23 apr 13:05evezediciler

Əvəzedicilərin çempionatında həlledici sonluq

Əvəzedicilərin çempionatında həlledici sonluq
Hüseynqulu Quliyev: Görək, bu imtahanlardan üzüağ çıxara bilirikmi?“”
Aftandil Hacıyev: “Kim deyirsə ki, əvəzedicilərlə çempion olmaq istəmir, yalan danışır”
Samir Əliyev: “Bizim üçün nəticə vacib olsaydı, bəlkə indi rahat çempion olardıq”

Ölkəmizdə futbol mövsümü başa çatmaq üzrədi. Çempionatlarda sonra 2 tur qalsa da, premyer-liqa və birinci divizionda artıq çempionun kimliyi məlumdu. Elitada qızıl medallara “Qarabağ”, aşağı dəstədə isə “Turan Tovuz” yiyələndi. Lakin premyer-liqada mübarizə aparan komandaların əvəzedici heyətləri arasında keçirilən çempionatda hələ heç nə məlum deyil. Sona iki tur qalmış 3 komanda “qızıl” uğrunda mübarizə aparır. Bunlar lider “Qəbələ”, ikinci pillədə qərarlaşan “Qarabağ” və üçüncü yerdə gedən “Neftçi”di. İlk “üçlük” o qədər sıxdı ki, liderlə 3-cü yerdə qərarlaşan komanda arasında cəmi 4 xal fərq var: “Qəbələ” – 51, “Qarabağ” – 50, “Neftçi” – 47. Bütün bunları nəzərə alaraq, hər üç komandanın şanslarını dəyərləndirmək qərarına gəldik.

Qəbələ - 60 faiz
Qeyd etdiyimiz ki, hesabında 51 xal olan “qırmızı-qaralar” bu mövsüm keçirdiyi 26 matçın 16-dan qələbə ilə ayrılıb, 3 görüşdə heç-heçə edib, 7 qarşılaşmada isə meydanı başıaşağı tərk edib. Hüseynqulu Quliyevin yetirmələri son iki oyunda əvvəlcə evdə “İnter”i qəbul edəcək, səfərdə isə “Sumqayıt”la qarşılaşacaq. Bu mövsüm “Qəbələ” ilə “İnter” arasında baş tutan 3 oyunda minimal hesablar qeydə alınıb. Maraqlıdı ki, qarşılaşmaların ikisində bakılılar rəqibini məğlub edib, birində isə uduzub (1:0, 0:1, 1:0). Odu ki, 4-cü pillədə qərarlaşan “İnter” səfərdə Quliyevin komandasına başağrı ola bilər. Son matçda isə “Qəbələ” Sumqayıta səfər edəcək. Komanda səfərdə şəhərin eyniadlı komandası ilə üz-üzə gələcək. Hansı ki, bu mövsüm keçirdiyi hər 3 matçda rəqibini məğlub edib (3:1, 3:2, 3:1). Bu isə o deməkdi ki, “İnter” üzərində qazanılacaq mümkün qələbə həm “Neftçi”nin çempionluq yarışından kənarlaşdırılması ilə nəticələnəcək, həm də komanda son tur ərəfəsində yüksək motivasiya qazanacaq. Bütün bunları nəzərə alaraq, “Qəbələ”nin çempionluq şansını 60 faizlə dəyərləndirə bilərik.

Qarabağ – 30 faiz
“Qəbələ”dən cəmi 1 xal geri qalan Ağdam klubunun da çempionluq şansı var. Amma bunun üçün “Qəbələ”nin büdrəməsi lazımdı. Aftandil Hacıyevin yetirmələri son iki matçda “Sumqayıt” və “Neftçi” ilə qarşılaşacaq. “Köhlən atlar” bu mövsüm “kimyaçılar”ı hər üç görüşdə məğlub edib, qapısında qol belə görməyib – 2:0, 6:0 və 2:0. Qarşıdakı matçda da “Qarabağ”ın 3 xal qazanacağına yəqin ki, heç kim şübhə etməz. Lakin son turda bölgə təmsilçisini çox çətin səfər gözləyir. Rəqib üçüncü pillədə qərarlaşan, çempionluq şansını saxlayan “Neftçi”di. Ola bilər ki, “ağ-qaralar” növbəti tur çempionluq şansını itirsin. Bunun üçün “Qəbələ”nin “İnter”i məğlub etməsi lazımdı. Buna baxmayaraq, son görüşdə bakılılar “gümüş” üçün mübarizə apara bilər. “Qarabağ”la “Neftçi” arasında bu mövsüm keçirilən 3 oyunun ikisi ağdamlıların, biri isə bakılıların xeyrinə bitib (1:3, 1:0, 2:1). Top fərqi isə eynidi – 4:4. Bu isə o deməkdi ki, “Neftçi” evdə qələbə qazanarsa, birbaşa 2-ci pilləyə yüksələcək və gümüş medalları qazanacaq. “Qarabağ”ın çempionluq şansı 30 faizdi.

Neftçi – 10 faiz
Son iki tur ərəfəsində ən az şans “Neftçi”dədi. Mövsüm ərzində fərqli heyətlərlə oynayan, kollektivə xeyli gənc oyunçu cəlb edən komanda vacib xallar itirsə də, artıq minimum “bürünc”ü təmin edib. Bunun özü belə uğurdu. Çempionluq isə Samir Əliyevin komandası üçün sürpriz olar. Bunun üçün “Qəbələ” qalan iki oyunun birində uduzmalı, birində isə heç-heçə etməlidi. Bundan əlavə, “Qarabağ” da ən azı 2 oyundan birində məğlub olmalıdı. Bunu da son turda “Neftçi” özü etməlidi. “Neftçi” növbəti tur səfərdə “Zirə” ilə qarşılaşacaq. “Ağ-qaralar” bu matçda aşkar favoritdi. Ən azı ona görə ki, bu mövsüm rəqibini hər üç görüşdə məğlub edib (1:0, 2:1, 5:1). Bütün bunları nəzərə alaraq “Neftçi”nin “qızıl”a cəmi 10 faiz şansının olduğunu deyə bilərik. Amma bu futboldu, istənilən nəticə qeydə alına bilər.
Reaksiyalar
Hüseynqulu Quliyev, “Qəbələ”nin baş məşqçisi: “Qismət Allahdandı. Biz çalışırıq ki, çempion olaq. Mövsümün əvvəlində rəhbərlik tərəfindən qarşımıza çempion olmaq hədəfi qoyulmamışdı. Amma kollektivdə belə məqsəd var idi. Rəhbərliyin bizə tapşırığı o idi ki, əsas komanda üçün futbolçu yetişdirək. Bunu nə dərəcədə yaxşı bacardığımızı deyə bilmərəm. Lakin əlimizdən gələni etdik, əsas komandaya bir neçə oyunçu göndərdik. Çempionluğa gəlincə, iki oyunumuz var - “İnter” və “Sumqayıt”. Şanslar öz əlimizdə olsa da, hələ heç nə həll olunmayıb. “İnter”ə bu mövsüm iki dəfə uduzmuşuq. Rəqib çox yaxşı komandadı. Müdafiə futbolu oynayırlar. Onların müdafiəsini yarmaq çox çətindi. Bu üzdən matça yaxşı hazırlaşmalıyıq. Sumqayıt səfəri də çətin olacaq. Görək, bu imtahanlardan üzüağ çıxara bilirikmi?”
Aftandil Hacıyev, “Qarabağ”ın baş məşqçisi: “Mövsümün əvvəlindən bilinirdi ki, bu üç komanda çempionluq uğrunda mübarizə aparacaq. Son tura kimi mübarizənin davam edəcəyini təxmin edirdik. Çünki aşağı-yuxarı bu komandaların gücü eynidi. Əvəzedici komandalarda çempionluq o qədər önəmli olmasa da, bu bir uğur sayılacaq. Kim deyirsə ki, əvəzedicilərlə çempion olmaq istəmir, yalan danışır. Məqsəd çempionluqla yanaşı, həm də əsas komanda üçün oyunçu yetişdirməkdi. Komandada yaxşı ab-hava var. Son turda “İnter”lə qarşılaşdıq və xal itirdik. Baxmayaraq ki, üstün oynadıq və bir neçə şansımız oldu. Növbəti oyunumuz “Sumqayıt”ladı. Onlar da məğlub olmağı sevmirlər, yaxşı mübarizə aparırlar. Son turda da çətin “Neftçi” səfərimiz var. Onların da şansları qalır. Deyərdim ki, hər komandanın 2 çətin oyunu qalıb. İndidən şanslarımızın yüksək olduğunu desəm, yanılaram. Bizim əsas məqsədimiz son 2 oyunda qalib gəlməkdi. Həm də rəqiblərin xal itirməsini gözləməliyik”.
Samir Əliyev, “Neftçi”nin baş məşqçisi: “Çempionluq şansımız var, amma çox azdı. Bizim çempion olmağımız üçün gərək rəqiblərimiz xal itirsin. Mövsümün əvvəlində qarşımıza çempion olmaq məqsədi qoyulmamışdı. Əsas məqsədimiz yaxşı komanda formalaşdırmaq idi. Həm də əsas komandaya futbolçu yetişdirmək üçün xeyli iş gördük. İnanmırdıq ki, mövsümün sonunda ilk “3-lük”də olacağıq. Bu, bizim üçün böyük uğurdu. “Qəbələ” və “Qarabağ”la başabaş mübarizə apardıq. Bilirsiz ki, bizim futbolçularımızın çox hissəsi 1999 təvəllüdlülərdi. Yəni çox gənc komandamız var. Oynaya-oynaya gördük ki, bizim də şanslarımız var. Düzdü, məşqçilər korpusunun da səhvləri oldu. Mövsümün əvvəlində nəticəyə önəm vermədik. Bizim üçün nəticə vacib olsaydı, bəlkə indi rahat çempion olardıq. Gənclərdən istifadə etməyimizin bəhrəsini gördük. Mövsümün əvvəlində milli komandaya “Neftçi”dən üç-dörd futbolçu gedirdisə, U-19 yığmasının son toplanışına komandamızdan 8 nəfər çağırılıb. Bu böyük uğurdu. 3-cü yeri tutmaq da bizim üçün uğurdu. Həm çempionluq, həm də ikinci yerı tutmağımız sürpriz olacaq. Bu komanda növbəti mövsüm üçün hazırlanıb. Növbəti “futbol ili”ndə qızıl medallar uğrunda mübariz aparacağıq”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:29 Almaniyada Ömər Paşayevin səhhətində ciddi problem aşkarlanmayıb Bu gün, 00:27 Heç bir klub mətbuat katibinə protokol doldurmağı tapşırmır Bu gün, 00:26 Xaqani Məmmədovun düşmənləri sosial şəbəkədə “at oynadır” Bu gün, 00:23 Voleybolçular dünya çempionatına inamlı yollanır Bu gün, 00:21 Alesio yığmanın heyətini bu gün açıqlayacaq Bu gün, 00:19 “Sportinq” qrup mübarizəsinə uğursuz başlayır Bu gün, 00:05 Turun oyunçusu Bu gün, 00:04 TURUN SİTATI Bu gün, 00:02 Məhsuldarlıq rekord vurdu Bu gün, 00:01 Turun statistikası Dünən, 23:59 TURUN MƏŞQÇİSİ Dünən, 23:58 Turdan məqamlar Dünən, 23:56 16 medalın izi ilə... Dünən, 23:54 Xala və qola həsrət “Kəpəz”in baş məşqçisi məmnundu Dünən, 23:53 İntizam Komitəsi “Zirə”yə texniki məğlubiyyət verdi Dünən, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır Bütün xəbərlər
Ən çox oxunanlar