13 mar 11:44divizion

Şirdanov komandasını AZAL və “Kəpəz” səviyyəsində görür

Şirdanov komandasını AZAL və “Kəpəz” səviyyəsində görür
Aqil Məmmədov isə uşaq səhvlərini qabartdı

Oyundan sonra hər iki komandanın baş məşqçisinin iştirakı ilə mətbuat konfransı keçirildi. Əvvəlcə mikrofonlar önünə qonaqların çalışdırıcısı Şaban Şirdanov keçdi. Oyunla bağlı fikirlərini bölüşən mütəxəssis ardınca sualları cavabladı.
- Oyundan əvvəl uşaqlara tapşırıq verəndə də qeyd etdim ki, rəqib çempionatda maraqlı və müasir futbol oynamağa çalışan komandadı. İlk görüşdə böyük hesabla qalib gəlməyimizə baxmayaraq, bu gün bizi gərgin mübarizə gözləyirdi. Aqil müəllim doğrudan da yaxşı komanda formalaşdırıb. Biz süni meydanda məşq etdiyimizdən belə bərbad örtükdə oynamaqda çətinlik çəkirik. Məqsədimiz 3 xal idi və onu da qazandıq. Bura qələbə üçün gəlmişdik. Düşünürəm ki, Aqil məndən inciməz, amma oyuna görə biz qələbəyə daha çox layiq idik.
- Bir müddət öncə istefanız gündəmdə idi. Komandanı “qara zolaq”dan çıxarmaq üçün hansı addımı atdız?
- Azərbaycan reallığında bilirik ki, komandaların sayı azdı və iş tapmaq çətindi. Heç vaxt kiminsə yerini tutmaq istəməmişəm, daim ləyaqətlə yaşamaq istəmişəm. “Turan Tovuz”a, “Şəmkir”ə uduzduq. Tovuzdakı oyunu nəinki uduzmalıydıq, hətta qalib gəlməliydik. Amma uşaq səhvindən qol buraxdıq. “Şəmkir”in meydanında oynamaq isə mümkün deyil. Musa Qurbanovla münasibətlərimiz hamıya məlumdu. “Qarabağ”da Kintana yoxdu və 2 oyundu qələbə qazana bilmirlər. Bizim də iki oyunçumuz yox idi. “Mil-Muğan” sistemli, maraqlı oynayan komandalardan biridi.
- Mövsümün sonunda medal qazanmaq şanslarınızı necə dəyərləndirirsiz?
- Tapşırıq belədi: bu gündən sonra bütün oyunları uduruqsa, minimum 2-ci yeri təmin edirik. Tovuz təmsilçisinin qarşıdakı oyunlarda qazanacağı nəticədən asılı olaraq, çempionluq şanslarımız da var.
- Emin Mehdiyevin aqressiv olduğu aşkar görünürdü. Onunla bu mövzuda söhbət etdiz?
- Mən, ümumiyyətlə, aqressiv futbolçuları xoşlayıram. Amma futbolçuda özünə münasibətdə aqressivlik olmalıdı.
- “Zaqatala”, adətən, qol vurmağı xoşlayan komandadı. Amma bu gün o qədər də təhlükəli vəziyyət yarada bilmədiz.
- İlk hissədə Oruc iki dəfə əlverilşli imkandan yararlana bilmədi. İkinci yarıda da şansı oldu. Bombardir olmasına baxmayaraq, bu gün ondan o qədər də razı qalmadım. Cərimə meydançasının daxilində daha çox hərəkət etməlidi.
- Bəxtinizin gətirdiyini demək olar? Son dəqiqələrdə cərimə meydançası daxilində əllə oyun vardı. Penalti verilmədi...
- Mən həmin anı görmədim, görsəydim, nəsə deyə bilərdim. Ramil Diniyev bizim başqa oyunlarımızı da iadrə edib. Məncə, normal hakimliklə yadda qaldı.
- Həqiqətən xal itirdiyiniz oyunlarda meydan günahkardı, yoxsa komandanın da günahı var?
- Ən çox meydan amilini və iki futbolçunun yoxluğunu önə çəkərdim.
- Musa Qurbanovun “Zaqatalaya gedib Şirdanovdan hesabat tələb edəcəm” deməsi nə dərəcədə düzgündü?
- Mövqeyim belədi ki, bizim şəxsi münasibətlərimiz burda işə başlayana qədər idi. Bundan sonra klub rəsmisi və məşqçi münasibətidi. Klub rəhbərinin baş məşqçidən hesabat tələb etməsi normaldı. Musa Qurbanov hər şeyin ən yaxşısını istəyir və biz də bunu bilirik və çalışırıq. “Səbail”lə “Turan Tovuz”un oyununa baxdıq və düşündük ki, ilk pillələrdə qərarlaşan komandalara qarşı daha yaxşı çıxış edə bilərdik.
