“Qəbələ” gözlədi, “Səbail” yaxınlaşdı

Əvəzedici komandaların çempionatında daha iki görüş keçirilib. Dünən baş tutan oyunlardan biri məhsuldar alınıb, digərində isə əksinə, qalib 1 qolla müəyyənləşib. Liderin ən yaxın izləyicisi “Səbail” “Sumqayıt”ı top atəşinə tutub. “Gənclik şəhəri” təmsilçisi ikisi ilk yarıya, ikisi isə ikinci hissəyə təsadüf edən qollardan cəmi birinin əvəzini çıxa bilib, o da 87-ci dəqiqədə penaltidən baş tutub. Beləliklə, rəqibini böyük hesabla yenən Elman Sultanovun komandası “Qəbələ” ilə xal fərqini 5-ə endirib. Düzdü, lider bir oyun az keçirib. Emin İmaməliyevin komandasının məhz son turdakı görüşü təxirə salınıb. “Kəpəz”lə qarşılaşma aprelin 5-nə təyin olunub.
Əvəzedicilərin çempionatı
3-cü dövrə, 19-cu tur
9 mart
Səbail – Sumqayıt 4:1
Emil Həsənzadə, 14. Tahir Mirzəyev, 36-öz qapısına. Asif Mirili, 84. Ramil Orucov, 90 - Elvin Nəsibov, 87-p.
Qarabağ – Zirə 1:0
Nicat Süleymanov, 40,
Turun açılış oyunu martın 8-də baş tutub: Neftçi – Keşlə 1:1 (Cavidan Qasımlı, 39 - Sinan Akkoyun, 90+1).
1. Qəbələ 18 13 2 3 60-18 41
2. Səbail 19 11 3 5 35-26 36
3. Keşlə 19 7 10 2 28-21 31
4. Qarabağ 19 7 4 8 25-30 25
5. Zirə 19 6 5 8 22-29 23
6. Neftçi 19 5 6 8 15-24 21
7. Sumqayıt 19 4 5 10 20-40 17
8. Kəpəz 18 1 7 10 11-28 10
Bombardir: Ülvi İsgəndərov (Sumqayıt) - 15.