21 fev 12:26gundem

AFFA “Keşlə”nin paraqvaylı legionerini “milliləşdirir”


Tahir Süleymanov: “Qeydiyyata alınan 200 min futbolçu ola-ola, Meza Kolliyə niyə möhtac qalaq?”
AFFA növbəti seçmə mərhələ ərəfəsində daha bir legioneri “milliləşdirmək” qərarına gəlib. Söhbət “Keşlə”nin şərəfini qoruyan Sezar Meza Kollidən gedir. Xatırladaq ki, Paraqvayda dünyaya göz açan yarımmüdafiəçi müqavilə ilə Rumıniya təmsilçisi “Universitatya”ya (Krayova) məxsusdu, paytaxt klubunda icarə əsasında çıxış edir. Assosiasiyanın saytında srağagün bununla bağlı xəbər paylaşılıb: “2013-cü ildən Azərbaycanda çıxış etməsi nəzərə alınaraq, hazırda “Keşlə”nin üzvü olan futbolçu Sezar Meza Kollinin FİFA-nın müvafiq qaydalarına əsaslanmaqla AFFA tərəfindən milliləşdirilməsi nəzərdə tutulur”.
Ölkənin əsas komandasına dəvət olunacağı gözlənilən futbolçu isə mətbuata açıqlamasında bunları deyib: “Uzun müddətdi Azərbaycanda oynayıram və burda çox xoşbəxtəm. Demək olar ki, bura ikinci vətənimdi. Artıq 5 ildi burda oynayıram. Azərbaycan millisindən təklif gəlsə, sevə-sevə qəbul edərəm. Bu baş versə, komandaya kömək etmək üçün əlimdən gələni edəcəm”.
Hazırda assosiasiyanın başında duran rəhbərlik 12 ildən artıqdı iqtidardadı. Bu müddət ərzində dövlət tərəfindən futbolun inkişafı üçün yüzmilyonlarla vəsait ayrılıb, stadionlar tikilib. Rəsmi sənədlərdə Azərbaycanda futbol ailəsinin 200 min üzvü var. 200 minlik böyük ordunun arasından 20 normal, ayağı top tutan futbolçu tapa bilməyib, yenə əcnbəbilərin xidmətinə möhtac qalırıqsa, deməli, geridə qalan illər boşüna verlib. Yüzmilyonlar havaya sovrulub, hesabatlarda göstərilən rəqəmlər, inkişafla bağlı söylənilənlər yalandan başqa bir şey deyil. Karyerasının son akkordlarını vuran başqa bir “milliləşdirilən” Riçard Almeydanın əvəzinə yenidən yığmaya 29 yaşlı paraqvaylı dəvət olunursa, Elxan Məmmədov və komandasının işinə yalnız bir qiymət düşür: qeyri-kafi!
Bu məsələ ilə bağlı futbol ictimaiyyətinin bəzi üzvlərinin fikilərini öyrənməyi lazım bildik.
Tahir Süleymanov (“Neftçi”nin sabiq vitse-prezidenti): “AFFA-nın köhnə-yeni rəhbərliyinə, deyəsən, ndukalar, axtyamovlar dərs olmadı. Görün futbolumuz nə günə düşüb ki, vaxtilə ən yaxşı dönəmlərində Flavinyo, Reynaldo, Vobayların arxasınca qaçan Sezar Meza Kollinin indi dalınca sürünürük. AFFA vasitəsilə ictimaiyyətə çatdırılan məlumat dolayısı ilə rəsmi mövqe, fikir deməkdi. Sezar fasilələrlə 5 ildi Azərbaycanda yaşayır, vətəndaşlıq almaq hüququ var. Ölkə qanunları buna imkan verir. Bunun üçün federasiyaya nə ehtiyac var, müvafiq qurumlara müraciət edib cavabını gözləyə bilər. Ölkəmizdə ikili vətəndaşlığa icazə verilmir. Sezar "balta kəsən" İtaliya pasportunu heç doğma vətəni Paraqvaya dəyişmir, o ki qala Azərbaycana. Muzıkaların “milliləşdirilməsi” dövründə 5-10 yaşı olan körpələr indi 20-25 yaşlarını haqlayıblar. Yetişdirilən, qeydiyyata alınan 200 min (!) futbolçu ola-ola, Meza Kolliyə niyə möhtac qalaq? Bələkdə boğulan, qayğısızlıqdan məhvə məhkum edilən azərbaycanlılar 5-10 il də gözləyər...
İctimaiyyətdə fikirlər dolaşır, dünya futbolu dəyişib, bütün yığmalarda “milliləşdirilənlər” çıxış edir. Həqiqətən müasir futbol çox dəyişib. Balaca, kasıb Xorvatiya əcnəbilərsiz dünya ikincisi olur, finalda oynayır. Heç braziliyalılar, paraqvaylılar ağıllarından da keçmir. Xorvat Prosineçki deyirdi ki, Azərbaycanda istedadlar yetərincədi. Bizdə gənclər arasında Avropa, dünya, olimpiya çempionları olub. Rusiya çempionumuz, La Liqada oynamış futbolçumuz da olub. Kütləvi şəkildə İran, Ukrayna, İsrail çempionatlarında çıxış edən oyunçularımızın sayı bilinmirdi. İndi iranlı, ukraynalı, israilli, türkiyəli, rusiyalı, paraqvaylı, braziliyalı üçüncü "sort" futbolçulara qucaq açmaq, milli formanı geydirmək məcburiyyətində qalmışıq. O vaxt şərait yox idi, futbolçu var idi, indi şərait var, futbolçu yoxdu. Kağız üzərində meydana çıxanlar az deyil, keyfiyyət isə qəhətə çəkilib.