- Kapitanınız Hacı Əhmədovdu. Zədədən sonra Amil Ağacanov oldu. Həmin 4 oyunda 2 məğlubiyyət qeydə alındı və qayıtdıqdan sonra yenidən qələbə qazandız. Məğlubiyyətlərdə bu məqamın nə dərəcədə rolu var?
- Amil ən təcrübəli oyunçularımızdandı və onun kapitanlığının məğlubiyyətə dəxli yoxdu. Kapitanlıq xüsusiyyətləri Amildə daha güclüdü. Sadəcə, Hacının meydanda olmaması komandaya təsir edir.
- Dediz ki, Musa Qurbanov hər şeyin ən yaxşısını istəyir. Düşünmürsüz ki, ən yaxşısını istəmək üçün əvvəlcə normal şərait yaratmaq lazımdı.
- Qurbanov bununla bağlı münasibət bildirmişdi. Qış fasiləsinə qədər 8 oyunluq qələbə seriyamız oldu. Görünür, Musa müəllim həmin futbolçuları gələcəkdə premyer-liqada görmək istəyir. Amma minimum 2-ci yer uğrunda mübarizə aparacağıq.
- Kimin hansı yeri tutacağı məlum deyil. Amma söhbət gəzir ki, “Səbail” nəticədən asılı olmayaraq, elitaya çıxacaq. Bu sözlər “Zaqatala” və başqa komandalar üçün deyilmir. Bu amil işinizə necə təsir edir?
- Dünən “Turan Tovuz”un oyununa baxdım. Bir epizodda hakim kömək etmək istəsəydi, “Səbail”in xeyrinə penalti verə bilərdi. Futbolda belə söz-söhbət olur. Belə şeylərə əhəmiyət versək, işimizdə axsamalar olacaq. Ən yaxşısı bütün diqqəti öz oyunlarımıza yönəltməkdi.
- Hazırki “Zaqatala”nı premyer-liqadakı hansı komandayla müqayisə edərdiz?
- Biz qış fasiləsində buna cavab verdik. “Kəpəz” və AZAL-la başabaş mübarizə apardıq.
Qonaqların çalışdırıcısının ardından Aqil Məmmədov konfrans zalına daxil oldu. “Mil-Muğan”ın baş məşqçisi bunları söylədi:
- Uduzsaq da, hər iki komandanın oyunçularına təşəkkür edirəm. Çünki belə meydanda kombinasiyalı, sürətli, maraqlı oyun getdi.
- Qış fasiləsindən sonra qələbələr sıralanırdı və ilk “üçlüy”ə yaxınlaşmışdız. Ancaq sonradan nəsə baş verdi və artıq 3 matçdı məğlub olursuz. Düşərgədə nə baş verir?
- Sözün düzü, aşağı dəstədə o qədər də güclü futbolçular top qovmur. Həm də onlarda sabitlik çatmır. Uduzduğumuz oyunlarda belə udmalı olsaq da, sonda məyus oluruq. Hər dəfə səhvlərin üzərində işləyirik, amma yenə də uşaq səhvləri buraxırıq.
- “Mil-Muğan”ın qarşısına hansı məqsəd qoyulub?
- Heç bir məqsəd qoyulmayıb, sadəcə, bacardığımız qədər yüksək yerdə qərarlaşmağa çalışırıq.
- Meydan amilini qeyd etdiz. Belə çıxır ki, növbəti ev oyunlarında da xal itirəcəksiz?
- Bu o demək deyil ki, meydanımız həmişə belə bərbad durumda olacaq. Buna baxmayaraq, çalışacağıq ki, növbəti turlarda vəziyyətdən çıxaq.
- Penalti vəziyyəti ilə bağlı fikirlərinizi bilmək istərdik...
- İndiki anda bu haqda nəsə deyə bilmərəm. Çünki gərək videoyazıya baxılsın və sonra qərar verək.
- Görsəz ki, hakim penaltini verməyib, Ramin Musayevə şikayət edəcəksiz?
- Bəzi oyunlardan sonra əsəbləşib fikir bildirmişəm. Demişəm ki, hakimlər səhv ediblər. Ancaq sonda bu heç nəyi dəyişməyib. Çünki nə oyun yenidən keçiriləcək, nə də penalti veriləcək. Amma futbolçular kimi, hakimlər də səhvlərdən nəticə çıxarmalıdı.
- Maaşın verilməməsinin futbolçunun çıxışına təsiri var?
- Mən də futbolçu olmuşam. Nə qədər desələr də, cüzi olsa da, futbolçunun fikri orda qalır. Bu gün divizionda olan futbolçular pul dalınca qaçıb, 50-100 manatı fikirləşirsə, ömürboyu aşağı dəstədə qalacaqlar.
- Növbəti turda Şəmkirə yollanacaqsız. İlk dövrədəki oyundan sonra söz-söhbətlər oldu. Qisas olacaqmı?
- Biz rəqibi adına görə dəyərləndirmirik. Hər oyuna eyni qaydada hazırlaşırıq. Onların da meydanı yaxşı vəziyyətdə deyil. Bu oyun da bizim üçün adi oyunlardan biridi.
