06 mar 12:05gundem

Emil Balayev: Kostanaydan Zirəyə...


...və ya bu cocuğun günahı nə?
Ehtimallar özünü doğrultdu. Azərbaycan futbolunun gülməşəkər, sevimli, tərbiyəli, bacarıqlı futbolçularından biri Emil Balayev yenidən karyerasını vətəndə davam etdirəcək. Yığma üzvünün mövsümün sonuna qədər “Zirə”nin uğurları üçün tər tökəcəyi iki gün əvvəl rəsmi təsdiqini tapdı.
Əslində belə olacağı daha öncədən, qolkiper “Tobol”dan ayrılandan gözlənilirdi. Bir müddət adı “Qarabağ”la yanaşı hallandı, ardınca “Sabah”la bağlı xəbərlər dolaşdı. Lakin səbəbkar və agenti mətbuata verdiyi hər açıqlamada karyerasını xaricdə davam etdirəcəyini dilə gətirirdilər.
Bir neçə gün öncəyə qədər “Bude Qlimt”in düşərgəsindəydi. Norveç təmsilçisi ilə müqavilə bağlayacağına o qədər əmin idik ki... Nə isə, yazının davamında bu haqda söz açacağıq. Emilin “Tobol”dan ayrılmasından “Zirə”də peyda olmasına qədər yaşananlara nəzər salaq.
Bəs deyirdilər Qazaxıstanda qəhrəmandı?
Emilin adı Qazaxıstanda dillər əzbəri olmuşdu. “Tobol”a getdiyi gündən əsas heyətdə özünə yer etmiş, klub rəhbərliyi, məşqçilər heyəti, futbolçu yoldaşları və azarkeşlərin sevgisini qazanmışdı. Adına az qala hər turun rəmzi komandasında rast gəlirdik. İnanılmaz seyvlər edir, komandası üçün vacib fiqur olduğunu göstərir, bir sözlə, diqqətləri üzərinə çəkirdi. İşin yekununda ötən mövsümün ən yaxşı qapıçısı seçildi. “Futbol+”in ümummilli sorğusunda rəqiblərinin hamısını qabaqlayaraq ən yaxşı adını qazandı. Qısası, adama elə gəlirdi ki, Emil Balayevin ad-soyadı illər keçsə də, qazaxların dilində əzbər olacaq.
Bəli, məhz adama belə gəlirdi. Çünki əslində belə deyilmiş. Belə olsaydı, Emil “Tobol”dan ayrılan kimi kənar ölkələrdən yox, elə Qazaxıstanın özündən “elçilər” qapısına yığışar, həmyerlimizi heyətinə qatmaq üçün qan davasına çıxardı. Kimsə qarşıma “Emil “Tobol”dan ayrılanda bütün komandalar heyətini komplektləşdirmişdi” bəhanəsini qoymasın. Düzdü, Balayevin Kostanay təmsilçisi ilə rəsmən yollarını ayırması müəyyən vaxt aldı. Amma Qriqori Babayanın rəhbərlik edəcəyi komandada qalmayacağı çox-çox əvvəldən bilinirdi. “Astana”ya, “Ordabası”ya, yaxud “Kayrat”a lazım olsaydı, çoxdan “saqqızını oğurlayardılar”.
Heç bir gözü Qazaxıstan çempionatının üstündə olan ruslar da bacarıqlı qapıçının xidmətindən yararlanmaq istəmədilər. Halbuki el arasında dolaşan əfsanələrdə Emil üçün Rusiya variantının olduğu da deyilirdi. Bizim üçün qəhrəman imiş, onlar üçün sıradan bir futbolçu.
Maaş azdı, qaç gəl Bakıya
Keçək “Bude-Qlimt”ə. Futbolçunun atası Nazim bəy mətbuata verdiyi açıqlamada olduqca maraqlı məqama toxunmaqla özü də istəmədən övladını pis vəziyyətdə qoyub. Valideynin dediyinə görə, Emili rənglərinə bağlamaq istəyən Norveçin köklü klublarından biri ona aylıq 3 min avro təklif edib. Əvvəla, həmin məbləğ 3 yox, 5 min avro olub. Hə, lap deyək, 3 min avro.
Norveçdə qiymətlər həddən artıq bahadı, üstəlik, klub ona maşın və mənzil kirayələmək istəməyib – bunu da Nazim bəy açıqlamasında deyib. Yəni Balayevin ayda qazandığı 3 min avro xərclərinə gedəcəkmiş, arxaya pul ata bilməyəcəkmiş. Elə bu faktın özü futbolçunun legioner həyatı yaşamaqda nə dərəcədə “maraqlı” olduğunu göstərir.
Razıyam, hər futbolçunun qiyməti var, ona uyğun da qazanmalıdı. Onunla da razıyam ki, futbolçu əziyyət çəkir, zədə alır, ölüm riski ilə üz-üzədi və buna görə də zəhməti artıqlamasıyla qiymətləndirilməlidi. Amma bu gün sənə real təklif yoxdusa və son şansın Norveçdə qalıb avropalı məşqçi və skautların gözləri qarşısında olmaqdısa, niyə imtina edəsən axı?!
Müqaviləni aylıq 3-5 min dollara bağlayıb, gələcək adına ümid verən hansısa bəndlər əlavə etmək olardı. Guya Fərid Nəbiyev Çexiyada aldığı aylıq 1-2 min avronu evinin içində qazana bilməz? Qazanar, hələ artıqlaması ilə. Amma avropalıların gözü qarşısında olmaq, çıxış etdiyi komandadan tramplin kimi yararlanmaq istəyir. Yoxsa sən çantanı yığ, sonra da “Zirə”nin formasını əlində tutub şəkil çəkdir ki, bəs Norveçdə mənə istədiyim pulu vermədilər, umduğum hörməti görmədim.
Ən yaxşıların da heç kimə lazım deyilsə...
Öncə Ramilin, ardınca Emilin başına gələnlər bir daha Azərbaycan futbolunun Avropada necə tanındığını çılpaqlığı ilə ortaya qoydu. Hər ikisinin yaşı istənilən klubun axtarışı üçün qaymaqdı. Ramilin 24 yaşı bu ayın 15-də tamam olacaq, Emilin 26 yaşını qeyd etməsinə hələ bir ay var. Hər ikisi Azərbaycan millisinin aparıcı fiqurlarıdı. Hər ikisinin CV-si kifayət qədər diqqətçəkəndi. Birində “Ayntraxt”, “Tobol”, “Neftçi”, “Qarabağ”, o birində “Zenit”, “Rubin”, “Trabzonspor”, “Jilina”, “Krılya Sovertov”, “Dinamo”, “Qarabağ”... Bir çox futbolçuların ağzını sulandıracaq göstəricidi, deyilmi?
Lakin 1,5-2 ay ərzində heç birinə yaxın duran olmadı. Agentləri yalandan müxtəlif ölkələrin adlarını çəksələr də, sonuncu duracaqları Azərbaycan oldu. Adamı yandıran nədi, bilirsiz? Deyək ki, Azərbaycan futbol ölkəsi kimi tanınmır, deyək ki, bizim futbolçuları bacarıqlı gözündə görmürlər, deyək ki, yığmanın nəticələri futbolumuzu Avropada urvatsız edib, deyək ki, “Qarabağ”ın, “Neftçi”nin, “Qəbələ”nin qruplardakı çıxışına önəm verən yoxdu, deyək ki, agentləri səriştəsizsi, lap elə deyək ki, futbolçularımız pul düşkünüdülər...
AFFA-dakı söz sahiblərinin səriştəsizliyi
Bəs AFFA-dan maaş alıb Eddini, Dmitrini, Alini, Cihanı, dadaşovları milli üçün kəşf edənlər hanı? O tərəfdən bu tərəfə calaq etməklə məşğul olanların bu tərəfdən o tərəfə aparmaq imkanı yoxdu? Niyə? Ortada yüzminlərlə qazanc olmayacaq, ona görə? Qazanclı işlərə sinəsini qabağa verən Riad Rəfiyev niyə şəxsi əlaqələri hesabına bu iki azərbaycanlı balasına gün ağlaya bilmədi?
Hanı Berti Foqts, Robert Prosineçki, Nikola Yurçeviç, Milan Obradoviç? “Mənəm-mənəm” deyən klubların akademiyalarında çalışmış Oliver Pilzer, Nikolay Adam, Bernard Lippertlə Raab də kömək edə bilməzdi? Sözsüz, onların işi azərbaycanlı futbolçulara klub tapmaq deyil. Amma işin mənəvi tərəfi var. Azərbaycanda milyonlar qazanıblarsa və qarşılığında nəticə verməyiblərsə, həmin pulların əvəzini yaxşılıq etməklə çıxa bilərdilər. Onların vecinə deyil, necə ki, Emillə Ramilin klubsuz qalması Elxan Məmmədovun vecinə olmadı. Az qala UEFA-nın mənzil-qərargahında gecələyən baş katibin şəxsi əlaqələri də bu iki futbolçunu Avropanın ortabablarına yerləşdirməyə imkan vermirsə, nəsə danışmaq artıqdı.
İndi həm Emil, həm də Ramil bir şeyə peşmandılar – azərbaycanlı ad-soyadı daşıdıqlarına və ölkə futbolunun bu vəziyyətdə olmasına. Allah hər ikisinin köməyi olsun, biz qarışıq.
HƏBİB

