16 fev 16:27divizion, manset

Bəhmən Həsənov: “PFL-in saytında oyun epizodlarını birtərəfli yerləşdirirlər”

Bəhmən Həsənov: “PFL-in saytında oyun epizodlarını birtərəfli yerləşdirirlər”
İkiaylıq fasilədən sonra start götürən birinci divizionda 15-ci tur liderlərin uğurlu çıxışı ilə yadda qalıb. İlk 5 pillədə qərarlaşan komandaların hamısı həftəni 3 xalla başa vurub. “Zaqatala” evdə qışda tam dəyişən “Rəvan”ı 3:1 hesabı ilə məğlub edibsə, “Turan Tovuz” səfərdə autsayder “Göyəzən”in qapısından 4 cavabsız top keçirib. Qarşıya çempion olmaq məqsədi qoymuş və qış təlim-məşq toplanışını Antalyada keçən “Səbail” MOİK-i 2 qolla yenib. Türkiyəyə yollanan digər aşağı dəstə təmsilçisi “Şəmkir” isə qışda heyətinə xeyli oyunçu cəlb edən “Şahdağ”ı minimal hesabla üstələyib. Mükafatçılar sırasına düşməyə iddialı “Ağsu” səfərdə “Mil-Muğan”a 0:2 hesabıyla uduzub. İmişli təmsilçisi qış fasiləsində cəmi bir yoxlama matçı keçirsə də, rəsmi görüşdə gücünü ortaya qoymağı bacarıb. Digər autsayderlər - “Bakılı” və “Energetik” də turu məğlubiyyətlə başa vurublar. İndi isə sizi məşqçi fikirləri ilə tanış edirik.
Aqil Məmmədov, “Mil-Muğan”ın baş məşqçisi: “Ağsu”ya qarşı oynamaq çox çətin idi. Çünki komanda 2 ay ərzində cəmi bir oyun keçirmişdi. Uşaqların oyun praktikası yoxdu. Toplanış zamanı cəmi 1 yoxlama matçı keçirmişdik. Bu da bizə müəyyən çətinliklər yaratdı. Meydan amili də oyunumuza təsir etdi. Havalar pis keçir, meydan yaxşı deyildi. Orda gözəl oyun nümayiş etdirmək olmurdu. Rəqib də elə-belə komanda deyildi. Onlar üçün də ağır oyun oldu. Qonaqların heyətində topu özündə saxlamağı bacaran, texnikalı oyunçular var. Bəxtimiz onda gətirdi ki, qol imkanlarından vaxtında istifadə etdik. Bu amil xeyrimizə işlədi. Ümumilikdə oyunumuz ideal deyildi. Çox da razı qalmadım. Nəticəyə gəlincə, hesabımıza 3 xal yazdırdıq. Bu cür meydanda qələbə qazanmışıqsa, razı qalmalıyıq. Bəzi çatışmazlıqlar olsa da, hansısa mövqedə rəqibdən aşağı səviyyədə çıxış etdiyimizi deməzdim. Mövsümün ikinci yarısına nə dərəcədə hazır olduğumuzu zaman göstərəcək. Bir oyunla nəsə demək çətindi”.
Əsgər Abdullayev, “Turan Tovuz”un baş məşqçisi: “Uzun fasilədən sonra ilk rəsmi oyun keçirdik. Qazaxda “Göyəzən”ə qarşı oynadıq. Nə qədər autsayder olsalar da, iddialı idilər. Həvəsli çıxış etdilər. Xal qazanmaq istəyirdilər. Uşaqlara həmişə deyirəm ki, bizim üçün rəqibin hansı pillədə qərarlaşması vacib deyil. Əlimizə düşən imkanlardan vaxtında yararlandıq. Sürətli oynadıq. Meydan əla vəziyyətdə olmasa da, qarı tam təmizləmişdilər. Uşaqlar üçün oynamaq ağır idi. Lakin biz bundan şikayətlənməməliyik. İndidən komandanın yüksək səviyyədə olduğunu demək doğru olmaz. Özü də elə meydanda oynanılan qarşılaşmadan sonra. Bir neçə futbolçu ilə qışda vidalaşdıq. Cəmi 3 futbolçu ilə gücləndik. Buna baxmayaraq, iddiamızdan geri çəkilməmişik. Yeni gələnlər də, demək olar ki, uyğunlaşıblar. Premyer-liqaya çıxıb-çıxmayacağımızı zaman göstərəcək. Zaman həm həkimdi, həm də hakim. Məqsədimiz çempion olmaq, sona kimi 1-ci yeri qorumaqdı. Elitaya buraxılmaq məsələsi haqda fikir söyləməyim doğru olmaz. Mənə aid olan komandadı”.
