20 yan 11:13gundem

“Sumqayıt”ın Futbol Akademiyasında şok olay


Özünü Elşad Nəsirovun qohumu kimi təqdim edən valideyn polisi işə qatıb
Müstəqil Azərbaycan futbolu tarixində çox, lap çox qeyri-adi olayla qarşılaşmışıq. İndi onları bir-biri yada salıb vaxtınızı almaq istəmirik. Ancaq bugünlərdə “Sumqayıt” Futbol Akademiyasında yaşanan hadisə nəinki Azərbaycanda, bəlkə də dünyanın heç bir ölkəsində yaşanmayıb. Hətta üçüncü dərəcəli hesab etdiyimiz Afrika ölkələrində belə bu məsələdən xəbər tutsalar, bizə gülərlər.
“Sumqayıt” Futbol Akademiyasının U-12 komandasının üzvlərindən biri zəif təsir bağışladığına, həmyaşıdlarıyla ayaqlaşa bilmədiyinə görə rəhbərliyin qərarı ilə akademiyadan xaric olunub. Qərarla razılaşmayan valideyn klubdan qisas almaq üçün qeyri-adi üsula əl atmağı lazım bilib. O polis bölməsinə ərizə yazaraq, oğlunun akademiyadan kənarlaşdırılmasından şikayətçi düşüb. Bu azmış kimi, hələ 12 yaşı tamam olmayan uşağın da adından şikayət ərizəsi təqdim edib. Uşaq orda qeyd edib ki, akademiyadan kənarlaşdırıldığına görə psixoloji sarsıntı keçirib və intihar etmək istəyir. Bu azmış kimi, şikayətçi valideyn övladını məktəbə də buraxmır ki, birdən gözdən yayınaraq özünə qəsd edər.
Hüquq-mühafizə orqanlarının əməkdaşları da şikayətə qarşılıq verərək, akademiyanın rəhbərliyinin – baş menecer Rəşad Məmmədovun və U-12 komandasının çalışdırıcısı Rəşad Muradovun izahatını alıblar.
Yaşanalarla bağlı “Sumqayıt”da eyni zamanda mətbuat katibi vəzifəsini icra edən Rəşad Məmmədov fanat.az saytına açıqlama verib. Onun dediklərini müəyyən ixtisarla diqqətinizə çatdırırıq: “Akademiyalarda valideyn-klub məsələsi uşaq futbolunun başlıca problemlərindəndi. Qeyd etdiyiniz məsələ həddən artıq şişirdilib. Bəli, akademiyamızın U-12 komandasının futbolçusu ilə bağlı belə bir insident yaşanıb. Valideyn dəfələrlə klubun ofisinə gələrək, məşqçilərimizlə xoşagəlməz tonda danışıb, onları təhqir edib. Səbəb kimi isə uşağının güclü olduğunu, amma ona qarşı haqsızlıq edildiyini göstərib. Normal bir məntiq var. Sizcə, hansı məşqçi güclü olan futbolçunu oynatmaz? Həmin uşaq neçə ildi bizim akademiyanın üzvüdü, oyunlarda və məşqlərdə iştirak edir. Sadəcə, valideyn uşağının bütün oyunlarda tam oynamaması səbəbindən bu problemi ortaya atıb. Dəfələrlə ona uşağının az oynaması ilə bağlı izahat da verilib. Məşqçilərin qərarına əsasən isə qış transferi dövründə futbolçunun müqaviləsinə xitam verilib. Valideyn normal şəkildə gələrək oğlunun transfer vərəqini klubdan alıb. Yəqin ki, bundan sonra məşqçinin uşağını təhqir etməsini bildirərək şikayətçi olub. Halbuki akademiyamızda belə şeyin olması mümkün deyil".