- Mövsümün əvvəlində iddia olunurdu ki, “Mil-Muğan” premyer-liqaya daha ciddi hazırlaşır. Ola bilər ki, yayda biz sürpriz qərar görək?
- “Mil-Muğan” infrastruktur baxamından premyer-liqada oynamağa hazırdı. Yayda necə olacağını deyə bilmərəm.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
“Qəbələ” üçün “Şüvəlan sindromu” davam edir 19:15“Kəpəz” yenidən Avroliqa mübarizəsinə qoşuldu 19:12“Rəvan” Elxan Məmmədovla Apellyasiya və Ekspert Komitəsinə məktub göndərib 19:01Yığma üzvləri penaltiləri boşa vermədi 18:56“Qaradağ Lökbatan” üçüncü pilləyə yüksəldi 18:55“Neftçi” yubiley məclisində jurnalistləri görmək istəmir! 18:52Ölkə kubokunun finalı Naxçıvanda keçiriləcək 18:50Azarkeşlər almanlara qarşı birləşdi 18:48“Neftçi”dən “Neftçi”yə yubiley hədiyyəsi 13:30İzləyiciləri büdrədi, lider “taxtını bərkitdi” 13:28Bayrama bayram qatanlar 13:24“Qarabağ” fürsəti qaçırdı 13:23Almanlar “Hilton”da məskunlaşacaq 13:18“Məğlub olmasaq, Azərbaycan yaxşı mənada partlayacaq” 13:16Məşqçilər yenə Rəsul Çunayevlə Həsən Əliyev arasında seçim edəcək 13:13İslam Həmrəyliyi Oyunlarının biletləri satışa çıxarıldı 13:10“Marafon”da idmançılar dalaşıb 13:05“Formula-1” üçün “İdman Azərbaycan”dan 400 min avro tələb olunub 13:03"Neftçi" yubiley tədbirində jurnalistləri görmək istəmir! 23:22“80 yox, 100 yaşı da olsa, mənim gözümdə uşaq kimi qalacaq” 14:54“Zirə”lilər “Qarabağ”la oyuna adi yanaşır 14:50“Kəpəz” azarkeşlərə Novruz hədiyyəsi etmək istəyir 14:48Superkubok da “Şəfəq”in oldu 14:46“Xəmsə” yeni loqosunu təqdim etdi 14:40“Zirə”dən İslam Həmrəyliyi Oyunlarına dəstək 14:39Kamerun vətəndaşlarının meyidləri ölkələrinə göndərildi 14:37“Futbolda mümkünsüz heç nə yoxdu” 15:05Azərbaycanlı qapıçı Qırğızıstan klubunda 15:02“Zaqatala” iki qolla ikinci yerə qalxdı 14:59Almanlarla oyuna 19 min bilet satılıb 14:47“Sektor 11” ilə “Milli dəstə” ayrı-ayrı sektorlarda olacaq 14:44Avropanın nəhəng klublarının üzvləri ölkəmizə səfər edəcək 14:41Robert Prosineçkinin 26 nəfərlik fəlsəfəsi 14:38Almaniya: son 10 ildə iki dəfə 14:34Azadlığa çıxan Sərdar Bağırov Rövnəq Abdullayevin ətrafını “topa tutdu” 14:18Olimpiya stadionu UEFA-nın qərarını gözləyir 14:12“Lokomotiv”in borclarını AVF ödədi 14:07Hakim haqsızlığı “klassiklər”i kubokdan məhrum etdi 14:02Sumqayıtda voleybol klubu yaradıla bilər 13:55Baraban çalmaqdan vitse-prezidentliyə gedən yol 11:51"Səbail" büdrədi, Kvaratsxeliya üzüldü 11:43AFFA-nın Konfransından geriyə qalanlar... 11:32“Neftçi” mühafizə məsələsində rəqiblərlə razılığa gəlir 11:24UEFA İcraiyyə Komitəsinə can atan Elxan Məmmədovun seçki platforması 11:20AFFA “Şərurspor”la “Rəvan”ın “başını kəsdi” 11:12Futbolçular İK-nın qərarını ədalətsiz sayır 11:09“Rəvan”la “Şərurspor” AFFA-nın qərarı ilə barışmır 11:05“Böyük Dəbilqə”nin qəhrəmanı uğurunu davam etdirmək əzmindədi 11:00“Klassiklər”dən Dünya Kubokuna uğurlu start 10:55Oleq Stepko da Azərbaycanı tərk etdi 10:49“Zirə” Zirədə məktəblilərlə görüşdü 10:35Sərdar Bağırov azadlığa çıxan kimi "Futbol+"ə danışdı 00:50“Turan Tovuz” bəyanat yaydı 13:35Atletlər “Fəcr kuboku”na üç “bürünc”lə başladı 13:33Yığmamız “Böyük Dəbilqə”də ikinci oldu 13:32Üçhakimiyyətlilik davam edir 13:29Rüfət Dadaşov 8-ci qolunu vurdu 13:27 Bütün xəbərlər
Ən çox oxunanlar