11 dek 23:56divizion

Emin Abbasov “Şüvəlan”ı “Xəzər”ə dəyişdi

Emin Abbasov “Şüvəlan”ı “Xəzər”ə dəyişdi
“Bütün bacarığımı bura xərcləyəcəm”
Tanınmış jurnalist və teleaparıcı Emin Abbasov “Şüvəlan”da icraçı direktor funksiyasını yerinə yetirirdi. O bu işə ötən yaydan başlamışdı. Ancaq həmkarımız artıq fəaliyyətini başqa klubda davam etdirəcək. Emin bəy bundan sonra birinci divizionun debütantı “Xəzər”in icraçı direktoru kimi çalışacaq.
Dünən Abbasovla əlaqə saxlayıb, “Şüvəlan”ı “Xəzər”ə dəyişməsinin səbəbini öyrəndik: “Xəzər”dən təklif almışdım. Klubun rəhbərliyi ilə oturub söhbət etdik. Gördüm ki, çox ciddi iddiaları var, ciddi klub yaratmaq istəyirlər. Böyük planları var. Onların istəyi bu idi ki, icraçı direktor qismində enerjili, sağlam düşüncəli, yeni fikri olan, futbolda inkişaf etmək istəyən, öz meyarları ilə davranışı, həyata baxışı uyğun gələn biri olsun. Sağ olsunlar, o obrazda məni görüblər. Təklif etdilər ki, idarəçi qismində sən olasan, bizə kömək edəsən, bu işi aparasan. Çox götür-qoy etdim, özüm üçün təhlillər apardım, fikirləşdim və baxdım ki, “Şüvəlan” artıq oturuşmuş klubdu. AZAL-ın davamçısıdı, infrasturkutu var, iş mexanizmi bəllidi, yaxşı komandası mövcuddu. Baxmayaraq ki, hazırda 4-cü pillədədi, 2-ci yerdən cəmi 2 xal geridədi. Yəni orda böyük işlər görmüşük. Ona görə məsləhətləşdim, “Şüvəlan” rəhbərliyinə də niyyətimi dedim. Anlayışla qarşıladılar və ordan ayrıldım. Sabah (bu gün) rəsmən “Xəzər”də icraçı direktor kimi fəaliyyətə başlayacam. Dediyim kimi, planlar, hədəflər böyükdü. “Şüvəlan”dan fərqli, burda çox iş var. Gərək sıfırdan başlayıb bir klub quraq. Görüləsi işlər həddən artıqdı. Amma mən bu işə böyük istək, həvəs və zövqlə başlayıram. Bura artıq elə bir yerdi ki, gərək bütün bacarıq, ideya, bir sözlə, əlindən gələni əsirgəməyəsən. Çünki bizə sanki bir yol açılıb, futboldakı idarəçilikdə nəyə qadir olduğumuzu göstərməliyik. Futbol haqda hamı danışır, ancaq bu ağır sahədi. Orda nəsə qurmaq, yaratmaq çox çətindi. “Xəzər” də sıfırdan yaradılan klubdu. Burda çox şey qurmalıyıq. Harda olmuşamsa, bir sıra məsələlərə diqqət yetirmişəm. İstər akademiyanın qurulması, istər infrastrukturun yaradılması, istərsə də komandanın güclənməsi olsun. Bu işlərlə ciddi şəkildə məşğul olacağıq. Təbii, elə məsələlər var, birdən-birə olmur, zaman lazım gəlir. Odu ki, səbirlə yanaşmaq, bu işləri zamanla görmək lazımdı. Əlimdən gələni edəcəyimə inanıram. Rəhbərlik də bu işdə mənə güvənir. Həm insan kimi necə biri olduğumu, həm də işimə necə yanaşdığımı bilirlər. Eləcə də futbol funksioneri kimi mənim burda öz bacarığımı ortaya qoymağımı və təcrübə qazanmağımı çox istəyirlər. Mən də bu işdə varam”.
