18 okt 13:12gundem

Azər Bağırov “Turan Tovuz”u yarıyolda qoyub getmək istəmirmiş


“Nadir Nəbiyev dedi ki, mənə də belə şans yaransaydı, gedərdim”
Zaur Həşimovun “Qəbələ”ni “Zirə”yə dəyişməsindən sonra bölgə təmsilçisi çətin vəziyyətə düşmüşdü. Adı çəkilən mütəxəssis PRO kateqoriyasına sahib olduğundan mətbuat konfranslarında iştirak edir, rəsmi sənədlərdə adı baş məşqçi kimi göstərilirdi. Çünki Əsasnamənin şərtlərinə görə yalnız ali kateqoriyaya sahib olan mütəxəssisin adı baş məşqçi kimi göstərilə bilər.
“Qəbələ” rəhbərliyi bu boşluğu Azər Bağırovu rənglərinə bağlamaqla doldurmağı bacardı. Həmin Bağırov ki, buna qədər də əsas komandada çalışmış, vaxtilə Luis Araqona kömək etmişdi. Buna qədər isə “Neftçi”nin əsas komandasında iş təcrübəsinə sahib olmuşdu. Məsələ burasındadı ki, Azər bəy işsiz deyildi. Yayda “Turan Tovuz”un “sükanı arxasına” keçmiş, komanda formalaşdırmış və rəhbərlik etdiyi kollektiv 6 oyunun beşində qələbə qazanmaqla ilk pillədə qərarlaşıb. Bağırov isə aşağı dəstədə çempion olmağı yox, ciddi hədəfləri olmayan komandada köməkçi-məşqçi işləməyi qərara aldı. Üstəlik, “Turan Tovuz”un rəhbərliyinin onu hansı şərtlərlə buraxması da maraq doğurur.
Səbəbkarla dünənki telefon danışığımızda məqsəd bu və başqa suallara aydınlıq gətirmək idi.
- Öncə sizi təbrik edək, yeni işinizdə uğurlar arzulayaq, sonra keçək suallara.
- Təbrikinizə və diqqətinizə görə minnətdaram. Uğur qazanmağa çalışacağıq, necə alınacaq – bunu zamanın öhdəsinə buraxaq.
- Köməkçi-məşqçi kimi dəvət olunsaz da, adınız baş məşqçi kimi yazılacaq, jurnalistlərin önünə siz çıxacaqsız. Premyer-liqada sizin üçün debüt olacaq.
- Elitada kifayət qədər iş təcrübəm var. Bildiyiniz kimi, buna qədər “Neftçi”də və “Qəbələ”nin əsas komandalarında işləmişdim. Adımın baş məşqçi yazılmasına baxmayaraq, Elmar Baxşıyevlə hansısa işlər görməyə çalışacağıq.
- Səmimi deyin, “Qəbələ”dən təklif gələcəyini gözləyirdiz?
- Düzünü desəm, yox. “Turan Tovuz”daydım, çempionata köklənmişdik, qarşıdakı oyunlara hazırlaşırdıq. Və belə bir vəziyyətdə “Qəbələ”dən təklifin olması, açığı, mənim üçün gözlənilməz oldu. İş başında olmasaydım, nəyəsə ümid edərdim. Amma belə vəziyyətdə...
- Və birinci divizionda liderlik edən komandanı tərk etməyə belə asanlıqla razılıq verdiz...
- Asan deməzdim. Gizlətmirəm, qərar vermək, düşünmək üçün vaxtım var idi. Götür-qoy etdim, məsləhətləşdim və bu qənaətə gəldim. Çünki “Turan Tovuz”u yarıyolda qoyub getmək istəmirdim.
- Bəs niyə getdiz?
- Razılaşaq ki, belə şans hər imkanda ələ düşmür. Premyer-liqada cəmi 8 komanda var, mütəxəssislərin sayı isə çoxdu. Həm də elita təcrübəsi tam başqadı, bir üst səviyyədi. Bu imkandan vaxtında və maksimum yararlanmalı olduğumu düşündüm deyə, qərarımı verdim.
- “Turan Tovuz”u çempionata hazırlamışdız, komanda da kifayət qədər uğurlu çıxış edirdi. Belədə klub rəhbərliyi sizi nə deyib buraxdı?
- Klubun Müşahidə Şurasının rəhbəri Oqtay Abdullayevlə və icraçı direktoru Nadir Nəbiyevlə söhbətim oldu. Sağ olsunlar, məni anlayışla qarşıladılar. Onlar üçün də, mənim üçün də qərar vermək, “Turan Tovuz”dan ayrılmaq çətin idi. Bilirəm, onları pis vəziyyətdə qoydum. Hər bir işdə xeyir var. İnşallah, həm mənim, həm də “Turan Tovuz” üçün faydalı olar.
- Halallaşıb ayrıldız, yoxsa qapını bağlayıb getdiz?
