21 okt 00:33futbol20

“Gözəgörünməz qüvvə”: operatorlar “Futbol+”dəki illərini necə xatırlayır?

“Gözəgörünməz qüvvə”: operatorlar “Futbol+”dəki illərini necə xatırlayır?
Qəzetçilik çox çətin işdi. Həqiqətən də bir qəzetin araya-ərsəyə gəlməsi üçün böyük əmək sərf olunur. Burda iş yalnız yazmaq, redaktə etmək, qəzeti çapa göndərmək və satmaq ilə bitmir. Qəzetdə elə adamlar var ki, siz onları nə görürsüz, nə də yazılarını oxuyursuz. Heç imzaları da olmur. Bunlar operatorlardı. Onlara “gözüəgörünməz qüvvə” də deyə bilərik. Düzdü, son vaxtlar elmi-texniki tərəqqi ilə bu vəzifəyə artıq ehtiyac qalmayıb. Hər kəsin fərdi kömpüteri var, hamı klaviaturada yazmağı bacarır. Amma “Futbol+”in 20 illik ömründə xeyli operatora ehtiyac duyulub. Elə vaxt olub ki, bir neçə operator birgə çalışıb. Bəlkə də məhz həmin əməkdaşlar “qəzetçilik qoxusunu” ən yaxşı duya bilənlərdi. Görəsən, onlar həmin illəri necə xatırlayır?
Esmira Xəlilova: “Mahir mənim qrup yoldaşım olub. O vaxt “Hürriyət” qəzetində işləyirdim. 1997-98-ci illər idi. “Futbol+”ə də ordan keçdim. Operator kimi çalışırdım, yazılar hazırlayırdıq. Mahir, Vüsal, Rövşən, İlkin və başqalarının yazıları əlimizin altından keçirdi. Ən yaxşı diqtə edən Mahir müəllim idi. Onu heç kimlə müqayisə etmərəm. Orda işləyə-işləyə ondan o qədər şey öyrənmişəm ki. Sonra həmin təcrübəni, öyrəndiklərimi işimdə tətbiq etmişəm. Onun redaktəsi, söz seçimi, müsahibələri həmişə gözəl olurdu. Təzə gələn uşaqlar isə zəif oxuyurdular. Səhvləri çox olurdu. Həmin illəri heç vaxt unutmaram. Maraqlı kollektivimiz var idi, gənc, həvəsli. Düzünü desəm, bir qəzetin 20 il yaşayacağını düşünməzdim. Bu ağlımın ucundan belə keçməzdi. Artıq böyük bir dövr keçib, uğurlu yol olub. “Futbol+”ə arzularım sonsuzdu. Mahir müəllim başda olmaqla hamıya uğurlar, cansağlığı arzulayıram. 30, 40, 50 illik yubileyləri qeyd edək. “Futbol+”in səsi yalnız Azərbaycandan yox, dünyadan gəlsin”.
Sənubər Kazımova: “Bu qəzetin ilk nömrəsini biz yığmışıq. O vaxt “Futbol+”in kompüteri yox idi. Biz “Hürriyyət”in kompüterində işləyirdik. Çox əziyyətlə, 6 gün işləyirdik. Jurnalistlər özləri yığa bilmirdilər. Redaksiyada kompüter qıtlığı var idi. Bütün yük bizim üzərimizdəydi. Üstəlik, Mahir bəy də bizi bazar günü də çağırırdı (gülür). Çox əsəbləşirdik. O vaxtlar çox maraqlı idi. Gözəl kollektivlə çalışırdıq. O vaxt insanlar gözəl, münasibətlər də səmimi idi. Ən çox Mahir bəy yazı yığdırırdı. Mən də onu qıcıqlandırırdım, xətrinə dəyirdim. Bazar günlərinin hirsini ondan çıxırdım. Rəşad, Vüsal və Rövşən çox utancaq oğlan idi. Qızarır, başlarını aşağı salırdılar (gülür). Biz onlara kömək edirdik. Çünki qaydaları yaxşı bilirdik. Rövşənin diqtəsi çox ağır idi. Düzünü deyim, mən “Futbol+”ə hər zaman qısqanmışam. Bizim ailədə hər zaman birinci yerdə bu qəzet olub. Mahir bəy vaxtının 100 faizini o qəzetə sərf edib və davam edir. Yarımsaat, bir saat evdə olur, həmişə qəzet haqda danışır. Davalarımız da olub bununla bağlı. Çox səmimi deyim, əsəbləşsə də, Mahirin ailəsi qəzet olub. Bu, əsl övlad sevgisidi. Onun çalışqanlığını, əməyini görəndə fikirləşirdim ki, bu qəzet 20 il yox, daha uzunömürlü olacaq. Hərdən ondan övladlarımızın yaşını soruşuram. Vaxt olur ki, deyə bilmir. Çünki fikri-zikri qəzetdi (gülür). Qəzetə daha uzun ömür arzulayıram. Mahirin əməyi yerdə qalmasın. Biz o vaxt necə mehriban idiksə, kollektivə də eyni mehribanlıq arzulayıram. Orda xeyli jurnalist yetişib. Qısqansam da, çox qürurlanıram. Bu qəzetin adı daha da ucalardan gəlsin. O vaxt toyumuzda Zeynal müəllim çıxış edəndə demişdi ki, Mahir, sən ölkədə olmayan şeydən, yəni futboldan yazırsan. Həmin sözləri heç vaxt unutmaram. Amma uğurlar gəldi, Mahir qəzeti ən yüksək səviyyədə qurdu. Hamınıza uğurlar diləyirəm”.
Könül Niftəliyeva: “Məni tarixə qaytardız. O vaxtları çox yaxşı xatırlayıram. Hər şey əla idi. Düzdü, arada davalarımız, söz-söhbət də olurdu (gülür). 2003-cü ildən 2008-ə qədər orda işləmişəm. Əvvəlki kollektiv çox yaxşı idi. Yeni gələndə mənim üçün yazı yazmaq çox çətin idi. Sonra Xəyalə mənə kömək etdi, öyrəşdim. Gecə 12-yə qədər qalırdım. Metroya güclə çatırdım. O vaxt yazını ən ləng diqtə edən Mehman idi. O bizim ömrümüzü çürüdürdü (gülür). Saat 12-yə kimi ona görə qalırdıq. Mahir müəllim o vaxt növbətçilik sistemi yaratmışdı. Həftədə bir dəfə növbətçi olurduq. Orda iş yoldaşım Röyal var idi. Onunla birlikdə Tahirin başına oyunlar açırdıq (gülür). Deməli, bir dəfə Röyal mənimlə Tahirin şəklini düzəltmişdi. Güya mən gəlinəm, Tahir də bəy. Onu otağın divarına vurmuşdu. Arxamızda da Polad Ələmdar var idi. Çox dəhşətli dava-qırğın olmuşdu. Tahiri dəli eləmişdik. Mahir müəllim də deyirdi ki, Tahirin ürəyi zəifdi, bir gün sizin əlinizdən öləcək (gülür). Xatirələr çoxdu. Mən “Futbol+”in onilliyində olmuşam. İstərdim ki, 20 illiklə bağlı tədbir olsun, köhnə uşaqlar yığışsın. Çox sevinərəm. Qəzetə uzun ömür arzulayıram. Qələminiz iti olsun”.
Səlminaz Qasımova: “2001-dən 2006-ya kimi çalışmışam. Çox yaxşı illər keçirmişəm orda. Ağır iş rejimi olsa da, kollektivimiz gənc və çalışqan idi. Münasibətlərin xoşluğu bizə işin ağırlığını unutdururdu. Ən asan yazılar daxili şöbədə olurdu. Uşaqlar mətni səlis diqtə edirdilər. Ən pis oxuyanlar isə Natiq və Mehman idi. Həm də yazıları çox olurdu. Xatirələrim çoxdu. İndi bir-biri xatırlaya bilmərəm. İşdən ayrılandan sonra da köhnə uşaqlarla danışırıq. Müxtəlif tədbirlərdə üz-üzə gəlirik. Əlaqələrimiz yaxşıdı. “Futbol+” qəzetinə uğurlar diləyirəm. Mahir müəllimə çox böyük hörmətim var. Çox savadlı və yaxşı insandı. Onun əməyi çox böyükdü. Odu ki, bu liderliyi hər zaman əlində saxlasın”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 02:04 Şahin Diniyevin oyunsonrası açıqlamalarının xronikası Dünən, 02:00 Turdan məqamlar Dünən, 01:55 İdman jurnalistlərinin vahid platforması yaradılıb Dünən, 01:50 "Qəbələ" fərqi artırdı Dünən, 01:47 Lökbatanda "6 xallıq" oyun Dünən, 01:43 Hakimlərin mühakiməsi Dünən, 01:38 “Çelsi”ni Bakıdan məyus yola salmaq olar Dünən, 01:34 “Kəpəz”də Yunis Hüseynov dönəmi başladı Dünən, 01:30 “Kəpəz”in Şəhriyarları günahı Diniyevdə yox, özlərində görür Dünən, 01:27 Vüqar yenə qol vursa da… Dünən, 01:25 “Traktorsazi” İsfahanda şok yaşadı Dünən, 01:21 Ruslan Qurbanov yazdı, “Neftçi” azarkeşləri coşdu Dünən, 01:16 İlham Əliyev FİFA-nın prezidentini qəbul etdi Dünən, 01:11 UEFA Azərbaycana 71 min avro göndərdi Dünən, 01:07 Yığma üzvləri Rusiyada sevindi Dünən, 01:05 “Lokomotiv” avrokubokda debüt oyununa çıxır Dünən, 01:01 Olimpiya çempionu Vladiqafqazda fərqləndi Dünən, 00:57 Çingiz Hüseynzadə vəzifəsində qaldı Dünən, 00:55 “Araz”dan çətin qələbə Dünən, 00:49 “Çelsi” də “Atletiko”nun taleyini yaşasın! 