04 okt 12:46gundem

“UltrAslan Azərbaycan”ın 7 min manat xərci çıxıb


“Tennis Akademiyası tərəfindən bizə müəyyən maneələr törədildi, sonra “ASK Arena” ilə razılığa gəldik”
Türkiyə superliqasının 6-cı həftəsində əzəli rəqiblər - “Qalatasaray”la “Fənərbaxça” üz-üzə gəldi. Ölkəmizdə də yetərincə böyük maraqla gözlənilən qarşılaşma qolsuz heç-heçə ilə sona çatdı. Ancaq matçın nəticəsindən daha çox Azərbaycandakı “Qalatasaray”lı azarkeşlərin tribuna şousu gündəm mövzüsu oldu. Belə ki, “Cim-Bom”un ölkəmizdəki azarkeş qrupu olan “UltrAslan Azərbaycan”nın təşkilatçılığı ilə sarı-qırmızı rənglərə könül verənlər bir yerə toplaşdı. Onlar hazırda təmirə qapadılan “Keşlə”nin ev görüşlərini keçirdiyi “ASK Arena”nın meydanına böyük bir monitor yerləşdirərək sevimli komandalarının oyununa stadiondan canlı baxırmış kimi görüntü yaratdılar. Bununla Azərbaycanda bir ilkə imza atan “UltrAslan Azərbaycan”ın bundan sonra da belə addımla diqqəti çəkib-çəkməyəcəyi indidən böyük marağa səbəb olub.
Bu və digər məsələlərlə bağlı “UltrAslan Azərbaycan” azarkeş qrupunun əlaqələndiricisi, bu işin təşkliatçılarından olan Mürşüd Məmmədzadə ilə söhbət etdik: “UltrAslan Azərbaycan” olaraq illərdi fəaliyyət göstəririk. Müntəzəm olaraq bütün oyunlarda bir araya gəlirik, müxtəlif tədbirlərimiz olur, çempionluqları qeyd edirik və s. Özümüzün “Neftçilər”də məkanımız da var. Bizimlə oyuna baxmaq istəyən hər kəs ora gəlib buna şahid ola bilər. O ki qaldı stadiondan oyunu izləmək fikrinə, bu bizim iki il öncə etmək istədiyimiz bir ideya olub. Xatırlayırsızsa, iki il öncə “Qalatasaray” çempionatın son oyununda səfərdə “Göztəpə” ilə qarşılaşmışdı. Biz həmin matçı stadionların birində izləmək istəyirdik. Lakin mövsümün sonu olduğuna görə bu fikri həyata keçirə bilmədik. Bu mövsüm isə superliqanın püşkatmasından sonra “Fənərbaxça” ilə oyunun tarixi bəlli oldu. Və biz yenidən bu ideyanı həyata keçirmək istədik. Açığı, bunu aktiv futbol oynanılan stadionların birində yox, daha kiçik yerlərdə həyata keçirmək istəyirdik. Əvvəlcə Tennis Akademiyasını düşündük. Onlarla apardığımız danışıqlar əsasında hazırlığa başladıq. Televizorun qurlşadırılması, “Bein Sport” kanalının birgünlük yayınını bərpa etmək və s. Və oyuna bir ay qalmış elan verdik. Ancaq bilet satışını əvvəlcədən özümüz də düşünməmişdik. Çünki məsələnin bu qədər kütləvi hal alması bizim üçün də gözlənilməz oldu. Adətən, kafe, böyük otellərin zallarını bağlatdırırdıq. Düşündük ki, 700-800 arası azarkeş gələr. Onlar da həmin məkanda ödəniş edib izləyə bilərlər. Daha sonra hədsiz tələb oldu. Bizə çoxlu sayda mesajlar gəldi. Yalnız bundan sonra bilet satışı ilə bağlı planlar qurduq. Artıq hər şeyi həll edirdik ki, öncədən razılığa gəldiyimiz Tennis Akademiyası tərəfindən bizə müəyyən maneələr törədildi. Bildirildi ki, içəridə siqaret çəkmək, yemək yemək və pirotexniki vasitələrdən istifadə etmək olmaz. Təbii ki, bütün bunlardan sonra onlarla razılığa gələ bilməzdik. Vəziyyət belə olduqdan sonra başqa variantlara baxdıq və “ASK Arena” ilə razılığa gəldik. Qəzetiniz vasitəsiylə onlara təşəkkür edirik. Bizi anlayışla qarşıladılar”.
