10 iy 12:19gundem

Avrokubok marafonu başlayır: bayraq “Qarabağ”dadı!


Çempionlar Liqası
1-ci təsnifat mərhələsi, ilk oyun
Partizani (Albaniya) – Qarabağ
Hakimlər: HOLVARDUR ARNASON, Yohann Qunnar Qudmundsson, Andre Viqvusson, Petur Qudmundsson (hamısı Islandiya).
Hakim-inspektor: Konrad Plauts (Avstriya).
UEFA nümayəndəsi: Tammo Bayşuyzen (Hollandiya).
10 iyul. Tirana. “Selman Stermasi” stadionu. Saat 19.30
Sabah Azərbaycan komandaları üçün avrokuboklarda marafon başlayır. Mövsümü qitə kuboklarında ən uğurlu klubumuz olan “Qarabağ”la açacağıq. Ən sanballı turnirdə - ÇL-də mübarizəyə start verən Qurban Qurbanovun yetirmələri birinci təsnifat mərhələsində Albaniya çempionu “Partizani” ilə qarşılaşacaq. İlk duel səfərdə baş tutacaq. Paytaxt Tirananın 9500 yerlik “Selman Stermasi” stadionunda gerçəkləşəcək oyun Bakı vaxtı ilə saat 19.30-da start götürəcək və “CBC Sport” telekanalı vasitəsilə canlı yayınlanacaq.
Yenə alban sınağı
Ardıcıl son 5 avrokubok mövsümündə qitə turnirlərinin qrupunda yarışan (4 dəfə Avroliqa - 2014/15, 2015/16, 2016/17, 2018/19, bir dəfə Çempionlar Liqası - 2017/18) “Qarabağ” son illərin uğurlarını təkrarlamaq iddiasındadı. Ağdam təmsilçisi Çempionlar Liqasında ikinci dəfə tarix yazmaq, qrupa düşmək əzmindədi. Eyni uğura doğru ilk addımı atmaq üçün Qurbanovun yetirmələri Albaniya səddini adlamalıdı. “Qarabağ” ötən il də ÇL-də alban təmsilçisi ilə qarşılaşmış və Azərbaycan klublarının bu ölkə təmsilçiləri ilə üzləşdiyi sindroma son qoymuşdu. Hərçənd bu, ikinci cəhddə - ev oyununda mümkün olmuşdu. “Neftçi”nin “Şkenderbü” səddində ilişdiyi, “İnter”in (“Keşlə”nin) səfər qolu ilə “Laçi”ni keçdiyi duellərdə qələbə qeydə alınmamışdı. “Qarabağ” da ikinci mərhələdə üzləşdiyi “Kukesi”nin müqavimətini qıra bilməmiş (0:0), yalnız evdə 3 cavabsız qolla qalib gələrək, alban klubları üzərində ilk qələbənin memarı olmuşdu. Xatırladaq ki, bu duelin qalibi növbəti mərhələdə "Dandalk" (İrlandiya) - "Riqa" (Latviya) cütünün güclüsü ilə qarşılaşacaq. Göründüyü kimi, ikinci mərhələdə də rəqib münasib olacaq. Odu ki, “Partizani” səddi itkisiz keçilməlidi.
Titulları ilə öyünən rəqib
“Partizani” köklü, titullu klubdu. Tiranalıların 16 dəfə ölkə çempionu, 15 dəfə ölkə kubokunun qalibi olması bundan xəbər verir. Hərçənd bu uğurların çoxu “min doqquz yüz çoxdanıncı illər”ə təsadüf edib. Son çempionluğu nəzərə almasaq, “Partizani” axırıncı dəfə 1993-cü ildə ölkə çempionluğuna yiyələnmişdi. Ancaq “Qarabağ”ın rəqibinin avrokubok təcrübəsi də yetərincədi. Çempionlar Liqasında 20 (+4=5-11), Kuboklar kubokunda 10 (+2=3-5), İntertoto kubokunda 6 (+2=0-4), UEFA kuboku/AL-də 21 (+1=3-17) oyun keçirib. Ümumilikdə qitə turnirlərində 57 oyun keçirən paytaxt təmsilçisi ötən mövsüm Albaniya çempionatında 70 xalla birinci yeri tutub. Bununla da ən yaxın izləyicisi “Kukesi”ni 11 xal qabaqlayıb. “Partizani” indiyədək “Qarabağ”la qarşılaşmasa da, digər klublarımızla bir neçə dəfə yoldaşlıq oyunlarında üz-üzə gəlib. Belə ki, 2014-cü ildə Antalyda yoldaşlıq oyununda “Neftçi” ilə qarşılaşan “qırmızı öküzlər” 0:2 məğlub olmuşdusa, 2017-də qardaş ölkədəki digər sınaq matçında “Qəbələ”yə 2:1 hesabı qalib gəlmişdi. Bu uğur alban mütəxəssis Şkender Qeqa ilə qazanılsa da, bu yay baş məşqçi postunda dəyişiklik edilib. Komandanın “sükanı arxasına” Franko Lerda gətirilib. 51 yaşlı italiyalının sərəncamında Nigeriya, Şimali Makedoniya, Kosovo, ABŞ, Qambiya, Finlandiya, Braziliya, Qana kimi ölkələrdən legionerlər var.
