil. Sentyabrın 6-da Albaniya Superkuboku uğrunda keçirilən oyunda Kukesi təmsilçisi “Tirana” ilə qarşılaşdı ki, həmyerlimiz start heyətində yer almaqla yeni komandasında rəsmi görüşdə debüt etdi. Rauf bir aydı ki, Albaniyadadı. Deməli, danışmaq üçün mövzu var. Həm də yığmaya çağrılmayan futbolçudan millinin Norveç və San Marino ilə qarşılaşmalarıyla bağlı bəzi suallara cavab tapmaq olardı. Dünən təcrübəli futbolçuyla əlaqə saxlayıb həmsöhbət olduq.
- Albaniyaya öyrəşə bilmisən? Oralar necədi?
- Şükür, hər şey qaydasındadı. Məşq edirəm, hazırlaşıram. Öyrəşməyib nə edəcəm ki (gülür). İstədim, ya istəmədim, öyrəşməliyəm. Sakit yerdi, hamı başını aşağı salıb işini görür. Elə bir narahatlığım yoxdu. Bu yaşda ilk dəfədi legioner həyatı yaşayıram. Ona görə də müəyyən çətinliklərin olması normaldı. Öyrəşməliyəm, dözməliyəm.
- Buralar üçün darıxmırsan?
- Səmimi desəm, ailəm, dostlarım, qohumlarım üçün darıxıram. Nə qədər özümü səbrli göstərməyə çalışsam da, vətən vətəndi. Amma daha az fikirləşməyə çalışıram. Hər bir işin başlanğıcı çətin olur. Ritmi tutandan sonra öyrəşirsən. İnşallah, yaxşı olar.
- Komandada kimlərlə dostluq edirsən? Onlarla hansı dildə danışırsan?
- Çernoqoriyalı futbolçu var, o da mənim kimi komandaya yeni qoşulub. Əvvəl Moldovada oynayıb deyə, rus dilində danışır, başa düşür. Əsasən onunla ünsiyyətdə oluram. Yerli futbolçulardan bir-ikisi az da olsa türk dilində başa düşür. Bəzən də onlarla danışıram, zarafatlaşıram. Şükür, dil baxımından problem yoxdu.
- Ailəni aparmısan?
- Yox, Bakıdadılar.
- Nə əcəb?
- Açığı, yanıma gətirmək fikrim var. Ailə yanımda olsa, işim asanlaşar. Amma risk etmək istəmirəm. Düşünürəm ki, onlar üçün də çətin olar. Tam qərar verə bilmirəm.
- Harda qalırsan?
- Klub rəhbərliyi ev kirayələyib, orda qalıram. Bazadan elə də uzaq deyil. Rahat gedib-gələ bilirəm.
- Maşın da veriblər?
- Hələ verməyiblər. Bəlkə gələcəkdə verərlər.
- Bir müddət əvvəl qəzetimizə verdiyin müsahibədə Tiranada məskunlaşdığınızı, müəyyən vaxtdan sonra Kukesiyə gedəcəyinizi demişdin. Kukesi necə yerdi, bizim rayon, ya da şəhərlərdən hansına oxşayır?
- Komanda Kukesini təmsil etsə də, Tiranada məskunlaşıb. Ancaq oyundan-oyuna Kukesiyə gedəcəyik. Belə deyim, bizim “Qəbələ” kimidi. Bakıda qalıb, ev oyunlarından bir-iki gün Qəbələyə yollanırlar. Bizdəki vəziyyət də elədi. Ona görə də əsasən paytaxtda oluram.
- “Kukesi”nin futbolçususan və yeni komandanda rəsmi debütün də reallaşıb. Buna baxmayaraq, “whatsapp”dakı profil şəklində yığmanın formasındasan. Məsələn, “Kukesi”nin futbolkasındakı şəklini qoya bilərsən. Milli üçün darıxdığına işarə vurursan?
- Yox-yox. O şəkil çoxdan ordadı. Tez-tez şəkil dəyişməyi xoşlamıram. Sadəcə, həmin şəkildən xoşum gəlir deyə onu qoymuşam. Başqa səbəb axtarmaq lazım deyil. Milliyə gəldikdə, o forma üçün hamı darıxır.