Həmsöhbətimiz məsələnin maliyyə detallarına da toxundu: “Təbii ki, bu işi həyata keçirmək üçün müəyyən maliyyə vəsaiti lazımdı. İstər yayının təşkili, stadionun icarəyə götürülməsi və s. Əslində ilk baxışda eni 6, uzunluğu 8 metr olan 48 kvadrat metrlik böyük televizor qurlaşdırmaq istəyirdik. Və bunu tanış işçilərlə araya-ərsəyə gətirmək istəyirdik. Lakin oyun günü hava şəraiti buna mane oldu. Güclü külək meydana yerləşdirilən ekranı aşırdı. Nə qədər çalışsaq da, bərpa edə bilmədik. Daha sonra arxası ağ rəngdə olan böyük bir avtomobil icarəyə götürdük və projektoru ona yansıdaraq izləyə bildik. Ancaq yenə də pis alınmadı. Gələnlər də bizi başa düşdü. Bundan sonra da belə tədbirlər keçirməyi düşünürük. O ki qaldı çəkilən xərcə, ümumilikdə bu iş üçün 7 min manatımız çıxdı. Ancaq çox şükür ki, bilet satışı bu xərci qarşıladı. Elə biz də belə təxmin edirdik. Onu qeyd edim ki, “UltrAslan Azərbaycan” olaraq öz fondumuz var. Hər ay üzvlərimiz tərəfindən fonda pul qoyulur. Və həmin pulla müəyyən işlər görülür. Pankartların yazılması, pirotexniki vasitələrin alınması və s. Elə bu tədbirdə də fonddan yararlandıq. Təbii ki, müəyyən qədər öz cibimizdən də xərcimiz çıxdı. Ancaq ümumilikdə pis alınmadı. Bizə kömək olan hər kəsə təşəkkür edirik. Bu işdə əməyi keçən “UltrAslan Azərbaycan” qrupunun əlaqələndiricisi Sənan Rəsulzadəyə, o cümlədən Gəncə və Siyəzəndən olan azarkeş qrupu üzvlərimizə, ölkənin bir çox yerindən gələn azarkeşlərimizə, “ASK Arena” rəhbərliyinə və polislərimizə təşəkkür edirik”.
Məmmədzadə azərbaycanlı azarkeşlərin yerli çempionata maraq göstərməməsinin fonunda Türkiyə klublarını dəstəkləməsinə də aydınlıq gətirdi: “Yerli çempionatda məsələ fərqlidi. Bilmirəm, bu mövzuda bizi niyə tənqid edirlər? Biz “Qalatasaray”lıyıq. “Qalatasaray” türk dünyasının ən böyük klubudu. Bizim başqa bir klubun oyununa getməyimiz çox da anlamlı deyil. Təbii ki, getdiyimiz oyunlar olub. Ancaq qrup olaraq yox. Fərdi şəkildə kim istəyirsə, gedib hansısa komandaya dəstək ola bilər. Bizim də içimizdə “Qəbələ”nin, “Qarabağ”ın, “Neftçi”nin azarkeşləri var. Mən özüm “Qarabağ” azarkeşiyəm. Ancaq bunun məsələyə aidiyyatı yoxdu. “UltrAslan Azərbaycan” olaraq qrup şəkildə heç bir komandanın oyununa getmirik. Mən bu qrupu 2011-ci ildə formalaşdırmışam. 