14 fev 15:30evezediciler, manset

Kamran Quliyev “Sumqayıt”ın əvəzedicilərinə görə narahatdı

Kamran Quliyev “Sumqayıt”ın əvəzedicilərinə görə narahatdı
“Bizə verilən sertifikatın da müddəti başa çatıb”

Fasilədən sonra “Sumqayıt”ın əsas komandası məğlubiyyət acısı dadmasa da, təəssüf ki, eyni sözləri əvəzedici heyət haqda söyləmək qeyri-mümkündü. 2015/16 mövsümündə Rövşən Babayevin rəhbərliyi altında “kimyaçılar”ın ikinci komandası çempionatı “bürünc”lə başa vurmuşdusa, yayda baş məşqçi postuna gətirilən Mübariz Orucov uğurun davamını gətirə bilmədi və bu üzdən qış fasiləsində rəhbərlik onu Elbrus Məmmədovla əvəzləməyə qərar verdi. Ancaq qış fasiləsindən sonra komandanın 4 oyunda meydanı başıaşağı tərk etməsindən belə qənaətə gəlmək mümkündü ki, ümumiyyətlə, əvəzedicilərdə seleksiya işi düzgün qurulmayıb.
Məsələ ilə bağlı “gənclik şəhəri”nin təmsilçisinin ikinci komandasının baş məşqçisi Elbrus Məmmədovla danışmaq istrəsək də, onunla əlaqə saxlamaq mümkün olmadı. Səbəb isə onun və “Neftçi”də çalışan Samir Əliyevin PRO kateqoriyası əldə etmək üçün Ukraynada təşkil olunan kurlslara qatılması və son imtahanı verməsidi. Əldə etdiyimiz məlumata görə, hər ikisi istəyinə nail olub, adlarını PRO kateqoriyalı mütəxəssislər sırasına yazdırmağı bacarıblar. Elbrus bəyin yoxluğunda köməkçisi, qış fasiləsinə qədər komandaya rəhbərlik edən və eyni zamanda U-16 yığmasında baş məşqçinin köməkçisi funksiyasını daşıyan Mübariz Orucovla danışmaq istədik. Lakin Mübariz bəy baş məşqçinin geri qayıtmasını gözləməyimizi, bütün sualları ona ünvanlanmağımızı məsləhət gördü. Orucov özündə cəsarət tapıb sulları cavablamayınca, üz tutduq “ağ-göylər”in prezidenti Kamran Quliyevə. Məhz klub rəhbəriylə söhbətdə “Sumqayıt”ın ehtiyat qüvvəsinin hansı səbəbdən belə zəif təsir bağışladığını aydınlaşdırmağa çalışdıq.

- Hər dəfə sizi “Sumqayıt”ın əsas komandasının çıxışına görə narahat edirdik. Bu dəfə isə əvəzedici heyətin nəticələrinə görə sizinlə danışmaq istəyirik. Bu gün (dünən) əvəzedicilər “Neftçi”yə 0:6 hesıbıyla məğlub oldu. Ehtiyat qüvvənin belə zəif oyunu sizi narahat etmir?
- Açığı, əvəzedicilərin “Neftçi”yə böyük hesabla uduzacağını gözləmirdik. Xatırlayırsızsa, əvəzedicilər çempionata Rövşən Babayevin rəhbərliyi altında hazırlaşdı. Lakin müəyyən səbəblərdən onunla yolları ayırdıq və komanda Mübariz Orucova tapşırıldı. O yığmada işlədiyindən bəzən komandadan ayrılırdı. Bunları nəzərə alıb qış fasiləsində “sükan”ı təcrübəli Elbrus Məmmədova tapşırdıq. Yeri gəlmişkən, onu da qeyd edim ki, bu gün əvəzedici heyətin 90 faizi sumqayıtlı gənclərdən, akademiyamızın yetirmələrindən qurulub. Şablon da olsa, deməliyəm ki, onlara yeni məşqçinin rəhbərliyi altında özlərini göstərmək üçün müəyyən zaman lazımdı. Artıq PRO kateqoriyası alan Elbrus müəllim qayıdıb gələndən sonra görüşüb söhbət edəcəyik. Böyük ehtimalla, cari mövsümün sonuna kimi əvəzedicilərdə top qovan futbolçulara müəyyən şans verəcəyik ki, bacarıqlarını ortaya qoysunlar. Yayda isə məşqçilər korpusu və futbolçular ilə ciddi söhbətimiz olacaq. Bu məsələdə yeganə müsbət məqam ondan ibarətdi ki, ikinci komandamızda akademyanın 2000/01 doğumlu yetirmələri çıxış edir. İnanmaq istərdik ki, onlar sabah daha yüksək səviyyəyə qalxa biləcəklər. Məncə, nəticələr ürəkaçan olmasa da, biz düzgün yoldayıq.
