17 okt 16:44futbol20

20 ildə “Futbol+”in bütün saylarını yığan oxucu

20 ildə “Futbol+”in bütün saylarını yığan oxucu
Vüqar İsmayılov: “Orda elə məlumatlar var ki, heç bir məbləğ onlara dəyməz”
20 yaş… Zarafat deyil, necə deyərlər, bir igidin ömrüdü. Bəli, “Futbol+” bir neçə gün sonra məhz əsrin beşdəikisini arxada qoyacaq. Bu illər bir göz qırpımında keçib desək, yanılmarıq. Amma müddət çox uzundu. “Futbol+”çilər zamanı illərlə yox, qəzetin sayı ilə ölçürlər. Yalnız biz yox, oxucularımız da. Bunun adı sadiqlikdi. Geridə qalan 3886 saya sadiq qalmaq da asan məsələ deyil. Lakin elə oxucular var ki, bunu bacarıblar. Əsl sadiqlik nümayiş etdiriblər. Hansı ki, ilk gündən başlayaraq qəzetimizin bütün saylarını oxuyub, indi də kolleksiya kimi saxlayırlar. Belə şəxslərdən biri də Vüqar İsmayılovdu. Qubada yaşayan, qaz idarəsində kargüzarlıq işləriylə məşğul olan Vüqar bəyin belə böyük həvəs və maraqla qəzetimizin bütün saylarını yığması hamımızı təəccübləndirdi. Öncə ona görə ki, Quba Bakı deyil ki, hər addımda köşk tapasan. Bu üzdən Vüqar bəyə tribuna vermək qərarına gəldik.
- Vüqar bəy, istərdik ilk sayımızı əldə etdiyiniz günü xatırlayasız. Necə oldu ki, həmin gün “Futbol+” aldız? Axı hansısa reklam, anons getməmişdi.
- Adi bir gün idi. Mən, ümumiyyətlə, kitaba, qəzetə meyilli adamam. Çox oxuyuram. Həmin gün də köşkə getdim. Çoxdan arzulayırdım ki, ölkədə normal futbol qəzeti olsun. Müstəqillikdən sonra normal idman qəzeti yox idi. İdman mətbuatında böyük durğunluq hökm sürürdü. SSRİ dövründə “Sovetski sport” oxuyurduq. Sonrakı 6-7 il heç nə oxuya bilmədik. Köşkə yaxınlaşan kimi satıcı oğlan dedi ki, belə bir qəzet çıxıb. Mən də aldım, baxdım. Çox xoşuma gəldi. Üstündə Anatoli Banişevskinin fotosu var idi. Yalan olmasın, həmin qəzeti hardasa 10 dəfə oxudum. Çox sevinmişdim. Yeganə üzüldüyüm o idi ki, həmin vaxt qəzet həftədə bir dəfə çıxırdı. Amma o dönəmlər keçdi. Hamısını yığmağa başladım.
- Bütün sayları bir yerdən almısız, yoxsa fərqli-fərqli yerlərdən? Ola bilər ki, hansısa işlə bağlı başqa yerə gedəsiz.
- “Futbol+”i ilk aldığım köşk hardasa 3 ilyarım işlədi. Sonra onu bağladılar. Ondan sonra başqa köşkdən almağa başladım. Hardasa 13-14 ildi həmin köşkdən alıram. Hər dəfə gedirəm, alıram. Mən getməsəm də, saxlayırlar. Bəli, təsadüflər olub ki, üç-dörd dəfə işlə bağlı Bakıya getmişəm, qəzeti ordan almışam. Mən “Futbol+”siz dayana bilmirəm. Məcbur oluram ki, alım, mütləq oxuyum.
- Harda saxlayırsız bu qədər qəzeti? Xüsusi saxlanc var, yoxsa elə otağınızda?
- Xüsusi saxlanc yoxdu. İl ərzində hardasa 200-dən çox qəzet çıxır. Onları üç yerə bölürəm. Ayrı-ayrılıqda bağlama edirəm. Bağlamaları da qutulara yığmışam və şkafa qoymuşam. Hazırda evdə təmir işləri gedir. Qəzetlərin hamısını qutulara yığıb, kənara çıxarmışam. Təmir bitəndən sonra yenidən əvvəlki yerə qaytaracam.
- O qədər qəzet yer tutur. Evdə narazılıq etmirlər?
