Çempion mövsümə məğlubiyyətlə başladı, “İnter Arena”ya qol yağdı

Həftəsonu əvəzedici komandaların çempionatında açılış turunun iki oyunu keçirilib. Mövsümə Binədə start verilib ki, ötən mövsümün bürünc medalçısı “Neftçi” çempion “Qarabağ”ı sınağa çəkib. Aftandil Hacıyevin komandası çempionata yenilgiylə başlayıb. Belə ki, “Neftçi” görüşdən minimal hesablı qalibiyyətlə ayrılıb. Oyunun taleyini əsas komandanın üzvü Fəhmin Muradbəylinin 29-cu dəqiqədə vurduğu qol həll edib.
Dünən isə “İnter”lə “Qəbələ” üz-üzə gəlib. Mövsümün açılış oyunundan fərqli, “İnter Arena”dakı görüşdə qol yağışı qeydə alınıb. Belə ki, azarkeşlər vurulan 8 qola şahidlik edib. Bölgə təmsilçisi 3 xalı darmadağınla qazanıb. Hər iki hissə eyni ssenariylə keçib. Belə ki, meydan sahibləri hər hissədə 1, qonaqlar isə 3 qola sevinib.
Əvəzedicilərin çempionatı
1-ci tur
12 avqust
Neftçi – Qarabağ 1:0
Fəhmin Muradbəyli, 29.
13 avqust
İnter – Qəbələ 2:6
Oleq Hüseynov, 24-p. Rafael Məhərrəmov, 80 – Roman Hüseynov, 10. Fərid Nəbiyev, 44. Ülvi İsgəndərov, 45. Sinan Akkoyun, 76-öz qapısına. Baxşəli Baxşəliyev, 90. Tural Məmmərzəyev, 90+1.
Tura bu gün yekun vurulacaq. “Zirə” debütant “Səbail”i, “Sumqayıt” isə “Kəpəz”i qonaq edəcək:
14 avqust
Zirə – Səbail
Hakimlər: İNQİLAB MƏMMƏDOV, Cavanşir Yusifov, Coşqun Həsənov, Nahid Xasıyev.
Hakim-inspektor: Azad Mütəllimov.
Zirə. İdman Kompleksinin stadionu. Saat 19.00
Sumqayıt – Kəpəz
Hakimlər: RƏVAN HƏMZƏZADƏ, Məmmədəli Kərimov, İsgəndər Əliyev, Emin Nağıbəyov.
Hakim-inspektor: Rufulla Kərimov.
Sumqayıt. Kapital Bank Arena. Saat 18.00