Yeri gəlmişkən...
Emil Balayev keçidi ilə bağlı “Zirə”nin saytına qısa açıqlama verib: “Burda olduğuma görə şadam. “Zirə” hədəfləri olan maraqlı komandadı. Burda millidə də bərabər oynadığım, əvvəldən də yaxşı tanıdığım futbolçular var. Son vaxtlar nəticələr yaxşı olmasa da, komandanın uğur qazanacağına inanıram. Bunun üçün mən də bacardığımın ən yaxşısını etməyə çalışacam”.
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 13:43 "Neftçi" ikinci doğma evim, Azərbaycan ikinci vətənimdi" Bu gün, 13:28 “Keşlə” maaşları tam ödəyəcək Bu gün, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... Dünən, 19:19 AFFA UEFA ilə məsləhətləşmələr aparır Dünən, 19:18 Ağarza Rzayev dünyasını dəyişdi Dünən, 19:08 Çingiz İsmayılov AFFA-nın yardımından imtina edib Dünən, 19:01 “Avropaya yollanmaq üçün Mirançuk daha yaxşı oynamalıdı” Dünən, 18:54 Faiq Qarayev də dəstək kampaniyasına qoşuldu Dünən, 18:50 Uayt döyüş üçün yer tapıb, amma açıqlamır Dünən, 18:46 BOK və yaponiyalılar təzyiqə dözmədi Dünən, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar