10 apr 22:49gundem

“Neftçi” azarkeşi dəyişiklik istəyir

“Neftçi” azarkeşi dəyişiklik istəyir
Tahir Quliyev: “Rəmzi heyətdə Mahmud Qurbanovun adı olmamalıydı”
Ən zəif mövsümünü keçirən “Neftçi”nin qışdan sonra özünə gələcəyi gözlənilirdi. Lakin hadisələrin axarı onu göstərir ki, 80 iliyini qeyd edən ölkənin bir nömrəli futbol brendi avrokuboklar zonasından uzaq qalmaq üzrədi. Halbuki mövsümün gedişində, daha doğrusu, birinci yarısında baş məşçi postuna gələn Elxan Abdullayev qışdan sonra öz komandasını formalaşdıracağını, hər şeyin yoluna düşəcəyini proqnozlaşdırmışdı. İndi isə durum fərqli şeyi göstərir: “Neftçi” Abdulayevin bizə söz verdiyi komanda deyil. Qışdan sonra 5 qələbə qazanan, 2 heç-heçə edən və 3 dəfə məğlub olan komanda yayda bizə Avropa həyəcanını yaşatmaya bilər. Nəzərə alaq ki, “ağ-qaralar” kubokda da mübarizəni “Qarabağ”a uduzmaqla yarımfinalda dayandırıb. Bu azmış kimi, Elxan Abdullayevin komandanın ən sadiq azarkeşləriylə münasibətləri də düyünə düşüb. Belə ki, ölkə kubokunun yarımfinalının “Qarabağ”la cavab görüşündən sonra futbol ictimaiyyəti tərəfindən yüksək mədəniyyət sahibi kimi qəbul olunan Elxan bəy onu istefaya səsləyən azarkeşləri “xuliqan” adlandırdı. Bu fikir isə xeyli ajiotaj doğurdu.
Dünən redaksiyamıza gələn, 30 ildən çoxdu “Neftçi” azarkeşi olan Tahir Quliyevə tribuna verdik. Tahir bəy öncə qış “transfer pəncərəsi”ndə reallaşdırılan transferlərdən danışdı: “Elxan Abdullayev demişdi ki, mən “Neftçi”yə yalnız öz komandamı qurandan sonra cavabdehəm. Yəni qışdan sonra. Şəxsən “Neftçi” azarkeşi kimi mənim buna heç bir narazılığım yox idi. O bildirmişdi ki, mənə nə sualınız varsa, qışdan sonra verə bilərsiz. “Bu komandanı mən yığmamışam, bu legionerlərdən xoşum gəlimir” – bunlar onun sözləridi. Qış gəldi, bəzi oyunçular göndərildi, xeyli futbolçu komandaya cəlb olundu. Qapıdan başqa, demək olar ki, bütün mövqelərə futbolçu cəlb olundu. “Neftçi”yə gələn oyunçularla gedənləri müqayisə etmək istəmirəm. Ona görə ki, bizdən Vançe Şikov kimi futbolçu gedib. Makedoniya yığmasının üzvü idi və ortabab Avropa klubunda oynaya bilərdi. Şikov Mitreski səviyyəsində oyunçu idi. Amma o, oynamadı, ya da məşqçi oynada bilmədi. Bu, fərqli mövzudu. Elə məşqçilər var ki, onlar “ölü” oyunçuları oynada bilirlər. Məsələn, Kaxaber Tsxadadze, Zaur Svanadze kimi gəldi, oynada bilirlər. Dahi məşqçi deyillər, amma hamı ilə bacara bilirlər. Lakin “Neftçi”də bunu nə Vəli Qasımov, nə də Elxan Abdulayev bacardı. Daha doğrusu, Abdulllayev haqda yanılmaq istəməzdim. 11-12 oyunla bir məşqçi haqda fikir yürütmək çətindi. Reallıq budu ki, “Neftçi”də çox adam oynaya bilmədi. Yeni transferlər isə pis deyil. Seqoviya çox yaxşı hücumçudu. Ötürmə alsın, qolunu vuracaq. Düzdü, “Sumqayıt”la oyunda boş qapıya düşə bilmədi. Lakin bu göstərici deyil. Barqas isə əladı. 2-3 futbolçunu keçib qol vurmaq, ötürmə etmək kimi keyfiyyətləri var. Namiq Ələsgərovnu çox vaxt ön sıralara çəkirlər. Yaxşı texnikaya malik cinah hücumçusu, daha dəqiq desək, hücumameyilli yarımmüdafiəçidi. O, cinahdan irəliləyib, mərkəz hücumçusuna ötürmə etməlidi. Namiq hər şeyi edir, amma özü vurur. Heç vaxt normal ötürmə vermir. Bu gün Levandovski və Suaresi belə çağırsaz, bu “Neftçi”də qol vura bilməz. Bu, birbaşa baş məqşçinin günahıdı. Çünki futbolçunu “cilalaya” bilmirlər. Ona deyə bilrmirlər ki, 2-3 futbolçunu aldatdın, bəsdi, mərkəzə ötürmə elə. Qışdan əvvəl komandada mərkəz hücumçusu yox idi, heç kimə ötürmə etmək lazım deyildi, hərə özünə oynayırdı. Axı indi hücumçu var. Seqoviya Namiqin yanındadı, amma ötürmə ala bilmir. Bu, “Neftçi”nin köhnə azarıdı”.
Stajlı azarkeşi hazırda komandada məğlubiyyətə dözümsuzlüyün olmadığını düşünür: “Neftçi”də son illər bir futbolçu var idi – Ruslan Qurbanov. O, məğlubiyyəti həzm edə bilmirdi, daim vuruşurdu. Əlindən nə gəlir, edirdi. Uduza bilməmək çox böyük şeydi. İndikilərdə isə idman prinsipi yoxdu. Bu xaraktersizlikdi. Errera çox yaxşı futbolçudu. Lakin o yalnız hər şeyi özü edir. Eynilə Cavid İmamverdiyev kimi. Əslində onlar yaxşı ötürmə verən olmalıdılar. Rəhman istedadlıdı. Yalnız yaxşı baş məşqçi lazımdı ki, top-səviyyəyə yüksəlsin. Araz və Elşən isə heç vaxt yüksələ bilməyəcəklər. Biri “Qarabağ”da itəcək, digəri “Qəbələ”də. Arazı “Qəbələ”yə limitə görə götürüblər. Qışda Ruslan Abışovu transfer ediblər. Yanılıblar. Çünki Ruslan zədəyəmeyilli futbolçudu. Onun əvəzinə Rasim Ramaldanovu alsaydılar, daha yaxşı olardı. Onun oyununu “Xəzər Lənkəran”da görmüşük. Navalovski yaxşı futbolçudu, amma bizdə də az məbləğ qarşılığında gələ biləcək oyunçular var idi. Ruslan Tağızadə, Arif Daşdəmirov... Az xərcləyib, onlardan birini almaq olardı. Məsələn, Arif həm sağda oynayır, həm solda. Həm də hücumlara yaxşı qoşula bilir. Amma mərkəzə Abışovun yerinə Ramaldanov alınmalıydı. Çünki o, can yandırır. Ruslan isə bu gün burdadı, sabah başqa yerdə. Mən onu “Xəzər Lənkəran”a gedəndə gördüm. Onun səmimiliyinə inanmıram”.
Quliyev düşünür ki, Elxan Abdullayev xarizmatik şəxsiyyət, yəni baş məşqçi deyil: “Elxan Abdullayev Ruslan Abdullayevin oğludu. O, “Neftçi” azarkeşlərini belə alçaltmamalı idi. Kim istəsə, bunu deyərdi, amma Elxan bunu etməməliydi. Həmin azarakeşlər son pullarına kimi biletə xərcləyir, soyuğa, istiyə baxmayaraq stadionlara gedirlər. Bu adamları azarkeş saymamaq ayıbdı. Bunun adı yoxdu. Onu təmkinli, tərbiyəli biri bilirdim. “İstefa” qışqırmağa hamının ixtiyarı var. Xoşum gəlmir, əcəb edirəm, “istefa” qışqırıram. Ona görə ki, sən oyununla nəyisə sübut etmirsən. Halbuki sən Avropa səviyyəli futbolçular götürmüsən. Öz istədiklərini komandaya yığmısan. Oynaya bilmirlərsə, öz günahındı. Hər bir məşqçinin xarizması olmalıdı. “Neftçi” bu gün “Qəbələ” və “Qarabağ”ı çıxmaq şərti ilə heç kimə uduzmamalıdı. Hətta udmalıdı, özü də böyük hesabla. Deməli, Elxan Abdullayevin xarizması çatışmır. 80 illiyi kənara qoyuram. Axı komandanın xarizması, adı, heyəti, büdcəsi başqalarından yaxşdı. Elxan Abdullayevə etirazım “Neftçi”nin uduzmasıdı”.
Fanat “Neftçi”nin uduzmasını ayıb sayır: “Elxan Abdullayev deyir ki, bura məni göndəriblər, yanılır. Bu, xalqın komandasıdı. Mənim, sənin və başqalarının. “Xəzər Lənkəran”ı Mais Mənsimovla, “Qəbələ”ni Tale Heydərovla əlaqələndirirdilərsə, “Neftçi”ni xalqla əlaqələndirirlər. Məşqçi bacarmalı və bacarmadıqlarını təhlil etməlidi. Mübariz Mənsimov deyirdi ki, futbolçu olmayacaq, eşşək ferması açacam. Amma “Neftçi” neft pulları ilə dolanır. Hansı ki, bu neft xalqındı. Öz oyununu 10 oyundan sonra təhlil edə bilmirənsə, günah səndədi. Səni işləməyə qoymurlarsa, çıx, ictimaiyyəti məlumatlandır. Biz də bilək, məsələ nədi. Amma belə deyil axı”.
Tahir bəy komandanın avrokuboklardan kənarda qalmasını fiasko sayır: “Bu, böyük biabırçılıq olacaq. “Neftçi” ölkənin 4 klubundan biri deyilsə, onda danışmağa dəyməz. Fasilədə hər kəs klubdan getməli, heyət tam dəyişməlidi. Bu, 80 illiklə əlaqəli deyil. Rəhbərlik də dəyişməlidi. Klubun strukturu tam dəyişməlidi. Tahir Süleymanovun vaxtında klubun büdcəsi yüksək idi, indi isə azdı. Futbolçu da ona uyğun pula oynayır. Folprextlə Dreksaya “elçi düşüblər”. Bu futbolçular artıq düşünür ki, “Neftçi”də onları nəsə qane etməsə, sabah başqa yerə gedib, pulunu alacaqlar. İndi hamı vaxt keçirir. Araz da, Elşən də bunu edirdi. Oynamaq istəyən “Sumqayıt” kimi olar. “Neftçi” “Kəpəz”i udmasa, Elxan Abdullayev Bakıya qayıtmasın. Qayıtsın, başqa avtobusla və getsin ailəsinin yanına. Onun “Neftçi” ilə birgə olması biabırçılıq olar. Ona özüm “istefa” qışqıraram. Müşahidə Şurası ilə baş məşqçi arasında əlaqə olmalıdı. Ancaq məşqçinin işinə qarışmaq doğru deyil. “Neftçi”nin rəhbərliyinə futboldan anlayışı olan idarəçilər gəlməlidi... “Neftçi”nin 80 illiyi ilə bağlı rəmzi heyət hazırlamışdılar. Amma orda Mahmud Qurbanovun adı olmamalıydı. Qurbanov Ağasəlim Mircavadov və Emin Quliyevlə birgə “Neftçi”ni dağıdanlardan olub. Hətta Zaur Tağızadəni də çağırırdılar. Pula şirnikləşib getdilər. Tağızadə isə getmədi”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:26 Bilet satışından 3 milyon manat əldə olunub Dünən, 18:23 Səmədağa Şıxlarov işdən çıxarılmasının səbəbini bilmir Dünən, 18:19 Prosineçki yığma üzvlərinin U-23-ü canlı izləməsinə qadağa qoyubmuş... Dünən, 18:08 Plan suya düşdü: yığma Avstriyada yoldaşlıq oyunu keçirməyəcək Dünən, 15:41 Hakim Maşallah Əhmədova xəbərdarlıq etdi Dünən, 15:38 “Elvin Səfərli futbol adamı deyil” Dünən, 15:37 Naxçıvana yalnız MOİK öz hesabına yollanır Dünən, 15:36 Premyer-liqa avqustun 12-13-də, birinci divizion sentyabrda başlayacaq Dünən, 15:34 “Qəbələ” İtaliyadan qələbəsiz qayıdır Dünən, 15:31 Divizionda çalışanlar Tərlan Əhmədovla