20 yan 11:28gundem

Əcnəbi klublar azərbaycanlı futbolçularla maraqlanır


Səbuhi Səfiyaralı: “Sabah”da anlaşma baxımından irəliləyiş hiss olunur”
Antalya qış fasiləsində təkcə müxtəlif ölkələri təmsil edən klubların toplanış keçdiyi yox, eyni zamanda agentlərin toplaşdığı məkandı. “Futbol bazarı”nıın əsas fiqurları da bu aralıqda Türkiyənin məşhur istirahət zonasına yollanaraq, müştərisi olan futbolçulara yeni komandalar tapmağa çalışır və ya klub rəsmiləri ilə əlaqəyə girib onlara lazım olan mövqelər üçün oyunçu axtarırlar.
Hazırda Antalyaya yollananlar arasında azərbaycanlı agentlər də var ki, onlardan biri də Səbuhi Səfiyarlıdı. Uzun illər “Neftçi”, “İnter”, “Qəbələ” kimi iddialı elita təmsilçilərində çalışan, ötən yaydan müstəqil agent kimi fəaliyyət göstərən Səbuhi bəy artıq bir neçə gündü qardaş ölkədədi. Onunla söhbətimizdə həm səfərinin məqsədinə aydınlıq gətirməyə çalışdıq, həm də klublarımızın yoxlama görüşlərində necə təsir bağışladığını bilmək istədik: “Bu dəfə diqqətimi çəkən ən vacib məqam hava şəraiti ilə bağlıdı. Əvvəlki illərlə müqayisədə bu qış Antalyada çox mülayim keçir. Yadıma gəlir ki, son dörd-beş ildə hava şəraiti klubların normal hazırlıq keçməsinə çox mane olurdu. Yağışlı havalar məşqçilər korpusuna əvvəlcədən tərtib etdiyi plan üzrə işləməyə imkan vermirdi. Ya məşqlər təxirə salınırdı, ya da meydanlar leysandan sonra sıradan çıxırdı ki, bu da yoxlama görüşlərinin keçirilməsinə mane olurdu. Bu il hava şəraiti yaxşı olduğundan bütün komandalar, demək olar ki, plan üzrə toplanış keçirlər. Məncə, bu məqamı müsbət cəhət kimi vurğulamaq lazımdı. Bundan öncə Antalyaya çalışdığım klublarla birgə gəldiyimdən başqa komandaların hazırlıq prosesini, yoxlama görüşlərini, kimin necə işlədiyini yaxından izləməyə vaxt olmurdu. Başım əsasən öz işlərimizə qarışırdı. Amma indi sərbəstlikdi və istədiyim klubun oyununa baxa bilirəm. Bundan başqa, maraq dairəmə düşən futbolçular barədə də məlumat əldə etmək üçün bura gəlməyə qərar verdim. Ola bilər ki, hansısa yerli oyunçuların transferi ilə bağlı əcnəbi klublarla danışıqlar apardıq. Çünki diqqət mərkəzinə düşənlər var. Fürsət düşmüşkən, premyer-liqa təmsilçilərinin də yoxlama görüşlərini izləməyə çalışıram. İndidən nəsə demək, hansı komandanın 3-cü dövrədə necə təsir bağışlayacağını söyləmək hələ tezdi. Çünki komandalar hələ bir və ya iki görüş keçiriblər. Təxminən 10 gün burda olacam və yəqin ki, toplanışın sonunda bu mövzuda daha ətraflı danışmaq mümkündü”.