“Qarabağ”: özünü gizlədən “sirli qutu”
“Qarabağ” nəinki “Partizani”, elə bizim üçün də “kəsilməmiş qarpız”dı. Söhbət ağdamlıların avrokubok mövsümünə Avstriyada hazırlaşmasından, Albaniyaya da məhz birbaşa ordan yollanmasından gedir. Son 6 mövsümün dəyişməz çempionu bu ölkədə 4 sınaq matçı keçirdi. Avstriya toplanışında Bolqarıstan “Ludoqorets”i ilə siftə edən “Qarabağ”ın yeganə məğlubiyyəti məhz bu matça təsadüf etdi - 0:2. Bundan sonra Qurbanovun komandası “Səbail”in Avroliqadakı rəqibi Rumıniya “Universitatya”sı ilə qolsuz bərabərliyə imza atdı. Növbəti iki görüşdə təmsilçimiz 4 qola imza atdı: Rusiya “Ufa”sını 2:1 məğlub edən çempionumuz ardınca Cexiyanın “Viktoriya” klubu ilə məhsuldar heç-heçəyə imza atdı - 2:2. Göründüyü kimi, ilk iki oyunda məhsuldarlıq baxımından axsayan Qurban Qurbanovun komandası son oyunlarda bu problemi yoluna qoyub. Xüsusilə son matçda dubla imza atan Mahir Əmrəlinin formada olması sevindirməyə bilməz. İndiki məqamda “Qarabağ” iki transfer reallaşdırıb ki, hələlik bu futbolçular barədə rəy bildirə bilmirik. Hayme Romero iş başında olsa da, onun “Partizani” ilə ilk oyunda start heyətində yer alıb-almayacağı bəlli deyil. “Neftçi”dən tanıdığımız Aylton Silvaya gəlincə, məhz “ağ-qaralar”ın heyətində avrokuboklarda aldığı qırmızı vərəqə Ayltonun “Partizani”ylə ilk oyunda meydana çıxmasını mümkünsüz edir. İstənilən halda, əsas heyət üzvlərini qorumağı bacaran “Qarabağ” sürprizə imkan verməməli, səfərdən sərfəli nəticə ilə dönməlidi.
Qeyd edək ki, “Partizani” – “Qarabağ” qarşılaşmasını İslandiyadan olan hakimlər briqadası idarə edəcək. Baş hakim Holvardur Arnasona Yohann Qunnar Qudmundsson və Andri Viqfusson kömək edəcək. Dördüncü hakim funksiyasını isə Petur Qudmundsson yerinə yetirəcək. Matçın hakim-inspektoru bizə yaxşı tanış olan, sabiq FİFA referisi Anar Salmanovun avstriyalı mentoru Konrad Plautsdu. UEFA nümayəndəsi funksiyasını isə isə Hollandiyadan olan Tammo Bayşuyzen yerinə yetirəcək.
Onu da əlavə edək ki, baş hakim Arnason 2010-cu ildən FİFA referisidi. Bunadək 37 yaşlı hakimin yolu Azərbaycan təmsilçiləri ilə bir dəfə kəsişib ki, o da "Qarabağ"la bağlı olub. Bu, 2011-ci il iyunun 30-da Avropa Liqasının 1-ci təsnifat mərhələsinin ilk matçları çərçivəsində Litvada "Banqa"nı 4:0 hesabıyla məğlub etdiyiyimiz görüşdü. Arnason bu qarşılaşmada hər 2 sarı vərəqəni litvalılara göstərib. Xatırladaq ki, bu, "Qarabağ"ın avrokuboklardakı 23 illik tarixində ən böyükhesablı səfər qələbəsidi.