2012-dən isə bu qrup Türkiyədə rəsmi şəkildə tanınır. Hazırda ölkəmizdə “Neftçi”nin və “Qarabağ”ın azarkeş qrupları var. Bu çox normal bir şeydi. Biz əvvəllər millinin oyunlarına gedirdik. Sadəcə, stadionlarda azarkeşlərə yaradılan şərait, azarkeş qruplarının sıxılması, bilet alarkən üzləşdiyimiz problemlər buna mane oldu. Məsələn, mən biletləri toplu şəkildə almaq istəyirəm. Ancaq bilet alarkən bizə əngəl törədilir. Deyilir ki, fanklub kimi qeydiyyata düşün, sizə AFFA-dan bilet ayrılsın. Halbuki biz sərbəst şəkildə eyni sektora bilet almaq istəyirik. Bax, bu və başqa məsələlər millinin də oyunlarına getməyimizə mane oldu. Bu, yığmanı boykot etdiyimiz anlamına gəlməsin. Biz əvvəllər “Neftçi”nin azarkeş qrupu və “Milli dəstə” ilə bir yerdə yığmanı dəstəkləmişik. Ola bilər ki, gələcəkdə yenidən dəstəkləmək üçün stadionlara gəldik. Bizim Azərbaycan tribunasında öz yerimiz olub, həmişə sözümüzü demişik. Hər şeydən öncə “Qalatasaray”lıyıq, bu, bizim üçün hər şeydən üstündü. Biz “Qalatasaray”ı dəstəkləyirik və yalnız onun üçün nəsə etməyə çalışırıq. Buna da davam edəcəyik. Buna görə tənqid etmək mənasızdı. Azarkeş öz klubunun yanında olmalıdı. Yerli klublarımıza da, azarkeş qruplarına da böyük rəğbətimiz var. Elə “Neftçi”nin və “Qarabağ”ın azarkeş qrupları heç də pis deyillər. Ölkədə azarkeş problemi yoxdu, azarkeş topluluğu yaradıb, onları arxasınca aparacaq klub çatışmazlığı var. Ya çempionatda bölgə komandaları olmalıdı ki, azarkeşlər öz şəhərlərinə sahib çıxsınlar, ya da həqiqətən müəyyən dəyərlərə sahib olan klublar olmalıdı. Bu da ola bilsin, zamanla olacaq. Hazırda ölkədə iki böyük klub var: “Qarabağ” və “Neftçi”. “Sumqayıt”ın şəhər komandası olması bir növ onların azarkeşkərinin olmasına səbəbdi. O cümlədən “Qəbələ”ni də nümunə göstərə bilərik. Qalanı isə Bakı klublarıdı. Bu klublara azarkeş cəlb olunması üşün illər və səbəblər lazımdı. İnşallah, çempionatımızda bölgə komandaları çox olar və azarkeş sayı da artar”.
HƏSƏN QULUZADƏ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 13:56 “Dauqavpils” Tural Bayramlıya görə AFFA-dan üzr istədi Bu gün, 13:50 “Uğur”un rəhbərindən gözlənilməz açıqlama Bu gün, 13:44 “1/8 finalda Şəhriyarla Teymur qarşılaşanda ürəyim parçalandı” Bu gün, 13:39 Qadze “Zirə”ni tərk etdiyinə görə peşman olub Bu gün, 13:27 Bəhruz Zeynalovun “Mübarizlər”i starta hazırdı Bu gün, 13:25 Püşkatma mərasimi keçirildi 12-10-2019, 13:48 “Nə qədər ki azərbaycanlı futbolçular legioner həyatı yaşamayacaq, yığmadan ancaq sensasiya gözləməyə məcburuq” 12-10-2019, 13:43 U-21-in üzvü 72 saat hava limanının təcridxanasında qaldı 12-10-2019, 12:26 Zaur Həşimov Sənan Qurbanovu özünə köməkçi görmür 12-10-2019, 12:21 Zaur Həşimov “Qəbələ”ni çətinə salıb 12-10-2019, 12:18 Şaban Donat istefaya göndərildi 12-10-2019, 12:02 “Baş məşqçinin qış fasiləsində gətiriləcəyi ehtimal olunur” 12-10-2019, 11:59 Macarlarla oyunların acı statistikası 12-10-2019, 11:56 Mütəxəssislər Budapeştdə xal qazanacağımıza inanırlar 12-10-2019, 11:53 Macarlarla