06 apr 23:19divizion

Arif Əsədov hakimlikdən narazıdı

Aqil Nəbiyev: “Həyatımboyu işi mənliyimdən, kişiliyimdən üstün tuta bilmərəm”
Qarşılaşma başa çatandan sonra hər iki komandanın baş məşqçisinin matçla bağlı fikirlərini öyrəndik. Öncə “tələbələr”in çalışdırıcısı Arif Əsədova yaxınlaşdıq. Arif bəy hakimlərin komandasına qarşı haqsızlıq etdiyini bildirdi.
- Matçla bağlı fikirlərinizi bilmək istərdik.
- Bu oyuna 3 xal üçün çıxmışdıq. Təəssüf ki, məğlub olduq. Ancaq yetirmələrimdən razıyam. Lakin nə edək ki, bü gün biz 11 yox, 14 nəfərə qarşı oynadıq. Haqsız yerə sarı və qırmızı vərəqə ilə hakim bizi “sındırdı”. Ən azı heç-heçə etməliydik.
- Artıq bir neçə oyundu hakimlərin komandanıza haqsızlıq etdiyini bildirirsiz. Bu gün müəyyən məqamlarda biz də bunu gördük. Sizcə, bu nədən qaynaqlanır?
- Bu komanda ilə ilk dövrədə də qolumuz qeydə alınmamışdı. Sonradan bəlli oldu ki, “təmiz” qol idi. Düzdü, həmin qarşılaşmanın hakimini 5 oyun cəzalandırdılar, ancaq nə olsun, itirən tərəf biz olduq, 2 xal havaya uçdu. Bu gün də eyni mənzərəyə şahidlik etdik. Hakimlərimiz hələ bölgəyə çıxmayıblar, belə çəkinirlər. İndi siz fikirləşin, paytaxtdan kənarda vəziyyət necə olur. Elitada oyun idarə edən referi belə səhvlərə yol verməməlidi. Görünür, sön 7 matçda “Sabah”ın dirçəlməsi, məğlub olmaması, liderlər qrupuna yaxınlaşması... Vallah, söz tapmıram deməyə. Yəqin bizdən çəkinirlər.
- Məncə, bu oyunda əsas hakimdən çox laysmanlar səhvə yol verdilər...
- Bəli, məhz siz deyən kimi oldu. Texniki zonaya yaxın olan laysman fasilədə mənə yaxınlaşıb iki dəfə səhv qərar qəbul etdiyini bildirdi. İkinci hissədə yenidən səhv qərarlarla yadda qaldı. Bu nə deməkdi?!
- Hazırda “Sabah”ın heyətində yer alan oyunçuların böyük qismi elitada top qovmuş futbolçulardı. Bu oyunda kimdən razı, kimdən narazı qaldız?
- Bu matçda heyətdə yer alanların 5-i gənc oyunçular idi. Biz təcrübəlilərlə yanaşı, gənclərə də güvənirik və gələcəyimizi düşünürük. Çünki “Sabah” bir-iki günlük layihə deyil. Klub rəhbərliyi bu sahədə daha böyük işlər görməyi planlaşdırır. Bunu oyunun təhlilindən sonra deyə bilərəm.
- Məncə, buraxılan qolda Vaylonun səhvi var idi. Məhz onun çıxışda səhvi qapınıza qolla nəticələndi. Ümumiyyətlə, Maksim bu görüşdə o qədər də inamlı təsir bağışlamadı. Siz necə düşünürsüz? Qola görə hətta Qvanzav qolkiperə sərt şəkildə irad bildirdi.
- Gəlin, səhvi kiminsə üstünə atıb, onu günahkar çıxarmayaq. Futbol kollektiv oyundu və udanda da, uduzanda da komandanın adına yazılır. Sadəcə, oyunun axarı onu göstərirdi ki, əvvəl-axır qapımızda qol görməliydik. Hakim dəfələrlə qapımıza yaxın yerlərdə olmayan cərimə təyin etdi. Top rəqibdən çıxdığı halda laysman əleyhimizə ya aut, ya da künc zərbəsi təyin etməklə yadda qaldı. Bu qədər təzyiqin qarşısında nəsə olmalıydı.
- Sizə elə gəlmir ki, Emin Mehdiyevi meydanda çox saxladız. Bəlkə də zədələnməsəydi, onu heç əvəzləməyəcəkdiz. Halbuki Mehdiyev əksər hallarda topu özündə çox saxlamaqla komandanın sürətli hücum qurmasına mane olurdu.