Səfiyarlı bu günə kimi “Zirə” və “Sabah”ın iştirakı ilə keçirilən matçlara baxdığını söylədi və təəssüratını bölüşdü: “Zirə”nin Rumıniya klubu ilə görüşündə Zaur Haşımov bütün yeni transferləri ilk dəqiqələrdən meydana buraxmışdı. Ağabala Ramazanovla Davit Volkov hücumun cinahlarında çıxış edirdilər. İki yeni mərkəz müdafiəçiləri – Yovan Krneta ilə Alie Sesay da iş başında idilər. Açığı, Krnetanı o qədər də bəyənmədim. Çünki “Zirə”nin heyətində olan Skarlatakedən və ya Bakraçdan güclü deyil və oyunda da qeyri-adi heç nə ilə yadda qalmadı. Əvəzində Alie məni yaxşı mənada təəccübləndirdi. Son statistik göstəricilərini nəzərə alsaq, açığı, ondan belə oyun gözləmirdim. Sürəti, mövqe seçimi, vaxtında müdaxilələri göz oxşayırdı. Fikrimcə, Sesayın “Zirə”nin arxa xəttinə çox köməyi dəyəcək. Digər futbolçular da komandanın oyun sisteminə uyğunlaşmaqda çətinlik çəkməyiblər. Ağabala və Davit də baş məşqçinin tapşırıqlarını yerinə yetirməyə çalışırdılar. Hazırlıq dönəmində keçiriləcək yoxlama oyunları hər ikisinin uyğunlaşma baxımından xeyrinə olacaq. “Sabah” haqda da eyni sözləri demək olar. Yeni baş məşqçi nəsə etməyə çalışır. Hər şey o qədər də yüksək səviyyədə alınmasa da, anlaşma baxımından irəliləyiş hiss olunur. Çempionatın əvvəlindən deyirdim ki, “Sabah”ın dağıdıcı funksiyanı yerinə yetirə biləcək dayaq yarımmüdafiəçisinə ehtiyacı var. Hətta İbrahima Niassenin o mövqedə komandaya daha çox fayda verəcəyini düşünürdüm. Amma məşqçilər korpusu seneqallını bəyənmədilər və əvəzində xorvat oyunçu transfer etdilər. Mario Marinanın “Sabah”a hansı şərtlər altında gəldiyini biz bilirik. Və bu üzdən ondan qeyri-adi nəsə gözləməyə dəyməz. Sadəcə, xorvat o zonada olan boşluğu dolduracaq. Çünki komandada “qara iş” görən oyunçu yox idi. Digər komandalar haqda nəsə deməyim düz çıxmaz. Onların iştirakı ilə keçirilən matçları izləməmişəm. Bu gün (dünən) “Keşlə”nin oyununa baxmağı planlaşdırıram. Qarşıdakı günlərdə isə başqa klublarımızın da yoxlama görüşlərini izləyəcəm”.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
21-02-2020, 12:28 Klublar Obradoviçin anormal qərarını anlayışla qarşılayırlar 21-02-2020, 12:26 AFFA “Keşlə”nin paraqvaylı legionerini “milliləşdirir” 21-02-2020, 12:21 Ramilin dönüşünə təəssüflənirlər... 21-02-2020, 12:13 Elxan Məmmədov xidmətlərin ucuz olduğu yerlərə gedir 21-02-2020, 11:56 Turun ən məhsuldar görüşü Şamaxıda baş tutdu 21-02-2020, 11:54 “Neftçi”yə bütün veteranları əzizdi 21-02-2020, 11:51 Cavid Hüseynova sərt cəza: 4 oyun + 3200 manat! 21-02-2020, 11:49 Dosyeyə bax, AFFA! 19-02-2020, 11:50 “Sabah”ın avrokuboklara qatılmaması Adıgözəlov üçün fiasko olmayacaq 19-02-2020, 11:49 Ramil Şeydayev “Sabah”ı seçdi 19-02-2020, 11:48 Obradoviçin toplanışı nəyə xidmət edir? 19-02-2020, 11:45 “Köhlən atlar” “qartallar”ın “yuvasını dağıtdı” 19-02-2020, 11:42 “Sabah” “Sumqayıt”ı evində döydü 19-02-2020, 11:40 “Səbail”dən ardıcıl ikinci qələbə 19-02-2020, 11:34 Mövsümün ən məhsuldar həftəsi 19-02-2020, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” Bütün xəbərlər
Ən çox oxunanlar