04 mar 11:08gundem

“Bude-Qlimt”in maliyyə şərtləri Emil Balayevi razı salmadı


Erkin İbrahimov: “Ən pis halda Şeydayev kimi vətənə dönüb, yerli klubların birində oynaya bilər”
Millinin qolkiperi, ötən ilin dekabrında Qazaxıstan təmsilçisi “Tobol”dan ayrıldıqdan sonra klubsuz qalan Emil Balayevin çərşənbə günü Norveç təmsilçisi “Bude-Qlimt”in düşərgəsinə yollandığını ötən sayımızda xəbər vermişdik. Norveç klubunun düşərgəsində olduğu müddətdə özü barədə müsbət rəy formalaşdıran Emilin Skandinaviya ölkəsində qalıb karyerasını orda davam etdirəcəyini düşünənlərin sayı çox olsa da, sonradan məlum oldu ki, tərəflər ortaq məxrəcə gələ bilməyiblər. Report.az saytına açıqlama verən qapıçının atası Nazim Balayev durumu belə izah edib: “Qarşı tərəf Emili birbaşa müqaviləyə dəvət etsə də, maliyyə və ev məsələsi barədə öhdəliklərini yerinə yetirməyib. Deyiblər ki, bizim büdcəmiz zəifdi, ayağımızı yorğanımıza görə uzadırıq. Müxtəlif bəhanələr gətiriblər. Emil də mənə zəng vurdu ki, burda qalmaq istəmirəm, bilsəydim, gəlməzdim. Norveç klubu futbolçuları gətirib oynadır, qiymətini qaldırıb başqa komandalara satır. Büdcələrini yalnız bu yolla doldururlar. Cəmi 3 min avro pul təklif ediblər. Orda təkcə nahar etmək 30 avroya başa gəlir. Günə 80-90 avro yeməyə getsə, başqa xərcləri necə qarşılasın? Avtomobillə gedib-gəlməyi var. Mənzilin icarə haqqı 1200 avrodu. Bahalı ölkədi. Bütün maaşı, demək olar, ancaq belə şeylərə çıxacaq. Emil təklif edib ki, evlə maşının xərclərini siz üzərinizə götürün. Deyiblər ki, büdcəmiz buna imkan vermir. Gərək ora getməzdi".
Balayevin hazırkı durumu, gələcək karyerası ilə bağlı qokiperi yaxından tanıyan futbol agenti Erkin İbrahimovla danışmağı lazım bildik.
- Açığı, işin içində olmadığımdan mən də sizin kimi qolkiperin yaşadıqlarını mətbuatdan oxuyuram. Atası bildirib ki, Norveç klubu çox aşağı maaş təklif edib. Bundan başqa, ev və maşın məsələsini də Emilin öz öhdəsinə buraxıb. Bu günə kimi Norveçdə bir dəfə olmuşam və ordakı qiymətlərdən xəbərim var. Adi avtobusla şəhər içində hərəkət etmək üçün 4 avro ödəməlisən. İctimai nəqliyyat belə bahadısa, təsəvvür edin, başqa sahələrdə qiymətlər necədi. Yadımdadı, Norveçdə qaldığım oteldə ofisiantdan aylıq maaşının nə qədər olduğunu soruşmuşdum. Cavabında 3 min avro təşkil etdiyini söyləmişdi. Bütün peşə sahiblərinə hörmətim olsa da, etiraf edək ki, futbolçular hər ölkədə seçilmişlərdən olurlar və onların maaşı daha üstün olur. Bu bizdə də belədi, Skandinaviya ölkələrində də. Adi Baltikyanı respublikalarda normal klublar futbolçusuna ayda 5-6 min avro maaş verir. Bu üzdən Emilin “Bude-Qlimt”in təklifini qəbul etməməsini anlayışla qarşılayıram. Ancaq yenə yaxşıdı ki, boş dayanmır, yeni klub axtarır, meydanda olmağa çalışır. Emil çox fərqli, tərbiyəli futbolçudu və inanıram ki, tezliklə özünə yeni klub tapacaq. Açığı, mən də onunla bağlı klub axtarışına gec qoşuldum. Fevralın ortaları idi, mən bu işə başlayanda. Münasibətim yaxşı olan 2-3 Avropa klubu ilə əlaqə saxladım. Belə vaxtda qapıçıya yeni klub tapmaq çətindi, xüsusilə də Azərbaycandan olan qolkiperə. Demək olar ki, qapıçıya ehtiyac duyan bütün klublar fasilə dönəmində transferlərini yekunlaşdırıblar. Bəlkə də Balayev braziliyalı və ya xorvatiyalı olsaydı, çoxdan özünə klub tapmışdı. Ancaq nə edək ki, millinin “bir nömrə”sinin, ötən mövsüm Qazaxıstan çempionatın ən yaxşı qapıçısı seçilməsinə baxmayaraq, vətəndaşlıq xanasında Azərbaycan yazılıb. Yığmamızın reytinqdə tutduğu mövqe, ümumiyyətlə, futbolumuzun bugünkü durumu ona marağı bir qədər aşağı salır. Almaniyada legioner həyatı yaşayıb, ayaqla meydan oyunçusu kimi oynayır, yaşı azdı. Bir sözlə, üstün cəhətləri çox olsa da, Avropada klub tapmaq onun üçün asan deyil. Ən pis halda Ramil Şeydayev kimi vətənə dönüb, yerli klubların birində oynaya bilər. Çünki başqa variant mümkün deyil.