- “İnter”dən gözlənilməz ayrılığın boyük səs-küyə səbəb oldu. Bir həftə bu mövzu danışıldı, Zaur Axundov arxanca xoşagəlməz ifadələr işlətdi. Albaniyaya gedəndən sonra Zaur Svanadzeylə, Zaur Axundovla, yaxud başqa rəsmilərlə danışmısan?
- Rəhbərliklə və məşqçilərlə yox, amma “İnter”dəki futbolçu yoldaşlarımla daim ünsiyyətdə oluram. Sağ olsunlar, yazırlar, maraqlanırlar.
- Yığmanın Norveç və San Marino ilə oyunlarını izləyə bildin?
- Təəssüf ki, hər iki oyun məşq vaxtımıza düşdü. Ona görə də canlı izləmək imkanım olmadı. Sonradan qolların təkrarına baxdım.
- İki oyunun ümumi nəticəsinə görə üzüldün, yoxsa sevindin?
- Açığı, San Marinonu udacağımızı bilirdim. Yəni millimizlə müqayisədə onlar zəifdi. Amma Norveçlə matçdan da azı heç-heçə gözləyirdim. Uduzacağımızı təxmin etməmişdim. Yenə də pis deyil. Hazırda 10 xalımız var və Bakıda Çexiya ilə oynamalıyıq. 13 xal, fikrimcə, yekunda əla nəticə olar.
- Oyunların videotəkrarına baxanda ağlından “kaş mən də orda olardım” sözləri keçdi?
- Tanıyanlar bilir ki, hər şeyə real baxan adamam. “Kaşlar”la aram yoxdu. Yığmadan kənarda qaldımsa, deməli, belə lazım imiş, qismət bu imiş. Guya “kaş” deməklə nəsə dəyişəcəkdi? Qətiyyən təəssüflənmədim.
- Bir aydan sonra Çexiya və Almaniya ilə oyunlar var. Səncə, Robert Prosineçki bu dəfə dəvət göndərəcək, yoxsa yığmadan əlini üzmüsən?
- Mənim işim klubda etimad qazanıb, daim meydana çıxmaqdı. Ondan sonrasına yığmanın baş məşqçisi qərar verəcək. Həmişə dediyim kimi, millidə oynamaq mənim üçün fəxrdi və hər zaman o formanı geyməyə hazıram. Çağırar, can başla oynayaram, çağırmaz, Allah canını sağ eləsin.
- Dünən “Tirana”yla oyunda start heyətində yer alsan da, sol cinahda yer almağın bizi təəccübləndirdi. Nəylə bağlıydı?
- Əslində meydana hücumçu kimi çıxmışdım. Sadəcə, 29-cu dəqiqədə komanda yoldaşım gözlənilmədən qırmızı vərəqə aldı. Və belədə baş məşqçi taktiki dəyişikliyə əl atdı deyə, ilk yarının sonuncu 15 dəqiqəsini “sol”da oynadım. Hücumçusuz oynamağa başlayandan sonra mən də cinaha çəkildim.
- Fasilədə əvəzlənməyin nə ilə bağlıydı? “Qırmızı”ya görə səni yox, başqasını da dəyişə bilərdi.
- Fikir vermisizsə, müdafiəçisi meydandan qovulan komandaların baş məşqçiləri hücumçunu əvəzləyir. Çünki əsas niyyət heç-heçə etmək olur. Belədə cinah oyunçuları hücuma dəstək verir. Hücumçu olduğumdan, məni dəyişdi. Həm də digərlərinə nisbətən komandada yeniyəm.
- Ümumiyyətlə, baş məşqçi sənə əsas heyət üzvü gözüylə baxır?
- Bu haqda nəsə deməyim düzgün olmaz. Bu gün əsas heyətdə şans verirsə, deməli, niyyəti xidmətimdən yararlanmaqdı. Legioner adıyla gətiriblərsə, hər halda, ehtiyatda oturtmaq üçün bu addımı atmayıblar. Özümdən də çox şey asılıdı. Ümidlərini doğrultmaq üçün əlimdən gələni edirəm.
