25 okt 13:09divizion

“Ağsu”nun futbolçuları AFFA-nın qərarını ədalətsizlik sayır

“Ağsu”nun futbolçuları AFFA-nın qərarını ədalətsizlik sayır
Baş məşqçi isə bunun başqalarına dərs olacağına ümid edir
Son 5 ildə birinci divizionda əksər matçların nəticələrinin əvvəlcədən razılaşdırıldığı haqda çox yazılıb. Hətta 2017-ci ilin qışında məhz “qumar”a görə “Rəvan” və “Şərurspor” çempionatdan uzaqlaşdırıldı, 32 oyunçuya müxtəlif cəzalar verildi. Həyata keçirilən ciddi tədbirlərin nəticə verəcəyini düşünsək də, görünən odu ki, aşağı dəstəni ağuşuna alan “qara yara”nı tam təmizləmək mümkün olmayıb. Hələ də əyri yollarla, asan pul qazanmaq niyyətində olanlar tapılır.
Bazar ertəsi AFFA aşağı dəstədə top qovan daha iki oyunçuya “qırmızı vərəqə” göstərdi. Qurumun nəzdində fəaliyyət göstərən danışılmış oyunlarla bağlı xüsusi komissiyanın və ekspertlərin apardığı araşdırmaya, həmçinin UEFA-dan və assosiasiyaya daxil olan məlumatlara əsasən “Ağsu”nun futbolçuları Elçin Həşimovla Ruslan Mirzəliyevin nəticəsi manipulyasiya olunmuş oyunlarda iştirakı müəyyənləşib. Qeyd olunanları nəzərə alaraq hər iki şəxsin araşdırma başa çatana qədər futboldan uzaqlaşdırlıdığını ötən sayımızda xəbər vermişdik.
Bəs görəsən, cəzalanan futbolçular verilən qərara necə münasibət göstərirlər? Onlar öz günahlarını etriaf edirlər, yoxsa böhtana məruz qaldıqlarını düşünürlər? Bunu bilmək üçün əvvəlcə Elçin Həşimovla danışdıq: “Allaha and olsun ki, mənə qarşı haqsızlıq olub. Bu həftənin birinci günü komandanın 8 futbolçusunu AFFA-ya dəvət edib izahat aldılar. Ordan çıxıb məşqə getdim. Meydana çıxanda uşaqlar belə bir xəbərin yayıldığını dedilər. Əvvəlcə inanmadım, bunu axmaq zarafat kimi qəbul etdim. Lakin sonradan qərarı oxudum və çox pis oldum. Belə insafsızlıq olmaz. Özünüz də yəqin ki, qərarı oxumusuz. Orda əvvəlcə yazılıb ki, guya bizim günahımız olduğu müəyyənləşib. Ardınca isə “araşdırma başa çatana kimi futboldan uzaqlaşdırılıb” qeyd olunub. Bu nə deməkdi? Mən özümdə heç bir günah görmürəm. “Ağsu” yaranan gündən komandadayam. Bir dəfə çempion olmuşuq, iki dəfə mükafatçılar sırasında yer almışıq. Son iki ildə komandanın bir qədər zəifləməsi, nəticələrin yaxşı olmaması, bəzi matçlarda böyük hesabla uduzması o demək deyil ki, kimlərsə bilərəkdən belə edir. Yüksək vəzifədə çalışan heç bir adamım da yoxdu ki, onun vasitəsilə AFFA-nın məmurlarına “çıxsınlar”, günahımın olmadığını onlara başa salsınlar. Günahım sübut olunmadan məni uzaqlaşdırıblar. Ən pisi də odu ki, bu ləkə ömürboyu üstümdə olacaq. Futboldan başqa əlimdən heç nə gəlmir. Fikirləşdirdim ki, karyeramı başa vurandan sonra məşqçi kimi çalışaram. Belə ağır ittihamdan sonra kim məni klubuna işə götürərər, hansı klub rəhbəri adı oyun alğı-satqısında hallanan futbolçunu işlə təmin edər? Bu qərarı verənlər, görəsən, bu haqda düşünüblər? Onlar fikirləşmirlər ki, günahı olmayan birinin az qala gələcəyini məhv edirlər? Yenə sağ olsun “Ağsu” rəhbərliyi ki, belə ağır vaxtda mənə dəstək olur. Qərar açıqlanandan sonra klubun icraçı direktoru, baş məşqçisi mənimlə əlaqə saxlayıb heç yerə buraxmayacaqlarını, mənə inandıqlarını dedilər. İki gündü gözümə yuxu da getmir, ürəyim partlayır. Heç vaxt ağlıma gəlməzdi ki, belə haqsızlığa məruz qalacam”.
Adı “qara siyahı”ya düşən Ruslan Mirzəliyev də bizimlə söhbətdə suçunun olmadığını və adını təmizə çıxarmaq üçün hər vasitəyə əl atacağını bildirdi: “Mənim 21 yaşım var. 10 il “Qarabağ”da olmuşam, U-19-lar arasında Çempionlar Liqasında çıxış etmişəm, yığmaya cəlb olunmuşam. Bu yaşda məni oyun alverində ittiham etmək absurd bir şeydi. AFFA-ya dəvət olunub izahat verənlər arasında mən də var idim. Həmin axşam isə məni futboldan kənarlaşdırdılar. Hətta stadiona girişimə belə qadağa qoyulub. Bu qədər şər və böhtan olmaz. “Ağsu”nun durumu hamıya bəllidi. Komanda doğrudan da zəifdi və buna görə də əksər oyunlarda meydanı məğlub tərk edirik. Bundan yapışıb bizi nədəsə ittiham edirlər. Xəbər çıxandan sonra bütün qohumlar, dost-tanışlar dayanmadan zəng vurub başverənlərlə maraqlanırlar. Biabırçı durum yaranıb. Mən razıyam, AFFA məsələni hüquq-mühafizə orqanları səviyyəsində həll etsin. Prokurorluğa gedib izahat verməyə də hazıram. Bilirəm ki, heç bir təqsirim yoxdu. Dünən (srağagün) komandadaxili iclas oldu. Rəhbərlik sona qədər yanımızda olacağını bildirdi. Onlar da bilirlər ki, nə mənim, nə də Elçinin oyun alğı-satqısı ilə əlaqəsi var”.
Barələrində ciddi ölçü götürülən futbolçular özlərini təqsirli bilməsələr də, “Ağsu”nun baş məşqçisi Zaur Əsədov başverənlərlə bağlı fərqli fikirlər səsləndirməklə yadda qaldı: “Artıq neçə oyun idi ki, bəzi futbolçular eyni səhvlərə yol verirdilər. Hər dəfə də onları əvəzləyib yerlərinə meydana yeni oyunçu buraxırdım. Hətta özlərinə də xəbərdarlıq etmişdim. Bir neçə futbolçuya sərgilədikləri oyuna görə pul cəriməsi kəsiləcəyini də bildirmişdim. Ancaq xeyri yox idi. Bildiyiniz kimi, son iki matçda komandanın 0:4 hesabı ilə uduzması artıq səbrimi daşırdı. Müntəzəm eyni səhvlərə yol verənləri komandadan uzaqlaşdırmaq istəyirdim. Elə alındı ki, AFFA özü bununla bağlı qərar verdi. Futbolçu bir, iki dəfə səhv edərsə, bunu hardasa başa düşmək olar. Ancaq səhvlər sıralandıqca artıq bu şübhə doğurmağa başlayır. Bu gün hər iki oyunçunun işini prokurorluq araşdırır. Yəqin ki, yaxın vaxtlarda onlarla bağlı son qərar açıqlanacaq. Ümid edirəm ki, yaşananlar başqa futbolçulara da dərs olacaq. Kimlər dediklərimizə əməl etməyəcəklər, komandadan qovulacaqlar. Elçinlə Ruslanın sizə nə dediklərini bilmirəm. Hərənin öz fikiri var. Siz məndən başverənlərə münasibət bildirməyimi istədiz. Mən də düşündüyümü sizə dedim”.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
15-11-2019, 13:09 AFFA gecikdi, “Albasete” Eddini buraxmadı 15-11-2019, 13:08 Dadaşlinski Elxan Məmmədova görə ya AFFA-ya, ya da özünə müraciət etməlidi 15-11-2019, 13:07 Samir Abasov İspaniyaya gedir 15-11-2019, 13:03 Giqqz Yurçeviçi qabaqlayacaq, Uelsin itkiləri artır 15-11-2019, 13:02 Emil Balayev mövsümün rəmzi komandasında yer aldı 15-11-2019, 13:00 Bizimkilər yatır, lüksemburqlular axtarır 15-11-2019, 12:59 Ölkə kubokunun yeni mövsümünün püşkü atıldı 15-11-2019, 12:55 “Neftçi” İK də “Araz”ın seriyasını qıra bilmədi 15-11-2019, 12:53 Bir oyunda 18 qol vuruldu 15-11-2019, 12:50 “Mil”in stadion problemi yoluna qoyuldu 15-11-2019, 12:48 Elxan Məmmədovla Firuz Abdulla AFFA-nı gülüş hədəfinə çevirib! 13-11-2019, 11:36 Pedro Enrike “Qarabağ”a qayıda bilər 13-11-2019, 11:34 “İmarət” yubileyini Ağdamda qeyd edəcək 13-11-2019, 11:30 Bordin komandasının məğlubiyyətə layiq olduğunu söylədi 13-11-2019, 11:27 “Keşlə” “Neftçi” ilə yerini dəyişdi 13-11-2019, 11:25 “Qarabağ”: son 4 oyunda 3-cü heç-heçə 13-11-2019, 11:22 “Səbail”i Qəbələdə əzdilər 13-11-2019, 11:18 Emil Balayev əla başladı, pis bitirdi 13-11-2019, 11:16 “Qəbələ” jurnalistləri bir araya gətirdi 13-11-2019, 11:13 Sürprizlər turu 13-11-2019, 11:11 Moldovanın qapıçısı yığmamızı iki dəfə məyus etdi 13-11-2019, 11:07 "6 xallıq oyun”da sumqayıtlılar sevindi 13-11-2019, 11:04 Çempionluq Zaur Axundovun ağlından keçmir 12-11-2019, 14:13 Elnur Şıxəliyev AGİN və AMADA-nın dəstəyinə arxalanır 11-11-2019, 13:35 Zirvə iki gün ərzində ikinci dəfə "əl dəyişdirdi" 11-11-2019, 13:34 Təmkinin xanımı “Neftçi”nin azarkeşidi 11-11-2019, 11:06 “Qarabağ”da heç kim yaxasını kənara çəkməsin! 11-11-2019, 11:05 Emil Balayev Qazaxıstanda əlçatmazdı 11-11-2019, 11:04 Şəhriyar Məmmədyarov “Qarabağ” üçün hər şeyin bitdiyini düşünür 11-11-2019, 11:02 APOEL qələbəni öz ad gününə hədiyyə edib 11-11-2019, 10:59 “Qarabağ”dan izah gəldi 11-11-2019, 10:58 Yurçeviçin siyahısı sual doğurdu 11-11-2019, 10:56 Mütəxəssislər Qurbanovun taktikada Dolla uduzduğunu düşünmürlər 11-11-2019, 10:55 Bizimkilər susur, onlar danışır 11-11-2019, 10:52 Siyasət Əsgərov təcrübəsizliyi və səviyyə fərqini qabartdı 11-11-2019, 10:50 “Ən pis halda pley-offda oynamaqla vəsiqəni qazanmalıyıq” 11-11-2019, 10:48 Kiprin ən böyük idman qəzeti də Geyeni “seçdi” 11-11-2019, 10:47 Dadaşlinski hələ də Elxan Məmmədovu axtarır 8-11-2019, 20:07 Şəhriyarın şok açıqlamasına zəruri sözardı 8-11-2019, 20:06 BBBB… 8-11-2019, 12:41 “Keşlə” 13-cü turda “ASK Arena”ya qayıdacaq 8-11-2019, 12:40 Quba “Şahdağ”ı dağılmaq təhlükəsiylə üz-üzədi 8-11-2019, 12:37 Emil Balayev rəmzi komandada 8-11-2019, 12:35 Rəvan Həmzəzadə “Səbail”in qolunu “yedi” 8-11-2019, 12:32 “Maxi.az” “Sabah”ın akademiyasının sponsoru oldu 8-11-2019, 12:29 İntizam Komitəsi sərt üzünü göstərdi 6-11-2019, 12:25 Yığmamız erməniləri üstələyib “bürünc” qazandı 6-11-2019, 12:22 Mahir Şükürov iş üçün Elxan Məmmədova minnətçi düşüb 6-11-2019, 12:20 Güclü külək “Kapital Bank Arena”ya ziyan vurub 6-11-2019, 12:18 “Sumqayıt” itirdi, “Zirə” qazandı 6-11-2019, 12:15 Çempionatımızda yeni bəhanə: hava şəraiti futbol oynamağa qoymur! 6-11-2019, 12:08 “Sabah” əzmkar qələbə ilə uzun seriyaya son qoydu 6-11-2019, 12:05 İddialılar yola itkisiz davam edirlər 6-11-2019, 12:03 Heç-heçələr turu 6-11-2019, 12:01 “Əlincə”nin cəmi bir komandası qalıb… 6-11-2019, 11:58 APOEL heç-heçə, “F91 Düdelanj” darmadağın etdi 6-11-2019, 11:56 APOEL-də gərginlik davam edir Bütün xəbərlər
Ən çox oxunanlar