MİRAĞA
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 14:42 “Şüvəlan” FK bəyanat yaydı Dünən, 17:16 Qol vura bilməməsi Raufu narahat edir Dünən, 17:14 İsgəndər Cavadov “Kəpəz”in prezidenti, Yaşar Vahabzadə baş məşqçisi təyin olundu Dünən, 17:11 “Sumqayıt” yeni loqoya görə xərcə düşməyib Dünən, 17:05 “Səbail”in debüt səhvləri Dünən, 17:02 Əmsalımız artsa da, mövqeyimiz dəyişmədi Dünən, 16:54 Sənan Qurbanov “Dinamo” ilə bağlı ətraflı məlumat toplayıb Dünən, 16:51 “Qarabağ”lılar diqqətli olmalıdı! Dünən, 16:49 “Dandolk”un məşqçisi təmsilçimizi təriflədi Dünən, 16:44 “Qəbələ” “Dinamo” ilə oyun ərəfəsində daha bir legionerlə anlaşdı Dünən, 16:42 Moldovalı azarkeşlərin Efrosa demədikləri qalmadı Dünən, 16:24 Transfer dosyesi Dünən, 16:21 Yaşar Vahabzadə AFFA-dan başqa hamını qınadı Dünən, 16:09 Gerye: qovulub, yoxsa qaçıb? Dünən, 16:07 “Sabah”da yeni qapıçı Dünən, 16:06 Rüfətin komandası heç-heçə ilə başladı Dünən, 15:58 Tuladakı oyunun saatı bilindi, biletlər satışa çıxarıldı 19-07-2019, 13:46 10 idman növündə 122 idmançı 19-07-2019, 13:43 Kənan Hənifəyev bu dəfə Tulaya səfərin anonsunu verdi 19-07-2019, 13:39 Nazim Süleymanov və tərəfdarları deputatlarla görüşdü 19-07-2019, 13:37 Sabiq “Everton”lu “Qarabağ”ın qol ümidi oldu 19-07-2019, 13:34 Stuxlik “Olimpiakos”un oyununa təyinat aldı 19-07-2019, 13:29 Gerye növbəti dəfə diqqəti çəkdi 19-07-2019, 13:19 “Partizani” getdi, “Dandolk” gəlsin! 19-07-2019, 13:16 Qurban Qurbanov Ayltonla Geryeni müqayisə etmək istəmədi 18-07-2019, 17:41 "Sperantsa" mətbuat katibini Bakıya gətirməyib 18-07-2019, 17:39 “Biz axmaq deyilik ki, meydanı sulayaq” 18-07-2019, 17:37 Bordini istənilən hesablı qələbə qane edəcək 18-07-2019, 17:33 “Qəbələ” vətənə qələbə ilə dönür 18-07-2019, 17:30 “Qəbələ”nin futbolçusu Çexiya klubunda 18-07-2019, 17:28 Sezar “Keşlə”də icarə əsasında oynayacaq 18-07-2019, 17:26 “Sumqayıt”a Türkiyədə Ukrayna və Rusiyadan futbolçular qoşulacaq 18-07-2019, 17:22 Yurçeviç hesabat verib? 18-07-2019, 17:19 Papure: “Sabah sizə göstərəcəm!” 18-07-2019, 17:13 “Səbail” möcüzə axtarışında, “Neftçi” üçün formal oyun 17-07-2019, 15:43 Mirabdulla səfərdə qələbə qazanacaqlarına inanır 17-07-2019, 15:40 “Səbail” bu gün yola düşür 17-07-2019, 15:35 Azər Bağırov “Turan Tovuz”u çalışdıracaq 17-07-2019, 15:33 Gerye “Qarabağ”ı aldatdı 17-07-2019, 15:30 “İmarət”lə “Qarabağ Ordu”nun hərəsində 500 nəfər olacaq 17-07-2019, 15:29 “Qarabağ” “Partizani”ni “Dalğa”da boğa biləcəkmi? 17-07-2019, 15:27 Albaniyadan nə azarkeş gəlir, nə də jurnalist 17-07-2019, 15:25 Lerda “Qarabağ”ın büdcəsini açıqladı 17-07-2019, 15:20 “Qarabağ”da mərakeşli müdafiəçi 17-07-2019, 15:18 “Zirə”nin həkimi Samir Abasova görə istefa verdi 17-07-2019, 15:16 Bezotosnı Ukrayna mətbuatına danışdı 17-07-2019, 15:14 “Zirə”dən növbəti transferlər 17-07-2019, 15:07 Pərdisin keçidi yubanır, Sezar da gəlir 17-07-2019, 15:02 “Sabah” Sumqayıtdan qalib döndü 17-07-2019, 10:06 Həftənin idman proqramı 17-07-2019, 10:01 “Sumqayıt 70”dən yubiley hədiyyəsi 17-07-2019, 09:59 “Neftçi” – “Sperantsa”: hakimlər açıqlandı, biletlər satışa çıxarıldı 17-07-2019, 09:56 "Forza Neftçi" bu gün Bakıya çatacaq 17-07-2019, 09:54 Emil Balayev qol buraxmadı, rəmzi komandaya düşdü 17-07-2019, 09:52 “Dauqavpils” Əli Şirinovu rənglərinə bağladı 17-07-2019, 09:47 Stankoviç Kişinyovda oynamadığına görə üzgündü 17-07-2019, 09:43 Yığmanın heyəti açıqlandı Bütün xəbərlər
Ən çox oxunanlar