“Qəbələ”yə “Qarabağ” şoku

Derbiyə əsas komandanın oyunçuları damğa vurdu
Dünən əvəzedici komandaların çempionatında 15-ci tura start verilib. Heç şübhəsiz, günün mərkəzi oyunu lider “Qəbələ” ilə son çempion “Qarabağ”ın dueli idi. Qış fasiləsinə ən yaxın izləyicisindən 8 xal öndə yollanan və buna qədər cəmi 1 məğlubiyyəti olan “qırmızı-qaralar” prinsipial rəqibdən ağır zərbə alıb. Bəribaşdan qeyd edək ki, hər iki bölgə təmsilçisi əsas komandanın futbolçularının xidmətindən yararlanıb. Matça da onlar damğa vurub. “Qarabağ”ın 5:3 hesabı ilə qalib gəldiyi görüşdə Ağabala Ramazanov dubl edib, daha bir dəfə isə Ramil Şeydayev fərqlənib. “Qəbələ”də 3 qoldan ikisinin müəllifi Elvin Məmmədov olub.
Günün digər qarşılaşmasında “Zirə” və “Sumqayıt” hərəyə 1 qol vurmaqla 1 xal qazanıblar.
Əvəzedicilərin çempionatı
3-cü dövrə, 15-ci tur
11 fevral
Zirə - Sumqayıt 1:1
Sahil Cəfərov, 7 – Elvin Nəsibov, 82.
Qarabağ – Qəbələ 5:3
Ramil Şeydayev, 21. Ağabala Ramazanov, 34; 45. Salman Cəfərov, 47. Famil Camalov, 61 - Kamran Quliyev, 38. Elvin Məmmədov, 85; 87.
Turun qalan iki oyunu bu gün keçiriləcək:
12 fevral
Keşlə – Səbail
Hakimlər: VÜQAR HƏSƏNLİ, Cəmil Quliyev, Məmmədəli Kərimov, Mahir Məmmədov.
Hakim-inspektor: Vaqif Ayvazov.
Bakı. İnter Arena. Saat 15.00
Neftçi – Kəpəz
Hakimlər: NİCAT İSMAYILLI, Vüsal Qənbərov, Cavanşir Yusifov, Fərid Məmmədov.
Hakim-inspektor: Ceyhun Haşımov.
Bakı. Bayıl Arena. Saat 20.00
1. Qəbələ 15 11 2 2 51-14 35
2. Səbail 14 8 3 3 23-17 27
3. Zirə 15 6 4 5 21-22 22
4. Keşlə 14 4 8 2 21-18 20
5. Neftçi 14 5 3 6 12-18 18
6. Qarabağ 15 5 2 8 19-25 17
7. Sumqayıt 15 3 4 8 15-32 13
8. Kəpəz 14 1 4 9 9-25 7
Bombardir: Ülvi İsgəndərov (Qəbələ) – 13.