20-11-2017, 20:12 Mikayıl Nərimanoğlunun kadrı “Kəpəz”dən qovuldu 20-11-2017, 20:09 Şahin Diniyevin istefasını şərtləndirən səbəblər 20-11-2017, 20:01 "Səbail"in əvəzediciləri də "Kəpəz"ə qənim oldu 20-11-2017, 19:59 Polina Rəhimovanın komandası vahid lider oldu 20-11-2017, 19:58 Lider 3 xalı 1 qolla qazandı 20-11-2017, 19:57 “Qəbələ” bu dəfə də keçilməz oldu 20-11-2017, 19:55 “Neftçi”nin “fanşop”unda təsbeh də satılır 20-11-2017, 19:52 Rüfət Dadaşov 14-ə çatdı 20-11-2017, 19:50 Qısaömürlü, lakin unudulmaz futbol qəzeti 20-11-2017, 19:42 Ağr atletikada cəza müddəti 8 aya enə bilər 20-11-2017, 19:39 Ayxan Abbasov “Zirə”nin oyununda geriləmə görmür 20-11-2017, 19:37 1:1 seriyası bitdi, “Keşlə”nin məğlubiyyətləri yox 20-11-2017, 19:35 Cahangir Həsənzadə danışa bilmir 20-11-2017, 19:34 Konte “Qarabağ”la matçı mövsümün ən vacib oyunu sayır 20-11-2017, 19:32 Debütant önündə yenilgi Diniyevin sonu oldu 20-11-2017, 19:30 Liderlər xal itirmədi 20-11-2017, 19:28 “Qarabağ”ın fanklubları stadionda polis istəmir 19-11-2017, 15:39 U21 millimiz üçün biabırçı 3 ay - XRONOLOGİYA 19-11-2017, 14:59 "21 Oktyabrdan... 20 il sonra" filmi - TRAİLER 19-11-2017, 13:56 Dünya çempionu məşqlərə qatılmır 19-11-2017, 13:50 Tərlan Əhmədov: “Elnur Cəfərov 99 faiz “Neftçi”dən göndəriləcək” 19-11-2017, 13:49 Elnur Cəfərov müsahibədən boyun qaçırdı 19-11-2017, 13:45 Xaqani Məmmədov ofisiant işləyən hakimi yanına çağırdı 19-11-2017, 13:33 “Məsuliyyətdən yayınmaq üçün ictimaiyyətə yanlış fikirlər sırımaq istəyən şəxslə nə danışasan?” 19-11-2017, 13:30 U-21-in üzvləri köməkçi-məşqçilərdən şikayət edib? 19-11-2017, 13:26 Faiq Cabbarov növbəti həftəni gözləyir 19-11-2017, 13:14 Babək Alxasov U-21-dən ayrılmaqla centlmen kimi davrandığını düşünür 19-11-2017, 13:13 Elxan Məmmədov UEFA nümayəndələri ilə görüşdü 19-11-2017, 13:10 Aqil Nəbiyev İmişli stadionuna ziyan vurmadığını deyir 19-11-2017, 13:08 "Qarabağ" azlıqda da güclüdü 19-11-2017, 13:04 Mahmud Qurbanov ÇSKA-nın futbol akademiyasında olub 19-11-2017, 13:01 “Zaqatala” ilk qələbəni çempionla dueldə qazandı 17-11-2017, 22:35 SSRİ idman ustasını MGA-dan da qovdular 17-11-2017, 22:32 “Oyun alğı-satqısı ilə bağlı əsl bazar premyer-liqadadı” 17-11-2017, 22:30 “Kəpəz”in mühasibatlıq sənədləri və möhürü hələ də Bakıdadı 17-11-2017, 22:29 Azərbaycan DÇ-də kimə azarkeşlik edəcək? 17-11-2017, 22:25 Üç yığmaya 4 namizəd Bütün xəbərlər
Ən çox oxunanlar