27 avq 17:49divizion

Arif Əsədov 60-dan çox futbolçunu sınaqdan keçirib

Arif Əsədov 60-dan çox futbolçunu sınaqdan keçirib
“Bizim Təhsil Nazirliyi kimi dayağımız var”
Hələ ki birinci divizionda iştirak edəcək komandaların sayı tam dəqiqləşməyib. Yeni komandalar – “Binə, “Göyçə” və “Vətə”nin aşağı dəstədə oynayacağı isə məlumdu. İlk ikisinin hazırlığıyla bağlı ötən saylarımızda ətraflı məlumat vermişdik. “Vətən” isə cəmi 5 gündü toplaşıb. Təhsil Nazirliyinin nəzdində fəaliyyət göstərən "Vətən" Respublika İxtisaslaşdırılmış Olimpiya Ehtiyatları Uşaq-Gənclər Futbol Məktəbinin bazasında yaradılıb. Bildiyiniz kimi, “Vətən”in aşağı yaş qrupları üzrə komandaları uğurlu çıxış edir. Əsas komandanın baş məşqçisi isə Arif Əsədovdu. Klubun birinci divizionda iştirak edəcəyi bu yaxınlarda bilinsə də, artıq “Vətən” bir yoxlama görüşündə də qüvvəsini sınayıb. Komanda aşağı dəstədə çempionluğu hədəfləyən MOİK-lə qarşılaşıb və 1:2 hesabı ilə məğlub olub. “Vətən” bir araya gec gəldiyinə görə mövsümün ilk oyunlarında çətinlik çəkəcəyi bəllidi. Çünki qısa müddət ərzində heyəti formalaşdırmaq hətta Əsədov kimi təcrübəli mütəxəssis üçün də çətin olacaq. Amma Arif bəyin bu vəzifənin öhdəsindən gələcəyinə şübhəmiz yoxdu. Odu ki, “Vətən”in heyəti, hazırlığı, ev oyunlarını harda keçirəcəyi və başqa məsələlər haqda çalışdırıcıyla danışmağı lazım bildik.
- Arif bəy, yayılan məlumata görə, artıq komandanı yığmısız.
- Hələ heyəti tam yığmamışıq. Futbolçular cəlb etməkdə davam edirik. Komandanın cəmi 50 faizi formalaşdırılıb. Qarşıdakı günlərdə bu prosesi yekunlaşdırmaq istəyirik.
- Düşərgədə neçə futbolçu var?
- Bilirsiz ki, cəmi 5 gündü yığışmışıq. Düşərgəyə gəlib-gedənlər həddən artıq çoxdu. Təxminən 60 nəfərdən çox oyunçunu baxışdan keçirmişik. Onlar arasında ələk-vələk etmişik. Dünən 12 oyunçunu saxlamağı qərara aldıq. Bunlar bizi qane edən futbolçulardı. Lakin onların da hamısının “Vətən”də qalacağı 100 faiz dəqiq deyil. Çünki seçimlər davam edir. Gördüklərimizin ən yaxşılarını saxlayacağıq.
- Belə çıxır ki, birinci divizionda iştirakınız tam dəqiqləşib.
- Bəli, bütün planlarımızı buna uyğun qurmuşuq. PFL birinci divizionda iştirakımıza razılıq verib. Bank təminatı və bütün başqalazımi sənədlər quruma təqdim edilib. Bu işlərlə rəhbərlik məşğul olur. Bilirsiz ki, bizim klub Təhsil Nazirliyinin nəzdindədi. Özüm də nazirlikdə görüşdə olmuşam, bütün detalları müzakirə etmişəm. Bu işlər yuxarı instansiyalar səviyyəsində görülür.
- Heyətdə premyer-liqa təcrübəsi olanlar varmı?
- Bəli, əvvəllər premyer-liqada oynamış bir neçə oyunçumuz var. Lakin hazırki durumları bizi qane etmir. Çünki uzun müddətdi məşqsiz qalıblar. Formalarının bünövrələri belə yoxdu. Bizdə də vaxt sıxlığı var. Çempionatın başlamasına çox az qalıb. Düşünürəm ki, çempionatın əvvəlləri bizim üçün çətin olacaq. Birhəftəlik təlim-məşq toplanışında çalışacağıq ki, heyəti heç olmasa, ayağa qaldıraq. Fiziki və texniki çatışmazlıqları taktiki gedişlərlə kompensasiya etməliyik. Yoxsa birinci dövrədə xeyli əziyyət çəkərik.
- Yəqin ki, istədiyiniz oyunçuları cəlb etməyə limit də mane olur.
- Bəli, bu məsələ də var. Amma mənim “Vətən”də olduğumu eşidib komandaya gəlmək istəyənlər çoxdu. Mən də lazım olanları saxlayıram. Bir sözlə, hər şeyə diqqət edirik.
- Vaqif Cavadov, Ruslan Əmircanov kimi oyunçular klubsuz qalıb. Hansısa təklif və ya maraq olubmu bu futbolçulara?
- Adını çəkdiklərin yaxşı oyunçulardı. Amma onlarla maraqlanmamışıq, təklif göndərməmişik. Bilirsiz, bizdə futbolçuların yaş məsələsi də var. Əsasən istəyirik cavanlara daha çox şans verək, onları üzə çıxaraq.
- Heyətdə “Vətən”in akademiyasından uşaqlar varmı?
- Var. Təəssüf ki, sayları çox deyil. “Vətən”in U-17 və U-19 komandaları var. “Vətən”in birinci dəstədə oynayacağı bilinmədiyindən, ötən mövsümün sonunda gənc oyunçuların çoxu “Səbail”ə verilib. Demək olar ki, hamısının müqavilələri var. Onları geri qaytarmaqda çətinlik çəkirik.
- Kimisə qaytara bilmisiz?
- İstədiklərimizi qaytara bilmirik. Orda yaxşı uşaqlar var. Amma hamısı müqavilə ilə çıxış edir. Bilirik ki, “Səbail” onları buraxmaz. Kiçik zədə ilə bağlı problemi olanları isə geri qaytarırıq ki, heç olmasa, komandaya uyğunlaşsınlar, müəyyən vaxtdan sonra bizə kömək etsinlər.
- Yaxşı olardı ki, “Vətən”in birinci divizionda iştirak edəcəyi yayın ortalarında bilinərdi. Bu halda işiniz daha rahat olardı…
- Təbii ki, biz də bunu istərdik. Heç olmasa, iki ay əvvəl bilsəydik, yaxşı olardı. Seleksiya işləri görərdik və heyəti yığandan sonra təlim-məşq toplanışı keçərdik. Hər şey planlı şəkildə olacaqdı. Lakin indi vəziyyət elədi ki, çempionata az qalıb, futbolçuları da yükləmək olmur. İndi hər detala fikir verib, az-az artırmaq, kompleks şəkildə çalışmaq lazımdı.
- Komanda lazımi inventarla təmin olunub?
- Bəli, hər şeyimiz var. Bütün inventarlarla təmin olunmuşuq. Sentyabrın 4-də toplanışa başlayacağıq. Həmin toplanışda maksumum gücümüzü ortaya qoyub, komandanı formalaşdırmalıyıq.
- Komanda ev oyunlarını harda keçirəcək?
- Hələ dəqiq deyil. Danışıqlar davam edir. Rəhbərlik bu işlə məşğul olur. “Bakı”nın bazasına köçəcəyimiz haqda yayılan məlumatlar doğru deyil. Amma bu variantlardan biri ola bilər. Hazırda məşqlərimizi “Vətən”in akademiyasında keçirik. Toplanışa kimi stadion da bəlli olacaq.
- MOİK-ə qarşı yoxlama oyunu haqda nə deyə bilərsiz?
- Dediyim kimi, bəzi mövqelər üzrə futbolçuları artıq dəqiqləşdirmişik. Çox hissəsi qalıb. Komandada saxladığım futbolçular etimadımı doğrultdular. 5 günün komandasıdı. Heç kim normal məşq etməyib. Hazır deyillər. Sadəcə, oyunçularla fərdi söhbətlər etmişik, lövhə ilə sistemi anlatmağa çalışmışıq. Bütün bunları nəzərə alsaq, MOİK-ə qarşı ilk yarıda yaxşı oynadıq. Bilirsiz ki, onlar artıq formalaşmış komandadı. Bir neçə vaxtdı məşq edir, yoxlama oyunları keçirirlər. İkinci yarıda isə dəyişikliklər etdik. 10 dəqiqədən bir baxışa gələnləri yoxladıq.
