12 iy 12:01gundem

Nazim Süleymanov “vulkan kimi püskürdü”


“U-21-in Lixtenşteynə məğlubiyyəti aidiyyatı adamlara bir siqnal olmalıdı”
“Sumqayıt”ın baş məşqçisi postundan ayrılandan sonra işsiz qalan, hazırda yeni yaratdığı Azərbaycan Futbol İctimaiyyəti Azad Həmkərlar İttifaqı adlı quruma rəhbərlik edən Nazim Süleymanov bugünlərdə sputnik.az saytına müsahibə verib. Ölkənin futbol təsərrüfatına rəhbərlik edənləri işi bilməməkdə ittiham edən veteran futbolçu sonuncu iş yeri olan “Sumqayıt”da haqsızlıqla üzləşdiyini vurğulayıb. Müsahibəni müəyyən ixtisarla diqqətinizə çatdırırıq.
- Klublarımızın bu il avrokuboklardakı rəqiblərini dəyərləndirərdiz. Sizcə, təmsilçislərimizin şansı nə qədərdi?
- İlk olaraq "Qarabağ" haqda danışaq. Qeyd edim ki, avrokuboklarda "Qarabağ"ın uğurlu çıxışı legionerlərin hesabınadı. Onların artıq bir neçəsi klubu tərk edib. Son təlim-məşq toplanışında klubumuz bir oyunda məğlub olub, bir oyunda isə heç-heçə edib. Amma bu nəticələr də dəqiq nəsə deməyə imkan vermir. İlk rəsmi matç, bildiyimiz kimi, "Partizani"yə qarşıdı. Albaniya futbolu hazırda yaxşı vəziyyətdədi. Elə hesab etməyək ki, ağdamlılara asan klub düşüb. Məncə, çox çətin oyun olacaq. Təbii, istərdik ki, "köhlən atlar" yenə bizi sevindirsin.
"Neftçi" isə ilk turu keçməyə məhkumdu. İlk rəqibimiz Moldova "Sperantsa"sıdı. Moldova futbolu bütün göstəricilərinə görə bizdən geri qalır. "Neftçi" bunu bacarmasa, Bordinin gəlməsi, transferlər nəyə lazım idi? Bu qədər maliyyə, bu qədər qayğı nə üçün idi?! "Səbail" avrokuboklarda ilk dəfə gücünü sınayacaq. Onlarla bağlı nəsə təxmin etmək çətindi. Klub özü də açıqlamasında bildirib ki, ən çətin rəqib bizə düşüb. Buna baxmayaraq, inanıram ki, "Səbail" tarix yaza bilər. İlk dəfə çıxış etsin və ilk dəfə qələbə qazansın. "Qəbələ" haqda bir az geniş danışmaq istərdim. Klubun infrastrukturu qurulub, akademiyası, məktəbi var. Bütün yaş qrupları ən yüksək səviyyədə təlim məşq-toplanışları keçir. "Qəbələ"nin əvəzedici heyəti var. Bilirsiz ki, komanda ötən mövsüm 1-ci divizionda çıxış etməkdən imtina etdi. Məncə, düz də etdi. Oynayıb, yüksək nəticə göstərib yüksək liqada təmsil olunmayacaqsa, onda nəyə lazım idi bu boyda həngamə? Bunun adı baş aldatmaqdı. Klubun prezidenti istefa verdi. Bir neçə güclü oyunçusu "Qəbələ"ni tərk etdi. Yəqin ki, Gürcüstan klubu ilə qarşılaşacaq. Ümid edək ki, komanda nəticə göstərə biləcək. Əsas məsələ reytinqimizin artırılmasıdı. Tək "Qarabağ"la bunu bacarmayacağıq. Ona görə də "Qəbələ"yə də diqqət ayrılmalıdı.
- Bir az ölkə çempionatından danışaq. Premyer-liqamızda 8 komanda iştirak edir. Vaxtilə 24 klub mübarizə aparırdı.