- Rəsmi oyunda debüt etdin. Stadionda ab-hava necəydi?
- Paytaxtda “Tirana”nın azarkeşləri çoxdu, çılğındılar. Ona görə də fanatlar stadionda yaxşı ab-hava yaratmışdı. Sayları 10 min olmasa da, buna yaxın rəqəm idi. Belə deyim, superkubok atmosferi var idi.
- Bizim futbolla onların futbolu arasında nə kimi fərqlər var?
- Çempionatlarını hələ görməmişəm. İlk turun oyunları sentyabrın 9-da baş tutacaq. Ona görə də futbolun səviyyəsi haqda nəsə deməyim düzgün olmaz. Amma peşəkarlıq baxımından albanlar bizdən geri qalır. Bizdə təşkilatçılıq işləri daha peşəkar səviyyədə qurulub.
- “Tirana” ilə oyundan sonra baş məşqçi sənə narazılıq bildirmədi?
- Nəinki mənə, ümumiyyətlə heç kimə bir söz demədi. Bir saat azlıqda qalmağımıza baxmayaraq, sonuncu dəqiqəyə kimi qol buraxmadıq. Rəqib matçın bitməsinə saniyələr qalmış qol vurdu. Halbuki rahat qazanmalıydıq. Favorit biz idik.
- “17”ni seçməyinin səbəbi nədi?
- Əslində nömrəm “17” yox, “14” olacaq. Sadəcə, komandaya gec qoşulmuşam deyə, futbolkam hazır deyildi. Ona görə də “17”ni geydim.
- “14”ün xüsusi səbəbi var?
- Düzü, həmişə “11”ə üstünlük vermişəm. Amma mən gələndə həmin nömrə braziliyalıda idi. Məcbur qalıb başqa nömrə seçməliydim. “11” “14”ə yaxın olduğundan, həm də bir az oxşadığından onu seçdim. Xüsusi səbəbi yoxdu.
- Ansi Aqolli ilə ünsiyyətdə olursan?
- Albaniyaya gəlməmişdən qabaq Bakıda danışmışdım. Bura gələndən sonra hələ ki, söhbətimiz olmayıb. Vaxtilə “Qarabağ”da çiyin-çiyinə oynadığım Nderim Nedzipi ilə görüşürəm. Elə indi də yanımdadı. Türk dilini yaxşı bilir deyə, işim rahatdı. O da futbol oynayırdı, karyerasını bu yay başa vurub.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 10:06 Həftənin idman proqramı Bu gün, 10:01 “Sumqayıt 70”dən yubiley hədiyyəsi Bu gün, 09:59 “Neftçi” – “Sperantsa”: hakimlər açıqlandı, biletlər satışa çıxarıldı Bu gün, 09:56 "Forza Neftçi" bu gün Bakıya çatacaq Bu gün, 09:54 Emil Balayev qol buraxmadı, rəmzi komandaya düşdü Bu gün, 09:52 “Dauqavpils” Əli Şirinovu rənglərinə bağladı Bu gün, 09:47 Stankoviç Kişinyovda oynamadığına görə üzgündü Bu gün, 09:43 Yığmanın heyəti açıqlandı Bu gün, 09:42 AÇ üçün rekord müraciət 15-07-2019, 14:37 PFL yeni mövsümə yenilənmiş Əsasnamə ilə başlayacaq 15-07-2019, 14:35 Çimərlik futbolu üzrə yığmanın üzvlərinə danışmaq qadağası qoyulub 15-07-2019, 14:32 Kamran Quliyev legioner transferini istisna etmədi 15-07-2019, 14:28 “Neftçi” işinin öhdəsindən gəldi 15-07-2019, 14:26 Vidadi Rzayev “Səbail”in də şansının olduğunu düşünür 15-07-2019, 14:24 Ramil “Dinamo”nun heyətində rəsmi oyuna çıxdı 15-07-2019, 14:21 Ağabala dubl edəcəyini gözləmirmiş 15-07-2019, 14:18 “Sevindirici haldı ki, Kişinyova hər iki gəlişim uğurlu alınıb” 15-07-2019, 14:15 Yaşıllığa bürünən, dəbdəbədən uzaq Kişinyov... 