oyunu “Neftçi”nin qələbəsini qeydə alan hakim idarə edəcək 12-10-2019, 11:32 Qurban Qurbanovun oğlu 5 oyuna 6 qol vurub 12-10-2019, 11:30 Qadzenin keçidi rəsmiləşdi 12-10-2019, 11:28 Basketbolu diriltmək istəyənlərdən “Sektor 11”ə əcaib təklif 12-10-2019, 11:26 Fransızlar U-21-i 5 qolla yola saldı 12-10-2019, 11:22 “Benfika” da çempionumuzu darmadağın etdi 11-10-2019, 13:09 Macarların “iştah”ı qaydasındadı 11-10-2019, 13:06 “Lüksemburqda bununla bağlı araşdırmalar davam edir” 11-10-2019, 13:02 Samir Abasovun istefası futbolçular üçün gözlənilməz olub 11-10-2019, 13:01 Veteranlar Oqtay Abdullayevə görə yığışdı 11-10-2019, 12:59 “Zirə” Zaur Həşimova tapşırıldı 11-10-2019, 12:57 “Araz”ın iranlı legionerlərinə viza verilmədi 11-10-2019, 12:55 Boş tribunalar önündə əzmkar qələbə 11-10-2019, 12:52 Hakimlərin mühakiməsi 11-10-2019, 12:49 3120 manatlıq iclas 11-10-2019, 12:45 “CBC Sport”un baş redaktoru suallardan yayındı 11-10-2019, 12:44 “Bu yolda əməyimizi, köməyimizi göstərməyə hər zaman hazırıq” 11-10-2019, 12:43 APOEL-in hücumçusu ikinci yerə layiq olduqlarını düşünür 11-10-2019, 12:39 “Araz” meydan sahibləri ilə bacarmadı 9-10-2019, 12:00 Dron qalmaqalının təşkilatçısı Mxitaryanla telefonla danışıb 9-10-2019, 11:57 “Zirə” Buma görə 100 min dollar tələb edib 9-10-2019, 11:55 Jezniçak Bakıya gəldi 9-10-2019, 11:54 Aftandil Hacıyev ilk dövrəni qənaətbəxş sayır 9-10-2019, 11:50 “Neftçi” böhrandan çıxır, “Səbail”də böhran başlayıb 9-10-2019, 11:45 "Qarabağ" “Sabah”la oyunda da büdrəmədi 9-10-2019, 11:38 Zirədən qonaqlar razı getdi 9-10-2019, 11:30 “Araz” ÇL-də mübarizəyə başlayır 9-10-2019, 11:27 “Kapital Bank Arena”da səssiz gecə 9-10-2019, 11:25 Rüfət “Proyssen”i məğlubiyyətdən xilas etdi 9-10-2019, 11:23 Dron qaldırdı, indi də təhdid yağdırır! 9-10-2019, 11:16 Hardasan, Azərbaycan dövləti? 9-10-2019, 11:14 Dövrə yekunu: "Qarabağ" ən yaxın izləyicisindən 10 xal öndə! 4-10-2019, 12:46 “UltrAslan Azərbaycan”ın 7 min manat xərci çıxıb 4-10-2019, 12:44 Verniduba vasitəçilik edən Səbuhi Səfiyarlı deyil 4-10-2019, 12:42 Yurçeviç Eddini yığmaya qaytardı 4-10-2019, 12:39 Alesio ÇL üçün 12 futzalçı sifariş etdi 4-10-2019, 12:34 Musa Qurbanlı sabiq komandasını cəzalandırdı 4-10-2019, 12:33 Emil yenə ən yaxşılar arasında 4-10-2019, 12:31 Özat “Sabah”la danışıq apardığını təsdiqlədi 4-10-2019, 12:29 Sumqayıtda danışılmış oyunlarla bağlı seminar 4-10-2019, 12:13 Riad Rəfiyev: “Bizim günahımız nədi ki, Nazim Süleymanov məndən, klubdan narazılıq edir?” 4-10-2019, 12:06 “Qəbələ” Nikosiyadan yaxşı nəticə ilə qayıdır 4-10-2019, 12:04 "Qarabağ"ın baş meneceri yenidən seçildi Bütün xəbərlər
Ən çox oxunanlar