razılaşmadı Dünən, 15:29 Tərlan Əhmədov “Şüvəlan”a lazım olmadı Dünən, 15:27 Nikayla Rəşad da “Qəbələ”dən ayrıldı Dünən, 15:18 İslamiadada yer tutan idmançılara müraciәt! Dünən, 15:17 Averin 15 aylıq cəzalandı Dünən, 15:13 Polina Rəhimova “Fənərbaxça”da! Dünən, 15:09 Türkiyə ilə bacarmadıq Dünən, 15:07 Millimiz Bolqarıstana uduzdu Dünən, 15:06 Medalsız qaldılar Dünən, 15:05 Minskə beş qrossmeyster gedəcək Dünən, 15:04 AÇ üçün hazırlıq başlayır Dünən, 15:00 Antalyadan altı medalla Dünən, 14:59 Füzuli və Xaqani Məmmədov qardaşları “İnter”dən göndərildi Dünən, 14:26 Klublarımızın avrokuboklarda mərhələ və “səbət” müəmması Dünən, 14:25 Elvin Məmmədov “Zirə”ni tərk etdi Dünən, 14:07 Veteranlar Əli Rəhmanovu yad edəcək Dünən, 14:04 “Qarabağ” İtaliyadan hücumçu gətirir? Dünən, 14:03 “Rəmzi yığma”ya düşənlərin sayında azalma var Dünən, 14:00 Rusiya yığmasının qapıçısı Şeydayevi xatırladı Dünən, 13:58 “Baku Fayr”dan çətin qələbə Dünən, 13:57 “Sumqayıt” – “Qəbələ” əməkdaşlığı davam edir 24-05-2017, 17:43 “Bakı müsəlman aləminin Las Veqasıdı” 24-05-2017, 17:39 Almeydanın “milliləşdirilməsi” ilə bağlı yenilik yoxdu 24-05-2017, 17:36 “Qəbələ” “qızıl” sayında hamını qabaqladı 24-05-2017, 17:31 Futbolçular İslamiadadakı çıxışını şərh etdi 24-05-2017, 17:27 13 yaşlı qızlar mükafatlandırıldı 24-05-2017, 17:13 Məşqçi kursunun ikinci modulu başlayıb 24-05-2017, 17:11 "Transfer pəncərəsi"nin vaxtı açıqlandı 24-05-2017, 17:09 İlqar Qurbanova “Qarabağ”a lazım olmadığını İndoneziyada istirahət edərkən deyiblər 24-05-2017, 17:07 Hakimlərin premyer-liqadakı işi: kim necə yadda qaldı? 24-05-2017, 17:04 Yığmamız üçün ağır sınaq başlayır 24-05-2017, 17:03 Şəhriyar Məmmədyarov İddiaçılar Turnirinə çox yaxındı 24-05-2017, 17:01 Serbiyada “beş” aldıq 24-05-2017, 17:00 Polşadan dörd medalla 24-05-2017, 16:58 Acı həqiqət... 24-05-2017, 16:57 İslamiadanı 162 medalla başa vurduq 24-05-2017, 16:54 Səmədağa Şıxlarovu da qovdular 24-05-2017, 16:48 Əlvida, Bakı-2017... 23-05-2017, 13:40 İradə Aşumova Olimpiya Komitəsindən 275 min manat alıb 23-05-2017, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi 23-05-2017, 13:36 “Heydər Əliyev kuboku”nun iştirakçıları müəyyənləşdi 23-05-2017, 13:34 “Qarabağ” Qurbanovla vidalaşdı, Aqollini saxladı 23-05-2017, 13:24 “CBC Sport” yayın hüququna görə klubların pulunu niyə ödəmir? 23-05-2017, 13:22 Sponsor olmadan telekanallarda futbol verilişlərinin yayını mümkünsüzdü 23-05-2017, 13:21 “Qarabağ” Avstriyada çempion oldu 23-05-2017, 13:16 Toğrul Erat çempionluq sevinci yaşadı 23-05-2017, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır Bütün xəbərlər
Ən çox oxunanlar