Polis şöbəsinə dəvət olunub, izahatı alınan U-12 komandasının baş məşqçisi Rəşad Muradovla isə biz əlaqə saxladıq: “Bu gün saytda məsələ ilə bağlı yazı gedib. Öncə onu bildirim ki, həmkarınız ən azı ittiham olunan tərəf kimi mənim də mövqeyimi öyrənməliydi. Onda kimin haqlı, kimin haqsız olduğunu üzə çıxarmaq mümkün olardı. Bu uşaq artıq neçə vaxtdı akademiyadadı. Mən isə “Sumqayıt” Futbol Akademiyasında cəmi iki aydı çalışırdım. Saytda yazılıb ki, guya mən məşq prosesində uşağa “zəif”, “fərsiz”, “bacarıqsız”deyib, həmyaşıdlarının yanında utandırmışam. Əslində isə mən heç vaxt ona belə sözlər deməmişəm. Maraqlanan tərəf olsa, həmin yaş qrupunda olan uşaqların valideynlərini tapıb danışmaq olar. Bəli, polis bölməsinə dəvət olundum və izahatımda hər şeyi olduğu kimi göstərdim. Həmin uşağın valideyni özünü Elşad Nəsirovun (AFFA-nın vitse-prezidentidi – red.) qohumu kimi təqdim edərək, hamıya deyirdi ki, “bizə heç kim heç nə deyə bilməz. Zəif də olsa, mənim oğlum bu akademiyada toxunulmazdı”. Onun övladı isə sözün həqiqi mənasında əsas heyətə layiq deyildi. Buna baxmayaraq, bir neçə oyunda onu əsas heyətdə meydana da buraxmışdım. Ancaq valideyn hər dəfə övladı ehtiyatda qalanda gəlib klubun ofisində səs-küy salırdı. Bir dəfə içkili ofisə gələrək akademiyanın rəhbəri Hakan Sünalı ağır formada təhqir etdi. İstənilən şəxsə, idman saytına həmin olayın videoyazısını təqdim etməyə hazıram. Artıq onun hoqqaları dözülməz xarakter almışdı. Qış fasiləsində akademiyanın baş meneceri Rəşad müəllim məni otağına dəvət edərək, həmin uşağın komandaya lazım olub-olmadığı ilə maraqlandı. Mən də onun akademiya səviyyəsində olmadığını bildirdim. Bu söhbətdən sonra rəhbərlik uşağın valideynini ofisə dəvət edərək, müqaviləyə xitam verdi. Sənədləri valideynə təqdim olundu və ona azad agent statusu verildi”.
Muradov sonrakı prosesləri belə izah etdi: “Burda məşqçi kimi mənim nə günahım var? Hər şey Hakan Sünalın təhqir olunmasından sonra oldu. Klub rəhbərliyi bunu həzm edə bilmədi və mənim də fikrimi öyrənəndə hər şeyi olduğu kimi dedim. Baş məşqçi kimi mənə uşağın kimin qohumu və ya yaxını olduğu maraqlı deyil. Əsas məqsədim gələcəkdə milli komandalarda oynaya biləcək futbolçuları üzə çıxarmaq və onları düzgün istiqamətləndirməkdi. Saytda yazıblar ki, həmin olaydan sonra Rəşad Muradov məşqlərə çıxmır. Bu da düzgün xəbər deyil. Mən bu hadisədən əvvəl öz ərizəmlə “Sumqayıt” akademiyasından çıxmışam və daha yaxşı şərtlər təklif edən klubun akademiyası ilə müqavilə bağlamışam. Bu günə qədər uşaq futbolunda bir çox klublarda çalışsam da, heç vaxt adıma belə söz-söhbət çıxmayıb. Çünki ilk növbədə pedaqoq olduğumu və azyaşlı uşaqlarla işlədiyimi yaxşı başa düşürəm. Bu gün mətbuatda barəmdə “Sumqayıt”ın U-12 komandasının baş məşqçisindən polisə şikayət olunub” sərlövhəli yazı getməsi, açığı, məni çox məyus etdi. Ləyaqətimə toxundu. Hardasa səhvim olsaydı, o qədər də məyus olmazdım. Ancaq məni tanıyanların hamısı bilir ki, işimi şərəf və ləyaqətlə yerinə yetirmişəm. Atasının puluna, qohumlarının yüksək vəzifədə işləməsinə görə heç bir uşağa güzəşt etməmişəm”.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
21-02-2020, 12:28 Klublar Obradoviçin anormal qərarını anlayışla qarşılayırlar 21-02-2020, 12:26 AFFA “Keşlə”nin paraqvaylı legionerini “milliləşdirir” 21-02-2020, 12:21 Ramilin dönüşünə təəssüflənirlər... 21-02-2020, 12:13 Elxan Məmmədov xidmətlərin ucuz olduğu yerlərə gedir 21-02-2020, 11:56 Turun ən məhsuldar görüşü Şamaxıda baş tutdu 21-02-2020, 11:54 “Neftçi”yə bütün veteranları əzizdi 21-02-2020, 11:51 Cavid Hüseynova sərt cəza: 4 oyun + 3200 manat! 21-02-2020, 11:49 Dosyeyə bax, AFFA! 19-02-2020, 11:50 “Sabah”ın avrokuboklara qatılmaması Adıgözəlov üçün fiasko olmayacaq 19-02-2020, 11:49 Ramil Şeydayev “Sabah”ı seçdi 19-02-2020, 11:48 Obradoviçin toplanışı nəyə xidmət edir? 19-02-2020, 11:45 “Köhlən atlar” “qartallar”ın “yuvasını dağıtdı” 19-02-2020, 11:42 “Sabah” “Sumqayıt”ı evində döydü 19-02-2020, 11:40 “Səbail”dən ardıcıl ikinci qələbə 19-02-2020, 11:34 Mövsümün ən məhsuldar həftəsi 19-02-2020, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” Bütün xəbərlər
Ən çox oxunanlar