15-07-2019, 14:13 Proqrama pul tapmadız? 15-07-2019, 14:11 Mövqeyimiz dəyişmədi 15-07-2019, 14:07 Transfer dosyesi 15-07-2019, 14:04 Rəşid Mahmudov Moskvada Peleni canlı izləyib 13-07-2019, 15:35 Voleybol yığmamız Bolqarıstana yollandı 13-07-2019, 15:28 Nazim Babayev bayrağımızı dalğalandırdığı üçün qürur hissi keçirir 13-07-2019, 15:23 Nikola Yurçeviçin məzuniyyəti bitdi 13-07-2019, 15:20 “İmarət”dən “Forza Neftçi”nin Moldova səfərinə atmaca 13-07-2019, 15:16 Rəmiş Malıyev “Keşlə”dən və futboldan getdi 13-07-2019, 15:09 “Forza Neftçi” Kişinyovda da tribunaya fişəng keçirdi 13-07-2019, 15:01 “Neftçi” mərhələnin taleyini Kişinyovda həll etdi 13-07-2019, 14:56 “Sperantsa”nın baş məşqçisi boşboğazlıq etdi 13-07-2019, 13:17 “Qəbələ”nin gücü bir hissəyə çatdı 13-07-2019, 13:15 Region Liqasının mükafatçısı üçün tədbir 13-07-2019, 13:09 Aftandil Hacıyev: “Əlbəttə, çalışacağıq, amma çox çətin görünür” 13-07-2019, 12:59 Ağabala “Səbail”i məğlubiyyətdən qurtara bilmədi 13-07-2019, 12:48 “Qarabağ” səhərəyaxın qayıtdı 13-07-2019, 12:44 “Qarabağ” biletləri satışa çıxardı 13-07-2019, 12:39 Aqolli heç-heçəni “Qarabağ” üçün uğurlu nəticə sayır 13-07-2019, 12:35 “Partizani” rəhbərliyi məmnundu 13-07-2019, 12:24 “Neftçi”ni məyus etmiş komandanın oyunçusu “Keşlə”də 13-07-2019, 12:18 Əsgər Abdullayev “Araz Naxçıvan”da! 13-07-2019, 12:15 Nazim Süleymanovun qalmaqallı müsahibəsinə sözardı 13-07-2019, 12:12 İki azərbaycanlı ulduzun avrokubok macəraları 12-07-2019, 12:36 Federasiya Fransa çempionu olan basketbolçuyla maraqlanmır 12-07-2019, 12:33 Yığmanın baş məşqçisi istefa verdi 12-07-2019, 12:30 Məğlubiyyətdən başqa istənilən nəticə Bordini qane edəcək 12-07-2019, 12:26 "Sperantsa" ilə oyunöncəsi 9 saatlıq yolculuq 12-07-2019, 12:22 “Forza Neftçi” gömrük məntəqəsində problemlə üzləşdi 12-07-2019, 12:20 "Neftçi" yayın hüququnu 5 min avroya aldı 12-07-2019, 12:11 “Zirə”nin prezidenti istefa verdi 12-07-2019, 12:01 Nazim Süleymanov “vulkan kimi püskürdü” 12-07-2019, 11:58 “Tofiq Bəhramov” avropalılar önünə sökük örtüklə çıxacaq 12-07-2019, 11:55 Riad Rəfiyev Nazim Süleymanova cavab verməyi lazım bilmədi 12-07-2019, 11:47 MOK və AFFA Vaqif Davudovu yubileyi münasibətilə təbrik etdi 12-07-2019, 11:45 “Qəbələ” Adeniyini 100 min avroya icarəyə verdi 12-07-2019, 11:44 “Sabah” transferlərdən “doymur” 12-07-2019, 11:42 Rəhim Həsənov Slovakiyaya gedir 11-07-2019, 18:36 Sakit Alıyevin xatirə turniri başa çatdı Bütün xəbərlər
Ən çox oxunanlar