- Halallıq olmadan mümkün deyil. Söhbət etdik, halallaşıb ayrıldım.
- Təzminat söhbəti olmadı?
- Xeyr. Oqtay müəllim də, Nadir müəllim də illərini futbola həsr ediblər. Ona görə də vəziyyətimi başa düşdülər, məni anlayışla qarşıladılar. Nadir Nəbiyev dedi ki, mənə də belə yaransaydı, gedərdim. Ona görə də aramızda hansısa problemin, narazılığın olduğunu düşünmürəm.
- “Turan Tovuz”un çempionluğa kökləndiyini kollektivin hər oyundan sonrakı sevincindən görmək çətin deyildi. Şər deməsən, xeyir gəlməz. Böyük hədəfləri olmayan “Qəbələ” mövsümü sonuncu pillədə başa vursa, aşağı dəstədə çempion olmaq şansını boşa verdiyinizə peşman olmayacaqsız?
- Tək bu barədə yox, çox şey haqda fikirləşmişəm. Mənim yerimə istənilən şəxs olsaydı, iki qərardan birini verərdi. Mən isə “Qəbələ”yə gəlməyi üstün tutdum. Premyer-liqada işləmək bir məsuliyyətdi, zövqdü, böyük təcrübədi. Tək mənim üçün yox, istənilən məşqçi üçün. Elmar Baxşıyev məni yanında görmək istədi, mən də dəvəti müsbət qarşılaşdım. Həyatda “bəlkələr”in qorxusu ilə yaşasaq, gərək addım atmayaq. Bəzən risk etməlisən, qəlbinin səslədiyi yerə getməlisən. İnşallah, “Turan Tovuz” mövsümü çempion kimi başa vurar, “Qəbələ” də bu komandanı sevənlərin üzünü güldürər.
- Uzun fasilədən sonra premyer-liqada çıxış edən komandada işləyəcəksiz. “Qarabağ”la oyunöncəsi özünüzü necə hiss edirsiz? Həyəcan var?
- Bir şeyi çəkinmədən deyə bilərəm. Birinci divizionda işləmək elitada çalışmaqdan daha çətindi. Premyer-liqada peşəkar futbolçularla, daha yaxşı şərtlər altında işləyirsən və bu da işi xeyli asanlaşdırır. Ona görə də hansısa həyəcandan söhbət gedə bilməz. Əksinə, oyunları maraqla gözləyirəm. Elmar Baxşıyevlə ikimiz də gənc məşqçi sayılırıq. Durmadan yeni nələrsə öyrənməli, bacarığımızı ortaya qoymalı, özümüz haqda müsbət fikirlər formalaşdırmalıyıq. Bu dəqiqə əsas məqsədimiz “Qəbələ”ni bacardıqca irəli daşımaq, gənclərin parlamasına, üzə çıxmasına töhfə verməkdi.
- Belə başa düşdüm ki, “Qəbələ”də olmağınızı sırf Baxşıyev istəyib.
- Elədi. Elmar müəllimlə uzun illərin dostuyuq. Vaxtilə “Xəzər Universiteti”ndə çiyin-çiyinə futbol oynamışıq, o “Neftçi”də oynayanda mən məşqçiydim, daha sonra yolumuz “Qəbələ”də kəsişmişdi. Bir sözlə, həm insan, həm də məşqçi kimi bir-birimizi yaxşı tanıyırıq. Baxşıyev baş məşqçi kimi işləməyə qadirdi. Onda bu xarakter və savad var. Sadəcə, müəyyən vaxt lazımdı ki, tam rahatlaşsın, işini istədiyi kimi qursun. Son matçlarda “Qəbələ”nin oyunundakı və nəticələrdəki irəliləyişi hamı görür. Zamanla bundan da yaxşı olacağına əminəm.
- Sizin gəlişinizdən sonra məşqçilər heyətindəki durum necədi?