- Balayevin bu günə kimi klubsuz qalması özünün günahıdı, yoxsa əməkdaşlıq etdiyi menecerin? Ümumiyyətlə, onun agenti kimdi?
- Onu Qazaxıstana soyadını unutduğum Stanislav adlı rus agent aparmışdı. O Rusiyada daha çox gənc futbolçularla işləyir. Şəxsi tanışlığımız yoxdu, heç Antalyada da qarşılaşmamışıq. Emil dekabrdan boşda idi. Babayan “Tobol”a təyin olunandan bilinirdi ki, orda qalmayacaq. Bu üzdən artıq o vaxtdan agenti klub axtarışına çıxmalıydı. Ola bilər, müştəriləri çoxdu və ya cavan agent olduğundan əlaqələri o qədər geniş deyil. Ola bilər, işinə ciddi yanaşmayıb ki, qapıçımız bu gün klubsuz qalıb. Emil bütün göstəricilərinə görə klub tapmaqda çətinlik çəkməməliydi. Emilin problemi odu ki, çox tərbiyəli gəncdi. Futbolçu var ki, agentlə müqaviləsi ola-ola, özü klublarla danışıq aparır və ya başqa agentlərlə gizlincə əməkdaşlıq edir. Balayev isə belə deyil, söz verdisə, sona qədər vədini tutur. Bir qədər də bu işlərdə təcrübəsiz olması özünü göstərdi. O da inanmazdı ki, marta qədər klubsuz qalacaq. Ona kim zəng vururdu, yazırdı, hamını adını çəkdiyim agentə yönəldirdi. Onda bəzi oyunçularda olduğu kimi sözün yaxşı mənasında biclik yoxdu. Həddən artıq təmiz oğlandı. Belələrinə indi çox az rast gəlmək olar.
- Necə düşünürsən, Emil çempionatı “yaz-payız” sistemi ilə keçirilən başqa çempionatlarda özünə yeni klub tapa bilər?
- Emil üçün indiki məqamda əsas odu ki, daim oynaya biləcəyi kluba üz tutsun. Fərqi yoxdu, Finlandiya, Azərbaycan və ya Belçika olsun. Onu da qeyd edim ki, demək olar, bütün çempionatlarda qapıçılar üçün istisnalar var. Elə ölkələr var ki, “transfer pəncərəsi” bağlanır, ancaq “çərçivə qoruyucuları” üçün hər zaman açıqdı. Məsələn, Belçikada Azərbaycanda olduğu kimi deyil. “Transfer pəncərəsi” bağlandısa, futbolçu lap azad agent statusuna malik olsa da, hansısa klubla müqavilə bağlaya bilməz. Qapıçılara isə, yenə deyirəm, istisna var. Mən bilən “Genk”, ya “Gent” məhz bu bənddən istifadə edib Balayevi dəvət etmək istəyirdi. Necə ki “Barselona” indi danimarkalı futbolçunu sifariş etdi. Bir daha təkrarlayıram, Emil həm də yığmanın əsas qokiperi olduğundan gedəcəyi klubda, toplanış keçməsə belə, “bir nömrə” olmalıdı. Fikrimcə, bu həftənin sonuna kimi ölkə kənarında özünə yeni klub tapmasa, premyer-liqa təmsilçilərinin biri ilə ən azı mövsümün sonuna kimi anlaşmalıdı. “Zirə” hazırda qapıçı baxımından problemlə üzləşib. Qəsəbə təmsilçisi Emilin xidmətindən yararlana bilər. Bu həm klubun, həm də Emilin xeyrinə olar.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 13:43 "Neftçi" ikinci doğma evim, Azərbaycan ikinci vətənimdi" Bu gün, 13:28 “Keşlə” maaşları tam ödəyəcək Bu gün, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... Dünən, 19:19 AFFA UEFA ilə məsləhətləşmələr aparır Dünən, 19:18 Ağarza Rzayev dünyasını dəyişdi Dünən, 19:08 Çingiz İsmayılov AFFA-nın yardımından imtina edib Dünən, 19:01 “Avropaya yollanmaq üçün Mirançuk daha yaxşı oynamalıdı” Dünən, 18:54 Faiq Qarayev də dəstək kampaniyasına qoşuldu Dünən, 18:50 Uayt döyüş üçün yer tapıb, amma açıqlamır Dünən, 18:46 BOK və yaponiyalılar təzyiqə dözmədi Dünən, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar