15 noy 13:09gundem

AFFA gecikdi, “Albasete” Eddini buraxmadı


Firuz Abdulla: “FİFA-ya məktub ünvanlamışıq, cavab gözləyirik”
Nikola Yurçeviçin yığmanın Uels və Slovakiya üçün açıqladığı heyətdə Eddi İsrafilovun da adı var idi. Xəbəri keçmiş zamanda təqdim etməyimizin səbəbi İspaniyada top qovan yığma üzvünün britaniyalılarla noyabrın 16-da “Bakcell Arena”da baş tutacaq oyunda iştirak edə bilməyəcəyidi. Səbəb isə assosiasiyadakı səlahiyyətli şəxslərin işlərində yol verdiyi səhlənkarlıqdı.
AFFA-nın saytında yer alan xəbərdə qeyd olunub: “İspaniyanın "Albasete" klubundan Azərbaycan milli komandasına dəvət olunmuş Eddi İsrafilov AÇ-2020-nin seçmə mərhələsi çərçivəsində noyabrın 16-da "Bakcell Arena"da keçiriləcək Azərbaycan - Uels oyununda iştirak edə bilməyəcəyi üçün onun əvəzinə millinin heyətinə "Zirə" klubundan Elvin Camalov çağırılıb. Eddi İsrafilovun milliyə dəvət olunması barədə prosedura uyğun qaydada "Albasete" klubuna göndərilmiş müraciət məktubu ilə bağlı texniki problem yarandığı üçün klub futbolçunun noyabrın 17-dən etibarən Azərbaycan milli komandasının düşərgəsinə qoşula biləcəyini bildirib. Məsələ ilə bağlı AFFA tərəfindən FİFA-ya müvafiq qaydada məlumat verilib. Eddi İsrafilov millimizin noyabrın 19-da səfərdə Slovakiya yığmasına qarşı keçirəcəyi oyun üçün təşkil olunacaq təlim-məşq toplanışında iştirak edəcək”.
Məsələnin məğzi aydındı. AFFA rəsmiləri “Albasete”yə göndərməli olduğu məktubu vaxtında ünvanına çatdırmadığı üçün İspaniya klubu futbolçunu buraxmamaqla bizimkiləri “cəzalandırıb”. Texniki problemdi, fiziki, yoxsa psixoloji – bu, klub rəhbərliyini marağında deyil. Adamlar qanun çərçivəsindən kənara çıxmadan dolayı yolla AFFA-ya lazım olan cavabı veriblər: “Məktubu vaxtında göndərərdiz, buraxardıq”.
“Futbolinfo” saytı tənbəllik yox, müraciət edib. Birbaşa “Albasete”nin mətbuat xidmətinin rəhbəri Xesus Ernandes Prensaya. Klub rəsmisi Eddinin Bakıda baş tutacaq qarşılaşmaya getməməsinin səbəbi kimi AFFA ilə klub arasında razılığı göstərib: “Bu, klub və federasiya arasında bir razılaşmadı. Məsələ ilə bağlı ətraflı məlumat vermək istəmirik. Bizim növbəti matçda ona ehtiyacımız var. Çünki Eddinin mövqeyində oynayacaq başqa futbolçumuz yoxdu”.
Göründüyü kimi, assosiasiya ilə klubun mövqeyi bir-birini kəskin şəkildə “döyür”. Bizimkilər texniki problemi qabardır, ispanlar isə razılığı əsas gətirib, ətraflı danışmaqdan boyun qaçırırlar. İlkin baxışdan anlaşılan odu ki, noyabrın 16-da “Albasete”nin “Saraqosa” ilə olduqca vacib oyunu olduğuna görə futbolçu ilə klub, eləcə də klubla AFFA arasında “Uelslə oyunu buraxsın, Slovakiya ilə qarşılaşmaya özünü çatdırar” şəklində razılıq olub. Lakin ölkə futboluna cavabdehlik daşıyan qurum söhbətə “don geyindirməklə” iz azdırmaq istəyir. Belədisə, özü bir ayıbdı. Yox, həqiqətən deyilən kimidisə, yəni məktub hansısa texniki problemə görə ünvana vaxtında çatmayıbsa, bunun özü lap böyük ayıbdı. Dünyanın harasıdı ki, bir assosiasiya futbolçunun klubuna vaxtında müraciət ünvanlaya bilmir? Səhlənkarlıqdı, məsuliyyətsizlikdi, vecsizlikdi, başqa adı yoxdu.
Təbii, belə vəziyyətdə AFFA-nın mövqeyi maraq doğurmaya bilməz. Odu ki, qurumun Mətbuat və İctimaiyyətlə Əlaqələr Departamentinin rəhbəri Firuz Abdulla ilə əlaqə saxlayıb məsələyə ətraflı şərh verməsini xahiş etdik: “Albasete” tərəfi məktubun onlara vaxtında çatmadığını iddia edir. Məktub 1-2 saat, hətta 1 sutka gec çatsa belə, buna görə futbolçunu yığmaya buraxmamağa çığallıqdan başqa ad tapa bilmirəm. Uelslə oyuna buraxmırlar, amma Slovakiya ilə qarşılaşmada iştirak etməsində problem görmürlər. Halbuki müraciət hər iki görüşlə bağlı idi. Məktub, ümumiyyətlə, çatmayıbsa, Slovakiya ilə oyuna niyə buraxırlar? Məktub onlara səhv etmirəmsə, oyuna iki həftə qalmış göndərilməliydi. Çünki bu işlə mən yox, başqa departamentin əməkdaşları məşğul olur. Təxminən həmin vaxtda da göndərilib. Bir də ki, bütün klublara eyni vaxtda göndərilib. Niyə digər legioner futbolçularımızın klubları bu cür davranmır?”
Xesus Ernandes Prensanın dediklərini Firuz bəyə xatırladıb, klubla assosiasiya arasındakı fikir ayrılığına da aydınlıq gətirməyə çalışdıq: “Ünsiyyətdə olmadığım adamın fikrinə münasibət bildirməyi doğru saymıram. Yəni tam nə demək istədiyini və “AFFA ilə razılığa gəlmişik” sözünün arxasında nəyin dayandığını anlamıram. Belə başa düşürəm ki, Eddinin Slovakiya ilə oyunda yığmanın düşərgəsində olacağını nəzərdə tutaraq deyib. Başqa hansısa razılıqdan söhbət gedə bilməz. Bu cür məsələdə başqa hansı razılıq ola bilər ki? Məntiq var, arada razılıq olsaydı, AFFA niyə FİFA-ya müraciət edirdi ki? “Albasete”nin mövqeyi ilə bağlı FİFA-ya məktub ünvanlamışıq, cavab gözləyirik. Hələ ki cavab yoxdu. Eddinin özüylə biz yox, çox güman, yığmanın baş məşqçisi əlaqə saxlayıb. “Saraqosa” ilə qarşılaşmaya görə İsrafilovun milliyə qoşulmaqdan imtina etdiyinə inanmıram. Belə bir niyyəti olsaydı, özü bizə bildirərdi”.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:20 Çay və ya qəhvə içmək zamanı Bu gün, 12:18 Nazim Süleymanov HİK-dən cavab gözləyir Bu gün, 12:17 “F91 Düdelanj” beş jurnalistlə gəlir Bu gün, 12:15 AFFA ağacəkmə kampaniyasını saymadı Bu gün, 12:08 Elmar Baxşıyevin dəyişdirdiyi komanda Bu gün, 12:06 Renat “yatır”, komandası toparlana bilmir 10-12-2019, 16:39 Xanbaba Daşdı İbrahim Uzuncanın dedikləri ilə razılaşmadı 10-12-2019, 16:26 Yurçeviç AFFA rəhbərliyini toya dəvət etməyib 10-12-2019, 16:05 “Uğur qazanmaq istəyiriksə, futbola baxışımızı dəyişməliyik” 10-12-2019, 15:56 Yeganə ümid yeri Millətlər Liqasıdı! 10-12-2019, 15:41 Sopiçin qarşısına hədəf qoyulmayıb 10-12-2019, 15:33 Rəhim Həsənov fitnes-testdən “kəsilib” 10-12-2019, 15:30 “Ağsu”dakı qəfil dəyişiklik: 4 oyuna 9 xal 10-12-2019, 15:27 FİFA referilərinin siyahısı açıqlandı 10-12-2019, 15:05 Klublar Komitəsi “qış yuxusuna gedib” 10-12-2019, 15:03 Samir Əliyev U-19-un çətin qrupda yer aldığını düşünür 10-12-2019, 15:01 Kubokdan kənarda qalanlar səbəbləri sadaladılar 6-12-2019, 18:16 Elita klubları “birincilər”i kubokdan qovdu 6-12-2019, 12:34 Sopiç Ponomaryovla görüşə ehtiyac duymayıb 6-12-2019, 12:28 İbrahim Uzunca “Şahdağ”dan ayrıldı 6-12-2019, 12:26 “Alyans”ı dayandıran tapıldı 6-12-2019, 12:23 Aftandil Hacıyevin “Səbail”ə qoşulan legionerdən xəbəri yoxdu 6-12-2019, 12:19 Əliyar Ağayev “Sabah”ın penaltisini “yedi” 6-12-2019, 12:18 Mahmud Qurbanov hakimi təhqir etdiyinə görə cəzalandı 5-12-2019, 12:40 “Futbol+” Prosineçkini Zaqrebdə tapdı 5-12-2019, 12:33 Elçin Məmmədov “Mehdi Hüseynzadə”yə gəldi, aləm qarışdı 5-12-2019, 12:31 Aftandil Hacıyev: “Bu gün heç kim nə Qurbanın adına ləkə yaxa bilər, nə də mənim” 5-12-2019, 12:25 “Neftçi”ni büdrət, sonuncu pilləyə düş... 5-12-2019, 12:22 “Qəbələ” “Zirə”ni göydən yerə endirdi 5-12-2019, 12:17 “Sumqayıt” “ASCO Arena”da fürsəti qaçırdı 5-12-2019, 12:12 Dünən Avroliqada, bu gün sonuncu pillədə... 5-12-2019, 12:10 "Qarabağ" həsrətə Masazırda son qoydu 2-12-2019, 16:25 “Qarabağ”ın həllini gözləyən problemləri 2-12-2019, 16:19 Mütəxəssislər “Qarabağ”ın tarixi şansı qaçırdığını düşünürlər 2-12-2019, 16:16 Geye “Qarabağ”da qalmaq istəyir 2-12-2019, 11:40 Tarixi şəhəri siz də yaxından tanıyın 2-12-2019, 11:38 Əcnəbi gəlməsin, gəlirsə, Prosineçki gəlsin! 2-12-2019, 11:37 Parlament də özünü buraxır, Elxan Məmmədov tərpənmir 2-12-2019, 11:34 “CBC Sport”dan “Qarabağ”a atmaca 29-11-2019, 12:39 “Sabah” Sopiçə tapşırıldı, Ponomaryov komanda ilə vidalaşdı 29-11-2019, 12:37 “Getsinlər, qoyunları qovsunlar, futbollarını oynasınlar” 29-11-2019, 12:35 “Sülhsevənlər” ənənəyə sadiq qaldılar 29-11-2019, 12:29 Nazarov medianın mümkün basqısını nəzərə alıbmış 29-11-2019, 12:28 Elxan Məmmədovun yığma üzvlərini qınamasının əsası varmı? 29-11-2019, 12:25 AFFA azərbaycanlıları yığmadan bezdirib 29-11-2019, 12:22 Prosineçki yenə gəlir? 29-11-2019, 12:20 Aclıq Dadaşlinskinin Əzizini taqətdən salıb 26-11-2019, 17:31 “Keşlə”nin “ASK Arena”ya qayıdacağı tarix dəqiqləşməyib 26-11-2019, 17:30 İcraiyyə Komitəsinin üzvləri yığmanın çıxışını dəyərləndirdi 26-11-2019, 17:29 Vidadi Rzayev 14 il öncə səhv etdiyimizi düşünür 26-11-2019, 17:26 “F91 Düdelanj” stadion problem ilə üzləşib 26-11-2019, 17:24 Elxan Məmmədov özündən başqa hamını günahkar bilir 26-11-2019, 17:03 Tura darmadağınlarla yekun vuruldu 26-11-2019, 16:59 Slovakiyalı mütəxəssis yığmamızı aşağıladı 26-11-2019, 16:58 Nazarov qələbəyə qolla töhfə verdi 26-11-2019, 16:56 Paytaxt zonasında ikihakimiyyətlikdi 26-11-2019, 16:55 Emil Balayev mövsümün ən yaxşı qapıçısıdı Bütün xəbərlər
Ən çox oxunanlar