28 fev 11:34gundem

“Premier Quba” biganəlik və təzyiq üzündən fəaliyyətini dayandırdı


Elnur Qasımov: “Çempionatı Joze Alesio idarə edir, hamı ondan qorxur”
“Premier Quba” futzal üzrə yüksək liqanın 16-cı turu çərçivəsində “Yasamal İSK” ilə oyuna çıxmadı. Klub prezidenti Elnur Qasımov sosial şəbəkə hesabından etdiyi paylaşımda komandanın fəaliyyətini dayandırdığını açıqlayıb. Bu üzdən dünən onunla əlaqə saxladıq:
- Komanda “Yasamal İSK” ilə oyuna çıxmadı. Bununla bağlı paylaşım da etmisiz. Səbəb sırf maliyyə çətinliyidi, yoxsa başqa nüanslar da var?
- Xeyr, əsas səbəb bizə olan təzyiqlərdi.
- Təzyiqlər konkret kimlər tərəfindən olurdu?
- Hamı tərəfindən. Zalımızı əlimizdən aldılar. Üstümüzə şər atdılar. Çox hadisələr olub əslində. Verilən heç bir sözü tutmadılar. Gənclər idarəsinin müdiri “bizə idman lazım deyil, lazım olsaydı, özümüz edərdik” dedi. Qubada keçirilən “Araz”la oyunun bütün yükünü, ən xırda detallara qədər özüm çəkmişəm. Həmin oyunu Qubaya saldırdım, camaatı ora yığdım. Hamısının pulunu özüm vermişəm, maşınla gəlmələri üçün şərait yaratmışam.
- Bəs sizə kim, nə söz vermişdi?
- Rayon rəhbərliyi maşın, zal söz vermişdi. Heç birini yerinə yetirmədilər. Birsaatlıq məşq üçün 30 manat lazım idi, cibimizdən verirdik. Həftəyə təkcə məşq üçün 180 manat pulumuz gedirdi.
- Rayon rəhbərliyi bu sözü klub yaradılarkən vermişdi?
- Bəli, biz hər şeyi icazə ilə edirdik.
- Bu qədər təzyiqin, laqeydliyin səbəbini bilmirsiz?
- Gənclər idarəsinin müdiri bizə dedi ki, başçı özü belə bildirib. “Bizə idman lazım olsaydı, özümüz edərdik. Bəyəm Qubada səndən ağıllı adam çıxmadı?” dedi. Amma başçı hamının yanında tapşırıq vermişdi ki, komandanı maşınla təmin edin. Bunu etmədilər. Zal vermişdilər, onu da əlimizdən aldılar. Məşq olmadan necə gedib oyun keçirək? Başçı ilə görüşmək istədim, qəbul etmədilər. Digər tərəfdən, mən sadə vətəndaşam. Bizə Xaçmazda, Qubada bundan daha çox hörmət edirlər. Bizim heyətimizdə “Xəzər Lənkəran”ın keçmiş kapitanı Tural Cəlilov, U-19 millisinin və “Qarabağ”ın keçmiş qapıçısı Ağaseyid Qasımov, “Neftçi”nin heyətində “İnter”ə qarşı oyunda əsas heyətdə meydana çıxan Kamil Nurəhmədov, Rahid Əmirquliyevin qardaşı Fair Əmirquliyev, futzal çempionatının bombardiri Firudin Ağalarov kimi futbolçular var. Firudin hazırda da çempionatda bombardirdi. Ancaq şimallı uşaqlardan ibarət komandamız var. Fikrimiz bu idi ki, başqa yerdən heç kimi götürməyək. İspaniyada “Atletik” ancaq basklardan ibarət olduğu kimi, bizdə də ancaq zona uşaqları olacaqdı.
- Bəs bundan sonra vəziyyət necə olacaq?
- Heç nə. Komanda dağıldı. Daha heç nə olan deyil. Sabah (bu gün) yenə oyunumuz var, gedən deyilik. İki görüşə çıxmayan komanda avtomatik çempionatdan uzaqlaşdırılır.
- Komandanın dağılmasından yerli gənclər və idman idarəsinin və ya İcra Hakimiyyətinin xəbəri oldu?
- Onların marağında deyil, guya bilsələr, nə olacaq? Dəfələrlə görüşmək istəsəm də, görüşdürmədilər.
- Bəs necə oldu ki, klubun fəaliyyətini dayandırmağa qərar verdiz?
- Mən planlı iş görmək istəyirdim. 5 illik planın sonunda çempionluq var idi. Amma gördüm ki, sonda nə etsək də, çempion “Araz”dı, çünki çempionatı özləri idarə edirlər. Başqa klublar, sadəcə, mövcuddu. “Marafon”la oyunda AFFA rəsmiləri “Araz”ı geri qaytara bilmədilər. Haqlı tərəf “Marafon” idi, “Araz”a məğlubiyyət verilməliydi. Komanda meydanı tərk etmişdi. Hakim səhv qərar vermişdi, sonra düzəltmək istədi. Amma “Araz” geri qayıtmadı. Mən də bu oyunlarda iştirak edə bilməzdim. Çempionatı Joze Alesio Da Silva idarə edir, hamı ondan qorxur. Şəxsən məndən asılı olsa, çox şeyi düzgün edərdim. Bizim böyük hədəfimiz var idi. Bu çirkinliklər olmasaydı, hər şey fərqli olardı. Bizi, ümumiyyətlə, oynamağa qoymadılar. Zalımızın işığını söndürdülər, qapını açmadılar. Axırda üstümüzə şər atıb, uzaqlaşdırdılar.
- Şər atıb, nə dedilər ki?
- İstifadə etmədiyimiz otaqları bizim xarab etdiyimizi dedilər. Hamamın açarını heç vaxt bizə verməmişdilər. Amma dedilər ki, hamamı siz xarab etmisiz. Halbuki bir dəfə də ordan istifadə etməmişdik. Bizi polislə hədələdilər. Uşaqlar məşqə gəlməkdən qorxdular. Məşq olduğunu bilə-bilə, məni polis bölməsinə apardılar. Qış günü, soyuq havada komanda bayırda qaldı. Mənim də telefonumu əlimdən aldılar, xəbər edə bilmədim. Uşaqlar məşq etmək üçün Şirvanovkadan Qubaya taksi tutub gəlmişdilər. Onları aldatdığımı düşünürdülər, çünki zənglərinə cavab verə bilmirdim. Oyunun olduğunu deyib, məni buraxmalarını istədim, buraxmadılar. Gecə buraxdılar, biz də oyunda iştirak edə bilmədik. Daha sonra reklam agentliyi də bizi məhkəməyə verdi.
- Reklam agentliyinin bu addımı atmasına səbəb nə idi?
- Bilboardda klubun adını reklam edirdik, ona görə. 6 aylıq haqqımız var idi, 600 manat pul ödəmişdik. Dayandırmaq, lövhədən reklamı çəkmək istəyəndə, dedilər, sənin üçün cərimə yazmışıq. 400 manat da onlar cərimələdi.
- Komanda üzvləri bu vəziyyəti necə qarşıladı?
- Hamı qorxur, heç kim yaxın durmur. Hamının ailəsi var.
- Komandanın yaşaması üçün sizə kömək edən şəxs və ya şəxslər oldumu?
- Heç kim kömək etməyib. Bircə DTX rəisi bizim üçün çalışıb. Ona da hər şey üçün ağız açmağa utanırdıq. Maddi baxımdan kömək olmayıb. Bizim uşaqlar əslində 250 manat məvacibə də qane idilər. Hətta mən təklif etdim ki, onları Qubada minimum əməkhaqqı ilə işə cəlb edək, məşqə axşamlar gələk. İnanın ki, uşaqlar yer süpürməyə də hazır idilər. Amma bizi dinləyən olmadı. Bütün oyunlarda əzmkarlıq göstərmişdik. Çempionatda “Araz”a bir oyunda 6 qol vura bilən komanda yoxdu.
AYGÜL
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:22 Fonda daha hansı klub pul köçürəcək? Bu gün, 11:01 Koronavirusun öyrətdiyi ...onlayn məşqlər 3-04-2020, 21:40 “Ağsu Siti” də kampaniyaya qoşuldu 3-04-2020, 21:36 Bir daha Çingiz İsmayılova ayrılan yardım haqda 3-04-2020, 21:30 Riad Rəfiyev “asan yol” arzulamır 3-04-2020, 21:21 “Sumqayıt” 40 həmvətənimizi himayəyə götürdü 3-04-2020, 20:55 Avanürist ideya: yarımfinal bir oyundan ibarət olsun! 3-04-2020, 20:35 “Old Wolf”u üç futbolçu təbrik edib 3-04-2020, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb Bütün xəbərlər
Ən çox oxunanlar