Bəhmən Həsənov, “Rəvan”ın baş məşqçisi: “Oyun çox gözəl alındı. “Zaqatala” çox yaxşı komandadı. Sürətli və nizamlı futbol oynayırlar. Rəqibin oyunu bizə məlum idi. Buna baxmayaraq, uduzduq. Heyətimizə yeni qatılan futbolçular etimadı doğrultmadılar. Çox zəif oynadılar. Cinahlarımız, ümumiyyətlə, işləmirdi. Bu üzdən xal itirdik. Amma şanslarımız oldu. Komandada həm də yorğunluq var idi. Fiziki durumumuz çox yaxşıdı. Sadəcə, taktiki cəhətdən çatışmazlıqlar var. Zaqatalaya oyun günü getmişdik. Matçın başlamasına bir saat qalmış ora çatdıq. Bir az istirahət etsəydik, daha yaxşı olardı. 6 saat yol getməyimiz ilk hissədə problemlərə səbəb oldu. PFL-in saytında oyun epizodlarını birtərəfli yerləşdirirlər. Sanki biz heç hücum etməmişik. Əslində 2 dəfə oyunçularımız təkbətək qalıb. Hansı komanda qalib gəlibsə, onların epizodlarını yerləşdirirlər. MOİK - “Səbail” oyununun kadrlarına baxıram. Fikirləşdim ki, deyəsən, MOİK heç oyuna gəlməyibmiş. Ümumiyyətlə, epizod qoymamışdılar. Hətta “Qarabağ” kimi komandaya qarşı oynasan belə, ən azı 5 dəfə hücum edirsən. Mən onlardan incik deyiləm. Əksinə, qoy “Şəmkir”in, “Səbail”in, “Zaqatala”nın hücumlarının hamısını versinlər. Mənim üçün təhlil etmək daha asan olur. Futbolçularımızın hamısı maaşını alıb. Ayın 5-6-da hamısına məvacib verilib. Hətta rəhbərlik “Zaqatala” ilə oyuna mükafat da qoymuşdu. Bu üzdən hansısa problem yoxdu. İndi qalır yaxşı oynamaq və nəticə qazanmaq. İnanıram ki, heyətdəki problemlərimiz tükənər. Cəmşid və Elvinin qadağası var. Onların da bağışlanacağına ümid edirəm”.
Azər Bağırov, “Qaradağ Lökbatan”ın baş məşqçisi: “Autsayderə qarşı oynadıq. Buna baxmayaraq, işimiz çətin idi. Uşaqları oyuna tam kökləmişdik. Bu qarşılaşma bizim üçün “Səbail”lə oyun ərəfəsində məşq xarakteri daşıyırdı. Hər şeyi doğru etməliydik. İlk yarıda bu o qədər də yaxşı alınmadı. Çoxdan uşaqlar rəsmi oyuna çıxmırdılar. Yəqin ki, ilk hissədə cəmi 1 qol vurmağımızın səbəbi budu. İkinci hissədə isə daha rahat və sürətli oynadıq. 5 qol vursaq da, əlavə də xeyli imkanımız oldu. Rəqibin də imkanları var idi. “Səbail”lə oyunda işimiz daha çətin olacaq. Həmin matçda bütün imkanlardan yararlanmalıyıq. Hazırda komandada itki yoxdu. Hər şey yaxşıdı. Yeni gələn oyunçuların, demək olar ki, hamısı komandaya uyğunlaşıb. Nəyə qadir olduğumuzu “Səbail”lə oyun göstərəcək”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar