06 apr 23:17divizion

“Sabah” layiq olmadığı məğlubiyyətə üzüldü

“Sabah” layiq olmadığı məğlubiyyətə üzüldü
Raul Yaqubzadə laysmanı təhqir etdi
Dünən birinci divizionda 22-ci tura start verildi. Şüvəlandakı “AZAL Arena” da eyniadlı komanda “Sabah”ı qəbul edirdi. Hesabat turuna kimi 3-cü pillədə qərarlaşan “təyyarəçilər” qələbə qazanacağı təqdirdə birgünlük də olsa, 2-ci yerdə olan “Xəzər”i qabaqlamağı bacaracaqdı. Elə “tələbələr”ə də qələbə hava-su kimi lazım idi. Arif Əsədovun yetirmələri bu oyundan öncə 7-ci pillədə olmalarına baxmayaraq, “Şüvəlan”la aralarında fərq cəmi 4 xal idi. Liderlər qrupundan uzaq düşməmək üçün “tələbələr”in də meydana qələbə üçün çıxacağı gözlənilirdi. Onu da qeyd edək ki, “Sabah” son 7 turda məğlub olmamaqla elitaya iddiasını ortaya qoymağı bacarmışdı.
Oyuna gəlincə, ilk yarıda, demək olar ki, qapılar önündə yaddaqalan qol vəziyyəti yaranmadı. Ehtiyatlı oyuna üstünlük verən hər iki tərəf daha çox topa nəzarət etməyə çalışırdı. Yalnız hissənin sonlarına yaxın, daha dəqiq desək, 44-ci dəqiqədə qonaqların hücumçusu Raul Yaqubzadənin təxminən 25 metrdən zərbəsi dirəyə tuş gəldi ki, bunu da ilk hissənin ən real qol şansı kimi dəyərləndirmək olar. Ümumiyyətlə, ilk yarıda qonaqlar meydan sahibləri ilə müqayisədə daha istəkli görünürdülər.
Fasilədən sonra isə boş tribunalar qarşısında baş tutan qarşılaşmada canlanma yaşandı. İlk 45 dəqiqədə qorxaq futbola üstünlük verən komandalar artıq hücuma atılmaqdan çəkinmir, rəqib qapısına doğru daha kəsərli həmlələr edirdilər. Ancaq bu hücumların hamısı kor-koranə qurulurdu. Səviyyə baxımından aşağı dəstə ilə elita arasında kəskin fərqin olduğu açıq-aşkar sezilir. Daim birinci diviziondan premyer-liqaya çıxış olmadığını tənqid edib, idman prinsiplərinin pozulduğunu qeyd etmişik. Ancaq aşağı dəstənin iki iddialı komandasının oyununu izləyəndə, istər-istəməz AFFA və PFL rəhbərliyinin düzgün addım atdığını düşünürsən. Baxmayaraq ki, dünən meydana çıxan futbolçuların 80 faizi ötən il və ya ondan əvvəlki mövsümlərdə elita təmsilçilərinin heyətində top qovublar. “Sabah”ın qapısını qoruyan, dünən çıxışlarda çoxsaylı səhvlərlə yadda qalan, artıq çəkidən əziyyət çəkdiyi aşkar görünən Maksim Vaylo, bir neçə il öncə ölkənin ən perspektivli gənclərindən biri sayılan Elşad Manafov, “Neftçi”də və müxtəlif yaş qrupları üzrə yığmalarda çıxış etmiş Emin Mehdiyev, bir çox iddialı klubların şərəfini qoruyan Əziz Quliyev, AZAL-da inamlı oyunu seçilən Qvanzav Maqomedov, vaxtilə “Sumqayıt”da ulduzu parlayan, “Neftçi” və “Kəpəz”də oynayan Məhəmməd Qurbanov “tələbələr”in, Hüseyn Axundov, Orxan Səfiyaroğlu, Elvin Həsənəliyev, Eşqin Quliyev, Nuqzar Kvirtiya kimi oyunçular isə meydan sahiblərinin uğurları üçün tər töksələr də, gözlənilən, premyer-liqaya iddialı komandaları görə bilmədik. Əvəzində matçboyu aşağı dəstənin səviyyəsinə uyğun olaylara şahidlik etdik. Məsələn, qış fasiləsinə qədər premyer-liqada “Səbail”in şərəfini qoruyan, hazırda qeyd etdiyimiz kimi “Sabah”da çıxış edən Raul epizodların birində yerdə qalsa da, hakim davam işarəsi verdi. Buna qəzəblənən forvard üzünü laysmana tutaraq “suka, görmürsən ki, məni yıxdı” deyib, narazılıq etdi. Əslində Yaqubzadə narazılıq etməkdə haqlı idi, çünki həmin an doğrudan da rəqib futbolçu ona qarşı kobud oynamışdı. Ancaq bu əsas vermir ki, futbolçu hakimi təhqir etsin. Sonda onu da qeyd edək ki, 66-cı dəqiqədə matçın baş hakimi İnqilab Məmmədov qonaqları azlıqda qoydu. Əziz ikinci “sarı”ya görə meydandan qovuldu. Onu da bildirək ki, həmin an referi Quliyevə vərəqə verməyə də bilərdi. Çünki yarımmüdafiəçi o qədər də kobud oynamamışdı. Rəqibin azlıqda qalmasından yararlanan meydan sahibləri matçın sonuna yaxın qələbə qolunu vurmağa nail oldu. Kornerdən qapı önünə edilən asma zamanı Vaylonun kobud səhvindən yararlanan Elnur Səmədov toru silkələməyi bacardı.