- (gülür) Arada söz-söhbət olur. Lakin nəzərə alırlar. Bilirlər ki, mən bunun xəstəsiyəm. Bəzən deyirlər ki, bu nədi, yığmısan bura, tərpənmək olmur. Amma yola verirlər. Problem olmur. Yer çox tutsa da, saxlamalıyam. Başqa variantım yoxdu.
- Həm də bunun maliyyə tərəfi var...
- Bu o qədər problemli iş deyil. Dediyim kimi, mən qəzetsiz yaşaya bilmirəm. Ömrümün sonuna kimi belə də gedəcək. 50 qəpik, 1 manat olsa da, almalıyam. Yolun yarısında dayanan deyiləm ki.
- Sizdən bu qəzetlərdən istəyən olubmu? Məsələn, materiallardan istifadə etmək istəyən, oxumağa meyilli olan.
- Bəli, o qədər. Qubada, ümumiyyətlə, şimal zonasında idmana, xüsusilə futbola maraq çox böyükdü. Azarkeşlərimiz çoxdu. Futbol tarixi, köhnə komandalar haqda söhbət düşəndə uşaqlar alıb oxuyurlar. Bu qəzetlərdə xeyli faktlar var.
- Heç qaytarmayan olub?
- Olub, cəmi bir dəfə. 6-7 il əvvəl bir nəfər qəzeti aldı, amma qaytarmadı. Sonra bilindi ki, çayxanada itiribmiş. Mən də Mahir Rüstəmliyə zəng etdim. Sağ olsun, tapdı, göndərdi mənə. Çünki qəzetin çapından çox keçmişdi, köşdə yox idi. Saylar dağılmasın deyə, vacib idi həmin qəzet.
- 20 il ərzində “Futbol+”də ən narazı qaldığınız nədi?
- Çətin sualdı. Mən bu qəzeti sevə-sevə oxuyuram. Amma xoşuma gəlməyən məqamlar da var. Mən Rusiya futbolunun azarkeşiyəm. Həmişə onları diqqətdə saxlayıram, baxıram. Sizin qəzetdə Rusiya çempionatına yer az ayrılır. Türkiyə superliqasına isə bir səhifə, səhifəyarım yer ayrılır. İstərdim Rusiya çempionatı haqda da çox yazılsın. Nə də olmasa, qonşu ölkədi. Düzdü, son vaxtlar Elzamin Hacıyev, Tahir Mirzə rus jurnalistlərin materiallarını tərcümə edib, yazır. Amma istərdim ki, oyunların şərhi, təhlillər çox olsun. Bunlar, demək olar ki, yox səviyyəsindədi. Bundan əlavə, statistik məlumatlar azdı. Gündən-günə hər şey dəyişir. İstərdim ki, həm bizim, həm də xarici ölkələrin çempionatlarının geniş statistikaları dərc olunsun. Statistikaya ən azı həftədə bir səhifə ayrılsa, əla olar. Çox vaxt kitabların tərcümələri gedir. İndi Kriştiano Ronaldonun kitabının tərcüməsi gedir. Amma ürəkaçan deyil. Belə deyək, saqqız kimi uzanır. Tam zövqlə oxumaq olmur.
- Bəs ən çox xoşladığınız?
- Əslində çoxdu. Üslub xoşuma gəlir. Dünya və Avropa çempionatlarından əvvəlki xüsusi buraxılışlarınızı çox bəyənirəm. Orda hər bir məlumat olur. Özü də tərtibatı əladı. Üstəlik, gündəlik saytlardan bəzən arxiv materiallar gedir. Həm də bütün mövzuları sona kimi araşdırırsız.
- Bir neçə dəfə “Futbol+”in keçirdiyi müsabiqələrə qatılmısız. Hətta bir dəfə televizor udmuşduz.
- Bəli. “Neftçi” haqda müsabiqədə birinci yeri tutmuşdum. O vaxt mənə komandanın bütün forma koleksiyası hədiyyə olunmuşdu. Televizoru isə başqa müsabiqədə qazanmışdım.
- İşləyir həmin televizor?
- Onu işlətmədim. Çünki rəngli deyildi. Onu qohumuma verdim, özüm rəngli plazma aldım. Lakin bilirəm ki, hazırda da işləyir.
- Yalnız “Futbol+” alırsız, yoxsa başqa aldığınız qəzetlər də var?