- Çox düzgün vurğuladız - 8 klub. Bunların da 6-sı AFFA tərəfindən maliyyələşir. Hanı “Kəpəz”, “Şəmkir”, “Xəzər Lənkəran”, “Karvan”, “Şahdağ”, “Turan” və başqa klublar? Bunların hər biri futbolumuzun bir rəngi idi. Məgər ölkə çempionatı təkcə Bakıdan ibarətdi? Sonra da deyirlər, milli komanda oynamır. 8 klubdan seçim etməyə yetərli qədər futbolçu yoxdu.
- Yeri gəlmişkən, yığmanın son oyunları barədə çox müzakirələr aparılır. Hərə günahı fərqli yerdə görür - futbolçularda, məşqçidə, AFFA-da və s. Siz necə fikirləşirsiz, müqəssir kimdi?
- Xaricdən kimi istəyirsən gətir, məşqçi kimi bu cür sistemlə yığma formalaşdımaq qeyri-mümkündü. Bu cür oyunla Avropa çempionatına vəsiqə qazanmaq mümkünsüzdü. Ortaya sual çıxır: bu cür olacaqsa, xaricdən məşqçi gətirmək nəyə lazımdı? Bu qədər vəsait niyə xərclənməlidi? Olmaz ki, bu vəsait elə yerli məşqçilərə ayrılsın? Nazim Süleymanov danışır deyə, “onu gətirək” söhbəti deyil. Bizim PRO kateqoriyalı nə qədər məşqçimiz var. O maliyyənin üçdəbirini onlara versək, görün necə can yandırarlar. U-21-in Lixtenşteynə məğlubiyyəti aidiyyatı adamlara bir siqnal olmalıdı. Eyni zamanda bölgə futbolu inkişaf etməlidi. Bu olmasa, futbolçuları hardan yığaq, hardan cəlb edək? Xaricdə oynayan elə də çox futbolçumuz yoxdu. Ölkə çempionatında iştirak edən klublar müstəqil olmalıdı. Klubları yaxşı saxlaya biləcək insanlar var. Sadəcə, onlara imkan verilmir. Baxın, 2 milyon əhalisi olan Kosovonun 12, 500 minlik Maltanın 14, qonşu Gürcüstanın 10 klubu yüksək liqada iştirak edir. Divizionda vəziyyət lap biabırçıdı. Qalib komanda elitaya vəsiqə qazanmır. Bu o deməkdi ki, futbolun inkişafına gedən yolun qarşısını alırıq. Bir sözlə, problem qərar verənlərdədi. Ona görə də yığmanın məğlubiyyəti bu gün yox, daha əvvəldən başlayır.
- “Sumqayıt”da bir müddət baş məşqçi kimi fəaliyyət göstərdiz. Amma qısa zamanda klubdan ayrıldız. Səbəb nə idi?
- Ayrılmağa səbəb odu ki, klubun rəhbərliyi futbol yox, başqa şeylər haqda fikirləşir. Futbolçu öz potensialını göstərmək üçün gücünü, ağlını, bacarığını yaşıl meydanda sərf etməlidi. Amma təəssüf ki, Azərbaycanda elə futbolçular var ki, meydanda yox, ondan kənarda "oynayır". “Sumqayıt” mənimlə müqavilə imzalayır, az sonra deyir ki, “bağışla, sənə yaxşı yol”. Bəli, deyə bilərsiz ki, özün yazmısan ərizəni. Amma mən ərizəni yazmasaydım, növbəti oyunu 0:7 uduzacaqdım. Yəqin nə dediyimi anlayırsız. “Səbail”lə səfərdə oynayırdıq. 15-ci dəqiqədə 0:2 geridəyik. Hələ bir penalti zərbəsini də rəqib qapımıza vura bilmədi. Bilirsiz, bu nə deməkdi? Bu futbolda başqa şeylərdən xəbər verir.
