16 fev 07:11divizion

“Xəzər” dəstək üçün 5 manata azarkeş axtarır

“Xəzər” dəstək üçün 5 manata azarkeş axtarır
Klub rəsmisi “feysbuk”da paylaşılan postla razılaşmadı
Ölkə futbolunda azarkeş probleminin olduğu gün kimi aydındı. Yalnız birinci divizion təmsilçilərinin oyunlarında yox, premyer-liqada da arenalar boş qalır. Hətta ən maraqlı oyunlarda belə azarkeşləri stadionlara cəlb etmək müşkül məsələyə çevrilib. Ölkədə futbola maraq aşağı səviyyədədi. Bəlkə də “Qarabağ” və “Qəbələ”nin son illərdəki uğurları olmasaydı, bu maraq sıfır həddinə enərdi. Bakı təmsilçisi “Neftçi”, paytaxtda məskunlaşan “Qarabağ” və Gəncə adına çıxış edən “Kəpəz”i nəzərə almasaq, digər klubların oyunlarına barmaqla sayılacaq qədər tərəfdar gəlir. Milli çempionatda rəqabətin olmaması, ölkədəki ağır iqtisadi-sosial durum, regionlarda komandaların azlığı azarkeş sayına çox ciddi təsir edən amillərdəndi. “Kəpəz” premyer-liqaya qayıtdıqdan sonra komandanın oyunlarına şəhərin rəhbərliyi tərəfindən azarkeşlərin məcburi şəkildə gətirilməsi ilə bağlı məlumatlar, hətta faktlar var idi. Düzdü, klub rəsmiləri dövlət işində çalışanların məcburi şəkildə stadiona gətirilməsini təkzib etdi. Amma biz durumu çox yaxşı bilirik. Daha sonra “Keşlə” rəhbərliyi, xüsusilə klubun Müşahidə Şurasının (MŞ) sədri Zaur Axundov bu cür əməllərlə yadda qaldı. O, rəhbərlik etdiyi bir neçə şirkətin əməkdaşlarını həftəsonları komandasının oyunlarına məcbur gətirirdi. Deyilənə görə, bu ənənə hazırda da davam edir.
Ölkədə bəzi klubların müəyyən məbləğ qarşılığında azarkeşləri oyunlara cəlb etməsi təcrübəsi çoxdan mövcuddu. Lakin heç bir klub bunu açıq-aşkar şəkildə etmir. Çünki yaxşı bilirlər ki, bu, onların nüfuzuna xələl gətirəcək, etdikləri hərəkət bir neçə gün KİV-in manşetində olacaq. Amma artıq bu cür əməllərdən çəkinməyən komandalar da var. Bu, cari mövsümdən birinci divizionda çıxış etməyə başlayan, ilk dövrədən sonra 16 xalla 10 komanda arasında 8-ci olan “Xəzər”di. İlk dövrədə oyunlarına, demək olar ki, azarkeş gəlməyən komanda mövsümün ikinci yarısında bu problemi aradan qaldırmaq üçün pulla azarkeş cəlb etmək istəyir. Hər azarkeşə 5 manat təklif olunur. Bu barədə Sakit Xəlilov adlı şəxs “feysbuk” sosial şəbəkəsində post yazıb. Paylaşım yalnız şəxsi hesabında yox, qruplarda və səhifələrdə də olub. Postda belə yazılıb: “Futbol komandasına azarkeşlik etmək üçün 70 nəfər lazımdı. 90 dəqiqəlik oyuna 5 AZN veririk”. Xəlilovun “Xəzər”ə yaxın şəxslərdən biri olduğunu təxmin etmək çətin deyil. Onun profilində, örtük şəklində klubun loqosu var. Lakin sonradan həmin loqo götürülüb və profilə öz şəkli qoyulub. Elanda yazılan 055-615-75-11 nömrəsi ilə də əlaqə saxladıq. O artıq bu elanın ləğv olunduğunu söylədi, azarkeş axtarmadıqlarını bildirdi. Sakit bəyə ünvanladığımız “siz “Xəzər” klubu üçün azarkeş axtarırdız” sualına o, qısaca “xeyr” deməklə kifayətləndi. Aşkar şəkildə söhbətdən qaçdı, suallarımızı cavablamaqdan imtina etdi.
Məsələ ilə bağlı “Xəzər”in Marketinq və Sosial Media Departamentinin rəhbəri Rəhim Əliyevlə əlaqə saxladıq. Rəhim bəy məsələdən xəbərdar olduğunu gizlətmədi: “Bəli, dünən (srağagün) bu cür paylaşıma rast gəldik. Klubumzun adından paylaşmışdılar ki, pulla azarkeş axtarırıq. Bunu bizə aidiyyatı olmayan insanlar yayıblar. Komandaya qarşı təbliğat aparırlar. Mövsümün ikinci yarısı başlayır. Kimsə bizim imicimizi zədələmək istəyir. Səbəbini bilmirik. Gözləri bizi götürmür”.
Əliyev deyir ki, “Xəzər” heç vaxt bu cür addımlar atmayacaq: “Biz heç vaxt pulla azarkeş gətirməyəcəyik. Azarkeş istəyər, gəlib baxar, istirahətini edər. Əvvəl ev oyunlarımızı Şüvəlanda keçirirdik. Yol çox uzaq idi, tərəfdarların gəlməsi problemə çevrilmişdi. Biz yeni klubuq, o qədər azarkeşimiz yoxdu. Amma mövsümün ikinci yarısından “İnter Arena”da çıxış edəcəyik. Düz şəhərin mərkəzidi. Sosial şəbəkələrdə də oyunların saatı, yeri ilə bağlı məlumat yaymışıq. Kim istəyirsə, gəlib baxar. Azarkeşə pul vermək barədə qəti şəkildə düşünmürük. Bu, bizə yaraşmaz. İstəyirik komandamızı kluba görə yox, ürəkdən sevsinlər”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:29 Almaniyada Ömər Paşayevin səhhətində ciddi problem aşkarlanmayıb Bu gün, 00:27 Heç bir klub mətbuat katibinə protokol doldurmağı tapşırmır Bu gün, 00:26 Xaqani Məmmədovun düşmənləri sosial şəbəkədə “at oynadır” Bu gün, 00:23 Voleybolçular dünya çempionatına inamlı yollanır Bu gün, 00:21 Alesio yığmanın heyətini bu gün açıqlayacaq Bu gün, 00:19 “Sportinq” qrup mübarizəsinə uğursuz başlayır Bu gün, 00:05 Turun oyunçusu Bu gün, 00:04 TURUN SİTATI Bu gün, 00:02 Məhsuldarlıq rekord vurdu Bu gün, 00:01 Turun statistikası Dünən, 23:59 TURUN MƏŞQÇİSİ Dünən, 23:58 Turdan məqamlar Dünən, 23:56 16 medalın izi ilə... Dünən, 23:54 Xala və qola həsrət “Kəpəz”in baş məşqçisi məmnundu Dünən, 23:53 İntizam Komitəsi “Zirə”yə texniki məğlubiyyət verdi Dünən, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır Bütün xəbərlər
Ən çox oxunanlar