- “Arqumentı i faktı” qəzetini alıram. Həftədə bir dəfə işıq üzü görür. Bir də “Zerkalo”nun qolu olan, həftədə bir dəfə çıxan “Nedelya” qəzetini alıram. Bunlar ictimai-siyasi proseslərdən xəbər tutmağım üçün vacibdi. Əvvəllər bizdə futbol jurnalları çıxırdı. Amma indi yoxdu, ala bilmirik. Necə deyərlər, bazarda kasıbçılıqdı. Hazırda meydanda tək “Futbol+” qalıb.
- Gələcəkdə bu qəzetləri nə edəcəksiz?
- Heç bilmirəm (gülür)... Hələlik mənim yolumu gedən yoxdu. Mən də yığmaqda davam edirəm.
- Hərraca çıxarmaq fikriniz yoxdu?
- Yox. Nə verəcəklər ki ordan mənə?
- İndi bu müsahibəni oxuyandan sonra biri çıxıb desə ki, “15 min manat verirəm, qəzetləri ver mənə”. Qərarınız nə olacaq?
- Bu, mümkün deyil. Bilirsiz necədi, orda elə məlumatlar var ki, heç bir məbləğ onlara dəyməz. İstəyirəm həmin materialları elektron formada da saxlayım. Lakin vaxtım olmur. İmkan tapan kimi edəcəm.
- Futbolla maraqlanan, həvəsi olan övladınız varmı?
- Oğlum və qızım var. Oğlum arabir mənimlə futbola baxır. Lakin o qədər də marağı yoxdu. Məndə olan həvəs onda yoxdu.
- 20 il qəzet alıb-yığmaq sadiqliyin göstəricisidi. Həyatda da belə sadiq insansız?
- Özümü tərifləmək kimi çıxmasın. Amma dostluğa, qardaşlığa sadiq insanam. Tanıyanlar xasiyyətimi bilirlər. Hamı ilə yola gedirəm, hər kəs də mənə hörmət edir.
- Hansı komandanın azarkeşisiz?
- Mən gözümü açandan “Neftçi” azarkeşiyəm. Bu komandanın bütün oyunlarına baxıram. Lakin indi o qədər də güclü deyil. Məcburuq ki, “Qarabağ”a da azarkeşlik edək. Çünki ölkəmizi Çempionlar Liqasında təmsil edir. Dünyada isə Moksva “Lokomotiv”inin azarkeşiyəm. Onlara böyük simpatiyam var. Bu kluba 20 ildi fanatlıq edirəm. Vaxtilə Moskvada yaşamışam, düz “Lokomotiv”in stadionunun yaxınlığında qalırdım, oyunlarına gedirdim. Hətta futbolçularla da tanışlığım var idi. Düzdü, o vaxt Moskvada hamı “Spartak”a azarkeşlik edirdi. Ona görə ki, “Lokomotiv” o qədər güclü klub deyildi və medallara idda etmirdi. Lakin bu heç nə dəyişmədi.
- Sonda “Futbol+”lə bağlı arzularınızı eşitmək istərdik.
- Ən birinci cansağlığı. O olmayanda heç nə etmək mümkün deyil. İşinizə gəlincə, “qələminiz iti olsun” deyirəm. Tutduğunuz yoldan dönməyin. Tənqidi, ədalətli yazılarınız bol olsun. Siz onsuz da heç kimdən çəkinmirsiz. Baxmayaraq ki, ölkədə vəziyyət o qədər də yaxşı deyil. Necə var, elə də yazırsız. Buna görə sizi alqışlayıram.