- “Kəpəz”lə matçda komanda ilk hissədən sonra rəqib qapısından 3 cavabsız top keçirsə də, sonda 3:4 hesabıyla məğlub oldu...
- Bu günə kimi başa düşə bilmirəm ki, həmin gün nə baş verdi. Bu faciədi. Əvəzedici heyətin əsas məqsədi əsas komandaya futbolçu yetişdirməkdi. Amma 3:0 öndə olduğun qarşılaşmada sonradan məğlub olmaq... Dünya futbol tarixində belə hallar 10-15 ildən bir yaşanır.
- Bu gün AFFA-nın bayrağı altında keçirilən çempionatda iştirak edən “Sumqayıt” Futbol Akademiyasının komandalarının da nəticələri ürəkaçan deyil. Sizə elə gəlmir ki, aşağı yaş qruplarında işlər düzgün qurulmayıb?
- U-16 komandamız ilk “5-lik”dədi. Həmin kollektivdən 5 nəfər də yığmaya cəlb olunub. Müyyən yaş qrupları var ki, tək bizdə yox, ümumilikdə respublikada çox zəifdi. Yenə deyirəm, aşağı yaş qruplarının əsas məqsədi əsas komandaya futbolçu yetişdirməkdi. Mən aşağı yaş qruplarımızın A komandaya layiqli futbolçu yetişdirməsinə daha çox sevinərəm, nəinki öz yaş qruplarında keçiririlən çempionatda yer tutmasına. Bir sözlə, mənə kadr lazımdı, nəticə yox.
- Bəs aşağı yaş qruplarına ayılan maliyyə? Nəticə olmayacaqsa, bu pullar nəyə sərf olunur? Aşağı yaş qruplarında çalışan məşqçilərə niyə bu qədər maaş verirsiz?
- Biz kənara yox, gələcək üçün yatırım edirik. Bəzən elə olur ki, yeniyetmə 16, 17, 19 yaşda yox, sonradan özünü göstərə, potensialını ortaya qoya bilir. Futbolda belə olur və bu üzdən aşağı yaş qruplarına yatırım olmalıdı. Bundan başqa, ötən yay və bu qış biz akademiyaya təcrübəli mütəxəssislər dəvət etmişik. PRO kateqoriyalı Elbrus Məmmədov əvəzedici heyətə baş məşqçi təyin olunub, Baba Əsgərov U-16-nın “sükanı arxasına” gətirlib. Təcrübəli Sabir Əliyev akademiyanın əlaqələndiricisidi. Bütün bunlar gələcək üçün atılmış addımlardı. Ümid edirəm ki, gördüyümüz işlər yaxın vaxtlarda bəhrə verəcək. Uca zirvələri fəth etmək üçün isə bizə daha çox maliyyə və daha yaxşı şərait lazımdı. Bilirsiz ki, şərait baxımından öndə gedən klublardan deyilik. Bütün bu çatışmazlıqlara baxmayaraq, əvəzedicilərin vəziyyəti məni çox narahat edir. Onların zəif nəticələrinin səbəbini aydınlaşdırmağa çalışacağıq.
- Son vaxtlar süni örtüklə bağlı çox müzakirə gedir. “Kapital Bank Arena”nın da sintetik örtüyə malik olduğunu nəzərə alsaq, bu problem sizi də narahat etməyə bilməz. “Kapital Bank Arena”nın süni örtüyünə verilən sertifikatın müddəti nə vaxt başa çatir?