- Klubu konkret Təhsil Nazirliyi aliyyələşdirir, yoxsa əlavə sponsor da var?
- Bu suala dəqiq cavab verə bilmərəm. Çünki mənə uyğun deyil. Dediyim kimi, nazirlik tərəfindən bizə büdcə ayrılıb və ona uyğun hərəkət edirik. Mənim işim komanda yığmaqdı. Normal heyət formalaşdırmalı, təlim-məşq toplanışı keçməliyəm.
- Büdcə təxminən nə qədər olacaq?
- Rəqəmi söyləyə bilmərəm. Birinci divizion klubu üçün yaxşı büdcəmiz var. Məni qane edir. Digər komandalarda necə, bizdə də elə. Bir məsələ də var ki, büdcənin sabitliyi baxımından problem yaşamayacağıq. Bizim Təhsil Nazirliyi kimi dayağımız var. Bu çox vacib məqamdı. Həm məşqçi, həm də futbolçular üçün. Maliyyə az olsun, amma vaxtında olsun.
- Birinci divizionda komandanın əsas məqsədi nə olacaq?
- Bu ilk mövsümümüzdü. Qarşımıza premyer-liqaya çıxmaq və ya ilk “3-lüy”ə düşmək məqsədi qoyulmayıb. Əsas məqsədimiz yaxşı komanda formalaşdırmaq, istedadlı oyunçuları üzə çıxarmaqdı. Gələcəkdə isə hədəflərimiz böyüyəcək. Təbii ki, elitaya çıxmaq məqsədimiz olacaq.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib 13-02-2019, 13:20 “Neftçi”nin bazasında işlər davam etdirilir 13-02-2019, 13:14 “Keşlə” Vaqif Cavadovdan qurtuldu 13-02-2019, 13:11 Almeyda “Qarabağ”dan ayrıldı 13-02-2019, 13:09 “Salam, “Çelsi”, nətərsən?” 13-02-2019, 13:05 Moldova futboluna azarkeşlik edən rus təqaüdçü 13-02-2019, 12:59 Turun statistikası 13-02-2019, 12:56 Turun məşqçisi 13-02-2019, 12:56 Turun oyunçusu 13-02-2019, 12:55 Turun sitatı 13-02-2019, 12:54 Cənub zonasında havaya görə təxirəsalma 13-02-2019, 12:50 Hakimlərin mühakiməsi 13-02-2019, 12:48 “Banişevski kuboku”nda 6 komanda mübarizə aparacaq 13-02-2019, 12:47 “Zirə”dən 6 aylıq icarə və növbəti transfer 13-02-2019, 12:45 Turdan məqamlar 13-02-2019, 12:44 Futzal millimiz apreldə iki ölkəyə səfər edəcək 13-02-2019, 12:43 Balayev üçün rəqiblər bilindi, Paşayev məşqlərə başladı 13-02-2019, 12:42 PFL “Qarabağ”ın müraciətini müsbət cavabladı 12-02-2019, 18:12 Belə oxuculara görə yaşamağa dəyər! 12-02-2019, 18:11 Həftənin idman proqramı 12-02-2019, 18:09 U-19 toplanış ərəfəsində yenildi 12-02-2019, 18:07 Yığmanın potensial baş məşqçisi “kartları açmadı” 12-02-2019, 18:05 Bacarığının sərhədlərini tanıyan, münaqişələrdən qaçan, çılğınlıqdan uzaq, iddiasız biri... 12-02-2019, 18:03 “Qəbələ” şikayət etmək iddiasından çəkildi 12-02-2019, 18:01 Qurban Qurbanov “Sumqayıt”ın iki hücumçu ilə oynayacağını düşünürmüş 12-02-2019, 17:58 “Qarabağ” üçün birgünlük sevinc 12-02-2019, 17:50 “Qəbələ”: bir olsun, pir olsun! 12-02-2019, 17:45 “Kapital Bank Arena”nın qapı torları dəyişdiriləcək 12-02-2019, 17:42 “Forza Neftçi” yubileyini qeyd etdi 12-02-2019, 17:39 Nazarov oynamadı, komandası darmadağın oldu 12-02-2019, 17:34 Liderlər büdrəmədi, “Qəbələ” “üçlüy”ə yaxınlaşdı 12-02-2019, 17:33 Elbrus Məmmədovun ağ yalanı Bütün xəbərlər
Ən çox oxunanlar