Divizionun kisəsindən 200 manat çıxdı

Dünən AFFA İntizam Komitəsinin (İK) növbəti iclası baş keçirilib. Budəfəki iclasda divizionun 2-ci turunda yaşanan qayda pozuntuları müzakirə olunub.
“Turan Tovuz” üzərində qələbə “Xəzər”ə 80 manata başa gəlib. Debütantın dörd futbolçusu sarı vərəqə ilə cəzalanıb ki, bu da “40-cı maddə”nin tətbiqinə yol açıb. “Şüvəlan”a uduzan “Ağsu” da eyni aqibəti yaşayıb. Paytaxt təmsilçisi də cəzaya məruz qalıb. Belə ki, 79-cu dəqiqədə ikinci xəbərdarlıqdan sonra meydandan kənarlaşdırılan “Şüvəlan”lı Vadim Abdullayev növbəti turu buraxacaq. Onun “qırmızı”sı kluba 20 manat ziyan vurub. “Mil-Muğan” – “Binə” matçının 3-cü uzatma dəqiqəsində komandasını azlıqda qoyan qonaqlardan Kamil Hüseynov da canını minimum cəza (1 oyun, 20 manat cərimə) ilə qurtarıb.
Beləliklə, divizionda son turda başverənlərə görə klublara cəmi 200 manat cərimə kəsilib. Nəticədə mövsümün əvvəlindən cərimə sanksiyaları üzrə nəzərdə tutulan məbləğ 19720 manata çatıb.