Emin bəy “Şüvəlan”nı hansısa narazılıq üzündən tərk etmədiyini söylədi: “Şüvəlan”da hər hansı problem yaşamağımdan söhbət gedə bilməz. İstər işimdə, istərsə də həyatda elə insanam ki, hamıya hörmətlə yanaşıram. Sadəcə, bilirsiz, “Xəzər”i nəyə bənzədirəm? 2007-ci ildə “Xəzər” telekanalına gedəndə Ceyhun Rzayev mənə deyirdi ki, gəl bu işi sıfırdan quraq, burda heç nə yoxdu. Bura yenidən yaranır və nə vaxtsa yeni səviyyəyə qalxsa, artıq sırf bizim zəhmətimizin bəhrəsi olacaq. İllər keçdi, orda nəsə yarandısa, bizim əməyimizin nəticəsidi. Bu illər ərzində nəsə qurduq, yaratdıq. Orda olmasam da, “Futbol saatı”na baxanda çox sevinirdim ki, insanlar baxır, auditoriya toplaya bilib. Çünki Azərbaycanda belə bir futbol verilişi yaratmışdıq. Əlimizdən gələn şəkildə bir məhsul ortaya qoyduq. Kimin üçün isə ideal olmaya bilər, ancaq futbol aləmində yeni bir ideya idi. Bu üzdən “Xəzər” klubu da mənə əhəmiyyətli gəlir. Belə ki, burda bütün ideyalarımı gerçəkləşdirmək üçün imkan var. Hər şeyi sıfırdan qururam. Elə bil buranın, belə deyim, yaradıcısı, qurucusu olmaq fürsətim var. Əlbəttə, rəhbərliyin də bu məsələlərə öz baxışı var, onlar da müəyyən istəklərini ortaya qoyacaqlar, tələbləri də olacaq. Bu da normaldı. Amma ən azı bir icarçı kimi mənim də öz əməyim olacaq. Elə buna görə də bu iş mənə çox cəlbedici gəlir. “Şüvəlan” formalaşmış bir klubdu, onu idarə etmək lazımdı. “Xəzər”də isə qurmaq lazımdı və bu mənə çox maraqlıdı. İnsanlar var, qərar verəndə çox şeyi nəzərə alırlar. Tutaq ki, düşünürlər “5 ay burdayam, keçim o biri kluba, sonra kənardan nə deyərlər”. Lakin mənim həyata baxışım bir az fərqlidi. Harda mənə cəlbedicidisə, uyğundusa, harda daha lazımlıyamsa və ideyalarımı da gerçəkləşdirə bilərəmsə, orda olmağı üstün tuturam. Ona görə də “Xəzər” variantı ürəyimcə oldu. Təbii, götür-qoy etdim, məsləhətləşdim. Hamı normal qarşıladı. Çalışacam ki, burda keyfiyyətli bir iş qurum. İşin içində olmayanlar üçün kənardan asan gəlir. Həvəsli və ümidliyəm. Bütün bacarığımı bura xərcləyəcəm”.
Görəsən, Abbasov “CBC Sport”la əməkdaşlığı davam etdirəcək? Həmkarımızı dinləyək: “Demək olar, son vaxtlar “CBC Sport”da şərhlərdə yoxam. “Şüvəlan”a keçəndən sonra onsuz da ölkə çempionatının oyunlarını şərh etmirdim. Xarici çempionatlarda bu işi görürdüm. Ancaq son vaxtlar işimin çoxluğundan şərhlərə qatılmıram. Ekspert kimi verilişlərə hərdən dəvət alıram. Hələ ki “CBC Sport”dakı fəaliyyətim bundan ibarətdi. O da tez-tez yox, ayda bir-iki dəfə olur. Buna da rəhbərlik tərəfindən elə bir etiraz yoxdu. Orda da futboldan danışırıq, bu sahənin içindəyik. “Xəzər” premyer-liqaya vəsiqə qazansa, yəqin ki, onu da etməyəcəm. Hazırda isə birinci divizion premyer-liqadakı mübarizədən kənarda olduğundan, ekspert qismində danışmaqda problem yoxdu”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür 9-12-2018, 14:12 Yığma üçün yoxlama oyunları planlaşdırılmayıb 9-12-2018, 14:10 “Neftçi” üç yoxlama oyunu planlaşdırıb 9-12-2018, 13:55 Mikayıl Nərimanoğlu yeni işdə 