- Eminin təcrübəsinə güvənib ona etibar edirəm. Mehdiyev faydalı oyunçudu. Düzdü, bəzi məqamlarda məsuliyyəti üzərinə götürüb rəqib müdafiəsini təkbaşına yarmağa çalışırdı. Həmin an başqa variantlar da var idi. Ancaq bu onun qələbə qazanmaq istəyindən irəli gəlirdi. Ona görə də Emini qınamağa dəyməz.
Əsədovun fikirlərini öyrəndikdən sonra meydan sahiblərinin baş məşqçisi Aqil Nəbiyevə yaxınlaşdıq. O da əvvəlcə 90 dəqiqə ilə bağlı fikirlərini bölüşdü.
- “Sabah”la matçın çətin olacağını əvvəlcədən bilirdik. Çünki Arif müəllimin rəhbərlik etdiyi kollektiv son 7 matçda məğlubiyyətin nə olduğunu bilmirdi. Əsədov çox mübariz və döyüşkən komanda qurub. Rəqibin son oyunlarını təhlil edib, özümüz üçün müəyyən çıxarışlar etmişdik. Birinci dövrədə çox xallar itirdiyimizdən bu gün məğlub olmağa haqqımız yox idi. İnşallah, bu qələbənin davamını gətib mövsümün sonunda rəhbərliyin qarşımıza qoyduğu məqsədə çatacağıq.
- Çoxları “Şüvəlan”ı AZAL-ın xələfi kimi qəbul etsə də, komanda, demək olar ki, yenidən yığılıb. Elə siz də baş məşqçi kimi ancaq cari mövsümdə işə başlamısız. Bu yola baş vurmaq, belə məsuliyyətli işin altına girmək sizə çətin olmadı ki?
- Onu düz qeyd etdiz ki, mənim baş məşqçi kimi çalışmağımın hələ heç bir ili tamam olmayıb. Düzdü, buna qədər “Turan Tovuz”da Əsgər Abdullayevin yanında köməkçi olmuşam. Ancaq baş məşqçinin məsuliyyəti tam başqadı. Özüm də bunu dərk edirəm. Birinci divizonun şərtləri daha çətindi, nəinki premyer-liqanın. Aşağı dəstədə oyunlar daha sərt keçir. Rəhbərliyə təşəkkür edirəm ki, mənə etimad göstərdi. Dedyiniz kimi, çoxları elə düşündü ki, “Şüvəlan” AZAL-ın xələfi olacaq. Ancaq biz sıfırdan komanda fortmalaşdırdıq. Ona görə də ilk dövrədə çətinliklə üzləşdik. İlk yarının bizim üçün təcrübə olduğunu deyə bilərəm. Fasilədən sonra artıq “bişmiş” komanda kimi yolumuza davam etdik. Bu yolda rəhbərlik də mənə dəstək oldu. Bu gün “Şüvəlan” bir ailə, kollektiv olaraq hədəfə çatmaq uğrunda mübarizə aparır. Belə şəraiti olan klubun mövsümü yüksək pillələrdə başa vurub elitaya vəsiqə qazanmaması Azərbaycan futbolu üçün itki olar.
- Hədəf deyərkən nəyi nəzərdə tutursuz? Rəhbərliyin sizdən istəyi nədi?
- İlk yarıda mətbuata açıqlamalarımda rəhbərliyin bizdən nəticə tələb etmədiyini, mübariz, səviyyəli kollektiv formalaşdırmağımızı istədiyini bildirmişdim. Ancaq birinci dövrədən sonra liderlər qrupunda yer alan komandalarla xal fərqinin az olduğunu, daha yüksək nəticələr qazana biləcəyimizi nəzərə alıb hədəfimizi müəyyənləşdirdik. Bununla bağlı rəhbərliklə də görüşümüzdə söhbətimiz olub. Yeni icraçı direktor Seyidağa Babayevin bizə qoşulması da komandaya müsbət mənada təsirini göstərdi. Hədəfimiz elitaya yüksəlməkdi.
- İnfrastruktur baxımından probleminiz yoxdu. Bəs büdcəniz necə, elitada çıxış etməyə imkan verir?
- Bildiyiniz kimi, elitanın şərtləri tam başqadı. Hazırkı büdcə o qədər də geniş deyil. Bəlkə də birinci divizionda çıxış edən klub arasında ortabablar sırasındayıq. Ancaq bizim üstünlüyümüz ondadı ki, sağlam kollektiv formalaşdırmışıq. Məhz bu amilləri nəzərə alıb qarşıya qoyulan məqsədə çata biləcəyimizi düşünürəm. Təbii ki, premyer-liqaya yüksələcəyimiz halda büdcəmiz artacaq. Bununla bağlı rəhbərliklə söhbətimiz olub.
- Böyük həvəslə baş məşqçi kimi debüt ilində “Şüvəlan”ı elitaya yüksəltmək barədə danışırsız. Ancaq kuluarlarda yayılan xəbərlərə inansaq, tezliklə “Zirə”ni çalışdıracaqsız. Bu məsələyə münasibət bizdirməyinizi istərdik.
- Ayxan Abbasovla yaxın dostuq. O qısa vaxtda istər məşqçilik, istərsə də insanlıq baxımından necə biri olduğunu futbol ictimaiyyətinə göstərib. Bu söz-söhbət ortaya çıxandan sonra mənə çox zənglər gəldi, çox adamlar, o cümlədən media nümayəndələri fikrimi öyrənmək istədi. Ancaq heç kimə heç nə demədim. Bununla bağlı ilk dəfə məhz “Futbol+”ə açıqlama vermək istəyirəm. Ayxan dürüstlüyü, mərdliyi, kişiliyi ilə Azərbaycan futbol ictimaiyyəti arasında özünə yer etmiş mütəxəssisdi. Bunu hamı bilir. “Zirə” rəhbərliyindən mənə təklif gəlsə belə, qəbul etmərəm. Gələcəkdə ola bilsin, o klubda çalışdım. Bu yalnız o halda baş verə bilər ki, Ayxan orda qalmasın. Ancaq indiki durumda bu qeyri-mümkündü. Həyatımboyu işi mənliyimdən, kişiliyimdən üstün tuta bilmərəm.
- Qardaşlıqdan söz düşmüşkən, “Şüvəlan”ın “Turan Tovuz”la oyunları çox müzakirə olunur. Gəzən söz-söhbətə görə, bu iki komanda arasında baş tutan görüşlərin nəticələri əvvəlcədən razılaşdırılıb...
- Artıq sizlə yox, sənlə danışmaq məcburiyyətindəyəm. Sən məni futbol oynadığım dönəmdən tanıyırsan. Futbol oynadığım vaxt doğma qardaşıma güzəşt etməmişəm. Nadir mənim baş məşqçi olduğum komandada futbolçu olsa belə, əsas heyətdə yer almağa haqq etmədiyi halda onu ehtiyat oyunçular skamyasında otuzduraram. İndi hansı razılaşmadan danışmaq olar? Mən belə söz-söhbətdən uzaq adamam. Qardaşım həmin klubun rəhbərliyində təmsil olunur, mən isə burda baş məşqçiyəm. Bir-birimizlə heç bir bağlılığımız yoxdu. Hamı bunu bilsin və bir daha bu mövzunu qabartmasın. Tovuzlu olduğumdan həmişə o komandaya qarşı həm özümü, həm də komandamı xüsusi motivasiya ilə hazırlayıram. Təbii ki, o klubda çalışsam, istəyərəm ki, “Turan Tovuz” hər görüşdə qalib gəlsin, mövsümü çempion kimi başa vursun. Ancaq bu gün Aqil Nəbiyev “Şüvəlan”ın çalışdırıcısıdısa, baş məşqçisi olduğu kollektivin uğurları barədə düşünməlidi. Bu yolda da heç doğma qardaşıma da keçmərəm. Qardaşım da mənim kimidi. Biz futbola başlayandan bir məqsədə xidmət etmişik: düz yaşayıb, düz də bu dünyadan gedək.