02 mar 12:37divizion

“Zaqatala” premyer-liqanı arzulayır

“Zaqatala” premyer-liqanı arzulayır
Rüstəm Məmmədov: “Qış fasiləsində 8 futbolçumuz başqa komandalardan təklif almışdı”
Vaxtilə Zaqatala səfəri deyəndə “Neftçi”, “Qarabağ”, “Xəzər Lənkəran” kimi komandalarda top qovan futbolçuların canına üşütmə düşərdi. “Simurq”la səfər qarşılaşmasından xalla qayıtmaq, necə deyərlər, hər oğulun başı üçün deyildi. Lakin Cahangir Hacıyevin üzləşdiyi məlum problemlərdən sonra Zaqatalada böyük futbol vaxtından əvvəl “canını tapşırdı”. Düzdü, indi rayonun birinci divizionda çıxış edən eyniadlı komandası var. Amma razılaşaq ki, bu həna o hənadan deyil. “Yaşıllar”ın gələcəklə bağlı planlarında ümidverici heç nə görünmür. AFFA rəhbərliyi regionlarda futbol olsun deyə, müəyyən vəsaitlə klubu yaşatmağa çalışır.
“Zaqatala” cari mövsümə yaxşı başlamasa da, tədricən özünə gəlməyi, mükafatçı yerlər uğrunda mübarizə aparmağı bacardı. Bu gün də iddialılar üçün çətin rəqiblərdən sayılır. Lakin bir sıra suallar var ki, cavabı hələ də çoxları üçün qaranlıqdı. Odu ki, komandanın baş məşqçisi, yaxın keçmişə qədər “Simurq”un uğurları üçün tər tökən Rüstəm Məmmədovla danışmağı lazım bildik.
- Sabah (bu gün) “Turan Tovuz”u qəbul edəcəksiz. Hədəf növbəti 3 xaldı?
- Sevindirici haldı ki, oyuna tam heyətlə hazırlaşırıq. Buna qədər zədəli və cəzalı futbolçularımız vardı. Şükür, bu dəfə belə problem olmayacaq. Yalnız Turan Manafov vərəqə cəzalısıdı. Hədəfə gəlincə, yalnız və yalnız qələbə haqda düşünürük. Heç-heçəni ağlımızın ucundan da keçirmirik.
- “Zaqatala”nın cari mövsüm üçün hədəfi nədi?
- Rəhbərlik tərəfindən qarşıya qoyulan hədəf Zaqatalada futbolun olması və yerli futbolçuların inkişaf etməsidi. Yəni turnir cədvəli baxımından hansısa tapşırıq qoyulmayıb. Amma məşqçilər heyəti olaraq qarşımıza yekunda ilk “3-lük”də yer almaq hədəfini qoymuşuq. Belə deyim, medallar uğrunda mübarizə aparırıq.
- Birdən çempion olduz. Növbəti mövsümdə “Zaqatala”nın premyer-liqada çıxış etməsi mümkün olacaqmı?
- Bu, bizdən asılı olan məsələ deyil. Çünki növbəti mövsümdə yüksək dəstədə neçə komandanın olacağını bilmirik. 8 iştirakçı qala, yaxud say 10-a, 12-yə yüksəldilə bilər. AFFA-nın lisenziyalaşdırma işlərində bacardığımız qədər fəal olmağa çalışırıq. Bildiyimə görə, bu mənada hansısa nöqsan aşkarlanmayıb. Aşağı yaş qruplarında 9 komandamız var. Onlardan 6-sı AFFA-nın bayrağı altında keçirilən yarışlarda iştirak edir. Stadion, baza, şərait – bunlar da lazım olan səviyyədədi. Çatışmayan təkcə sponsordu. Çempion olsaq və elitada iştirakımıza icazə verilsə, sizi inandırım, bu, Zaqatala üçün əsl bayram olar.
- Ümumi şərait necədi?
- Mükəmməl desəm, yalan olar, qənaətbəxşdi. Başqa rayonlarda, hətta Bakıda gördüklərimizdən qat-qat yaxşıdı. Birinci divizionda 1-2 klubun şəraiti bizimki ilə eyni olar, bəlkə də olmaz. Bəzən elə şəraitlə rastlaşırıq ki, Zaqataladakı şəraitə şükür edirik. Zaqatalaya gələn rəqiblər də bunu təsdiqləyə bilər.
- Maliyyə sıxıntısı yoxdu?
- Xeyr, qətiyyən. Divizion səviyyəsinə görə ortabablardan sayılırıq. Maaş vaxtında verilir, klubun İdarə Heyətinin sədri Musa Qurbanov sağ olsun, qələbələrə görə mükafat paylayır.
- Ətraf şəhər və rayonlardan gələn futbolçuların vəziyyəti necədi? Harda qalırlar, harda qidalanırlar?