- Sizdən əvvəl Samir Abasov da narazı getdi…
- Baş məşqçinin çantası həmişə yanında olmalıdı. Mən böyük həvəslə “Sumqayıt”a gəldim. Samirin yenə bir neçə il imkanı oldu klubu formalşdırmağa. Mən gələndə isə artıq nə transfer etmək mümkün idi, nə də dəyişiklik. Hansı ölkədə klub prezidenti həm də menecerdi? Amma bizdə var. Məgər “Sumqayıt” zəif oynayırdı ki, məni uzaqlaşmağa məcbur etdilər? Bu cür idarəetmə ilə futbol inkişaf edə bilməz. Hamı futbol üçün işləməlidi. Şəxsi mənafeləri kənara qoymaq lazımdı.
- Hazırda nə ilə məşğulsuz?
- Azərbaycan Futbol İctimaiyyətinin Azad Həmkarlar İttifaqını yaratmışıq. “Sumqayıt”da mənim başıma bu oyunlar gətirildikdən sonra qərara aldıq ki, ittifaq kimi fəaliyyət göstərək. Azərbaycanda yerli məşqçi və oyunçuları klubdan birtərəfli çıxarırlar. Amma əcnəbi futbol mütəxəssislərinin, həkimlərin, oyunçuların müqavilələrinə xitam verilsə də, onlara axırıncı qəpiyə qədər ödəniş edilir. İstəyimiz bizlərə qarşı haqsızlığın qarşısını almaqdı. Məsələ ilə bağlı AFFA-nın katibi Elxan Məmmədovla da görüşmüşük. Bizim təşəbbüsümüzü müsbət qiymətləndirdi. Qeydiyyat məsələsində dəstək olacağını söylədi. Bu işdə mənimlə birlikdə Samir Ələkbərov, Novruz Əzimov, Səmədağa Şıxlarov, Əfqan Talıbov, Babək Alxasov, Nadir Şükürov və başqa şəxslər var. Biz birlikdə Gəncə, İmişli, Masallı, Buzovnada futbol ictimaiyyəti ilə görüşdük. İlk növbədə əsas məqsəd genişlənmək və daha sonra konfrans keçirməkdi.
- Olduğunuz yerlərdə hansı problemləri gördüz?
- Ürəkağrısı ilə qeyd edim ki, Masallıda futbol məktəbi acınacaqlı vəziyyətdədi. Uşaqların məşq etməsi üçün top yoxdu. Buzovnanın o cür bazası nə gündədi. İmişlidə qapının toru yoxdu. 21-ci əsrdə Azərbaycanın bölgələrində futbol bax, bu vəziyyətdədi. Əvvəllər maliyyə yox idi, qəbul etmək olardı. Bəs indi? Bu qədər maliyyənin olduğu vaxtda niyə problemlər həllini tapmır? Məqsədlərimizdən biri də bu problemləri araşdırmaq, üzə çıxarmaq və həll olunmasına yardımçı olmaqdı.
RƏŞAD hazırladı
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 14:42 “Şüvəlan” FK bəyanat yaydı Dünən, 17:16 Qol vura bilməməsi Raufu narahat edir Dünən, 17:14 İsgəndər Cavadov “Kəpəz”in prezidenti, Yaşar Vahabzadə baş məşqçisi təyin olundu Dünən, 17:11 “Sumqayıt” yeni loqoya görə xərcə düşməyib Dünən, 17:05 “Səbail”in debüt səhvləri Dünən, 17:02 Əmsalımız artsa da, mövqeyimiz dəyişmədi Dünən, 16:54 Sənan Qurbanov “Dinamo” ilə bağlı ətraflı məlumat toplayıb Dünən, 16:51 “Qarabağ”lılar diqqətli olmalıdı! Dünən, 16:49 “Dandolk”un məşqçisi təmsilçimizi təriflədi Dünən, 16:44 “Qəbələ” “Dinamo” ilə oyun ərəfəsində daha bir legionerlə anlaşdı Dünən, 16:42 Moldovalı azarkeşlərin Efrosa demədikləri qalmadı Dünən, 16:24 Transfer dosyesi Dünən, 16:21 Yaşar Vahabzadə AFFA-dan başqa hamını qınadı Dünən, 16:09 Gerye: qovulub, yoxsa qaçıb? Dünən, 16:07 “Sabah”da yeni qapıçı Dünən, 16:06 Rüfətin komandası heç-heçə ilə başladı Dünən, 15:58 Tuladakı oyunun saatı bilindi, biletlər satışa çıxarıldı 19-07-2019, 13:46 10 idman növündə 122 idmançı 19-07-2019, 13:43 Kənan Hənifəyev bu dəfə Tulaya səfərin anonsunu verdi 19-07-2019, 13:39 Nazim Süleymanov və tərəfdarları deputatlarla görüşdü 19-07-2019, 13:37 Sabiq “Everton”lu “Qarabağ”ın qol ümidi oldu 19-07-2019, 13:34 Stuxlik “Olimpiakos”un oyununa təyinat aldı 19-07-2019, 13:29 Gerye növbəti dəfə diqqəti çəkdi 19-07-2019, 13:19 “Partizani” getdi, “Dandolk” gəlsin! 19-07-2019, 13:16 Qurban Qurbanov Ayltonla Geryeni müqayisə etmək istəmədi 18-07-2019, 17:41 "Sperantsa" mətbuat katibini Bakıya gətirməyib 18-07-2019, 17:39 “Biz axmaq deyilik ki, meydanı sulayaq” 18-07-2019, 17:37 Bordini istənilən hesablı qələbə qane edəcək 18-07-2019, 17:33 “Qəbələ” vətənə qələbə ilə dönür 18-07-2019, 17:30 “Qəbələ”nin futbolçusu Çexiya klubunda 18-07-2019, 17:28 Sezar “Keşlə”də icarə əsasında oynayacaq 18-07-2019, 17:26 “Sumqayıt”a Türkiyədə Ukrayna və Rusiyadan futbolçular qoşulacaq 18-07-2019, 17:22 Yurçeviç hesabat verib? 18-07-2019, 17:19 Papure: “Sabah sizə göstərəcəm!” 18-07-2019, 17:13 “Səbail” möcüzə axtarışında, “Neftçi” üçün formal oyun 17-07-2019, 15:43 Mirabdulla səfərdə qələbə qazanacaqlarına inanır 17-07-2019, 15:40 “Səbail” bu gün yola düşür 17-07-2019, 15:35 Azər Bağırov “Turan Tovuz”u çalışdıracaq 17-07-2019, 15:33 Gerye “Qarabağ”ı aldatdı 17-07-2019, 15:30 “İmarət”lə “Qarabağ Ordu”nun hərəsində 500 nəfər olacaq 17-07-2019, 15:29 “Qarabağ” “Partizani”ni “Dalğa”da boğa biləcəkmi? 17-07-2019, 15:27 Albaniyadan nə azarkeş gəlir, nə də jurnalist 17-07-2019, 15:25 Lerda “Qarabağ”ın büdcəsini açıqladı 17-07-2019, 15:20 “Qarabağ”da mərakeşli müdafiəçi 17-07-2019, 15:18 “Zirə”nin həkimi Samir Abasova görə istefa verdi 17-07-2019, 15:16 Bezotosnı Ukrayna mətbuatına danışdı 17-07-2019, 15:14 “Zirə”dən növbəti transferlər 17-07-2019, 15:07 Pərdisin keçidi yubanır, Sezar da gəlir 17-07-2019, 15:02 “Sabah” Sumqayıtdan qalib döndü 17-07-2019, 10:06 Həftənin idman proqramı 17-07-2019, 10:01 “Sumqayıt 70”dən yubiley hədiyyəsi 17-07-2019, 09:59 “Neftçi” – “Sperantsa”: hakimlər açıqlandı, biletlər satışa çıxarıldı 17-07-2019, 09:56 "Forza Neftçi" bu gün Bakıya çatacaq 17-07-2019, 09:54 Emil Balayev qol buraxmadı, rəmzi komandaya düşdü 17-07-2019, 09:52 “Dauqavpils” Əli Şirinovu rənglərinə bağladı 17-07-2019, 09:47 Stankoviç Kişinyovda oynamadığına görə üzgündü 17-07-2019, 09:43 Yığmanın heyəti açıqlandı Bütün xəbərlər
Ən çox oxunanlar