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 12:24 Bəhram Mürvətov qalmaqallı görüşün iç üzünü açdı Dünən, 12:18 “Telekom”un sabiq üzvü millimizi güclü rəqib sayır Dünən, 12:17 Damaçımız Avropa çempionu oldu Dünən, 12:16 Vasif ermənini üstələyib qalib oldu Dünən, 12:07 Region Liqasında növbəti mövsüm payızda start götürəcək Dünən, 12:06 Kubokun finalının biletləri satışa çıxarıldı Dünən, 12:05 Bezotosnı müqavilə müddətini uzatdı, Kone “Göztəpə”yə qayıdır Dünən, 12:02 Qarabağ” 9 futbolçu ilə yolları ayırdı Dünən, 12:01 “Neftçi” rəsmisindən qəribə açıqlama Dünən, 11:59 Daim sevgiylə xatırlanacaq Riçi Dünən, 11:02 “Qarabağ”a görə efirdə ağlayan “MATÇ TV”nin azərbaycanlı şərhçisi Dünən, 10:57 Premyer-liqanın statistik mənzərəsi Dünən, 10:55 “Marafon”un üzvü də limitin tərəfdarıdı Dünən, 10:47 "Qarabağ"ın uğuru özü üçün problemə çevrilib” Dünən, 10:46 U-20 üstünlüyünü qoruya bilmədi Dünən, 10:41 Samir Abasov “Sumqayıt”a dönməyəcək Dünən, 10:40 Dadaşov mövsümü dublla başa vurdu Dünən, 10:37 Amit Quluzadə “Drita”dan ayrıldı Dünən, 10:36 UEFA BOS-da keçiriləcək oyunların tarixini açıqladı Dünən, 10:35 Yığma “Tofiq Bəhramov”da hazırlaşır 25-05-2018, 14:03 “Qəbələ”nin futbolçularına 100 min manat “atıblar” 25-05-2018, 14:02 “Qarabağ” bayrama bayram qatmışdı 25-05-2018, 13:51 Turun statistikası 25-05-2018, 13:43 Turun məşqçisi 25-05-2018, 13:38 Turdan məqamlar 25-05-2018, 13:36 AÇ-yə rekord sayda idmançıyla qatılacağıq 25-05-2018, 13:35 Şəhriyar Məmmədyarov üçün ciddi sınaq 25-05-2018, 13:33 Gimnastımız Macarıstanda fərqləndi 25-05-2018, 13:32 DÇ-yə hazırlıq başladı 25-05-2018, 13:30 Futbolçular Cavid İmamverdiyevi seçdi 25-05-2018, 13:25 Yığma yenə ilk setdən sonra ayıldı 25-05-2018, 01:06 Sumqayıtın təsəllisi Region Liqası oldu 25-05-2018, 01:04 DÇ-nin “elçiləri” Rövnəq Abdullayevlə görüşdü 25-05-2018, 01:02 Elxan Məmmədov “Kəpəz”lə bağlı son nöqtəni qoydu 25-05-2018, 01:00 Moskvadan gələn var... 25-05-2018, 00:57 “Keşlə”ni növbəti mövsümdə də Maksimov çalışdıracaq 25-05-2018, 00:55 “Səbail” Samir Əliyevlə yollarını ayırdı 25-05-2018, 00:54 Samir Abasov tələsik qərar verdiyinə görə peşman olub 25-05-2018, 00:53 PFL medalçıların siyahısını açıqladı 25-05-2018, 00:51 “Marafon” “Uğur”a yerini göstərdi 25-05-2018, 00:49 Turun oyunçusu 25-05-2018, 00:48 Turun sitatı 25-05-2018, 00:46 Hakimlərin mühakiməsi 25-05-2018, 00:45 Amit Quluzadə Kosovoda pul xərcləyə bilmirmiş 25-05-2018, 00:41 Cavid Hüseynov 3 oyunluq cəzalandı 25-05-2018, 00:40 Cümhuriyyətin yubileyini "sülh"lə qeyd etdilər 25-05-2018, 00:38 Transfer dövləri açıqlandı 24-05-2018, 23:58 Kənan Hacıyev İtaliyadan kubokla qayıtdı 23-05-2018, 12:21 Makedoniyada güləşçimizin çempionluğunu əlindən aldılar 23-05-2018, 12:19 “Sumqayıt”ın üzvləri baş məşqçiyə etiraz etmədi 23-05-2018, 12:15 Samir Abasov Roman Qriqorçuku əvəzləyəcək 23-05-2018, 12:10 “Sumqayıt” kapitanı saxladı 23-05-2018, 12:06 Portuqaliyalı agentlər İmamverdiyevi izləmək üçün Sumqayıta gəlib 23-05-2018, 12:05 “Uğur” Region Liqasının qalibi olmağa köklənib 23-05-2018, 11:07 Miya “Neftçi”ylə “Zirə”də oynamağa qarşı deyil 23-05-2018, 11:05 Nağıyev “Qarabağ”a qələbə qazandırdı 23-05-2018, 11:04 Antirekordla bitdi Bütün xəbərlər
Ən çox oxunanlar