- Olimpiya Kompleksinin ərazisində kotteclər var. İsti havalarda futbolçular orda məskunlaşır. Otaqların hər birində kondisioner var. Lakin isitmə sistemi olmadığından, qış aylarında stadiondakı bazada qalırlar. Vaxtilə “Simurq”un əvəzediciləri burda məskunlaşmışdı. 14 nəfər kənardan gələn uşaqlarımız var, bazada onlar üçün hər cür şərait yaradılıb, istilik sistemi çəkilib. Digər məsələyə gəlincə, kompleksin yeməkxanasında gündə üç dəfə yemək verilir. Hər uşağa aylıq təxminən 400 manat yeməkpulu ayrılır.
- “Zaqatala”da zaqatalalı futbolçuların sayı neçə nəfərdi?
- 13 nəfər yerli uşaqdı.
- Mövsümün ortalarında qələbələri sıralamağa başlamışdız. Belədə qış fasiləsində futbolçularınıza “elçi düşənlər” oldu?
- Çempionatın ilk yarısı başa çatan kimi 8 futbolçumuz başqa komandalardan təklif almışdı. İki-üç təklif həmkarlarım tərəfindən birbaşa mənə olmuşdu. Digərləri isə uşaqların özlərinə edilmişdi.
- Deyilənə görə, bölgədə yaşamaq çətindi. Nə üçün təklifləri dəyərləndirmədilər?
- Yekəxanalıq olmasın, bu gün onlar üçün yaradılan şəraiti özləri görür. Başqa komandalar aylıq 100-200 manat artıq maaş təklif edirdi. Lakin Bakıda yaşamaq üçün 100 yox, heç 200 manat artıq da bəs etmir. Kirayə ev tutmalıdı, özü qidalanmalıdı, yolpulu, yol yorğunluğu-filan. Bütün bunları nəzərə alanda “Zaqatala” sərfəli komandadı. Burda qalmağın üstünlüyü odu ki, stadion, trenajor zalı, təmiz hava sərəncamlarındadı. Boş vaxtlarını da futbola həsr edə bilirlər. Bakıda elədi ki, saatyarım məşq elədi, ondan sonra evinə getməlidi.
- Musa və Qurban Qurbanov qardaşları öz yerində, İlkin Qırtımov, Rasim Ramaldanov, Vüqar Mustafayev, hətta sizin özünüz də Zaqatala futbol məktəbində yetişən futbolçular kimi yadda qalmısız. Davamçılar yetişir?
- Bu dəqiqə sərəncamımda U-21 səviyyəsində 4-5 futbolçumuz var. Hər halda, sınanmağa layiqdilər. Hətta deyərdim ki, premyer-liqada da oynaya bilərlər. Sadəcə, gəncdilər, təcrübələri yoxdu. Təzyiqə öyrəşmələri, rəqabətə tab gətirmələri üçün vaxt lazımdı. Bizdə elədi ki, elitada oynayırsansa, nəticə verməlisən. Heç kim səni gözləmir.
- Həqiqətənmi bölgədəki bacarıqlı futbolçular diqqətdən kənarda qalır?
- Məncə də belədi. 18-20 yaş aralığında futbolçular elə yaş dönəmindədi ki, onlar üçün psixoloji durum olduqca vacibdi. Bəzən səfər oyununda özlərini tam göstərə bilmirlər. Hava şəraiti, yararsız meydan, yaxud azarkeş basqısı az da olsa, təsir edir. Ancaq doğma meydanda oynayanda tam fərqli təsir bağışlayırlar. Nəticələrə baxsaz, görərsiz ki, cari mövsümdə evdə yalnız bir oyunda – ilk turda “Keşlə-2”yə məğlub olmuşuq. Zaqatalada çempionluğa iddia edən “Sumqayıt-2”ni məğlub edib, MOİK-lə heç-heçə oynadıq. Həm uşaqlarda özünəinam olur, həm də meydanın durumu ürəkaçandı. Ona görə də yığma məşqçiləri gənc futbolçuları bölgələrdə izləsələr, yaxşı olar.
- Nəticələrdən söz düşmüşkən, mövsümə heç də yaxşı başlamamışdız. Lakin sonradan toparlanmağı bacardız ki, ardıcıl 10 oyunda komandanız məğlubiyyətin nə olduğunu bilmədi. Nə baş vermişdi?
- Ciddi heç nə baş verməmişdi. Sadəcə, yayda yeni komanda qurmuşduq. Xeyli sayda yeni futbolçu gəlmişdi, üstəgəl, çempionat başlayana qədər cəmi iki yoldaşlıq görüşü keçirmişdik. Halbuki azı 5-6 oyun keçirməliydik. Ona görə də anlaşma səviyyəsində müəyyən problemlərimiz vardı. Futbolçular oyundan-oyuna özlərinə gəldilər, uyğunlaşdılar.
- Qısa zamanda C və B kateqoriyalarına sahib olmuşduz. A lisenziyası haqda düşünmürsüz?
- Bu haqda rəhbərliklə söhbətimiz olub. İnşallah, bu il A kurslarına qatılacam.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 16:11 “Sabah”dan 2000 manatlıq növbəti müsabiqə Dünən, 15:46 “Qarabağ” rəqiblərini “Dalğa Arena”da qəbul edəcək Dünən, 15:40 Mirabdulla Abbasovun məsələsinə nöqtə qoyuldu Dünən, 15:33 Nicat Qurbanov karyerasını bitirmək istəmir Dünən, 15:17 Eddi İsrafilov üçün 500 min avro Dünən, 15:15 Xətai Bağırovun Taylandda maaşı 2500 dollar olub Dünən, 15:14 Minskdə yarışacaq güləş yığmalarının heyəti açıqlandı Dünən, 15:12 Sevinc Bünyatova-Yusubova Mikayıl Cabbarovla görüşmək istəyir Dünən, 15:10 “Hər şey ikitərəfli əlaqələr, razılıq sayəsində baş tutdu” 21-06-2019, 13:44 “Coca-Cola Məktəbli Kuboku”na yekun vuruldu 21-06-2019, 13:38 Ayxan Abbasov Müşahidə Şurasının qərarını gözləyir 21-06-2019, 13:37 Zaur Hidayətov “Sumqayıt-2”ni çalışdıracaq 21-06-2019, 13:34 Nazim Süleymanov Buzovnada veteranlarla görüşdü 21-06-2019, 13:28 Avrokubok təmsilçilərimiz rəqiblərini tanıdı 21-06-2019, 13:25 Tanıtma 21-06-2019, 13:24 Avrokubok iştirakçılarının yoxlama oyunlarını izləyə biləcəyik? 21-06-2019, 13:21 Çingiz Abdullayevlə Kamran Quliyev hədiyyə verdi 21-06-2019, 13:19 “Gurultulu bəyanatlar verməyəcəm” 21-06-2019, 13:18 "Neftçi"nin Mirabdulla ilə bağlı əlavə tələbləri var 21-06-2019, 13:16 Tanıtma 21-06-2019, 13:15 “Səbail” Koçuku razı saldı 21-06-2019, 13:12 Tanıtma 21-06-2019, 13:07 Ramos getdi, Məhəmməd gəldi 21-06-2019, 13:06 “Keşlə” bu gündən başlayır 21-06-2019, 13:05 Etibar İbrahimov “Kəpəz”dən ayrıldı 21-06-2019, 13:01 “Zirə”nin planı açıqlandı 21-06-2019, 12:59 “Qəbələ”nin sabiq məşqçisi Sənan Qurbanovu təriflədi 21-06-2019, 12:57 “Qarabağ”, “Neftçi” və “Qəbələ”nin üzü gülür 21-06-2019, 12:54 Emil Balayevli “Tobol” sonda “yıxıldı” 20-06-2019, 22:50 Yayın ilk “xarici” qələbəsi “Neftçi”dən 19-06-2019, 15:05 Kaprara özünü də batırdı, yığmamızı da... 19-06-2019, 15:03 Mirabdulla Abbasovun məsələsi məhkəməyə qədər gedə bilər 19-06-2019, 15:00 Stiven Jozef-Monroz da “Neftçi”li oldu 19-06-2019, 14:57 Samir Əliyev 0:4-ə görə özünü suçladı 19-06-2019, 14:56 Əliyarı finala layiq görmədilər 19-06-2019, 14:20 Qurban Qurbanov Yurçeviçə cavab vermək istəmədi 19-06-2019, 14:16 “Qarabağ” “Səbail”i məğlub etdi 19-06-2019, 14:12 Mahirdən şübhəli mesaj 19-06-2019, 14:07 U-21-lə bağlı süjet “tufan qopardı” 19-06-2019, 14:05 “Qəbələ” Ukrayna təmsilçisi ilə qarşılaşacaq 19-06-2019, 14:04 “Zirə”dən ayrılanlar “Qəbələ” ilə anlaşdı 19-06-2019, 14:00 Emildən növbəti “quru” oyun 19-06-2019, 13:58 Veteranlar arasında çempionat bərpa olunacaq 19-06-2019, 13:57 Baş katib Nazim Süleymanova qərargah və pul söz verdi 19-06-2019, 13:55 Fərid Nəbiyev vətənə qayıtmaq istəmir 19-06-2019, 13:52 “Səbail” bu gün Bolqarıstana köçür 19-06-2019, 13:51 “Keşlə” sabah toplanışa başlayır 19-06-2019, 13:44 “Qara bazar” sakitləşib, amma Azərbaycanın pulu yenə xaricə axır 19-06-2019, 13:39 Həftənin idman proqramı 18-06-2019, 16:04 11 ildə xərclənən milyonların siyahısı... 17-06-2019, 21:43 “Sabah”ın Türkiyə planında dəyişiklik oldu 17-06-2019, 21:42 Xətai Bağırov Taylanddan qayıdır 17-06-2019, 21:42 Əliyar Fransada daha bir oyun idarə etdi 17-06-2019, 21:32 Bölməyə aparılam azarkeşlər məhkəməyə müraciət edə bilərlər 17-06-2019, 21:31 Ruslan Abışov “Neftçi”dən ayrılmasının səbəbini gizlətmədi 17-06-2019, 21:29 Rauf Əliyev “Neftçi”dəki rəqabətdən çəkinmir 17-06-2019, 21:27 "Səbail" makedoniyalı qapıçı ilə anlaşdı Bütün xəbərlər
Ən çox oxunanlar