(müsahibə tam halda qəzetin çap variantında)
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
“Mil-Muğan”ın da hədəfi premyer-liqadı 17:14Qriqorçuk “Qarabağ”la oyunu böyük və ciddi hadisə sayır 17:11Tərəflərin xeyrinə və əleyhinə olan məqamlar 17:09Rəşad Sadıqov əcnəbi hakimlərə ehtiyac duyulduğunu gizlətmədi 17:06Zərərçəkmiş şəxs də “Futbol+”ə üz tutdu 17:04Günay Məmmədzadə ölkə çempionu oldu 17:02Teleyayın hüququnu Az.TV-yə Saleh Məmmədov verib 17:00Stadionlar oyunları qəbul etməyə hazırdı 16:57Qəbələdə yenə 2:0 və çempionatda lider dəyişikliyi (yenilənir) 16:23Vidadi Əhmədov 25 il əvvələ qayıtdı 12:17Eldar Qasımovla Xaqani Məmmədov “Kəpəz” rəsmilərini qəzəbləndirib 12:14AZAL mərakeşli futbolçu ilə anlaşdı 12:12Mirbağır İsayev niyə PRO kurslarına qatılmayıb? 12:11Mütəxəssislər prinsipial oyuna proqnoz verdi 12:09Bütün oxlar Fariz Yusifovu göstərir 12:07Fineonu soyan xanımlardan biri ələ keçdi 12:04“Sərbəstlər” Dünya Kubokuna iki qələbə ilə başladı 12:01“CBC Sport” Həndbol Federasiyasından inciyib 11:58Divizionda yeni ildə ilk istefa: “Şəmkir” Əliyevlə vidalaşdı 11:5415 qol vuruldu, qovulan olmadı 13:55Karpol klublarımızın superliqada oynamasına razıdı? 13:53“Mil-Muğan” səfərdə sevindi 13:51Şeydayev seçimini əsaslandırdı 13:49Kamran Quliyev: “Hakimliklə bağlı bəzi fikirlər narazılıq hissi ilə deyildi” 13:45“Əlimdə bir sübut olsaydı, axıra qədər gedərdim” 13:42Sabiqlər mərkəzi oyuna Fariz Yusifovu “təyin etdi” 13:33“Qəbələ” “Qarabağ”la oyun ərəfəsində azarkeşləri coşdurdu 13:29SSRİ-nin tanınmış veteranları İlham Əliyevə açıq məktub göndərdi 13:27Ermənistana sığınan Şahin Mirzəyev “Caspian Ultras”ın üzvüdü 13:25Günay Məmmədzadə vahid lider oldu 13:22Bilet satışında artım var 13:20PFL-dən Bəhmən Həsənova cavab gəldi 13:17Hakimlər Komitəsi üçün çıxış yolu: yenə otellərə yığın! 13:14“Neftçi” “Sumqayıt”ın seriyasını qırdı 16:37Nizami Hacıyev Prosineçkiyə səsləndi 16:34Tərlan Əhmədov yenə “İnter”ə bata bilmədi 16:30Bəhmən Həsənov: “PFL-in saytında oyun epizodlarını birtərəfli yerləşdirirlər” 16:27Heç-heçəsiz tur və 2000 şəmkirli 16:26“Bu söz-söhbəti qətiyyən yaxın buraxmıram” 16:21AFFA rəhbərliyi Almeyda ilə görüşməyə tələsmir 15:46“Toplantıda iştirakı əlavə vaxt itkisi saydıq” 15:45Əliyarla Zeynal “Qəbələ”yə yenidən əsas verdi 15:42PFL-in qəribə standartları... 15:41Mahmud Qurbanov Şeydayevin uğurlu olacağını düşünür 15:39Karateyə 3 milyon lazımdı 15:37İslamiada üçün “İncə” və “Cəsur” 15:33“Azərbaycan klubları və “Volero” yarışın səviyyəsini qaldıracaq” 15:32Çox, çox, çox maraqlı! 14:03Kamran Quliyev “Sumqayıt”ın əvəzedicilərinə görə narahatdı 15:30Şeydayevin yeni komandasında yarımmüdafiəçilər “at oynadır” 15:26Şəhriyar və Teymur yenə “Qran-pri” seriyasında çıxış edəcək 15:24Zirədə dramatik sonluq və yenə şübhəli hakim qərarları 15:21“Kəpəz” Gəncədə də uduzdu 15:17Samir Abasov şübhəsi olanlara mesaj göndərdi 15:14“Xəmsə” rəhbərliklə görüşə qatılmayıb 15:11Ufuk Budak debütünü qolla qeyd etdi 15:08Fransadan üç medalla 15:04 Bütün xəbərlər
Ən çox oxunanlar