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür 9-12-2018, 14:12 Yığma üçün yoxlama oyunları planlaşdırılmayıb 9-12-2018, 14:10 “Neftçi” üç yoxlama oyunu planlaşdırıb 9-12-2018, 13:55 Mikayıl Nərimanoğlu yeni işdə 9-12-2018, 13:54 Ölkə xaricində çıxış edənlər Vüqar Məmmədin dəvətini qəbul etmir 9-12-2018, 13:42 Lider autsayderlərə rəhm etmədi, "Şərq" oyuna gəlmədi 9-12-2018, 13:40 İlk dueli “Xəzər Cənub” qazandı 9-12-2018, 13:38 2018-in son turunda “qütblərarası savaş” 9-12-2018, 13:32 Baş məşqçilər uçurumun səbəblərini açıqladı 9-12-2018, 13:30 “Birincilər” bu dəfə də 1/8-dən “sağ çıxmadı” 9-12-2018, 13:19 Limit dəyişdirilsə, Rəhman bombardir olacaq 9-12-2018, 13:13 “Qəbələ”nin iki rəqibi məlumdu 9-12-2018, 13:12 “Qarabağ” oteli dəyişdi 9-12-2018, 13:10 “Frans Futbol”un seçiminə fərqli yanaşma 9-12-2018, 13:06 İki klubumuz eyni oteldə qalacaq 8-12-2018, 01:42 Ağır Atletika Akademiyasında üç saat 8-12-2018, 01:33 U-19 üç gündə iki oyuna çıxacaq 8-12-2018, 01:32 Derbini "Araz" qazandı, "Neftçi" üçüncü pilləyə gerilədi 8-12-2018, 01:31 “Sumqayıt” məşqçilərini “Altınordu”ya göndərir 7-12-2018, 22:45 Avropa Liqasında noyabr ayının qalibi açıqlandı 7-12-2018, 17:21 Ozobiç yığmamızı xorvatlar üçün incələdi 5-12-2018, 13:22 “Red Black Army” 3 yaşını qeyd etdi 5-12-2018, 13:21 Bakı İdman Sarayında zirvə savaşı 5-12-2018, 13:18 “Alyans” zirvədə möhkəmləndi 5-12-2018, 13:15 UEFA zəiflər üçün yeni turnir yaradır 5-12-2018, 13:12 "Atletiko Baku" "Ajara Cup 2018"də qalib oldu 5-12-2018, 13:05 Yığmanı gözləyən 8 ay 5-12-2018, 13:02 Slovakiyalılar iddalı və ehtiyatlıdı 5-12-2018, 12:59 Tounkara: “İnanıram ki, layiq olduğumuz yeri tutacağıq” 5-12-2018, 12:56 Sənan Qurbanov Adeniyinin yoxluğunu qabartdı 5-12-2018, 12:53 Qəbələdə iki günə qol vurulmadı 5-12-2018, 12:51 Tərlan Əhmədov hamıdan narazı qalıb 5-12-2018, 12:49 “Qarabağ” “Sportinq”in acığını “Keşlə”dən çıxdı 5-12-2018, 12:47 “Olimpik Star”da başladı, Bakı İdman Sarayında bitəcək 5-12-2018, 12:45 Qurban Qurbanovun oğlu növbəti qolunu sabiq komandasına vurdu 5-12-2018, 12:44 Gələcəyə hesablanmış layihə 5-12-2018, 12:42 “Zirə”nin şikayəti rədd olundu 5-12-2018, 12:41 Olaylar və qollar ilə zəngin nəhs tur 3-12-2018, 22:17 Yığmamız 5 komandalı, DÇ-nin finalçısının yer aldığı qrupda! 3-12-2018, 22:11 Dabo simulyasiya etmədiyini deyir 3-12-2018, 22:07 “Əlincə savaşı”nı “Neftçi” qazandı 3-12-2018, 22:04 U-19 – 9:1! 3-12-2018, 21:54 “Neftçi” hakimdən şikayət etdi 3-12-2018, 21:53 “Əlincə Arena”da 150-yə yaxın oturacaq sındırılıb 3-12-2018, 21:51 "Neftçi" bəyanat yaydı, azarkeşlərinə səsləndi 3-12-2018, 21:49 PFL-dən yeni dəb: çempionat xeyir-şər liqasına çevrilir! 3-12-2018, 21:48 “Sumqayıt” “yuva”ya dönüşünü qələbə ilə “yudu” 3-12-2018, 21:32 Həftənin idman proqramı 3-12-2018, 21:31 “Sumqayıt” ölkə xaricində çıxış edən üç azərbaycanlı ilə maraqlanır 3-12-2018, 21:29 Şəhriyar mövqeyini qorudu 3-12-2018, 21:28 AMADA-dan növbəti cəzalar 3-12-2018, 21:26 Yığma 8-ci, Eltac birinci oldu 3-12-2018, 21:25 Qəbələ dumana “təslim oldu” 3-12-2018, 21:22 BKFF payız-yaz birinciliyinə start verir 3-12-2018, 21:21 “Qarabağ” 10 milyona yaxın qazanıb 3-12-2018, 21:18 Dəniz Yılmaz coşdu Bütün xəbərlər
Ən çox oxunanlar