ŞƏFİ ŞƏFİYEV
20 ildə “Futbol+”in bütün saylarını yığan oxucu
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:31 Qonşuların dueli Dünən, 19:29 5 oyuna cəmi 8 qol Dünən, 19:28 “6 xallıq oyun”u lider qazandı Dünən, 19:25 Aftandil Hacıyev Romada da əks-hücumlara ümid edəcək Dünən, 19:24 Deda yenə qol vursa da... Dünən, 19:21 Şehiçlə Dedimara eyni cəza: 3 oyun! Dünən, 19:20 “Neftçi” rəhbərliyi fürsəti əldən vermədi Dünən, 19:18 “Kəpəz”dəki məşqçi dəyişikliyi nə vəd edir? Dünən, 19:16 Yunis Hüseynov futbolçulara xəbərdarlıq etdi Dünən, 19:15 “Keşlə” “Neftçi”dən rəsmi müraciət gözləyir Dünən, 19:14 Bakıda FIFA-nın sammiti keçirildi Dünən, 19:12 “Şahdağ”ın sabiq rəsmisi Oruc Balaşlını “pul atmaqda” suçlayır Dünən, 19:11 “Keşlə”nin məşqçiləri Rəmiş Malıyevin qurbanı olub Dünən, 19:06 Reaksiyalar Dünən, 19:04 Ayağı qırılan azarkeş “Çelsi” ilə oyunu evdən izlədi Dünən, 19:02 BOS-da möhtəşəm xoreoqrafiya və böyük üzüntü Dünən, 18:58 Konte: “Hakim öz işini görməli, heç bir komandanın tərəfini tutmamalıdı” Dünən, 18:55 "Çelsi” + hakim = darmadağın Dünən, 18:54 “Lokomotiv” kiprliləri darmadağın etdi Dünən, 18:51 Yaşar Məmmədov AQF-nin strukturundan kənarda qaldı Dünən, 18:50 Məşqçilər Sadıq Sadıqova hakimlərdən şikayət etdi Dünən, 18:48 Bir oyun udur, bir oyun uduzur Dünən, 18:47 Teymur hədəfindən uzaq düşdü Dünən, 18:45 Portuqaliyalı referi "Qarabağ"ı "Çelsi"yə "yem etdi" Dünən, 18:41 Yığmanın heyəti açıqlandı 22-11-2017, 02:04 Şahin Diniyevin oyunsonrası açıqlamalarının xronikası 22-11-2017, 02:00 Turdan məqamlar 22-11-2017, 01:55 İdman jurnalistlərinin vahid platforması yaradılıb 22-11-2017, 01:50 "Qəbələ" fərqi artırdı 22-11-2017, 01:47 Lökbatanda "6 xallıq" oyun 22-11-2017, 01:43 Hakimlərin mühakiməsi 22-11-2017, 01:38 “Çelsi”ni Bakıdan məyus yola salmaq olar 22-11-2017, 01:34 “Kəpəz”də Yunis Hüseynov dönəmi başladı 22-11-2017, 01:30 “Kəpəz”in Şəhriyarları günahı Diniyevdə yox, özlərində görür 22-11-2017, 01:27 Vüqar yenə qol vursa da… 22-11-2017, 01:25 “Traktorsazi” İsfahanda şok yaşadı 22-11-2017, 01:21 Ruslan Qurbanov yazdı, “Neftçi” azarkeşləri coşdu 22-11-2017, 01:16 İlham Əliyev FİFA-nın prezidentini qəbul etdi 22-11-2017, 01:11 UEFA Azərbaycana 71 min avro göndərdi 22-11-2017, 01:07 Yığma üzvləri Rusiyada sevindi 22-11-2017, 01:05 “Lokomotiv” avrokubokda debüt oyununa çıxır 22-11-2017, 01:01 Olimpiya çempionu Vladiqafqazda fərqləndi 22-11-2017, 00:57 Çingiz Hüseynzadə vəzifəsində qaldı 22-11-2017, 00:55 “Araz”dan çətin qələbə 22-11-2017, 00:49 “Çelsi” də “Atletiko”nun taleyini yaşasın! 20-11-2017, 20:12 Mikayıl Nərimanoğlunun kadrı “Kəpəz”dən qovuldu 20-11-2017, 20:09 Şahin Diniyevin istefasını şərtləndirən səbəblər 20-11-2017, 20:01 "Səbail"in əvəzediciləri də "Kəpəz"ə qənim oldu 20-11-2017, 19:59 Polina Rəhimovanın komandası vahid lider oldu 20-11-2017, 19:58 Lider 3 xalı 1 qolla qazandı 20-11-2017, 19:57 “Qəbələ” bu dəfə də keçilməz oldu 20-11-2017, 19:55 “Neftçi”nin “fanşop”unda təsbeh də satılır 20-11-2017, 19:52 Rüfət Dadaşov 14-ə çatdı 20-11-2017, 19:50 Qısaömürlü, lakin unudulmaz futbol qəzeti 20-11-2017, 19:42 Ağr atletikada cəza müddəti 8 aya enə bilər 20-11-2017, 19:39 Ayxan Abbasov “Zirə”nin oyununda geriləmə görmür 20-11-2017, 19:37 1:1 seriyası bitdi, “Keşlə”nin məğlubiyyətləri yox Bütün xəbərlər
Ən çox oxunanlar