- Elmar Baxşıyev əsas söz sahibidi, mən də əsas köməkçisi, Vladimir Şeludko fiziki hazırlığa cavabdehlik daşıyacaq, Vüqar Məmmədov isə qapıçılarla çalışacaq.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
15-11-2019, 13:09 AFFA gecikdi, “Albasete” Eddini buraxmadı 15-11-2019, 13:08 Dadaşlinski Elxan Məmmədova görə ya AFFA-ya, ya da özünə müraciət etməlidi 15-11-2019, 13:07 Samir Abasov İspaniyaya gedir 15-11-2019, 13:03 Giqqz Yurçeviçi qabaqlayacaq, Uelsin itkiləri artır 15-11-2019, 13:02 Emil Balayev mövsümün rəmzi komandasında yer aldı 15-11-2019, 13:00 Bizimkilər yatır, lüksemburqlular axtarır 15-11-2019, 12:59 Ölkə kubokunun yeni mövsümünün püşkü atıldı 15-11-2019, 12:55 “Neftçi” İK də “Araz”ın seriyasını qıra bilmədi 15-11-2019, 12:53 Bir oyunda 18 qol vuruldu 15-11-2019, 12:50 “Mil”in stadion problemi yoluna qoyuldu 15-11-2019, 12:48 Elxan Məmmədovla Firuz Abdulla AFFA-nı gülüş hədəfinə çevirib! 13-11-2019, 11:36 Pedro Enrike “Qarabağ”a qayıda bilər 13-11-2019, 11:34 “İmarət” yubileyini Ağdamda qeyd edəcək 13-11-2019, 11:30 Bordin komandasının məğlubiyyətə layiq olduğunu söylədi 13-11-2019, 11:27 “Keşlə” “Neftçi” ilə yerini dəyişdi 13-11-2019, 11:25 “Qarabağ”: son 4 oyunda 3-cü heç-heçə 13-11-2019, 11:22 “Səbail”i Qəbələdə əzdilər 13-11-2019, 11:18 Emil Balayev əla başladı, pis bitirdi 13-11-2019, 11:16 “Qəbələ” jurnalistləri bir araya gətirdi 13-11-2019, 11:13 Sürprizlər turu 13-11-2019, 11:11 Moldovanın qapıçısı yığmamızı iki dəfə məyus etdi 13-11-2019, 11:07 "6 xallıq oyun”da sumqayıtlılar sevindi 13-11-2019, 11:04 Çempionluq Zaur Axundovun ağlından keçmir 12-11-2019, 14:13 Elnur Şıxəliyev AGİN və AMADA-nın dəstəyinə arxalanır 11-11-2019, 13:35 Zirvə iki gün ərzində ikinci dəfə "əl dəyişdirdi" 11-11-2019, 13:34 Təmkinin xanımı “Neftçi”nin azarkeşidi 11-11-2019, 11:06 “Qarabağ”da heç kim yaxasını kənara çəkməsin! 11-11-2019, 11:05 Emil Balayev Qazaxıstanda əlçatmazdı 11-11-2019, 11:04 Şəhriyar Məmmədyarov “Qarabağ” üçün hər şeyin bitdiyini düşünür 11-11-2019, 11:02 APOEL qələbəni öz ad gününə hədiyyə edib 11-11-2019, 10:59 “Qarabağ”dan izah gəldi 11-11-2019, 10:58 Yurçeviçin siyahısı sual doğurdu 11-11-2019, 10:56 Mütəxəssislər Qurbanovun taktikada Dolla uduzduğunu düşünmürlər 11-11-2019, 10:55 Bizimkilər susur, onlar danışır 11-11-2019, 10:52 Siyasət Əsgərov təcrübəsizliyi və səviyyə fərqini qabartdı 11-11-2019, 10:50 “Ən pis halda pley-offda oynamaqla vəsiqəni qazanmalıyıq” 11-11-2019, 10:48 Kiprin ən böyük idman qəzeti də Geyeni “seçdi” 11-11-2019, 10:47 Dadaşlinski hələ də Elxan Məmmədovu axtarır 8-11-2019, 20:07 Şəhriyarın şok açıqlamasına zəruri sözardı 8-11-2019, 20:06 BBBB… 8-11-2019, 12:41 “Keşlə” 13-cü turda “ASK Arena”ya qayıdacaq 8-11-2019, 12:40 Quba “Şahdağ”ı dağılmaq təhlükəsiylə üz-üzədi 8-11-2019, 12:37 Emil Balayev rəmzi komandada 8-11-2019, 12:35 Rəvan Həmzəzadə “Səbail”in qolunu “yedi” 8-11-2019, 12:32 “Maxi.az” “Sabah”ın akademiyasının sponsoru oldu 8-11-2019, 12:29 İntizam Komitəsi sərt üzünü göstərdi 6-11-2019, 12:25 Yığmamız erməniləri üstələyib “bürünc” qazandı 6-11-2019, 12:22 Mahir Şükürov iş üçün Elxan Məmmədova minnətçi düşüb 6-11-2019, 12:20 Güclü külək “Kapital Bank Arena”ya ziyan vurub 6-11-2019, 12:18 “Sumqayıt” itirdi, “Zirə” qazandı 6-11-2019, 12:15 Çempionatımızda yeni bəhanə: hava şəraiti futbol oynamağa qoymur! 6-11-2019, 12:08 “Sabah” əzmkar qələbə ilə uzun seriyaya son qoydu 6-11-2019, 12:05 İddialılar yola itkisiz davam edirlər 6-11-2019, 12:03 Heç-heçələr turu 6-11-2019, 12:01 “Əlincə”nin cəmi bir komandası qalıb… 6-11-2019, 11:58 APOEL heç-heçə, “F91 Düdelanj” darmadağın etdi 6-11-2019, 11:56 APOEL-də gərginlik davam edir Bütün xəbərlər
Ən çox oxunanlar