"Keşlə" liderin işinə yaradı

Dünən əvəzedici komandaların çempionatında 15-ci tura yekun vurulub. Turun son oyun günündə "Keşlə" "Səbail"i, "Neftçi” isə “Kəpəz”i sınağa çəkib. Paytaxt təmsilçisilərinin duelində meydan sahibləri inamlı qələbə qazanıb. Liderin ən yaxın izləyicisinin xalsız qalması "Keşlə" kimi, "Qəbələ"nin də işinə yarayıb. Beləliklə, turu məğlubiyyətlə bitirən bölgə təmsilçisinin yaxın izləyicisi ilə 8 xallıq fərqi dəyişməz qalıb. "Keşlə" isə bir pillə irəliləyərək ilk "üçlük"də özünə yer edib. Turun son oyununda qalib müəyyənləşməyib. "Neftçi"ylə "Kəpəz" hərəyə 1 qol vurmaqla 1 xal qazanıblar.
Əvəzedicilərin çempionatı
3-cü dövrə, 15-ci tur
12 fevral
Keşlə – Səbail 2:0
Sərxan Əhmədli, 17-öz qapısına. Elvin Cəbrayılov, 31.
Neftçi – Kəpəz 1:1
Tacir Əlizadə, 89 - Əli Səmədov, 42.
Turun qalan oyunlarının nəticələri: Zirə - Sumqayıt 1:1 (Sahil Cəfərov, 7 – Elvin Nəsibov, 82), Qarabağ – Qəbələ 5:3 (Ramil Şeydayev, 21. Ağabala Ramazanov, 34; 45. Salman Cəfərov, 47. Famil Camalov, 61 - Kamran Quliyev, 38. Elvin Məmmədov, 85; 87).
1. Qəbələ 15 11 2 2 51-14 35
2. Səbail 15 8 3 4 23-19 27
3. Keşlə 15 5 8 2 23-18 23
4. Zirə 15 6 4 5 21-22 22
5. Neftçi 15 5 4 6 13-19 19
6. Qarabağ 15 5 2 8 19-25 17
7. Sumqayıt 15 3 4 8 15-32 13
8. Kəpəz 15 1 5 9 10-26 8
Bombardir: Ülvi İsgəndərov (Qəbələ) – 13.