9-12-2018, 13:54 Ölkə xaricində çıxış edənlər Vüqar Məmmədin dəvətini qəbul etmir 9-12-2018, 13:42 Lider autsayderlərə rəhm etmədi, "Şərq" oyuna gəlmədi 9-12-2018, 13:40 İlk dueli “Xəzər Cənub” qazandı 9-12-2018, 13:38 2018-in son turunda “qütblərarası savaş” 9-12-2018, 13:32 Baş məşqçilər uçurumun səbəblərini açıqladı 9-12-2018, 13:30 “Birincilər” bu dəfə də 1/8-dən “sağ çıxmadı” 9-12-2018, 13:19 Limit dəyişdirilsə, Rəhman bombardir olacaq 9-12-2018, 13:13 “Qəbələ”nin iki rəqibi məlumdu 9-12-2018, 13:12 “Qarabağ” oteli dəyişdi 9-12-2018, 13:10 “Frans Futbol”un seçiminə fərqli yanaşma 9-12-2018, 13:06 İki klubumuz eyni oteldə qalacaq 8-12-2018, 01:42 Ağır Atletika Akademiyasında üç saat 8-12-2018, 01:33 U-19 üç gündə iki oyuna çıxacaq 8-12-2018, 01:32 Derbini "Araz" qazandı, "Neftçi" üçüncü pilləyə gerilədi 8-12-2018, 01:31 “Sumqayıt” məşqçilərini “Altınordu”ya göndərir 7-12-2018, 22:45 Avropa Liqasında noyabr ayının qalibi açıqlandı 7-12-2018, 17:21 Ozobiç yığmamızı xorvatlar üçün incələdi 5-12-2018, 13:22 “Red Black Army” 3 yaşını qeyd etdi 5-12-2018, 13:21 Bakı İdman Sarayında zirvə savaşı 5-12-2018, 13:18 “Alyans” zirvədə möhkəmləndi 5-12-2018, 13:15 UEFA zəiflər üçün yeni turnir yaradır 5-12-2018, 13:12 "Atletiko Baku" "Ajara Cup 2018"də qalib oldu 5-12-2018, 13:05 Yığmanı gözləyən 8 ay 5-12-2018, 13:02 Slovakiyalılar iddalı və ehtiyatlıdı 5-12-2018, 12:59 Tounkara: “İnanıram ki, layiq olduğumuz yeri tutacağıq” 5-12-2018, 12:56 Sənan Qurbanov Adeniyinin yoxluğunu qabartdı 5-12-2018, 12:53 Qəbələdə iki günə qol vurulmadı 5-12-2018, 12:51 Tərlan Əhmədov hamıdan narazı qalıb 5-12-2018, 12:49 “Qarabağ” “Sportinq”in acığını “Keşlə”dən çıxdı 5-12-2018, 12:47 “Olimpik Star”da başladı, Bakı İdman Sarayında bitəcək 5-12-2018, 12:45 Qurban Qurbanovun oğlu növbəti qolunu sabiq komandasına vurdu 5-12-2018, 12:44 Gələcəyə hesablanmış layihə 5-12-2018, 12:42 “Zirə”nin şikayəti rədd olundu 5-12-2018, 12:41 Olaylar və qollar ilə zəngin nəhs tur 3-12-2018, 22:17 Yığmamız 5 komandalı, DÇ-nin finalçısının yer aldığı qrupda! 3-12-2018, 22:11 Dabo simulyasiya etmədiyini deyir 3-12-2018, 22:07 “Əlincə savaşı”nı “Neftçi” qazandı 3-12-2018, 22:04 U-19 – 9:1! 3-12-2018, 21:54 “Neftçi” hakimdən şikayət etdi 3-12-2018, 21:53 “Əlincə Arena”da 150-yə yaxın oturacaq sındırılıb 3-12-2018, 21:51 "Neftçi" bəyanat yaydı, azarkeşlərinə səsləndi 3-12-2018, 21:49 PFL-dən yeni dəb: çempionat xeyir-şər liqasına çevrilir! 3-12-2018, 21:48 “Sumqayıt” “yuva”ya dönüşünü qələbə ilə “yudu” 3-12-2018, 21:32 Həftənin idman proqramı 3-12-2018, 21:31 “Sumqayıt” ölkə xaricində çıxış edən üç azərbaycanlı ilə maraqlanır 3-12-2018, 21:29 Şəhriyar mövqeyini qorudu 3-12-2018, 21:28 AMADA-dan növbəti cəzalar 3-12-2018, 21:26 Yığma 8-ci, Eltac birinci oldu 3-12-2018, 21:25 Qəbələ dumana “təslim oldu” 3-12-2018, 21:22 BKFF payız-yaz birinciliyinə start verir 3-12-2018, 21:21 “Qarabağ” 10 milyona yaxın qazanıb 3-12-2018, 21:18 Dəniz Yılmaz coşdu Bütün xəbərlər
Ən çox oxunanlar