Əcnəbi “milliləşdirmək” olar, kökümüzdən olan say-seçmə istedadlı futbolçuları. Məsələn, Ramil Şeydayev kimiləri. Qalanları isə ölkədə, əsasən bölgələrdə yetişməli, yüksək rəqabət yaradılmalı, meza kollilərə qucaq açılmamalıdı. Lənkərandan Qusara, Zaqtaladan İmişlıyə, Bakıdan Qazaxa kimi gözü yolda olan, topa, formaya, sadə şəraitə möhtac qalan istedadlar futbolun yolunu gözləyir. Onların nə günahı var? Əcnəbi sevgisindən nə vaxt əl çəkiləcək, görəsən?
"Şərait yaradılıb, işləsinlər" düşüncəsinin beyin təfəkkürünə dəyişilməsi zamanı çoxdan yetişib. Oturduqları ağacda budaqların kəsilməsi, daha da nüfuzdan salınması ilə kök düzəlmir...
Yığma Meza Kolli ilə nə finallar görəcək, nə də Azərbaycan futbolu düzələcək. İtirilən yenə də futbol adına qızıldan qiymətli illər olacaq. O vaxta kimi ki, niyyətlər saflaşmalı, düşüncələr dəyişməli, futbola tam fərqli yanaşma olmalıdı”.
Samir Abasov (“Zirə”nin sabiq baş məşqçisi): “Gün ərzində qarşıma çıxan 10 nəfərdən doqquzu bu sualı mənə verib. Bu gün Sezar Meza Kolli yığmada oldu nə dəyişəcək, olmadı nə olacaq? Biz onsuz da bu gedişlə heç vaxt böyük turnirlərin final mərhələsinə qatıla bilməyəcəyik. Bəli, Sezar hazırda premyer-liqada çıxış edən ən yaxşı 5 futbolçudan biridi. Tərlan Əhmədov da hər dəfə deyir ki, o olmayanda komandanın oyunu alınmır. Bunu siz də görürsüz, mən də, “Keşlə”nin baş məşqçisi də. Ancaq bir güllə bahar olmur ki? AFFA paraqvaylını ona görə “milliləşdirir” ki, yeni gələn baş məşqçi üçün seçim imkanı geniş olsun. 8 komandalı çempionatda seçim imkanı elə də geniş deyil. Yalandan deyirik ki, yığmaya 30-40 oyunçu arasından seçim edilir. Hamı yaxşı bilir ki, əvvəlki illər olsaydı, indi elitada çıxış edənlərin 50 faizi premyer-liqa klubunda oynaya bilməzdi. Bu gün yüksək dəstədə səviyyəsi milliyə uyğun gələn 10-15 oyunçu var. Qalanlarının əsl yeri ən yaxşı halda birinci dəstə olardı. Ancaq nə edək ki, indi vəziyyət belə alınıb. Sezar Meza Kollinin “milliləşdirmək” məsələsinə artıq qərar verlib. Bizim nəsə deməyimiz, fikir bildirməyimiz heç nəyi dəyişməyəcək. Yenə deyirəm, onun gəlişi ilə yığmadan böyük uğur gözləmək, bunu dilə gətirmək ağılsızlıq olar. Fikrimcə, AFFA-nın imkanı olsa, 5-10 daha belə oyunçunu yığmaya cəlb edər ki, ölkənin əsas komandasının çalışdırıcısının sərəncamında material olsun”.
Arif Əsədov (millinin məşqçisi): “Gəlin etiraf edək ki, Sezar Meza Kolli çox təcrübəli, premyer-liqada çıxış edən ən səviyyəli futbolçulardan biridi. O millinin gücləndirəcək? Bu sualı artıq yığmanın yeni baş məşqçisi cavablaya bilər. Sezar artıq xeyli müddətdi Azərbaycandadı və ölkə futboluna da yaxından bələddi. Yenə deyirəm, hər şey yeni çalışdırıcının qərarından asılıdı. Mütəxəssis var ki, Sezarın mövqeyində dağıdıcı futbolçunun olmasına üstünlük verir. Eləsi də olur ki, daha çox yaradıcı oyunçunun çıxış etməsini istəyir. Ancaq bir məqam dəqiqdi ki, o hazırda ölkədə çıxış edən legionerlər arasında ən güclü üç oyunçudan biridi”.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:22 Fonda daha hansı klub pul köçürəcək? Bu gün, 11:01 Koronavirusun öyrətdiyi ...onlayn məşqlər 3-04-2020, 21:40 “Ağsu Siti” də kampaniyaya qoşuldu 3-04-2020, 21:36 Bir daha Çingiz İsmayılova ayrılan yardım haqda 3-04-2020, 21:30 Riad Rəfiyev “asan yol” arzulamır 3-04-2020, 21:21 “Sumqayıt” 40 həmvətənimizi himayəyə götürdü 3-04-2020, 20:55 Avanürist ideya: yarımfinal bir oyundan ibarət olsun! 3-04-2020, 20:35 “Old Wolf”u üç futbolçu təbrik edib 3-04-2020, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb Bütün xəbərlər
Ən çox oxunanlar